ᒨᓯᓯ ᐂᑉᐸᖏᑦ 4:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒎᑎᓗ ᐅᖃᕐᐳᖅ, “ᑕᕝᕙ ᐅᒃᐱᕆᖏᑉᐸᑎᑦ, ᑲᒪᓇᕐᑐᕐᓗ ᑕᒪᓐᓇ ᓯᕗᓪᓕᐅᔪᖅ ᐃᒃᐱᒋᔭᐅᖏᑉᐸᑦ, ᑭᖑᓪᓕᕐᒧᑦ ᓇᓗᓁᒃᑯᑕᕐᒧᑦ ᐅᒃᐱᕈᓱᓕᕋᔭᕐᐳᑦ.

ᒨᓯᓯ ᐂᑉᐸᖏᑦ 4:8 Iomraidhean Croise

ᐊᑕᓃᑦ ᐂᑉᐸᖏᑦ 5:7

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᑎᖅᑲᑦ ᐅᖃᓕᒫᕇᕋᒥᒋᑦ ᐊᓐᓄᕌᓂ ᐊᓕᒃᐰᑦ, ᐅᖃᕐᓗᓂᓗ, “ᒎᑎᐅᒐᒫ? ᑐᖁᑎᑦᓯᓚᐅᕐᓗᖓ ᐆᒻᒪᕐᑎᑦᓯᒃᑲᓐᓂᕈᓐᓇᕐᐳᖔ? ᖃᓄᐃᒻᒪᓂᓐᓇ ᐅᕕᓂᕐᓗᒃᑐᒥᒃ ᐸᕐᑎᕐᑐᒥᒃ ᐋᖅᑭᒃᑕᐅᖁᔨᓪᓗᓂ ᐅᕙᓐᓄᑦ ᑎᓕᓯᕙ? ᑕᑯᒋᑦ ᐅᕙᓐᓄᓂᓐᓇ ᐂᕙᑦᔪᑎᒃᓴᕐᓯᐅᑐᐃᓇᕐᑐᖅ!”

ᔫᐱᐅᑉ ᐊᒡᓚᖏᑦ 5:18

ᒎᑎ ᑭᓕᕐᓯᒍᓂ, ᒪᑦᑐᓯᕐᓯᓲᖑᕗᖅ; ᐊᒡᒐᖕᒥᓄᑦ ᐋᓐᓂᕐᓯᒍᓂ, ᐊᒡᒐᖕᒥᓄᑦᑕᐅᖅ ᐋᖅᑮᓂᐊᕐᐳᖅ.

ᒨᓯᓯ ᐂᑉᐸᖏᑦ 4:28

ᒨᓯᓯᐅᓪᓗ ᐂᕉᓂ ᐅᓂᒃᑲᐅᑎᕚ ᑕᒤᓐᓂᒃ ᐊᑕᓂᐅᑉ ᐅᖃᐅᓯᕆᓚᐅᕐᑕᖏᓐᓂᒃ ᑎᓕᔭᐅᓯᒪᓂᕐᒥᓂᒡᓗ, ᓇᓗᓁᒃᑯᑕᕐᓂᒡᓗ ᐊᑐᖁᔭᐅᓂᕆᔭᒥᓂᒃ ᑕᒤᓐᓂᒃ.

ᒨᓯᓯ ᐂᑉᐸᖏᑦ 4:7

ᑕᕝᕙ ᒎᑎ ᐅᖃᕐᐳᖅ, “ᐊᒡᒐᑎᑦ ᐅᓕᒡᔪᐊᕐᓄᑦ ᐅᑎᕐᑎᓚᐅᕐᒥᒃᑭᑦ.” ᑕᕝᕙ ᐊᒡᒐᓂ ᐅᓕᒡᔪᐊᒥ ᐃᑭᐊᖓᓄᑦ ᐅᑎᕐᑎᒃᑭᕔᑦ, ᐊᒧᒐᒥᒋᓪᓗ, ᑕᑯᒋᑦ ᑕᕝᕙ ᐅᕕᓂᖕᒥᓄᑦ ᐅᑎᑦᓯᐊᕆᕗᑦ.

ᒨᓯᓯ ᐂᑉᐸᖏᑦ 4:9

ᑖᒃᑯᐊᒡᓕ ᓇᓗᓁᒃᑯᑖᒃ ᒪᕐᕉᒃ ᓱᓕ ᐅᒃᐱᕆᖏᑉᐸᒋᑦ ᐅᕝᕙᓗ ᐅᖃᐅᓯᕐᓂᒃ ᓈᓚᖏᑉᐸᑕ, ᑕᕝᕙ ᑰᖕᒥᒃ ᓁᐅᓪᒥᑦ ᖃᓗᓯᓗᑎᑦ ᓄᓇᒧᑦ ᐸᓂᕐᑐᒧᑦ ᑯᕕᓯᓕᕆᑦ; ᑕᕝᕙ ᑕᒪᓐᓇ ᐃᒥᖅ ᖃᓗᓚᐅᕐᑍᑦ ᑰᖕᒥᑦ ᓁᐅᓪᒥᑦ ᐊᐅᓐᖑᕐᓂᐊᕐᐳᖅ ᓄᓇᒥ ᑕᒫᓂ ᐸᓂᕐᑐᒥ.”

ᐂᓮᐊᓯᐅᑉ ᐊᒡᓚᖏᑦ 28:10

ᐊᔪᕆᕐᑐᕋᓱᓕᕐᒪᑎᒍᑦ ᑎᑎᕋᑯᓗᐃᑦ ᐊᑕᐅᓯᐅᓈᕐᑎᕐᓱᒋᑦ, ᐅᖃᕐᓯᒪᓂᖏᓪᓗ ᐊᑐᓃᕐᑕᕐᓗᒋᑦ, ᐊᔪᕆᕐᑐᐃᑦᔪᑎᒃᓴᓪᓗ ᐃᓛᒃᑰᕐᑎᕐᓯᒪᓂᖏᑦ ᒪᓕᑦᓯᐊᕐᓗᒋᑦ.”

ᔪᐊᓇᓯᐅᑉ ᐊᒡᓚᖏᑦ 12:37

ᔩᓱᓯᓕ ᓇᓗᓁᒃᑯᑕᕐᓂᒃ ᐊᒥᓱᓂᒃ ᐱᓇᓱᐊᖃᑦᑕᕋᓗᐊᕐᒪᑦ ᑖᒃᑯᓇᓂ, ᔩᓱᓯᒧᑦ ᐅᒃᐱᓕᓚᐅᓐᖏᓚᑦ;

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᐃᓗᐊᕐᓮᔩᑦ ᐊᒡᓚᖏᑦ 6:17

ᒋᑎᐅᓂᐅᑉ ᐅᖃᐅᑎᕚ, “ᖁᕕᐊᒋᒍᕕᖓ, ᓇᓗᓁᒃᑯᑕᕐᒥᒃ ᑐᓂᓯᕕᒋᓚᐅᓐᖓ ᐃᕝᕕᓪᓚᕆᐅᖕᒪᖔᕐᐱᑦ ᐊᑕᓃᖅ.