ᒨᓯᓯ ᐂᑉᐸᖏᑦ 40:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑕᕝᕙ ᐅᔭᕌᒃ ᒪᕐᕉᒃ ᑎᑎᕋᕐᕕᒋᓯᒪᔫᒃ ᐊᖏᕈᑕᐅᓯᒪᔫᑉ ᐃᒃᓯᕐᕕᖁᑎᖓᓄᑦ ᐴᕐᐰᑦ. ᐃᒃᓯᕐᕕᐅᓪᓗ ᐊᑭᕋᐅᑎᒃᓴᖏᒃ ᑕᑭᔪᑯᑖᒃ ᐃᒃᓯᕐᕕᐅᑉ ᐊᑭᕋᐅᓯᕐᕕᖏᓐᓄᑦ ᓱᓪᓗᓕᖕᓄᑦ ᑲᐅᑎᑎᑉᐰᑦ ᐃᒃᓯᕐᕕᒡᓗ ᒪᑐᖓᓄᑦ ᒪᑐᕚ.

ᒨᓯᓯ ᐂᑉᐸᖏᑦ 40:20 Iomraidhean Croise

ᐊᑕᓃᑦ ᓯᕗᓪᓖᑦ 8:9

ᑖᓐᓇ ᐊᑕᓂᐅᑉ ᐃᒃᓯᕐᕕᖓ ᐃᓗᓕᖃᓚᐅᓐᖏᓚᖅ ᐅᔭᕌᒃ ᒪᕐᕉᒃ ᓵᑦᑐᔮᒃ ᐊᓯᖏᖕᓂᒃ, ᒨᓯᓯᐅᑉ ᐃᓕᓚᐅᕐᑕᖏᖕᓂᒃ ᖃᖅᑲᒥ ᕼᐆᕆᑉᒥ, ᐊᑕᓂᐅᑉ ᐊᖅᑲᕐᕕᒋᓚᐅᕐᑕᖓᓂ ᐃᓴᕆᐊᓕᑎᑦ ᐃᓄᖏᓐᓄᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ.

ᑯᕉᓂᑲ ᓯᕗᓪᓖᑦ 15:3

ᑍᕕᑎᐅᓪᓗ ᐃᓴᕆᐊᓕᒥᐅᓕᒫᑦ ᑲᑎᑎᑦᐰᑦ ᔨᕉᓴᓕᒧᑦ, ᐊᑕᓂᐅᑉ ᐃᒃᓯᕐᕕᖁᑎᖓ ᑎᑭᐅᑦᔭᐅᖁᓪᓗᒍ ᐃᓕᔭᐅᖁᓪᓗᒍᓗ ᐃᓂᖓᓄᑦ, ᐃᓂᒃᓴᓕᐊᕆᓚᐅᕐᑕᒥᓄᑦ.

ᑯᕉᓂᑲ ᐂᑉᐸᖏᑦ 5:10

ᐃᒃᓯᕐᕕᒃ ᐃᓗᓕᖃᓚᐅᓐᖏᓚᖅ ᐱᖁᔧᑦ ᐅᔭᕌᒃ ᒪᕐᕉᒃ ᒨᓯᓯᐅᑉ ᕼᐆᕆᑉᒥ ᐃᓕᓚᐅᕐᑕᖏᒃᑕ ᐊᓯᖏᓐᓂᒃ, ᑖᒃᑯᑎᒎᓇᖅ ᐊᑕᓂᖅ ᐊᖏᖃᑎᖃᓚᐅᕐᒪᑦ ᐃᓴᕆᐊᓕᒥᐅᓂᒃ, ᐄᑦᔨᑉᑎᒥᑦ ᐊᐅᓚᕐᑎᓪᓗᒋᑦ.

ᐃᓐᖏᕈᑎᑦ 40:8

ᐱᔪᒪᔧᑦ ᐱᓇᓱᐊᕐᓗᒍ ᖁᕕᐊᒋᕙᕋ, ᒎᑏᒃ ᐱᖁᔭᑎᓪᓗ ᐆᒻᒪᑎᓐᓃᑉᐳᑦ.

ᒨᓯᓯ ᐂᑉᐸᖏᑦ 16:34

ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ, ᑕᕝᕙ ᐂᕉᓂᐅᑉ ᐃᓕᓚᐅᕐᐹ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓄᑦ, ᑕᕝᕙᓂ ᐱᐅᓕᐊᖑᓯᒪᖁᓪᓗᒍ.

ᒨᓯᓯ ᐂᑉᐸᖏᑦ 26:34

ᑕᕝᕙᓂᓗ ᐃᑦᔪᕐᓁᓐᓂᕐᐹᒥ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᐃᓂᖃᕐᑐᒃᓴᐅᕗᖅ ᒪᑐᓯᒪᓗᓂ.

ᒨᓯᓯ ᐂᑉᐸᖏᑦ 31:18

ᒎᑎᓗ ᒨᓯᓯᒧᑦ ᐅᖃᓪᓚᒌᕋᒥ ᖃᖅᑲᐅᑉ ᓮᓁᑉ ᖄᖓᓂᑦ, ᒨᓯᓯ ᑐᓂᕚ ᐅᔭᕌᖕᓂᒃ ᒪᕐᕉᖕᓂᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒎᑎᐅᑉ ᓇᖕᒥᓂᖅ ᑎᑎᕋᕐᕕᒋᓯᒪᔭᖏᖕᓂᒃ.

ᒨᓯᓯ ᐂᑉᐸᖏᑦ 40:19

ᑕᕝᕙ ᑐᐱᐅᑉ ᓯᓚᑉᐱᐊᖓ ᐃᓯᕕᓕᓚᐅᕐᐹ ᑐᐱᐅᓪᓗ ᓯᓚᓪᓕᕐᐹᒃᓴᖓ ᓯᓚᑉᐱᐊᖅ ᐋᖅᑭᓕᕆᓪᓗᒍ, ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 40:3

ᑕᕝᕗᖓᓗ ᐃᓕᔭᒃᓴᕆᕙᑦ ᐊᖏᕈᑕᐅᓯᒪᔪᕐᑕᓕᐅᑉ ᐃᒃᓯᕐᕕᖁᑎᖓ ᐃᓗᓕᖃᕐᑐᖅ ᐱᖁᔭᓂᒃ ᖁᓕᓂᒃ ᑖᑦᓱᒪᓗ ᐃᒃᓯᕐᕕᐅᑉ ᓯᕗᕌᒍᑦ ᑖᓗᑕᓕᕐᑕᒃᓴᕆᕙᑦ.

ᒫᑎᐅᓯᐅᑉ ᐊᒡᓚᖏᑦ 3:15

ᔩᓱᓯᐅᑉ ᑭᐅᕚ, “ᒫᓐᓇ ᑍᒤᓕᕐᓕ; ᑍᒤᓕᐅᕐᑎᓪᓗᑕ ᐱᕕᒃᓴᖅ ᓇᓪᓕᐅᑎᕗᖅ ᒎᑎᐅᑉ ᐊᑐᕐᑕᐅᖁᔭᖓᓂᒃ.” ᑕᕝᕙ ᔪᐊᓇᓯᐅᑉ ᐊᖏᕐᐹ.

ᕉᒪᒥᐅᓄᑦ 10:4

᙭ᔅᑑᓯ ᐃᓱᓕᑎᑦᓯᖕᒪᑦ ᐱᖁᔧᑦ ᐊᑐᕐᑕᐅᓂᖏᓐᓂᒃ, ᑖᑦᓱᒧᖓ ᐅᒃᐱᕐᓂᖃᕐᑐᓕᒫᑦ ᐃᓗᐊᕐᑑᓂᕋᕐᑕᐅᖁᓪᓗᒋᑦ.

ᕉᒪᒥᐅᓄᑦ 3:25

ᑖᓐᓇ ᒎᑎᐅᑉ ᑐᓂᕚ ᑐᓂᕐᕈᑎᒋᓪᓗᒍ ᑐᖁᖓᒍᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᑖᑦᓱᒧᖓ ᐅᒃᐱᕐᑐᑦ. ᒎᑎ ᑍᒤᓕᐅᓚᐅᕐᐳᖅ ᓈᒻᒪᓈᑦᓯᐊᕐᓂᓂ ᓴᖅᑭᑎᑦᓱᒪᓪᓗᒍ, ᑍᒪᓐᖓᑦ ᕿᓄᐃᓵᕈᑎᒋᓚᐅᕋᒥᒋᑦ ᓯᕗᕐᖓᒍᑦ ᐊᔪᕐᑐᓕᓂᕆᔭᐅᓚᐅᕐᑐᑦ;

ᒨᓯᓯ ᑕᓪᓕᒪᖏᑦ 10:5

ᖃᖅᑲᒦᒌᕋᒪᓕ ᐊᖅᑲᓕᓚᐅᕆᕗᖓ, ᑕᕝᕙ ᐊᑕᓂᐅᑉ ᑍᒫᒃ ᐱᖁᔨᓯᒪᓂᖓ ᒪᓕᒡᓗᒍ, ᐃᒃᓯᕐᕕᖕᒧᑦ ᓴᓇᓚᐅᕐᑕᓐᓄᑦ ᐴᓚᐅᕐᐸᒃᑲ ᑍᒫᓐᖓᓪᓗ ᑕᕝᕙᓃᖏᓐᓇᓕᕐᐳᑦ.”

ᐄᑉᕈᐃᓄᑦ 4:16

ᑍᒤᒻᒪᑦ ᓯᕘᕋᖏᓪᓗᑕ ᐃᒃᓯᕙᐅᑕᕐᔪᐊᖅ ᖃᒡᓕᓕᕐᓚᕗᑦ ᐱᑦᓯᐊᕐᕕᐅᓂᖅ, ᑕᕝᕙᓂ ᓂᑲᒋᔭᐅᖁᓪᓗᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᓪᓗ ᐃᑲᔪᕐᑕᐅᖁᓪᓗᑕ ᐃᑲᔪᕐᑕᐅᔭᕆᐊᖃᕐᓂᕗᑦ ᒪᓕᒡᓗᒍ.

ᐄᑉᕈᐃᓄᑦ 9:4

ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ.

ᔪᐊᓇᓯ ᓯᕗᓪᓖᑦ 2:2

ᑖᓐᓇᓗ ᐊᖅᑯᑎᒃᓴᑑᕗᖅ ᐊᔪᕐᓂᑦᑕ ᐃᓱᒪᒋᔪᓐᓁᕐᑕᐅᑦᔪᑎᒃᓴᖏᓐᓄᑦ, ᐅᕙᒍᑑᖏᑦᑐᕐᓕ ᓯᓚᕐᔪᐊᕐᒥᐅᓪᓕ ᑕᒪᕐᒥᒃ ᐊᔪᕐᓂᖏᑦ ᐱᓪᓗᒋᑦ.