27 ᐅᕕᓂᕈᕐᒥᒃᑕᐅᖅ ᓴᓇᒋᕗᑦ ᐂᕉᓂᒧᑦ ᐃᕐᓂᖏᓐᓄᓪᓗ ᐱᒋᔭᐅᓂᐊᕐᑐᓂᒃ.
“ᖃᐅᕐᒥᐅᑕᒃᓴᒥᒃ ᑕᑯᒥᓇᕐᑐᒥᒃ ᓴᓇᔪᒃᓴᐅᕗᑎᑦ ᒎᓗᒥᒃ ᐊᓯᐊᓂᒃ ᐃᓚᖃᖏᑦᑐᒥᒃ ᑕᕝᕘᓇᓗ ᑎᑎᕋᕐᕕᒋᓯᒪᓗᒍ ᓲᕐᓗ ᐊᑎᓕᐅᕈᑎᑐᑦ ᓇᕿᑦᔪᑎᑐᑦ ‘ᐊᑕᓂᕐᒧᑦ ᐃᑦᔪᕐᓁᑦᑎᑕᐅᓯᒪᔪᖅ.’
ᑕᒪᒃᑯᐊ ᓯᕙᓂᐅᑎᑯᓗᐃᑦ ᒎᓗᐃᑦ ᐸᒻᒥᕐᒍᓁᑎᓐᖑᐊᓪᓗ ᑕᕐᓴᓕᐊᕆᓯᒪᔪᑦ ᑖᑦᓱᒪ ᓄᐃᔭᒐᐅᑉ ᑭᒡᓕᓕᒫᖓᓃᐳᑦ ᐊᑐᒐᒃᓴᐅᖁᓪᓗᒍ ᐱᓇᓱᐊᕆᐊᕐᑐᕐᑐᓄᑦ; ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.
ᓂᐊᑯᕐᒧᑦ ᐃᒻᒧᑎᒥᒃ ᓇᓴᐅᔮᕐᑐᒥᒃ ᓴᓇᒋᕗᑦ, ᓇᓴᕐᒥᒡᓗ, ᖃᓪᓗᓈᕐᑕᓂᒡᓗ ᓵᑦᑐᓂᒃ ᖃᕐᓕᒃᓴᖏᓐᓂᒃ.
ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.
ᐃᑎᕐᑕᕐᕕᖕᒧᑦ ᐃᓗᓪᓕᕐᒧᑦ ᐃᑎᓕᕈᑎᒃ, ᑐᕐᓲᖑᔭᕐᒥ ᐃᓗᕙᓯᖕᓂᕐᓴᒥ ᐊᓐᓄᕌᓂᒃ ᓵᑦᑐᓂᒃ ᐊᑎᔪᒃᓴᐅᕗᑦ; ᐃᑦᔪᓂᕐᓴᓂᒃ ᓄᕕᕐᓵᒃᓴᓂᒃ ᐊᑐᕐᑐᒃᓴᐅᓐᖏᓚᑦ, ᐱᓇᓱᐊᕐᓂᕐᒥᖕᓂ ᑐᒃᓯᐊᕐᕕᒡᔪᐊᕐᒥ ᐃᓗᕙᓯᖕᓂᕐᓴᒥ ᐃᓗᐊᓃᓪᓗᑎᒡᓘᓐᓃᑦ.
ᓵᑦᑐᓂᒃ ᓂᐊᖁᖏᑦ ᓂᒥᕐᓯᒪᔪᒃᓴᐅᕗᑦ, ᓵᑦᑐᓂᒡᓗ ᖃᒡᓕᒃᓯᒪᓗᑎᒃ; ᑕᑦᓯᕈᓯᔭᕐᑐᒃᓴᐅᓐᖏᓚᑦ ᐊᐅᒃᑲᕐᓂᖓᒍᑕᐅᒐᔭᕐᑐᒥᒃ.
ᑐᓂᕐᕈᓯᕐᑎᑦᓯᔨ ᑕᕝᕙ ᐊᑎᓯᔭᕆᐊᖃᕐᐳᖅ ᐃᓗᓪᓕᕐᒥᓂᒃ ᓵᑦᑐᓂᒃ. ᐅᕕᓂᕈᕐᒥᒃ ᓵᑦᑐᒥᒃ ᖃᕐᓕᖕᒥᓂᒡᓗ ᓵᑦᑐᓂᒃ, ᐲᕐᓗᒋᓪᓗ ᑐᓂᕐᕈᑎᕕᓂᐅᑉ ᐊᕐᔭᓕᓂᖏᑦ ᐃᑯᐊᓚᑕᐅᓗᑎᒃ ᑐᓂᕐᕈᑎᕕᓃᑦ ᐃᑯᒪᒧᑦ ᓄᖑᑕᐅᓯᒪᔪᑦ, ᑐᓂᕐᕈᓯᕐᕕᐅᓪᓗ ᓴᓂᐊᓄᑦ ᐃᓕᓗᒋᑦ.
ᐂᕉᓂᐅᓪᓗ ᐃᕐᓂᖏᑦ ᓯᕗᒧᐊᒃᑎᑉᐰᑦ, ᐅᕕᓂᕈᕐᑎᓪᓗᒋᓪᓗ ᑕᑭᔪᓂᒃ, ᓯᓕᒃᑐᓂᒡᓗ ᑕᑦᓯᕈᓯᕐᓗᒋᑦ, ᓂᐊᖂᓯᕐᓗᒋᓪᓗ ᑍᒫᒃ ᐊᑕᓂᐅᑉ ᒨᓯᓯ ᐱᖁᖕᒪᒍ.
ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.
ᒎᑎᒧᑦ ᓈᒻᒪᒋᔭᐅᓕᕐᓂᖅ ᐱᔭᒃᓴᐅᕗᖅ ᐅᒃᐱᕐᑐᓕᒫᓄᑦ, ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ.
ᐅᓄᕐᑑᓪᓗᓯ ᙭ᔅᑑᓯᒃᑯᑦ ᐹᑉᑎᑕᐅᓯᒪᔪᓯ ᐊᑎᑎᑕᐅᓯᒪᕗᓯ ᙭ᔅᑑᓯᒥᒃ.
ᑍᒤᒻᒪᑦ ᐃᓱᒪᑦᓯᒍᑦ ᐅᐸᓗᖕᒊᕐᓯᒪᓕᕆᑦᓯ; ᓇᖕᒥᓂᑦᓯᓐᓂᒃ ᑲᒪᑦᓯᐊᕐᓗᓯ ᐃᓅᓯᑦᓯᓐᓂᒃ; ᓂᕆᐅᖕᓂᓯ ᓱᖁᓯᕐᑍᓕᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑎᑭᓐᓂᐊᕐᒪᑦ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.
