ᒨᓯᓯ ᐂᑉᐸᖏᑦ 36:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᒨᓯᓯᐅᑉ ᐱᔭᓕᐅᓪ ᕾᖁᕚ, ᐅᕼᐅᓕᐊᑉᓗ, ᐊᓯᖏᓪᓗ ᓴᓇᔪᓐᓇᑦᓯᐊᕐᑐᑦ ᐊᖑᑎᑦ ᑖᒃᑯᓄᖓ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᓐᓄᑦ ᐃᑲᔪᕈᒪᑦᓯᐊᕐᑐᓄᓪᓗ, ᒨᓯᓯᐅᓪᓗ ᐅᖃᐅᑎᕔᑦ ᓴᓇᒋᐊᖁᓕᕐᓗᒋᑦ.

ᒨᓯᓯ ᐂᑉᐸᖏᑦ 36:2 Iomraidhean Croise

ᑯᕉᓂᑲ ᓯᕗᓪᓖᑦ 28:21

ᑕᑯᒋᓪᓗ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᐊᒡᒍᕐᓯᒪᔭᕇᕐᐳᑦ ᐱᔨᑦᓯᕐᓂᓕᒫᓄᑦ ᒎᑎᐅᑉ ᐃᒡᓗᖓᓂ; ᓴᓇᔩᑦ ᐃᓕᖕᓂᒃ ᐃᑲᔪᕈᒪᑦᓯᐊᕐᑐᑦ ᐱᔪᓐᓇᑦᓯᐊᕐᑐᓪᓗ ᐃᑲᔪᕐᓂᐊᕐᐹᑎᑦ ᓴᓇᔭᕆᐊᓕᓕᒫᓄᑦ ᖃᓄᐃᑦᑐᑐᐃᓐᓇᑦᓯᐊᓄᑦ; ᐊᖓᔪᖅᑳᑦ ᐃᓄᓕᒫᓪᓗ ᐱᖁᔨᓂᓕᒫᕐᓂᒃ ᓈᓚᑦᓯᐊᕈᒫᕐᐳᑦ.”

ᑯᕉᓂᑲ ᓯᕗᓪᓖᑦ 29:5

ᒎᓗᓂᒃ ᓯᐅᓪᕕᕆᓂ, ᓱᓇᓕᒫᓂᒡᓗ ᓴᓇᔨᓄᑦ ᓴᓇᔭᐅᔪᒃᓴᓂᒃ, ᑭᓇᓖ ᑍᒪ ᐅᓪᓗᒥ ᐱᔪᒪᑦᓯᐊᕐᓗᓂ ᐃᒻᒥᓂᒃ ᑐᓂᔪᒪᕚ ᐊᑕᓂᕐᒧᑦ?”

ᒨᓯᓯ ᐂᑉᐸᖏᑦ 25:2

“ᐃᓴᕆᐊᓕᒥᐅᑦ ᐅᖃᐅᑎᓚᐅᒃᑭᑦ, ᑐᓂᕐᕈᓯᖁᓪᓗᒋᑦ ᐅᕙᓐᓄᑦ; ᐃᓄᐃᑦ ᐊᑐᓂᑦ ᓇᖕᒥᓂᖅ ᐱᔪᒪᓂᕐᒥᖕᓂᒃ ᒪᓕᒡᓗᑎᒃ, ᑐᓂᕐᕈᑎᖏᓪᓗ ᖃᓄᐃᑦᑐᑐᐃᓐᓇᐅᒐᓗᐊᕐᐸᑕ ᐃᓚᓕᐅᕐᓂᐊᕐᐸᑎᑦ ᐅᕙᖓ ᐱᑦᔪᑎᒋᓗᖓ.

ᒨᓯᓯ ᐂᑉᐸᖏᑦ 25:40

ᑲᒪᑦᓯᐊᕐᓗᑎᑦ ᐃᒫᖎᓚᑦᔪᑎᒋᔭᓐᓂᒃ ᓴᓇᔪᒃᓴᐅᕗᑎᑦ, ᐃᓕᖕᓄᑦ ᑕᑯᑎᑦᔪᑎᒋᓚᐅᕐᑕᓐᓂᒃ ᖃᖅᑲᒥ ᒪᓕᒡᓗᑎᑦ.”

ᒨᓯᓯ ᐂᑉᐸᖏᑦ 28:3

ᓴᓇᑦᓯᐊᕈᓐᓇᕐᑐᓕᒫᓂᒃ ᕾᖁᔨᔪᒃᓴᐅᕗᑎᑦ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᓐᓄᑦ, ᑖᒃᑯᐊᓗ ᐅᖃᐅᑎᔭᒃᓴᕆᕙᑎᑦ ᐂᕉᓂᒥᒃ ᐊᓐᓄᕌᒃᓴᓕᐅᖁᓗᒋᑦ, ᑖᓐᓇ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᖁᓪᓗᒍ ᑐᓂᔭᐅᓗᓂ ᐅᕙᓐᓄᑦ.

ᒨᓯᓯ ᐂᑉᐸᖏᑦ 31:6

ᐊᒻᒪᑦᑕᐅᖅ ᓂᕈᐊᕐᓯᒪᒋᕙᕋ ᐅᕼᐅᓕᐊᑉ ᐊᕼᐃᓴᒪᑭᐅᑉ ᐃᕐᓂᖓ, ᑖᓂᐅᑉ ᑭᖑᕚᖏᓐᓂᑦ ᐱᓯᒪᔪᖅ, ᐃᑲᔪᕐᑎᒃᓴᐅᖁᓪᓗᒍ ᑖᑦᓱᒧᖓ ᐱᓇᓱᐊᖃᑕᐅᖁᓪᓗᒍᓗ. ᐊᓯᖏᑦᑕᐅᖅ ᐊᖑᑎᑦ ᑐᓂᓯᕕᒋᓯᒪᕙᒃᑲ ᐱᔪᓐᓇᑦᓯᐊᕐᓂᕐᓂᒃ, ᓴᓇᔪᓐᓇᖁᓪᓗᒋᑦ ᐃᓕᖕᓄᑦ ᐱᖁᔨᑦᔪᑎᒋᓯᒪᔭᓐᓂᒃ.

ᒨᓯᓯ ᐂᑉᐸᖏᑦ 35:10

“ᑕᒪᕐᒥᑦᓯᐊᖅ ᓴᓇᔪᓐᓇᑦᓯᐊᕐᑐᑦ ᐃᓕᑦᓯᓐᓃᑦᑐᑦ ᓴᓇᔪᒃᓴᐅᕗᑦ ᑐᐱᐅᑉ ᐃᓗᐊᓃᑦᑐᒃᓴᓕᒫᓂᒃ ᐊᑕᓂᐅᑉ ᓴᓇᔭᐅᖁᓯᒪᔭᖏᓐᓂᒃ:

ᒨᓯᓯ ᐂᑉᐸᖏᑦ 35:2

ᐅᓪᓗᓂᒃ 6ᓂᒃ ᐱᓇᓱᐊᒐᒃᓴᑦᓯᓐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ ᐅᓪᓗᕐᓗ ᑖᓐᓇ ᐃᑦᔪᕐᓁᑎᓪᓗᒍ ᐊᑕᓂᐅᑉ ᐅᓪᓗᕆᖕᒪᒍ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ;

ᒨᓯᓯ ᐂᑉᐸᖏᑦ 36:1

“ᐱᔭᓕᐅᓪ, ᐅᕼᐅᓕᐊᑉ, ᐊᓯᖏᓪᓗ ᓴᓇᓐᖑᐊᕈᓐᓇᕐᑐᑦ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᑦ ᐋᖅᑭᒃᓱᐃᔪᓐᓇᕐᓂᕐᒥᒃ ᖃᐅᔨᒪᓂᕐᒥᒡᓗ, ᖃᓄᐃᑦᑐᑐᐃᓐᓇᕐᓂᒃ ᖃᓄᕐᓗ ᓴᓇᔭᕆᐊᒃᓴᖏᓐᓂᒃ ᖃᐅᔨᒪᔪᓐᓇᕐᓂᕐᒥᒃ ᖃᓄᕐᓗ ᐋᖅᑭᒃᑕᐅᔭᕆᐊᖃᕐᓂᖏᓐᓂᒃ ᑐᐱᐅᑉ ᐃᑦᔪᕐᓁᑦᑑᑉ ᓱᓇᑐᐃᓐᓇᒃᓴᓕᒫᖏᓐᓂᒃ, ᐱᓇᓱᐊᕈᓐᓇᓚᐅᕐᐳᑦ ᐊᑕᓂᐅᑉ ᓴᓇᔭᐅᖁᓚᐅᕐᑕᓕᒫᖏᓐᓂᒃ.”

ᒨᓯᓯ ᐂᑉᐸᖏᑦ 36:3

ᒨᓯᓯᐅᑉ ᑐᓂᓯᕕᒋᓚᐅᕐᐰᑦ ᐃᓴᕆᐊᓕᒥᐅᑦ ᑐᓂᕐᕈᑎᒋᓯᒪᔭᓕᒫᖏᓐᓂᒃ ᑐᐱᓕᐅᕈᑎᒃᓴᓂᒃ ᐃᑦᔪᕐᓁᑦᑐᒥᒃ. ᐃᓴᕆᐊᓕᒥᐅᓪᓕ ᓱᓕ ᐃᓄᖏᑦ ᐅᓪᓛᑕᒫᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:23

ᐃᓚᒌᒃᑐᓂᑦ ᐊᑐᓂᑦ ᓂᕈᐊᕐᓯᔭᕇᕋᒥᒃ ᓯᕗᓕᕐᑎᐅᓂᐊᕐᑐᓂᒃ, ᑐᒃᓯᐊᕐᓂᒃᑯᑦ ᓂᕆᑦᑍᓕᓂᒃᑯᓪᓗ ᑐᓂᕔᑦ ᐊᑕᓂᕐᒧᑦ ᐅᒃᐱᕐᕕᒋᔭᒥᖕᓄᑦ.

ᑯᓘᓯᐊᒥᐅᓄᑦ 4:17

ᐋᑭᐸᓯ ᐅᖃᐅᑎᓯᐅᒃ, “ᐱᔭᕇᑦᓯᐊᕋᓱᖕᓂᐊᕐᐸᑦ ᐱᓇᓱᐊᒐᒃᓴᖅ ᐱᔭᒃᓴᕐᑖᕆᓚᐅᕐᑍᑦ ᐊᑕᓂᕐᒥᑦ.”

ᐄᑉᕈᐃᓄᑦ 5:4

ᓇᖕᒥᓂᕐᓗ ᓂᕈᐊᕐᐸᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᒪᓗᑎᒃ, ᒎᑎᒧᓪᓕ ᕾᖁᔭᐅᕙᒃᐳᑦ, ᓲᕐᓗ ᐂᕉᓂᑐᑦ.