1 ᐊᑕᓂᖅ ᐅᖃᕐᐳᖅ ᒨᓯᓯᒧᑦ,
ᐊᑕᓂᐅᑉ ᑐᐱᖓ ᑐᓂᕐᕈᓯᕐᕕᒃ ᐆᑕᒃᓴᓄᑦ, ᒨᓯᓯᐅᑉ ᓴᓇᓚᐅᕐᑕᖓ ᐃᓄᖃᔪᐃᑦᑐᒥ, ᐃᑯᐊᓚᑦᓯᓗᓂᓗ ᑐᓂᕐᕈᓯᕐᕕᒃ ᑍᑦᓱᒪᓂᐅᑎᓪᓗᒍ ᓇᑉᐸᕐᑕᐅᓯᒪᓚᐅᕐᒪᑦ ᒋᐱᐅᓂᒥ.
ᒪᑯᓂᖓ ᑐᐱᕐᒥᒃ ᑲᑎᒪᕕᖕᒥᒃ, ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᒃᓴᖓᓂᒃ ᒪᑐᒃᓴᖓᓂᒡᓗ, ᑐᐱᐅᓪᓗ ᐃᓗᐊᓃᑦᑐᒃᓴᓕᒫᑦ ᓱᓇᑐᐃᓐᓇᒃᓴᓕᒫᖏᑦ,
“ᑕᒪᕐᒥᑦᓯᐊᖅ ᓴᓇᔪᓐᓇᑦᓯᐊᕐᑐᑦ ᐃᓕᑦᓯᓐᓃᑦᑐᑦ ᓴᓇᔪᒃᓴᐅᕗᑦ ᑐᐱᐅᑉ ᐃᓗᐊᓃᑦᑐᒃᓴᓕᒫᓂᒃ ᐊᑕᓂᐅᑉ ᓴᓇᔭᐅᖁᓯᒪᔭᖏᓐᓂᒃ:
ᑕᒪᕐᒥᑦᓯᐊᖅ ᓴᓇᔭᐅᔭᕆᐊᓖᑦ ᓴᓇᔭᐅᓪᓗᑎᒃ ᐱᔭᕇᕐᑕᐅᑍᓐᓇᕐᐳᑦ ᑐᐱᐅᑉ ᐃᓗᐊᓃᑦᑐᒃᓴᑦ. ᐃᓴᕆᐊᓕᒥᐅᑦ ᑕᒤᓐᓂᒃ ᓴᓇᓚᐅᕐᐳᑦ ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.
ᒨᓯᓯᐅᓪᓗ ᑕᒪᕐᒥᒃ ᖃᐅᔨᓴᕐᐰᑦ ᑕᑯᓪᓗᒋᓪᓗ ᑍᒫᑦᓯᐊᖅ ᓴᓇᔭᐅᓯᒪᖕᒪᑕ ᐊᑕᓂᐅᑉ ᐱᖁᔨᓂᕆᓚᐅᕐᑕᖓᑐᑦ. ᑍᒤᒻᒪᑦ ᑕᕝᕙ ᒨᓯᓯᐅᑉ ᓮᒻᒪᕐᑎᑉᐰᑦ.
ᑕᕝᕙ ᑕᖅᑭᐅᑉ ᓯᕗᓪᓕᕐᐹᑉ ᐅᓪᓗᖏᑕ ᓯᕗᓪᓕᕐᐹᖓᓂ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᖏᑕ ᐊᕐᕌᒍᖓᑕ ᐂᑉᐸᕆᓕᕐᑕᖓᓂ, ᐊᑕᓂᐅᑉ ᓇᔪᒐᖓ ᑐᐱᖅ ᓇᑉᐸᕐᑕᐅᕗᖅ.
“ᑕᖅᑮᑦ ᓯᕗᓪᓕᕐᐹᖓᑕ ᐅᓪᓗᖏᑕ ᓯᕗᓪᓕᕐᐹᖓᓐᓂ ᑐᐱᖅ ᐊᑕᓂᐅᑉ ᓇᔪᒐᒃᓴᖓ ᓇᑉᐸᕐᑕᒃᓴᕆᕙᑦ.
