ᒨᓯᓯ ᐂᑉᐸᖏᑦ 39:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᓇᓂᕈᐊᓪᓗ ᑐᓐᖓᕕᒃᓴᖏᑦ ᒎᓗᐃᓐᓁᑦ, ᖃᐅᒻᒪᖅᑯᑎᒃᓮᓪᓗ, ᓱᓇᑐᐃᓐᓇᒃᓴᓕᒫᖏᓪᓗ ᑕᒪᕐᒥᒃ; ᓇᓂᕈᐊᒃᓮᓪᓗ, ᓇᓂᕈᐊᓪᓗ ᐅᕐᓱᒃᓴᖏᑦ;

ᒨᓯᓯ ᐂᑉᐸᖏᑦ 39:37 Iomraidhean Croise

ᒨᓯᓯ ᐂᑉᐸᖏᑦ 25:31

“ᓴᓇᔪᒃᓴᐅᕗᑎᑦ ᓇᓂᕈᐊᑉ ᓇᐸᕕᖓᓂᒃ ᒎᓗᐃᓐᓇᐅᓗᒍ. ᐊᓪᓕᕋᖓᓕ ᓇᐸᔪᖓᓗ ᒎᓘᔪᒃᓴᐅᕗᖅ ᑲᐅᒐᕐᓯᒪᓗᓂᓗ ᓴᓇᔭᐅᓯᒪᔪᒃᓴᐅᕗᖅ; ᓇᓂᕈᐊᖃᕐᕕᖓ, ᑕᑯᒥᓇᕐᓴᐅᑎᖏᓪᓗ ᐱᕈᕐᓯᐊᖑᐊᑦ, ᐱᕈᕐᕕᓐᖑᐊᖏᓪᓗ ᐊᑕᐅᓯᕐᒥ ᐃᓗᐃᑦᑑᓗᑎᒃ ᓴᓇᓯᒪᔪᒃᓴᐅᕗᑦ;

ᒨᓯᓯ ᐂᑉᐸᖏᑦ 27:20

“ᐃᓴᕆᐊᓕᒥᐅᑦ ᐱᖁᔭᒃᓴᕆᕙᑎᑦ ᐃᓕᖕᓄᑦ ᕾᑦᓯᖁᓗᒋᑦ ᓇᐹᕐᑑᑉ ᐅᕐᓱᖏᓐᓂᒃ ᐱᐅᓂᕐᐹᓂᒃ ᓇᓂᕈᐊᒧᑦ ᐅᕐᓱᒃᓴᐅᓂᐊᕐᑐᓂᒃ, ᓇᓂᕈᐊᑦ ᐋᖅᑭᒃᓱᕐᑕᐅᔪᓐᓇᖁᓪᓗᒋᑦ ᑍᒪᓐᖓᓪᓗ ᐃᑯᒪᓕᖁᓪᓗᒋᑦ ᑕᕝᕙᓂ.

ᒨᓯᓯ ᐂᑉᐸᖏᑦ 27:21

ᑐᐱᕐᒥ ᑲᑎᒪᓕᕐᑎᓪᓗᓯ, ᑖᑦᓱᒪ ᐃᑦᔪᕐᓁᓐᓂᕐᐹᑉ ᐱᖁᔭᓂᒃ ᑎᑎᕋᕐᕕᒋᓯᒪᔪᕐᑕᓕᐅᑉ ᓯᓚᑖᓂ, ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᓇᓂᕈᐊᑦ ᐋᖅᑭᒃᑕᒃᓴᕆᕔᑦ ᐃᑯᐊᓪᓚᒡᓗᒋᓪᓗ ᐊᑕᓂᐅᑉ ᓵᖓᓂ. ᐃᑯᒪᓕᖁᓪᓗᒋᑦ ᐅᓐᓄᒥᑦ ᐅᓪᓛᒧᑦ ᑎᑭᓪᓗᒋᑦ. ᑕᒪᓐᓇᓗ ᐱᖁᔨᑦᔪᑎᒋᔭᕋ ᑍᒪᓐᖓᑦ ᐊᑐᕐᑕᐅᖏᓐᓇᕆᐊᖃᕐᐳᖅ ᐃᓴᕆᐊᓕᒥᐅᓄᑦ ᑭᖑᕚᖏᓐᓄᓪᓗ.”

ᒨᓯᓯ ᐂᑉᐸᖏᑦ 39:36

ᓵᓗ, ᓂᐅᒃᓴᖏᓪᓗ, ᓱᓇᑐᐃᓐᓇᒃᓴᓕᒫᖏᓪᓗ, ᓂᐊᑰᔭᓪᓗ ᑐᓂᔭᐅᔪᒃᓴᑦ ᒎᑎᒧᑦ;

ᒨᓯᓯ ᐂᑉᐸᖏᑦ 39:38

ᑐᓂᕐᕈᓯᕐᕕᒃᓴᖅ ᒎᓗ; ᓇᐹᕐᑑᓪᓗ ᐅᕐᓱᖏᑦ ᒥᖑᐊᕐᓯᒍᑎᒃᓮᑦ; ᑎᐱᑦᓯᐊᕆᒃᑐᓪᓗ ᐃᓯᕐᓗᐊᕐᓂᑎᑦᓯᒍᑎᒃᓮᑦ; ᐃᑎᕐᑕᕐᕕᖓᑕᓗ ᑖᓗᑕᒃᓴᖓ, ᑐᐱᐅᓪᓗ ᒪᑐᒃᓴᖓ;

ᒨᓯᓯ ᓯᑕᒪᖏᑦ 8:2

“ᐂᕉᓂ ᐅᖃᐅᑎᓚᐅᕈᒃ ᐃᒤᓕᓗᒍ, ‘ᓇᓂᕈᐊᑦ ᐋᖅᑭᒃᓱᓕᕈᕕᒋᑦ, ᓇᓂᕈᐊᑦ 7 ᖃᐅᒪᑎᑦᓯᔭᕆᐊᖃᕐᐳᑦ ᓇᓂᕈᐊᖃᕐᕕᐅᑉ ᓯᕗᓂᖓᓂᒃ.’”

ᒨᓯᓯ ᓯᑕᒪᖏᑦ 8:3

ᐂᕉᓂ ᑍᒫᒃ ᐱᓚᐅᕐᐳᖅ; ᓇᓂᕈᐊᑦ ᐃᓕᓚᐅᕐᐰᑦ ᓇᓂᕈᐊᖃᕐᕕᐅᑉ ᓯᕗᓂᖓᓂᒃ ᖃᐅᒪᑎᑦᓯᓪᓗᑎᒃ, ᐊᑕᓂᐅᑉ ᒨᓯᓯ ᐅᖃᐅᑎᓚᐅᕐᒪᒍ.

ᐱᓕᐱᒥᐅᓄᑦ 2:15

ᐸᓯᔭᒃᓴᐅᖁᓇᓯ ᓴᓗᒪᑦᓯᐊᖁᓪᓗᓯᓗ, ᒎᑎᐅᑉ ᕿᑐᕐᖓᖏᑎᑐᑦ ᑕᕝᕙᓂ ᓯᓚᕐᔪᐊᕐᒥ ᐃᓅᑎᓪᓗᓯ ᑭᒡᓗᕐᒨᕐᑐᓂ ᐊᔪᕐᑐᓕᔪᓂᓗ, ᑖᒃᑯᐊ ᐊᑯᕐᖓᓐᓂ ᖃᐅᒪᓂᐅᔪᒃᓴᐅᒐᑦᓯ ᓄᓇᒥ ᓇᓂᕈᐊᑎᑐᑦ,