14 ᑕᕝᕙ ᐃᕐᓂᖏᑦ ᕾᖁᔭᒃᓴᕆᒋᕙᑎᑦ ᐊᓐᓄᕌᕐᑎᓪᓗᒋᓪᓗ.
“ᐃᕐᓂᖏᑦᑕᐅᖅ ᑕᕝᕗᓐᖓᕐᑎᓪᓗᒋᑦ ᐅᕕᓂᕈᕐᑎᑕᒃᓴᕆᕙᑎᑦ;
ᑕᕝᕙ ᐂᕉᓂ ᐊᓐᓄᕌᕐᑎᑕᒃᓴᕆᕙᑦ ᐊᓐᓄᕌᓂᒃ ᐃᑦᔪᕐᓁᑦᑐᓂᒃ, ᒥᖑᐊᕐᓗᒍᓗ ᐅᕐᓱᒧᑦ, ᑕᕝᕙ ᑍᒫᒃ ᐃᑦᔪᕐᓁᑎᑕᒃᓴᕆᕙᑦ, ᐅᕙᓐᓂᒃ ᐱᔨᑦᓯᕈᓐᓇᖁᓪᓗᒍ ᑐᓂᕐᕈᓯᕐᑎᑦᓯᔨᐅᓂᕐᒧᑦ.
ᒥᖑᐊᕐᑕᒃᓴᕆᕙᑎᑦ ᑕᕝᕙ, ᐊᑖᑕᖓᑦᑎᑐᑦ, ᐅᕙᓐᓂᒃ ᐱᔨᑦᓯᕈᓐᓇᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᒃᑯᑦ. ᒥᖑᐊᕐᑕᐅᓂᕆᔭᖓᓗ ᑕᒪᓐᓇ ᐊᑑᑎᓂᐊᕐᐳᖅ ᑕᐅᕗᖓᓕᒫᖅ ᑭᖑᕚᖏᓐᓄᑦ ᑎᑭᓪᓗᒍ.”
ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.
ᐂᕉᓂᐅᓪᓗ ᐃᕐᓂᖏᑦ ᓯᕗᒧᐊᒃᑎᑉᐰᑦ, ᐅᕕᓂᕈᕐᑎᓪᓗᒋᓪᓗ ᑕᑭᔪᓂᒃ, ᓯᓕᒃᑐᓂᒡᓗ ᑕᑦᓯᕈᓯᕐᓗᒋᑦ, ᓂᐊᖂᓯᕐᓗᒋᓪᓗ ᑍᒫᒃ ᐊᑕᓂᐅᑉ ᒨᓯᓯ ᐱᖁᖕᒪᒍ.
ᑖᑦᓱᒪ ᐱᑦᑎᐊᕐᓂᖓᑕ ᐱᔪᒃᓇᕐᓯᑎᑎᓂᖓ ᐊᖏᔫᓂᑯᖓᓄᑦ ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᑎᑉᐹᑎᒍᑦ ᐱᑦᑎᐊᕐᕕᐅᓂᕐᒧᑦ ᓮᒻᒪᕐᑎᑕᐅᕙᓪᓕᐊᖏᓐᓇᕐᓗᑕᓗ.
ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.
ᓯᕗᓂᖓᒍᓪᓗ ᓂᕈᐊᕐᓯᒪᔭᓂ ᕾᖁᓚᐅᕆᕔᑦ; ᕾᖁᔭᓂᓗ ᐸᓯᔭᒃᓴᐅᔪᓐᓃᕐᑎᓚᐅᕐᐰᑦ; ᐸᓯᔭᒃᓴᐅᔪᓐᓃᕐᑎᑕᓂᓗ ᓂᕐᑐᕐᓇᕐᓂᕐᒥᓂᒃ ᐃᓚᖏᐅᑎᑎᓚᐅᕆᕔᑦ.
ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;
ᒎᑎ ᓱᖁᓯᔪᐃᑦᑑᖕᒪᑦ, ᕾᖁᔨᓯᒪᔪᖅ ᐃᓕᑦᓯᓐᓂᒃ ᐃᓅᖃᑎᖃᖁᔨᓪᓗᓂ ᐃᕐᓂᖓᓂᒃ, ᔩᓱᓯ ᙭ᔅᑑᓯᒥᒃ ᐊᑕᓂᕐᒥᒃ.
