ᒨᓯᓯ ᐂᑉᐸᖏᑦ 40:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᑕᖅᑮᑦ ᓯᕗᓪᓕᕐᐹᖓᑕ ᐅᓪᓗᖏᑕ ᓯᕗᓪᓕᕐᐹᖓᓐᓂ ᑐᐱᖅ ᐊᑕᓂᐅᑉ ᓇᔪᒐᒃᓴᖓ ᓇᑉᐸᕐᑕᒃᓴᕆᕙᑦ.

ᒨᓯᓯ ᐂᑉᐸᖏᑦ 40:2 Iomraidhean Croise

ᑯᕉᓂᑲ ᓯᕗᓪᓖᑦ 17:5

ᐃᓴᕆᐊᓕᒥᐅᑦ ᐊᐅᓪᓚᐅᑎᓚᐅᕐᓯᒪᒐᒃᑭᑦ ᐄᑦᔨᑉᑎᒥᑦ ᐅᓪᓗᒥᒧᑦ ᑎᑭᓪᓗᒍ ᐃᓂᖃᓚᐅᕐᓯᒪᓐᖏᓚᖓ ᐃᒡᓗᒥ, ᐊᐅᓪᓚᖃᑦᑕᓚᐅᕐᐳᖓ ᐃᓂᖃᕐᓗᖓᓗ ᑐᐱᕐᒥ, ᑕᕝᕙᓂᑦᓮᓐᓇᐅᖏᑦᑐᖅ ᐃᓂᖃᖃᑦᑕᕐᓗᖓ.

ᑯᕉᓂᑲ ᐂᑉᐸᖏᑦ 29:3

ᐊᖓᔪᖅᑳᖑᓂᖓᑕ ᐊᕐᕌᒎᑉ ᓯᕗᓪᓕᕐᐹᖓᓂ, ᑕᖅᑭᐅᑉ ᓯᕗᓪᓕᕐᐹᖓᓂ, ᐊᑕᓂᐅᑉ ᐃᒡᓗᖓᑕ ᐅᒃᑯᐊᖏᑦ ᒪᑐᐃᕐᐰᑦ, ᐋᖅᑭᒋᐊᕐᓗᒋᓪᓗ ᓴᓇᕔᑦ.

ᒨᓯᓯ ᐂᑉᐸᖏᑦ 13:4

ᑕᕝᕙᓂ ᐅᓪᓗᒥ ᐊᐅᓪᓚᓚᐅᕐᐳᓯ, ᑕᖅᑭᒥ ᐊᐱᑉᒥᒃ ᐊᑎᓕᖕᒥ.

ᒨᓯᓯ ᐂᑉᐸᖏᑦ 19:1

ᐃᓴᕆᐊᓕᒥᐅᑦ ᑕᖕᒫᕐᓯᒪᕕᒋᔭᑎᒃ ᕌᐱᑎ ᕿᒪᒃᐹᑦ. ᑕᖅᑮᓪᓗ ᐱᖓᔪᐊᑦᑕ ᐅᓪᓗᖏᑕ ᓯᕗᓪᓖᕐᐸᖓᓐᓂ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓯᒪᓂᕆᔭᖓᑦᑕ ᑭᖑᓂᖓᓂ ᖃᖅᑲᐅᑉ ᓮᓁᑉ ᓯᐅᕅᓐᓇᐅᓂᖓᓄᐊᕐᐳᑦ.

ᒨᓯᓯ ᐂᑉᐸᖏᑦ 26:1

“ᑐᐱᓕᐅᕐᑐᒃᓴᐅᕗᑎᑦ ᐃᓗᐊᒍᑦ ᐃᑦᔪᕐᓁᑦᑐᒃᑯᕕᖃᕐᑐᒥᒃ, ᐅᕙᓐᓄᑦ ᐃᓂᒃᓴᐅᖁᓪᓗᒍ ᑖᓐᓇ ᐃᑦᔪᕐᓁᑦᑐᒃᑯᕕᒃ, ᑐᐱᒃᓴᓂᑦ ᖁᒻᒧᑦ 10ᓂᒃ ᓴᓇᓯᒪᓗᓂ ᖃᓪᓗᓈᕐᑕᓕᐊᕆᓯᒪᔪᓂᑦ ᐱᐅᓂᕐᐹᓂᑦ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ; ᑖᒃᑯᐊᓗ ᐊᑐᓂᑦ 10 ᒥᕐᓱᕐᓯᒪᔪᓂᒃ ᑕᕐᓴᓕᐅᕐᑕᐅᓯᒪᔪᒃᓴᐅᕗᑦ ᓯᕈᐲᒻᖑᐊᓂᒃ ᓴᓇᑦᓯᐊᕈᓐᓇᕐᑐᒧᑦ ᓴᓇᔭᐅᓯᒪᔪᓂᒃ ᓴᓇᔪᒃᓴᐅᕗᑎᑦ.

ᒨᓯᓯ ᐂᑉᐸᖏᑦ 26:30

ᑐᐱᕐᓗ ᓇᑉᐸᕐᑎᑕᒃᓴᕆᕙᑦ ᑕᕝᕙᓂ ᖃᖅᑲᒥ ᐃᓕᖕᓄᑦ ᐃᒤᓕᐅᕆᐊᖃᕐᓂᖓᓂᒃ ᖃᐅᔨᑎᑦᓯᑦᔪᑎᒋᓯᒪᔭᕋ ᒪᓕᒡᓗᒍ.

ᒨᓯᓯ ᐂᑉᐸᖏᑦ 26:7

“ᑐᐱᐅᑉ ᓯᓚᑉᐱᐊᒃᓴᖓᓂᒃ ᓴᓇᔪᒃᓴᐅᒋᕗᑎᑦ ᒎᑦᓯᐅᑉ ᒥᖅᑯᕕᓂᖏᓐᓂᒃ ᑐᐱᒃᓴᓕᐊᕆᓯᒪᔪᒥᒃ; ᑖᒃᑯᐊᓗ ᑲᑎᓯᒪᔪᑦ 11ᐅᔪᒃᓴᐅᕗᑦ.

ᒨᓯᓯ ᐂᑉᐸᖏᑦ 27:21

ᑐᐱᕐᒥ ᑲᑎᒪᓕᕐᑎᓪᓗᓯ, ᑖᑦᓱᒪ ᐃᑦᔪᕐᓁᓐᓂᕐᐹᑉ ᐱᖁᔭᓂᒃ ᑎᑎᕋᕐᕕᒋᓯᒪᔪᕐᑕᓕᐅᑉ ᓯᓚᑖᓂ, ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᓇᓂᕈᐊᑦ ᐋᖅᑭᒃᑕᒃᓴᕆᕔᑦ ᐃᑯᐊᓪᓚᒡᓗᒋᓪᓗ ᐊᑕᓂᐅᑉ ᓵᖓᓂ. ᐃᑯᒪᓕᖁᓪᓗᒋᑦ ᐅᓐᓄᒥᑦ ᐅᓪᓛᒧᑦ ᑎᑭᓪᓗᒋᑦ. ᑕᒪᓐᓇᓗ ᐱᖁᔨᑦᔪᑎᒋᔭᕋ ᑍᒪᓐᖓᑦ ᐊᑐᕐᑕᐅᖏᓐᓇᕆᐊᖃᕐᐳᖅ ᐃᓴᕆᐊᓕᒥᐅᓄᑦ ᑭᖑᕚᖏᓐᓄᓪᓗ.”

ᒨᓯᓯ ᐂᑉᐸᖏᑦ 30:36

ᐃᓚᖏᑦ ᑲᑦᔪᒡᓗᒋᑦ ᓯᖃᓪᓕᔭᒃᓴᕆᕙᑎᑦ ᓯᖃᓕᑦᓯᐊᕐᓗᒋᑦ ᐳᔪᕋᕐᑎᑐᑦ, ᑐᐱᕐᒧᐊᕈᑎᔭᒃᓴᕆᕙᑦ ᓇᔪᒐᓐᓄᑦ, ᑲᓐᖓᕐᓲᑎᒋᔭᒃᓴᕆᕙᓪᓗ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓄᑦ. ᑕᒪᑐᒪᓗ ᐃᓯᕐᓗᐊᕐᓂᑎᑕᒃᓴᐅᑉ ᐃᑦᔪᕐᓁᑦᑐᒻᒪᕆᐅᓂᖓ ᐃᒃᐱᒋᔭᒃᓴᕆᕙᑦ.

ᒨᓯᓯ ᐂᑉᐸᖏᑦ 35:11

ᑐᐱᖅ ᓯᓚᑉᐱᐊᖓᓗ, ᓂᒃᓯᖏᓪᓗ ᓯᓇᕐᔪᒃᓯᐅᑎᖏᓪᓗ, ᐃᑳᖓᔪᖏᓪᓗ, ᓇᐸᔪᖏᓪᓗ, ᓇᐸᔪᖏᑕᓗ ᑐᓐᖓᕕᒃᓴᖏᑦ;

ᒨᓯᓯ ᐂᑉᐸᖏᑦ 36:18

ᑲᓐᓄᔭᓂᒃ 50ᓂᒃ ᓂᒃᓯᓕᐅᕆᕗᑦ ᑖᒃᑯᐊᓗ ᑐᐱᐅᑉ ᓯᓚᑉᐱᐊᖓᑕ ᐳᑐᖏᓐᓄᑦ ᐋᖅᑭᒃᑕᐅᓪᓗᑎᒃ, ᑖᒃᑯᐊᒃ ᒪᕐᕉᒃ ᑲᑎᓯᒪᐅᑎᒃᓴᖏᖕᓄᑦ ᐊᑕᐅᓯᐅᓕᓗᓂ ᑐᐱᕐᒧᑦ ᓯᓚᑉᐱᐊᒃᓴᐅᓕᖁᓪᓗᒍ.

ᒨᓯᓯ ᐂᑉᐸᖏᑦ 40:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ,

ᒨᓯᓯ ᐂᑉᐸᖏᑦ 40:6

ᑐᐱᐅᓪᓗ ᐃᑎᕐᑕᕐᕕᖓᑕ ᑐᑭᐊᓄᑦ ᓯᓚᑖᓄᑦ ᑐᓂᕐᕈᓯᕐᕕᒃ ᐃᑯᐊᓚᑦᓯᕕᒃᓴᖅ ᐋᖅᑭᒃᑕᒃᓴᕆᕙᑦ.

ᐃᓯᑭᐊᓕᐅᑉ ᐊᒡᓚᖏᑦ 40:1

ᐊᐅᓪᓚᕈᑦᔭᐅᓯᒪᓂᑦᑕ ᐊᕐᕌᒍᖏᑕ 25ᖓᓐᓂ, ᐊᕐᕌᒎᑉ ᐱᒋᐊᕐᓂᖓᓂ, ᑕᖅᑭᐅᑉ ᐅᓪᓗᒋᑕ 10ᖓᓐᓂ, ᔨᕉᓴᓕᐅᑉ ᓵᓚᐅᓯᒪᓂᖓᑕ ᐊᕐᕌᒍᐃᑦ 14ᖓᓐᓂ, ᐅᓪᓗᒥ ᑕᕝᕙᓂᓪᓗᐊᖅ, ᐊᑕᓂᐅᑉ ᐱᔪᓐᓇᕐᓂᖓᑕ ᓇᔪᓕᕐᐹᖓ,

ᐃᓯᑭᐊᓕᐅᑉ ᐊᒡᓚᖏᑦ 45:18

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᖅᑮᑦ ᓯᕗᓪᓕᕐᐸᖓᓐᓂ, ᐅᓪᓗᖏᑕ ᓯᕗᓪᓕᕐᐹᖓᓐᓂ, ᑐᓂᕐᕈᓯᕐᑐᒃᓴᐅᕗᓯ ᐃᒻᒧᒃᓯᐅᒊᑦ ᐊᖑᓴᓪᓗᖓᓂᒃ ᐃᓅᓱᒃᑐᒥᒃ ᖃᓄᐃᑦᔪᑎᖃᖏᑦᑐᒥᒃ, ᐃᑦᔪᕐᓁᑦᑐᕕᒃ ᐃᑦᔪᕐᓁᑎᑕᐅᖁᓪᓗᒍ.

ᒨᓯᓯ ᓯᑕᒪᖏᑦ 1:1

ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ ᓮᓁᒥ ᐃᓄᖃᖏᑦᑐᒥ, ᑐᐱᕐᔪᐊᕐᒦᑎᓪᓗᒍ ᑲᑎᒪᕕᖕᒥ, ᑕᖅᑭᐅᑉ ᐂᑉᐸᖓᑕ ᐅᓪᓗᖓᑕ ᓯᕗᓪᓕᕐᐹᖓᓂ, ᐊᕐᕌᒍᑉ ᐂᑉᐸᕆᓕᕐᑕᖓᓂ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑎᓪᓗᒋᑦ, ᐃᒫᒃ ᐅᖃᕐᓗᓂ:

ᒨᓯᓯ ᓯᑕᒪᖏᑦ 7:1

ᐱᔪᖃᓚᐅᕐᐳᖅ, ᒨᓯᓯᐅᑉ ᑐᐱᕐᔪᐊᖅ ᐋᖅᑭᒃᓱᕇᕋᒥᐅᒃ, ᑐᒃᓯᐊᕐᓂᒃᑯᑦ ᐅᕐᓱᒧᑦ ᒥᖑᐊᕐᐹ, ᑐᒃᓯᐊᕐᓂᒃᑯᑦ ᐊᑑᑎᒃᓴᖓᓄᑦ ᐃᑦᔪᕐᓁᓕᑎᑉᐹ ᐃᓗᓕᓕᒫᖏᓪᓗ, ᑐᓂᕐᕈᓯᕐᕕᒡᓗ, ᓱᓇᓕᒫᖏᓪᓗ ᐊᑐᕐᑕᐅᔪᒃᓮᑦ; ᐅᕐᓱᒧᑦ ᒥᖑᐊᕐᐰᑦ ᑐᒃᓯᐊᕐᓂᒃᑯᓪᓗ ᐃᑦᔪᕐᓁᓕᑎᓪᓗᒋᑦ.

ᒨᓯᓯ ᓯᑕᒪᖏᑦ 9:1

ᐊᑕᓂᐅᓪᓗ ᒨᓯᓯ ᐅᖃᕐᕕᒋᓚᐅᕐᐹ ᐃᓄᖃᖏᑦᑐᒥ ᓮᓁᒥ, ᑕᖅᑭᐅᑉ ᓯᕗᓪᓕᕐᐹᖓᓂ ᐊᕐᕌᒍᑉ ᐂᑉᐸᖓᓂ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᖓᑦᑕ ᑭᖑᕐᖓᓂ, ᐃᒫ ᐅᖃᕐᓗᓂ:

ᒨᓯᓯ ᓯᑕᒪᖏᑦ 9:15

ᐅᓪᓗᒥ ᑐᐱᕐᔪᐊᑉ ᓇᑉᐸᕐᑕᐅᕕᖓᓂ, ᓄᕗᔭᐅᑉ ᑐᐱᕐᔪᐊᖅ ᐅᓕᓚᐅᕐᐹ, ᑐᐱᖅ ᐊᖏᕈᑎᑕᓕᒃ; ᐅᓐᓄᖕᒥᑦ ᐅᓪᓛᒧᑦ ᑎᑭᓪᓗᒍ ᑐᐱᕐᔪᐊᑉ ᖁᓛᓃᓚᐅᕐᐳᖅ ᑕᐅᑦᑐᖃᕐᓗᓂ ᐃᑯᒪᑎᑐᑦ.