ᒨᓯᓯ ᐂᑉᐸᖏᑦ 5:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓴᓇᑎᑦᓯᔨᐅᔪᓪᓕ ᑐᐊᕕᖁᔨᕗᑦ ᐅᖃᕐᓗᑎᒃ, “ᓴᓇᔭᒃᓴᓯ ᐅᓪᓗᒥ ᐱᔭᕇᕐᓯᐅᒃ, ᐃᕕᖕᓂᒃ ᐊᑐᐃᓐᓇᖃᕐᑎᑕᐅᓪᓗᓯ ᐱᓇᓱᐊᕐᓂᕆᕙᓚᐅᕐᑕᑦᓯᑐᑦ.”

ᒨᓯᓯ ᐂᑉᐸᖏᑦ 5:13 Iomraidhean Croise

ᐄᓱᕋᐅᑉ ᐊᒡᓚᖏᑦ 3:4

ᓇᓪᓕᐅᓐᓂᕐᓯᐅᓚᐅᕆᕗᑦ ᑐᐲᓐᓇᕐᒥ ᐃᓂᖃᖃᑕᕐᓂᕕᓂᕐᒥᒃ ᑕᐸᓈᑯᒥᒃ, ᐊᒡᓚᖕᓂ ᐊᒡᓚᐅᑕᐅᓯᒪᓂᖓ ᒪᓕᒃᓗᒍ; ᖃᐅᑕᒫᓪᓗ ᑐᓂᕐᕈᓯᖃᑦᑕᓚᐅᕐᐳᑦ ᐅᓪᓗᒧᑦ ᑐᓂᕐᕈᓯᕆᐊᓕᖕᒥᖕᓂᒃ ᒪᓕᒃᓗᑎᒃ.

ᔫᐱᐅᑉ ᐊᒡᓚᖏᑦ 39:7

ᐃᒡᓗᒐᓮᑦ ᓂᐱᐊᓗᖏᓐᓂᑦ ᐅᖓᓯᒃᑎᑉᐰᑦ; ᓇᓪᓕᐊᓐᓄᓪᓘᓐᓃᑦ ᐊᔪᕆᓴᕐᑕᐅᔪᓐᓇᓐᖏᓚᑦ ᐱᓇᓱᐊᖁᓪᓗᒋᑦ.

ᒨᓯᓯ ᐂᑉᐸᖏᑦ 1:11

ᐊᓱᐃᓛᒃ ᐄᑦᔨᑉᑎᒥᐅᑦ ᐃᓖᔭᕐᓱᐃᔨᓂᒃ ᑎᓕᓯᓚᐅᕐᐳᑦ ᑖᒃᑯᓂᖓ ᐊᒃᓱᐊᓗᒃ ᓴᓇᑎᓪᓗᓂᑦᔪᒃ ᖁᕕᐊᓱᒍᓐᓃᖁᓪᓗᒋᑦ; ᐃᓴᕆᐊᓕᒥᐅᑦ ᐃᒡᓗᒐᓴᒡᔪᐊᓂᒃ ᓴᓇᓚᐅᕐᐳᑦ ᐰᑕᒥᒥᒃ ᕌᒥᓯᓯᒥᒡᓗ ᐊᑎᖃᕐᑐᓂᒃ, ᑖᒃᑯᐊᒃ ᐊᖓᔪᖅᑳᕐᔪᐊᑉ ᐱᖁᑎᒃᑯᕕᒃᓴᕆᔭᖏᒃ.

ᒨᓯᓯ ᐂᑉᐸᖏᑦ 5:11

ᐃᓕᑦᓯᓐᓂᒡᓕ ᓇᖕᒥᓂᖅ, ᕿᓂᕐᓗᓯ ᑲᑎᑦᓯᓗᓯᓗ ᐂᒃᓯᖃᑦᑕᕐᓂᐊᓕᕐᐳᓯ; ᓴᓇᔭᒃᓴᓯᓕ ᒥᑭᒡᓕᒋᐊᕐᑕᐅᓂᐊᓐᖏᓚᑦ ᑍᒫᒃ ᐱᓇᓱᐊᒐᒃᓴᓂᒃ ᐱᑎᑕᐅᒐᓗᐊᕈᑦᓯ.’”

ᒨᓯᓯ ᐂᑉᐸᖏᑦ 5:12

ᑍᒤᒻᒪᑦ ᐃᓄᐃᑦ ᐄᑦᔨᑉᑎᐅᑉ ᓄᓇᖓᓂ ᓇᒧᑐᐃᓐᓇᖅ ᓯᐊᒻᒪᕐᓯᒪᖃᑦᑕᓕᓚᐅᕐᐳᑦ, ᐃᕕᖕᓂᒃ ᐅᔭᕋᓕᐊᕆᔭᒃᓴᓂᒃ ᑲᑎᑦᓯᓇᓱᐊᕐᓗᑎᒃ.

ᒨᓯᓯ ᐂᑉᐸᖏᑦ 5:14

ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ, ᐰᕉᑉ ᓴᓇᑎᑦᓯᔨᖁᑎᖏᑕ ᐱᓇᓱᐊᕐᑕᐅᖁᔭᖏᓐᓂᒃ ᐱᔭᕇᖁᔭᖏᓐᓂᒡᓗ ᑎᓕᔭᐅᓯᒪᔪᑦ, ᐋᓐᓂᕐᓯᕐᑕᐅᕗᑦ, ᐅᖃᐅᑦᔭᐅᓪᓗᑎᒡᓗ, “ᓱᖕᒪᑦ ᐅᓪᓗᒥ ᓯᕗᓂᖓᓂᑐᑦ ᐱᓇᓱᐊᕐᓂᕆᕙᓚᐅᕐᑕᑦᓯᑐᑦ ᐅᔭᕋᓕᐊᕆᔭᕆᐊᖃᕐᑕᑦᓯᓐᓂᒃ ᐱᔭᕇᕐᓯᓯᒪᓐᖏᓚᓰ?”

ᒨᓯᓯ ᐂᑉᐸᖏᑦ 5:6

ᐅᓪᓗᒥᓗ ᑖᑦᓱᒪᓂᑦᓮᓐᓇᖅ ᐰᕉ ᐱᖁᔨᓕᕐᐳᖅ ᓴᓇᑎᑦᓯᔨᐅᔪᓂᒃ ᐊᖓᔪᖅᑳᕆᔭᐅᔪᓂᒡᓗ ᐅᖃᐅᑎᓪᓗᒋᑦ,