ᒨᓯᓯ ᐂᑉᐸᖏᑦ 4:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑍᒤᒻᒪᑦ ᑍᑯᓐᖓᓕᕆᑦ, ᐅᕙᖓ ᐅᖃᐅᓯᑎᑦ ᐃᓚᒋᓂᐊᕐᐸᒃᑲ ᐊᔪᕆᕐᑐᕐᓂᐊᕐᐸᒋᓪᓗ ᖃᓄᖅ ᐅᖃᕐᑐᒃᓴᐅᖕᒪᖔᕐᐱᑦ.”

ᒨᓯᓯ ᐂᑉᐸᖏᑦ 4:12 Iomraidhean Croise

ᐃᓐᖏᕈᑎᑦ 105:26

ᑖᑦᓱᒪ ᐱᔨᓂ ᒨᓯᓯ ᑎᓕᓚᐅᕐᐹ, ᐂᕉᓂᓗ ᓂᕈᐊᕐᓯᒪᔭᓂ.

ᐃᓐᖏᕈᑎᑦ 143:10

ᐊᔪᕆᕐᑐᓚᐅᓐᖓ ᐱᔪᒪᔭᕐᓂᒃ ᐊᑐᕈᓐᓇᖁᓪᓗᖓ, ᒎᑎᒋᒐᒃᑭᑦ! ᐊᓂᕐᓂᕐᓄᑦ ᐱᐅᔪᒧᑦ ᑕᓯᐅᓚᐅᓐᖓ ᐊᖅᑯᑎᒧᑦ ᓇᖏᐊᕐᓇᖏᑦᑐᒧᑦ.

ᐃᓐᖏᕈᑎᑦ 32:9

ᕿᒧᒃᓯᐅᑎᑎᑐᑦ ᑍᒤᓐᓂᐊᕋᓯ, ᒥᐅᓪᑎᑐᓪᓘᓐᓃᑦ, ᕿᒧᒃᓯᐅᑎᐅᔮᕐᑐᑎᑐᑦ, ᑐᑭᓯᐊᖏᑦᑐᑎᑐᑦ ᐊᐅᓚᑕᐅᔭᕆᐊᖃᕐᑐᑎᑐᑦ ᖃᓂᖓᓄᑦ ᐃᓕᓯᒪᔪᒧᑦ, ᑍᒤᓕᖓᖏᑉᐸᑕ ᐃᓕᖕᓄᑦ ᕾᔪᓐᓇᕋᔭᖏᒻᒪᑕ.

ᒨᓯᓯ ᐂᑉᐸᖏᑦ 3:12

ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”

ᒨᓯᓯ ᐂᑉᐸᖏᑦ 4:13

ᒨᓯᓯᓕ ᐅᖃᕐᐳᖅ, “ᐊᑕᓃᖅ, ᐊᓯᓐᓂᒃ ᑎᓕᓯᖔᓚᐅᕆᑦ.”

ᒨᓯᓯ ᐂᑉᐸᖏᑦ 4:15

ᑖᑦᓱᒧᖓᓗ ᐅᖃᓪᓚᒃᑐᒃᓴᐅᕗᑎᑦ, ᑖᓐᓇ ᐅᖃᐅᓯᖃᕈᓐᓇᖁᓪᓗᒍ ᐅᖃᐅᓯᕆᔭᐅᖁᔭᕐᓂᒃ; ᐅᕙᖓ ᐅᖃᐅᓯᑎᑦ ᐃᓚᒋᓂᐊᕐᐸᒃᑲ, ᑖᑦᓱᒪᓗᑦᑕᐅᖅ ᐅᖃᐅᓯᖏᑦ ᐃᓚᒋᓂᐊᕆᕙᒃᑲ, ᐊᔪᕆᕐᑐᕐᓂᐊᕐᐸᒋᓪᓗ ᖃᓄᐃᓕᐅᕐᑐᒃᓴᐅᖕᒪᖔᕐᐱᑦ.

ᒨᓯᓯ ᐂᑉᐸᖏᑦ 4:16

ᑖᓐᓇᓗ ᐃᓕᖕᓂᒃ ᐃᓇᖐᓗᓂ ᐃᓄᖕᓄᑦ ᐅᖃᓪᓚᖃᑦᑕᕐᓂᐊᕐᐳᖅ; ᑖᓐᓇᓗ ᐃᓕᖕᓄᑦ ᖃᓂᕆᔭᐅᔪᑎᑐᑦ ᑍᒤᓐᓂᐊᕐᐳᖅ, ᑖᑦᓱᒧᖓᓗ ᒎᑎᒋᔭᐅᔪᑎᑐᑦ ᑍᒤᓐᓂᐊᕐᐳᑎᑦ.

ᐂᓮᐊᓯᐅᑉ ᐊᒡᓚᖏᑦ 49:2

ᖃᓂᕋᓗ ᐃᐱᒃᑑᑎᓚᐅᕐᐹ ᓴᕕᒡᔪᐊᑎᑐᑦ, ᐊᒡᒐᖕᒥᓗ ᑕᕐᕋᓕᓂᖓᓄᑦ ᐃᔨᕐᓯᒪᓚᐅᕐᐹᖓ; ᕿᓪᓚᕆᒃᓴᕐᓗᓂᖓᓗ ᖃᕐᔪᑎᑐᑦ, ᖃᕐᔪᖃᐅᑎᒥᓄᓪᓗ ᐴᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 50:4

ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 1:9

ᐊᑕᓂᕐᓗ ᐃᓴᒃᓗᓂ, ᖃᓂᕋ ᐊᒃᑐᕐᐹ, ᐅᖃᕐᓗᓂᓗ, “ᑕᑯᒋᑦ ᐅᖃᐅᓯᒃᑲ ᖃᓂᕐᓄᑦ ᐃᓕᕙᒃᑲ.

ᒨᓯᓯ ᓯᑕᒪᖏᑦ 16:28

ᒨᓯᓯᓗ ᐅᖃᕐᐳᖅ, “ᒫᓐᓇ ᖃᐅᔨᑦᔪᑎᒋᓂᐊᕋᑦᓯᐅᒃ ᐊᑕᓂᐅᑉ ᑎᓕᓚᐅᕐᒪᖓ ᑕᒪᒃᑯᓂᖓ ᐱᓇᓱᐊᖁᓪᓗᖓ, ᓇᖕᒥᓂᖅ ᐃᓱᒪᒋᔭᓐᓂᒃ ᑍᒤᓕᐅᓚᐅᖏᓐᓇᒪ.

ᒫᑯᓯᐅᑉ ᐊᒡᓚᖏᑦ 13:11

ᑎᒍᔭᐅᒍᑦᓯ ᐃᖅᑲᕐᑐᐃᕕᖕᒧᓪᓗ ᐋᑕᐅᒍᑦᓯ, ᐃᓱᒪᔮᕐᓂᐊᕋᓯ ᓯᕗᓂᖓᓂ ᖃᓄᖅ ᐅᖃᕆᐊᖃᕐᓂᐊᕐᒪᖔᑦᓯ; ᐅᖃᐅᓯᖃᕆᑦᓯᓕ ᑕᕝᕙᓂ ᓇᓪᓕᐅᑦᑐᒥ ᐅᖃᐅᓯᒃᓴᕐᑖᕐᑎᑕᐅᓂᕆᔭᑦᓯᓐᓂᒃ, ᓇᖕᒥᓂᖅ ᐅᖃᓪᓚᖏᓐᓇᑦᓯ, ᐊᓂᕐᓂᕐᓕ ᐃᑦᔪᕐᓁᑦᑐᖅ ᐅᖃᓪᓚᒃᐳᖅ.

ᓘᑲᓯᐅᑉ ᐊᒡᓚᖏᑦ 11:1

ᔩᓱᓯᐅᑉ ᐅᐸᒃᑕᓂ ᑎᑭᓇᒥᐅᒃ ᑐᒃᓯᐊᕐᐳᖅ, ᑐᒃᓯᐊᕇᕐᒪᑦ ᐃᓕᓐᓂᐊᕐᑎᖏᑕ ᐃᓚᖓᑦᑕ ᐅᖃᐅᑎᕚ, “ᐊᑕᓃᖅ, ᑐᒃᓯᐊᕐᓂᕐᒥᒃ ᐊᔪᕆᕐᑐᕐᑎᒍᑦ, ᔪᐊᓇᓯᐅᑦᑕᐅᖅ ᐃᓕᓐᓂᐊᕐᑎᓂ ᐊᔪᕆᕐᑐᓚᐅᕐᒪᒋᑦ.”

ᔪᐊᓇᓯᐅᑉ ᐊᒡᓚᖏᑦ 14:26

ᐃᑲᔪᕐᑎᒃᓴᕐᓕ, ᐊᓂᕐᓂᖅ ᐃᑦᔪᕐᓁᑦᑐᖅ, ᐊᑖᑕᐅᑉ ᑎᓕᓛᕐᑕᖓᑕ ᐊᑎᓐᓂ, ᑖᑦᓱᒪ ᐊᔪᕆᕐᑐᕈᒫᕐᐹᓯ ᓱᓇᓕᒫᓂᒃ, ᐃᖅᑬᑎᓪᓗᓯᓗ ᐅᖃᐅᓯᕆᓚᐅᕐᑕᓕᒫᓐᓂᒃ ᐃᓕᑦᓯᓐᓄᑦ.

ᐃᐱᓯᒥᐅᓄᑦ 6:19

ᐅᕙᖓᑦᑕᐅᖅ ᑐᒃᓯᐅᑎᓯᓐᖓ, ᑐᓂᓯᕕᐅᖁᓪᓗᖓ ᐅᖃᐅᓯᒃᓴᒥᒃ ᓯᕘᕋᖏᓪᓗᖓ ᐅᖃᓪᓚᒋᐊᖃᓕᕌᖓᒪ ᐅᖃᐅᓰᑦ ᑐᓴᕈᒥᓇᕐᑐᑦ ᓇᓗᓇᕐᓂᖏᑦ ᓇᓗᓁᕈᓐᓇᕐᓗᒋᑦ.

ᒨᓯᓯ ᑕᓪᓕᒪᖏᑦ 18:18

ᐱᔪᖃᓛᕐᑐᒥᒡᓕ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᒃᑲ ᐃᓕᒃᑐᑦ ᑍᒤᑦᑐᒥᒃ ᐃᓅᖃᑎᓪᓚᕆᖏᓐᓂᑦ ᐱᓯᒪᔪᒥᒃ; ᖃᓂᖓᓄᓪᓗ ᐅᖃᐅᓯᒃᓴᖏᓐᓂᒃ ᐃᓕᓯᔪᒫᕐᐳᖓ, ᐃᓄᖕᓂᒡᓗ ᐅᖃᐅᑦᔨᔪᒫᕐᐳᖅ ᐅᖃᐅᓯᕆᔭᐅᖁᔭᓕᒫᓐᓂᒃ.