ᒨᓯᓯ ᐂᑉᐸᖏᑦ 37:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᓪᓕᕋᓕᐅᕆᕗᖅ ᒎᓗᐃᓐᓇᕐᓂᒃ ᓵᒦᑦᑐᒃᓴᓂᒃ: ᒥᑭᓐᓂᕐᓴᓂᒡᓗ ᐊᓪᓕᕋᒃᓴᓂᒃ, ᐃᒥᐅᑎᓂᒡᓗ, ᐃᒥᖃᐅᑎᓂᒡᓗ ᐴᒍᑕᓂᒃ, ᐸᐅᕐᖎᓪᓗ ᐃᑦᑎᖏᓐᓄᑦ ᑐᓂᕐᕈᑕᐅᔪᓄᑦ ᐴᒃᓴᓂᒃ ᓴᓇᓚᐅᕆᕗᖅ.

ᒨᓯᓯ ᐂᑉᐸᖏᑦ 37:16 Iomraidhean Croise

ᐊᑕᓃᑦ ᓯᕗᓪᓖᑦ 7:50

ᐃᕐᖑᓰᓪᓗ, ᖁᓪᓕᕐᒥᒡᓗ ᖃᒥᑦᓯᑦᔪᑏᑦ, ᐴᒍᑍᓪᓗ, ᑎᐱᑦᓯᐊᕆᒃᓴᐅᑏᓪᓗ ᐊᓪᓕᕋᖏᑦ, ᐊᓪᓕᕋᐅᔧᓪᓗ ᕿᔪᒃᓴᓄᑦ ᐴᕆᔭᐅᕙᒃᑐᑦ; ᕿᕕᕐᑕᔫᓪᓗ ᐃᑦᔪᕐᓁᓐᓂᕐᐹᑉ ᐅᒃᑯᐊᖓᑕ ᑎᒍᓕᖏᑦ, ᐃᓗᓪᓕᕐᐹᓪᓗ ᐃᑦᔪᕐᓁᓐᓂᕐᐹᑉ ᐅᒃᑯᐊᖓᑕ ᑎᒍᓕᖏᑦ ᒎᓗᓪᓚᕆᐅᔪᑦ, ᓱᓇᒃᑯᑎᓕᒫᖏᑦ ᑐᒃᓯᐊᕐᕕᒡᔪᐊᓪᓗ ᐃᓗᓪᓚᕆᖓᑕ ᐅᒃᑯᐊᖏᑕ ᑎᒍᓕᖏᑦ ᒎᓗᓪᓚᕆᐅᕗᑦ.

ᐊᑕᓃᑦ ᐂᑉᐸᖏᑦ 12:13

ᑮᓇᐅᔧᑦ ᑐᒃᓯᐊᕐᕕᒡᔪᐊᒧᑦ ᑐᓂᔭᐅᔪᑦ ᐊᑐᕐᑕᐅᓚᐅᓐᖏᓚᑦ ᐴᒍᑕᓕᐅᕐᑎᓄᑦ ᓯᐅᓪᕕᕆᓂᒃ. ᖃᐅᒻᒪᖅᑯᑏᓪᓗ ᒪᓂᖏᓐᓂᒃ ᐋᖅᑭᒃᓱᐃᑦᔪᑎᓄᑦ ᐃᒪᕐᑎᕆᐅᑎᓂᒃ ᐴᒍᑕᓕᐅᕐᑎᓄᑦ ᑎᑦᑐᓚᐅᑎᓕᐅᕐᑎᓄᓪᓗ ᐊᓯᖏᓐᓄᓗ ᑐᒃᓯᐅᕐᕕᒡᔪᐊᑉ ᐱᐅᒃᑯᑎᒃᓴᖏᓐᓄᑦ ᒎᓗᓄᑦ ᓯᐅᓪᕕᕆᓄᓪᓗ.

ᒨᓯᓯ ᐂᑉᐸᖏᑦ 25:29

ᐊᓪᓕᕋᓕᐅᕐᑐᒃᓴᐅᒋᕗᑎᑦ ᒥᑭᓐᓂᕐᓴᓂᒡᓗ ᐊᓪᓕᕋᒃᓴᓂᒃ ᐃᓯᕐᓗᐊᕐᓂᑎᑦᓯᑦᔪᑎᒧᑦ ᐊᑐᕐᑐᒃᓴᓂᒃ, ᐃᒥᖃᐅᑎᓂᒡᓗ ᐴᒍᑕᓂᒡᓗ ᐃᒥᖃᐅᑎᒃᓴᓂᒃ; ᑖᒃᑯᐊᓗ ᒎᓗᐃᓐᓇᐅᑎᓪᓗᒋᑦ ᓴᓇᔭᒃᓴᕆᕙᑎᑦ.

ᒨᓯᓯ ᐂᑉᐸᖏᑦ 37:15

ᑕᑭᔪᑯᑖᖕᓂᒃ ᕿᔪᖕᓂᒃ ᓴᓇᒋᕗᖅ ᑎᓴᒃᑖᖕᓂᒃ ᐊᑬᑦᓯᐊᒥᒃ ᐊᑎᓕᖕᒥᒃ, ᑖᒃᑯᐊᒡᓗ ᓯᓚᑉᐱᐊᕐᓗᒋᒃ ᒎᓗᒥᒃ.

ᒨᓯᓯ ᐂᑉᐸᖏᑦ 37:17

ᓴᓇᒋᕗᖅ ᓇᓂᕈᐊᑉ ᓇᐸᕕᖓᓂᒃ ᒎᓗᐃᓐᓇᐅᓪᓗᒍ. ᐊᓪᓕᕋᖓᓕ ᓇᐸᔪᖓᓗ ᒎᓘᒋᕗᖅ ᑲᐅᒐᕐᓯᒪᓗᓂᓗ ᓴᓇᓯᒪᕗᖅ; ᓇᓂᕈᐊᖃᕐᕕᖓ, ᑕᑯᒥᓇᕐᓴᐅᑎᖏᓪᓗ ᐱᕈᕐᓯᐊᖑᐊᑦ, ᐱᕈᕐᕕᓐᖑᐊᖏᓪᓗ ᐊᑕᐅᓯᕐᒥᒃ ᐃᓗᐃᑦᑑᓗᑎᒃ ᓴᓇᓯᒪᕗᑦ.

ᒨᓯᓯ ᓯᑕᒪᖏᑦ 7:13

ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐰᑦ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ;

ᑎᒧᑎᒧᑦ ᐂᑉᐸᖏᑦ 2:20

ᐃᒡᓗᒥ ᐊᖏᔪᒥ ᓂᕐᕆᑎᑕᖃᕐᒪᑦ ᐊᑦᔨᒌᖏᑦᑐᓂᒃ; ᐃᓚᖏᑦ ᒎᓘᕗᑦ ᐃᓚᖏᑦ ᓯᐅᓪᕕᕆᐅᓪᓗᑎᒃ, ᐃᓚᖏᓪᓕ ᕿᔫᕗᑦ ᐃᓚᖏᓪᓗ ᒪᕐᕋᐅᓪᓗᑎᒃ, ᐃᓚᖏᓪᓗ ᓇᓪᓕᐅᓐᓂᕐᓯᐅᕐᑐᖃᓕᕐᐸᑦ ᐊᑐᒐᒃᓴᓕᐊᖑᓯᒪᕗᑦ; ᐃᓚᖏᑦ ᖃᐅᑕᒫᑦ ᐊᑐᒐᒃᓴᓕᐊᕆᓯᒪᓪᓗᑎᒃ.