ᒨᓯᓯ ᐂᑉᐸᖏᑦ 4:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐅᖃᐅᑎᕙᒋᓪᓗ, ᐃᕐᓂᕋ ᐊᐅᓪᓚᕈᓐᓇᕐᑎᓚᐅᕈᒃ ᐱᔨᑦᓯᕈᓐᓇᖁᓪᓗᒍ ᐅᕙᓐᓂᒃ. ᐊᐅᓪᓚᖁᓂᐊᖏᒃᑯᕕᐅᒃ, ᑕᕝᕙ ᐊᖓᔪᒃᓯᕐᐹᖁᑏᑦ ᐃᕐᓃᑦ ᑐᖁᑎᓐᓂᐊᕐᐸᕋ.’”

ᒨᓯᓯ ᐂᑉᐸᖏᑦ 4:23 Iomraidhean Croise

ᐃᓐᖏᕈᑎᑦ 105:36

ᐃᕐᓂᐊᕆᔭᐅᖅᑳᕐᓯᒪᔪᓕᒫᑦ ᓄᓇᖏᓐᓂ ᓄᖑᑕᐅᓚᐅᕆᕗᑦ, ᓲᖑᑦᔪᑎᒃᓴᖏᑕ ᓯᕗᓪᓕᕐᐸᐅᔪᖁᑎᓕᒫᖏᑦ.

ᐃᓐᖏᕈᑎᑦ 135:8

ᑖᑦᓱᒪ ᐃᕐᓂᐊᖑᖅᑳᕐᓯᒪᔪᑦ ᑐᖁᑎᓚᐅᕐᐰᑦ ᐄᑦᔨᑉᑎᒥ, ᑕᒪᕐᒥᒃ ᐃᓄᐃᓪᓗ ᓂᕐᔪᑎᓪᓗ;

ᐃᓐᖏᕈᑎᑦ 136:10

ᐄᑦᔨᑉᑎᒥ ᑐᖁᑎᑦᓯᓚᐅᕐᑐᖅ ᐃᕐᓂᐊᕆᔭᐅᖄᕐᓯᒪᔪᓂᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 78:51

ᐃᕐᓂᐊᖑᖅᑳᕐᓯᒪᔪᑦ ᐃᕐᓂᖏᑦ ᐄᑦᔨᑉᑎᒥ ᑐᖁᕋᓚᐅᕐᐰᑦ, ᐃᕐᓂᐊᖑᖅᑳᕐᑐᑦ ᓴᓐᖏᔫᑦᔪᑎᒃᓮᑦ ᕼᐋᒥᐅᑉ ᑭᖑᕚᖏᓐᓂ.

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 10:4

ᐃᓄᖁᑎᒃᑲ ᐊᐅᓪᓚᖁᓂᐊᖏᒃᑯᕕᒋᑦ, ᑕᑯᒋᑦ ᖃᐅᒃᐸᑦ ᐱᒡᓕᕐᑕᐅᔮᕐᑐᓂᒃ ᓄᓇᑦᓯᓐᓄᑦ ᑎᑭᑎᑦᓯᓂᐊᕐᐳᖓ.

ᒨᓯᓯ ᐂᑉᐸᖏᑦ 11:5

ᐊᖓᔪᒃᓯᕐᐹᖁᑎᓕᒫᖏᓪᓗ ᐄᑦᔨᑉᑎᒥ ᑐᖁᓂᐊᕐᐳᑦ, ᐊᖓᔪᖅᑳᕐᔪᐊᓪᓗ ᐃᕐᓂᕐᑖᕆᐅᕈᑎᖓ ᑖᓐᓇ ᑭᖑᕝᕕᕐᑎᒃᓴᕆᒐᔭᕐᑕᖓ ᐊᖓᔪᖅᑳᕐᔪᐊᑉ ᐊᒡᓛᑦ ᑐᖁᓂᐊᕆᕗᖅ, ᓯᐊᓛᖑᔪᑦ, ᓱᒃᑯᐃᓪᓗ, ᐊᖓᔪᒃᓯᕐᐹᖁᑎᓕᒫᖏᑦ ᑖᒃᑯᐊ ᓂᐊᖂᔭᒃᓴᓂᒃ ᓯᖁᑦᑎᕆᔨᐅᔪᑦ; ᐃᒻᒧᒃᓯᐅᒊᓪᓗᑦᑕᐅᖅ ᐊᖓᔪᒃᓯᕐᐹᖁᑎᖏᑦ ᑐᖁᓂᐊᕆᕗᑦ.

ᒨᓯᓯ ᐂᑉᐸᖏᑦ 12:29

ᐅᓐᓄᐊᓪᓗᐊᖑᓕᕐᑎᓪᓗᒍ ᐊᑕᓂᐅᑉ ᑐᖁᑎᑉᐰᑦ ᐃᕐᓂᕐᑖᕆᐅᕈᑕᐅᓯᒪᔪᓕᒫᑦ ᐄᑦᔨᑉᑎᒥᐅᓄᑦ. ᐊᖓᔪᖅᑳᕐᔪᐊᑉ ᐃᕐᓂᖓᓂᑦ ᐱᒋᐊᕐᓗᓂ, ᑖᓐᓇ ᐊᖓᔪᖅᑳᕐᔪᐊᑉ ᑭᖑᕝᕕᕐᑎᒃᓴᕆᒐᔭᕐᑕᖓ, ᑎᒍᔭᐅᓯᒪᕕᖕᒦᑦᑐᑦ ᐃᕐᓂᑖᕆᐅᕈᑎᕕᓂᖓᑦ ᑎᑭᓪᓗᒍ. ᐆᒪᔪᓪᓗᑦᑕᐅᖅ ᕿᑐᕐᖓᕐᑖᕆᐅᕈᑎᕕᓂᖏᑦ ᑐᖁᑕᐅᒋᕗᑦ.

ᒨᓯᓯ ᐂᑉᐸᖏᑦ 13:15

ᐰᕉᖅ ᐅᕙᑦᑎᓐᓂᒃ ᐊᐅᓪᓚᖁᔨᖏᑦᑐᐊᓘᑎᓪᓗᒍ, ᐊᑕᓂᐅᑉ ᐄᑦᔨᑉᑎᒥᐅᓂ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᖁᑎᓚᐅᕐᐰᑦ, ᐊᑕᖏᕐᓗᒋᑦ ᐃᓅᒐᓗᐊᕐᐸᑦ ᐆᒪᔫᒐᓗᐊᕐᐸᓪᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ. ᑍᒤᒻᒪᑦ ᐊᑕᓂᕐᒧᑦ ᑐᓂᕐᕈᑎᖃᕐᐳᖓ ᐊᖑᑎᓂ ᐃᕐᓂᐊᖑᖅᑳᕐᓯᒪᔪᓂᒃ; ᑭᓯᐊᓂᓕ ᐃᕐᓂᓐᓂ ᐃᕐᓂᐊᖑᖅᑳᕐᓯᒪᔪᑦ ᑕᐅᕐᓯᐅᑎᓯᒪᕙᒃᑲ.’

ᒨᓯᓯ ᐂᑉᐸᖏᑦ 18:8

ᒨᓯᓯᐅᓪᓗ ᓴᑭᓂ ᐅᓂᒃᑲᐅᑎᓕᕐᐹ ᐊᑕᓂᐅᑉ ᐱᓇᓱᐊᓚᐅᕐᑕᓕᒫᖏᓐᓂᒃ ᐰᕉᒧᑦ ᐄᑦᔨᑉᑎᒥᐅᓄᓪᓗ ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ, ᐅᓂᒃᑲᐅᑎᒋᓪᓗᓂᐅᒡᓗ ᐃᓴᕆᐊᓕᒥᐅᑦ ᖃᓄᖅ ᐅᖁᒤᑦᑐᒃᑰᕐᓯᒪᓂᖏᓐᓂᒃ ᐃᖏᕐᕋᓕᕐᑎᓪᓗᒋᑦ ᖃᓄᕐᓗ ᐊᑕᓂᕐᒧᑦ ᓴᐳᑎᔭᐅᓯᒪᓂᕐᒥᖕᓂᒃ.

ᒨᓯᓯ ᐂᑉᐸᖏᑦ 3:18

“ᐃᓄᖁᑎᒃᑲᓗ ᓈᓚᖕᓂᐊᕐᐳᑦ ᐅᖃᐅᓯᕆᔭᓐᓂᒃ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐱᖃᑎᒋᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄ ᐂᓂᐊᕐᐳᓯ, ᐅᖃᐅᑎᓗᒍᓗ, ᐊᑕᓂᖅ ᐄᑉᕉᒥᐅᑦ ᒎᑎᖓᑦᑕ ᓴᖅᑭᕝᕕᒋᓯᒪᖕᒪᑎᒍᑦ ᐊᐅᓪᓚᕈᓐᓇᕐᑎᑎᒍᑦ ᐃᖏᕐᕋᔭᕆᐊᖃᕋᑦᑕ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ.

ᒨᓯᓯ ᐂᑉᐸᖏᑦ 5:1

ᑕᒪᑐᒪᓕ ᑭᖑᓂᖓᒍᑦ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ ᐅᖃᕐᓗᑎᒡᓗ, “ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᐳᖅ, ‘ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᖁᕕᐊᓱᖃᑎᒌᒡᓗᑎᒃ ᐃᓄᖃᖏᑦᑐᒥ ᓂᕆᖃᑎᒌᒍᓐᓇᖁᓪᓗᒋᑦ ᐱᑦᔪᑎᒋᓗᖓ.’”

ᒨᓯᓯ ᐂᑉᐸᖏᑦ 6:11

“ᐰᕉᒧᑦ ᐅᐸᒍᑎᓕᕆᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐅᖃᐅᑎᓗᒍᓗ ᑖᑦᓱᒪ ᓄᓇᖓᓂᑦ ᐃᓴᕆᐊᓕᒥᐅᑦ ᐊᐅᓪᓚᕐᑎᑕᐅᖁᓪᓗᒋᑦ.”

ᒨᓯᓯ ᐂᑉᐸᖏᑦ 7:16

ᑖᑦᓱᒧᖓᓗ ᐅᖃᕐᑐᒃᓴᐅᕗᑎᑦ, ‘ᐊᑕᓂᐅᑉ ᐄᑉᐳᕈᐃᒃᑯᑦ ᒎᑎᖓᑦᑕ, ᑖᑦᓱᒪ ᐃᓕᖕᓄᑦ ᑎᓕᕚᖓ, ᐅᖃᕆᐊᕐᑐᖁᓪᓗᖓ, “ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐃᓄᖃᖏᑦᑐᒥ ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ; ᑭᓯᐊᓂᓕ ᓱᓕ ᑕᒪᑐᒥᖓ ᓈᓚᓚᐅᓐᖏᓚᑎᑦ.”

ᒨᓯᓯ ᐂᑉᐸᖏᑦ 8:1

ᐊᑕᓂᖅ ᑕᕝᕙ ᐅᖃᕐᐳᖅ ᒨᓯᓯᒧᑦ, “ᐰᕉ ᐅᐸᒡᓗᒍ ᐅᖃᐅᑎᔭᕐᑐᓚᐅᕈᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓄᑦ ᑐᒃᓯᐊᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 8:16

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐂᕉᓂ ᐅᖃᐅᑎᓚᐅᕈᒃ, ‘ᐊᔭᐅᑉᐱᐊᑦ ᐃᓴᐅᑎᓚᐅᕈᒃ ᓄᓇᓗ ᐊᓇᐅᓗᒍ ᑕᒪᑐᒧᖓ, ᐄᑦᔨᑉᑎᓕᒫᑉ ᓄᓇᖓᑕ ᐳᔪᕋᖏᑦ ᒥᓗᒋᐊᓐᖑᖁᓪᓗᒋᑦ.’” {ᑯᒪᓐᖑᖁᓪᓗᒋᑦ.}

ᒨᓯᓯ ᐂᑉᐸᖏᑦ 8:17

ᑕᕝᕙ ᐂᕉᓂᐅᑉ ᐊᔭᐅᑉᐱᐊᓂ ᐃᓴᐅᑎᕚ, ᓄᓇᐅᓪᓗ ᐳᔪᕋᖓᑦ ᐊᓇᐅᕚ ᑕᒪᑐᒧᖓ, ᓄᓇᐅᓪᓗ ᐳᔪᐊᓪᓕᓂᑯᓕᒫᖏᑦ ᒥᓗᒋᐊᓐᖑᕐᐳᑦ {ᑯᒪᓐᖑᕐᐳᑦ} ᐃᓄᐃᓪᓗ ᐆᒪᔪᓪᓗ ᑕᒪᒃᑯᓄᖓ ᑎᑭᑕᐅᓕᕐᐳᑦ; ᓄᓇᐅᓪᓗ ᐳᔪᐊᓪᓕᓂᖁᓕᒫᑦᓯᐊᖏᑦ ᐄᑦᔨᑉᑎᒥ ᒥᓗᒋᐊᓐᖑᕐᐳᑦ. {ᑯᒪᓐᖑᕐᐳᑦ.}

ᒨᓯᓯ ᐂᑉᐸᖏᑦ 8:20

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᖃᐅᒃᐸᑦ ᐅᓪᓛᒻᒪᕆᒃᑯᑦ ᒪᑭᓪᓗᑎᑦ ᐰᕉᒥᒃ ᐅᑕᖅᑭᔭᕐᑐᕐᓂᐊᕐᐳᑎᑦ, ᑰᖕᒧᑦ ᐃᒫᓄᕆᐊᕐᑐᓕᕐᐸᑦ, ᐅᖃᐅᑎᓗᒍᓗ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓄᑦ ᑐᒃᓯᐊᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 9:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐰᕉᒧᐊᓕᕆᑦ ᐅᖃᐅᑎᓗᒍᓗ, ‘ᐊᑕᓂᖅ ᐅᑲᕐᐳᖅ ᐃᒫᒃ, ᐄᑉᕈᐃᑦ ᒎᑎᖓᑦ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐱᔨᑦᓯᕈᓐᓇᖁᓪᓗᒋᑦ ᐅᕙᓐᓂᒃ.

ᒨᓯᓯ ᐂᑉᐸᖏᑦ 9:13

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᖃᐅᒃᐸᑦ ᐅᓪᓛᕌᕐᔪᒃᑯᑦ ᒪᑭᓪᓗᑎᑦ ᐰᕉ ᐅᐸᓛᕐᐸᑦ, ᐅᖃᐅᑎᓗᒍᓗ; ᐊᑕᓂᖅ ᐄᑉᕈᐃᑦ ᒎᑎᖓᑦ ᐃᒫᒃ ᐅᖃᕐᐳᖅ, ‘ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 9:2

ᓱᓕ ᐊᐅᓪᓚᖁᔨᓂᐊᖏᒃᑯᕕᑦ, ᓄᖅᑲᖓᑎᑦᓯᓇᓱᐊᕐᓂᐊᕈᕕᓪᓗ ᑖᒃᑯᓂᖓ,

ᕼᐆᓯᐊᑉ ᐊᒡᓚᖏᑦ 11:1

“ᐃᓴᕆᐊᓕ ᓄᑕᕋᐅᑎᓪᓗᒍ, ᓇᒡᓕᒋᓚᐅᕐᐸᕋ, ᐃᕐᓂᕋ ᐄᑦᔨᑉᑎᒦᑎᓪᓗᒍ ᕾᖁᓚᐅᕐᐸᕋ.