ᒨᓯᓯ ᐂᑉᐸᖏᑦ 34:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ.

ᒨᓯᓯ ᐂᑉᐸᖏᑦ 34:6 Iomraidhean Croise

ᒨᓯᓯ ᓯᕗᓪᓖᑦ 24:27

ᐅᖃᕐᓗᓂᓗ, “ᐊᑕᓂᖅ ᓂᕐᑐᕐᑕᐅᓕ, ᐊᖓᔪᖅᑳᒪ ᐂᑉᕋᕼᐋᒻ ᒎᑎᖓ, ᑖᑦᓱᒪ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐳᐃᒍᖏᒻᒪᒍ ᓱᖁᓯᔪᐃᑦᑑᓂᓂᓗ ᐊᖓᔪᖅᑳᓐᓄᑦ ᓴᖅᑭᑎᒻᒪᒍ. ᐅᕙᖓᓕ, ᐊᑕᓂᐅᑉ ᑕᓯᐅᓚᐅᕐᐹᖓ ᐊᖅᑯᒻᒧᑦ ᐊᖓᔪᖅᑳᒪ ᐃᓚᖏᑕ ᐃᒡᓗᖓᓄᑦ.”

ᓴᒧᐃᓕ ᐂᑉᐸᖏᑦ 24:14

ᑕᕝᕙ ᑍᕕᑎ ᑭᐅᕗᖅ ᒑᑦᒧᑦ, “ᐊᖏᔪᒥᒃ ᐊᒃᓱᕈᕐᓇᕐᑐᒦᓕᕐᐳᖓ; ᐊᑕᓂᐅᑉ ᓇᖕᒥᓂᖅ ᓱᒋᐊᓕᕐᓕᑎᒍᑦ, ᑖᓐᓇ ᓈᒃᑭᒍᓱᖕᓂᕐᔪᐊᖃᕐᒪᑦ; ᑭᓯᐊᓂᓕ ᐃᓄᖕᓄᑦ ᓱᒋᐊᕐᑕᐅᔪᒪᓐᖏᓚᖓ.”

ᐊᑕᓃᑦ ᓯᕗᓪᓖᑦ 19:11

ᐊᑕᓂᐅᓪᓗ ᐅᖃᐅᑎᕚ, “ᐂᓕᕆᑦ, ᓇᖏᕆᐊᕐᑐᕐᓗᑎᑦ ᖃᖅᑲᐅᑉ ᖄᖓᓂ ᐊᑕᓂᐅᑉ ᓵᖓᓂ.” ᑕᑯᒋᓪᓗ, ᐊᑕᓂᖅ ᐊᖅᑯᓵᕐᐳᖅ, ᐊᓄᕆᕐᔪᐊᒧᑦ ᑎᑭᑕᐅᕗᖅ ᐅᔭᕅᓪᓗ ᓯᖁᑦᑎᕐᐰᑦ ᖃᖅᑲᒦᑦᑐᑦ ᐊᑕᓂᐅᑉ ᓵᖓᓂ, ᐊᑕᓂᕐᓕ ᐊᓄᕆᕐᔪᐊᒦᓚᐅᓐᖏᓚᖅ; ᐊᓄᕆᐅᑉ ᑭᖑᓂᖓᒍᑦ ᓄᓇ ᓴᔪᒃᐱᓪᓚᒃᐳᖅ, ᐊᑕᓂᕐᓕ ᓴᔪᒃᐱᓪᓚᖕᒦᓚᐅᓐᖏᓚᖅ.

ᐊᑕᓃᑦ ᓯᕗᓪᓖᑦ 8:30

“ᐱᔨᕕᑦ ᑐᒃᓯᐊᕐᓂᖓ ᑐᓴᓚᐅᕈᒃ ᐃᓄᖁᑎᕕᓪᓗ ᐃᓴᕆᐊᓕᑏᑦ ᑐᒃᓯᐊᕐᓂᖏᑦ, ᑐᒃᓯᐊᕌᖓᑕ ᐅᕗᖓ ᓵᓐᖓᓗᑎᒃ; ᑐᓵᖃᑦᑕᕆᑦ ᕿᓚᖕᒥᑦ ᐃᓂᒋᔭᕐᓂᑦ; ᑐᓵᑐᐊᕈᕕᑦ ᐃᓱᒪᒋᔪᓐᓁᕐᕕᒋᑎᒍᑦ.

ᑯᕉᓂᑲ ᐂᑉᐸᖏᑦ 30:9

ᐊᑕᓂᕐᒧᑦ ᐅᑎᕈᑦᓯ, ᖃᑕᓐᖑᑎᓯ ᕿᑐᕐᖓᓯᓗ ᓇᒡᓕᒋᔭᐅᔪᓐᓇᕐᓯᓂᐊᕐᐳᑦ ᑎᒍᓯᓯᒪᔪᓂᑦ, ᐅᑎᕐᑎᑕᐅᓗᑎᒡᓗ ᑕᒪᐅᖓ ᓄᓇᒧᑦ. ᐊᑕᓂᖅ ᒎᑎᓯ ᐱᑦᓯᐊᕐᒪᑦ ᓂᑲᒍᓱᒡᓗᓂᓗ, ᑮᓇᒥᓄᓪᓗ ᐊᓚᕐᓂᐊᓐᖏᓛᓯ, ᑖᑦᓱᒧᖓ ᐅᑎᕐᓂᐊᕈᑦᓯ.”

ᓂᕼᐃᒤᐊᐅᑉ ᐊᒡᓚᖏᑦ 9:17

ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᐃᓐᖏᕈᑎᑦ 108:4

ᓇᒡᓕᖕᓃᑦ ᓱᖁᓯᔪᐃᑦᑐᖅ ᖁᑦᓯᖕᓂᕐᓴᐅᖕᒪᑦ ᕿᓚᖕᒥᑦ, ᓱᕐᕋᔪᐃᑦᑑᓃᓪᓗ ᓄᕗᔭᓄᑦ ᑎᑭᐅᒪᓪᓗᓂ.

ᐃᓐᖏᕈᑎᑦ 111:4

ᐱᓇᓱᐊᕐᓯᒪᔭᖏᑕ ᐱᐅᔪᐊᓘᓂᖏᑦ ᐃᖅᑲᐅᒪᔭᐅᑦᔪᑎᒃᓴᓕᐅᕐᓯᒪᕔᑦ; ᐊᑕᓂᖅ ᐱᑦᓯᐊᕐᑐᐊᓘᕗᖅ ᓂᑲᒍᓱᒃᑑᓪᓗᓂᓗ.

ᐃᓐᖏᕈᑎᑦ 111:8

ᓱᖁᓯᕐᓂᐊᓐᖏᓚᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ, ᓱᓕᓂᒃᑯᑦ ᐱᓇᓱᐊᕐᓂᐅᖕᒪᑕ ᐋᖅᑭᒃᓯᒪᑦᓯᐊᕐᑐᒃᑯᓪᓗ.

ᐃᓐᖏᕈᑎᑦ 112:4

ᐃᓄᑦᓯᐊᕙᐅᔪᖅ ᖃᐅᒪᕕᐅᕙᒃᐳᖅ ᑖᕐᑐᒦᑎᓪᓗᒍ, ᓂᑲᒍᓱᖕᓂᖃᕐᑐᖅ, ᐱᑦᓯᐊᕐᑐᕐᓗ, ᐊᑲᐅᔪᓕᔪᕐᓗ.

ᐃᓐᖏᕈᑎᑦ 116:5

ᐊᑕᓂᖅ ᐱᑦᓯᐊᕐᑑᕗᖅ, ᐃᓱᐊᕐᑑᓪᓗᓂᓗ; ᐄᓛᒃ, ᒎᑎᕗᑦ ᓂᑲᒍᓱᒃᑑᕗᖅ.

ᐃᓐᖏᕈᑎᑦ 138:2

ᑐᒃᓯᐊᕐᓂᐊᕐᐳᖓ ᑐᒃᓯᐊᕐᕕᒡᔪᐊᖁᑏᑦ ᐃᑦᔪᕐᓁᑦᑐᖅ ᓵᓪᓗᒍ, ᐊᑏᓪᓗ ᖁᔭᒋᓗᒍ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓱᖃᖏᑦᑐᖅ ᓱᕐᕋᔪᐃᑦᑑᓃᓪᓗ; ᓴᖅᑭᑎᑦᓯᓚᐅᕋᕕᑦ ᐅᖃᐅᓰᑦ ᐊᑏᓪᓗ ᓱᓇᓕᒫᓂᑦ ᐊᖏᓂᕐᐸᐅᓂᖏᓐᓂᒃ.

ᐃᓐᖏᕈᑎᑦ 145:8

ᐊᑕᓂᖅ ᐱᑦᓯᐊᕐᓂᖃᕐᒪᑦ ᐊᖏᔪᒥᒃ ᓂᑲᒍᓱᖕᓂᖃᕐᓗᓂᓗ, ᓂᓐᖓᒃᓴᕅᖏᑦᑐᖅ ᓇᒡᓕᖕᓂᕐᔪᐊᖃᕐᓗᓂᓗ.

ᐃᓐᖏᕈᑎᑦ 146:6

ᑖᓐᓇ ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᒪᑦ, ᐃᒪᕐᕕᖕᒥᒡᓗ, ᐃᓗᐊᓃᑦᑐᓕᒫᓂᒡᓗ; ᑖᓐᓇ ᐅᒃᐱᕐᓇᕐᑑᕗᖅ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 31:19

ᐱᐅᔫᓃᑦ ᐊᖏᔪᐊᓘᕗᖅ, ᖁᒥᕐᕈᑎᒋᔧᑦ ᐃᓕᖕᓂᒃ ᓯᕘᕋᔪᓄᑦ, ᑕᒪᓐᓇ ᐸᕐᓇᒃᓯᒪᔧᑦ ᐃᓕᖕᓂᒃ ᑕᑎᖃᕐᑐᓄᑦ ᐃᓄᐃᑦ ᕿᑐᕐᖓᖏᑕ ᑕᒃᑯᐊᓐᓂ!

ᐃᓐᖏᕈᑎᑦ 57:10

ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᖏᔫᕗᖅ ᕿᓚᖕᓄᑦ ᑎᑭᐅᒪᔪᖅ; ᓱᖁᓯᔪᐃᑦᑑᓃᓪᓗ ᓄᕗᔭᓄᑦ ᑎᑭᐅᑎᓯᒪᓪᓗᓂ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᐃᓐᖏᕈᑎᑦ 91:4

ᐃᓴᕈᕐᒥᓄᑦ ᐅᓕᒃᓯᒪᓂᐊᕐᐹᑎᑦ, ᐃᓴᕈᖏᒃᑕ ᐊᑖᓂ ᓴᐳᑦᔭᐅᕕᒃᓴᖃᕐᓂᐊᕐᐳᑎᑦ; ᑖᑦᓱᒪ ᓱᖁᓯᔪᐃᑦᑑᓂᖓ ᓴᐴᓗᑕᒃᓴᐅᖕᒪᑦ ᑭᓕᕐᑕᐅᑦᔧᒃᑯᑎᒃᓴᐅᓪᓗᓂᓗ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 22:27

ᑖᑦᓱᒪ ᐊᓐᓄᕌᑐᐊᕆᒐᒥᐅᒃ ᐅᖅᑰᑦᔪᑎᒃᓴᑐᐊᕆᖕᒪᒍ, ᓯᓂᒐᓱᐊᓕᕈᓂᓕ ᓱᓇᒥᒃ ᕿᐱᒃᓴᖃᓕᕋᔭᕐᐹ? ᐅᕙᓐᓄᑦ ᐃᑲᔪᕐᑕᐅᔪᒪᓗᓂ ᓂᓪᓕᐊᓕᕐᐸᑦ, ᑕᕝᕙ ᑐᓴᕋᔭᕐᐸᕋ, ᓂᑲᒍᓱᒃᑑᒐᒪ.

ᒨᓯᓯ ᐂᑉᐸᖏᑦ 33:19

ᐊᑕᓂᐅᑉ ᑭᐅᕚ, “ᑕᑯᒥᓇᕐᓂᕐᔪᐊᕋ ᐊᑕᖏᕐᓗᒍ ᐃᓕᖕᓄᑦ ᐊᖅᑯᓵᕐᑎᓐᓂᐊᕐᐸᕋ, ᐊᑎᕐᒪᓗ ᐃᑦᔪᕐᓁᓐᓂᖓ ᐅᖃᐅᓯᕆᓂᐊᕐᐸᕋ ᐃᓕᖕᓄᑦ. ᐊᑕᓂᐅᒐᒪ, ᐱᑦᓯᐊᕐᕕᒋᔪᒪᔭᓐᓄᑦ ᐱᑦᓯᐊᕐᐸᒃᐳᖓ, ᓂᑲᒋᔪᒪᔭᓐᓄᓪᓗ ᓂᖃᒍᓱᒃᐸᒃᓗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:3

ᑲᒪᑦᓯᐊᕐᓂᐅᑉ ᓱᕐᕋᔪᐃᑦᑑᓂᐅᓪᓗ ᕿᒪᒃᑍᓕᓛᑎᑦ; ᖁᖓᓯᕐᓄᑦ ᕿᓚᒃᓯᒪᒃᑭᑦ, ᐆᒻᒪᑎᖕᓄᓪᓗ ᑎᑎᕋᕐᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:11

ᐱᐅᖏᑦᑐᓕᔪᑦ ᐃᖅᑲᕐᑐᕐᑕᐅᓂᖏᑦ ᐱᓇᓵᕐᑎᑕᐅᒃᐸᑕ, ᑕᕝᕙ ᐃᓄᐃᑦ ᐆᒻᒪᑎᖏᑦ ᐱᐅᖏᑦᑐᓕᔪᒪᓂᕐᒧᑦ ᑲᔪᖏᕐᑎᑕᐅᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 12:4

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᑎᑦ: “ᐊᑕᓂᖅ ᓂᕐᑐᕐᑕᐅᓕ, ᐊᑎᖓ ᑍᓗᒍ ᑐᒃᓯᐊᕐᕕᒋᓯᐅᒃ; ᐱᓂᐊᕐᓂᖏᑦ ᐅᖃᐅᓯᕆᓗᒋᑦ ᐃᓅᖃᑎᒌᒡᔪᐊᓄᑦ, ᐊᑎᖓ ᐊᖏᔪᕈᕐᑎᓪᓗᒍ ᐅᖃᐅᓯᕆᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 65:16

ᓇᓪᓕᐊᑦ ᓄᓇᒥᓂᒃ ᓮᒻᒪᕐᑎᑕᐅᖁᔨᓗᓂ ᕿᓄᔪᖅ, ᓮᒻᒪᕐᑎᑕᐅᔪᒫᕐᐳᖅ ᒎᑎᒧᑦ ᓱᓕᑦᓯᐊᕐᑐᒧᑦ; ᐅᖃᕕᒍᒪᔪᖅ ᓴᖑᑎᓐᓂᐊᖏᓪᓗᒍ, ᐅᖃᕕᖕᓂᐊᕐᐳᖅ ᒎᑎᐅᑉ ᓱᓕᑦᓯᐊᕐᓂᖓᒍᑦ; ᐃᓱᐊᖏᑦᑐᕐᓯᐅᕐᓂᐅᓚᐅᕐᑐᑦ ᐃᖅᑲᐅᒪᔭᐅᔪᒫᖏᒻᒪᑕ, ᐃᔨᒪᓗ ᓵᖓᓂ ᑕᑯᒃᓴᐅᔪᓐᓃᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 32:18

ᐃᓄᒐᓴᒃᔪᐊᓄᑦ ᓇᒡᓕᒍᓱᖕᓂᕐᓂᒃ ᑕᑯᑎᑦᓯᕙᒃᐳᑎᑦ ᑭᓯᐊᓂᑦᑕᐅᖅ ᓯᕗᓕᖏᑕ ᐊᔪᕐᑐᓕᓯᒪᓂᖏᓐᓄᑦ ᑭᖑᕚᕇᑦ ᓱᒋᐊᕐᐸᒃᑭᕙᑎᑦ. ᐊᑕᓃᖅ ᐱᔪᓐᓇᕐᑐᕐᔪᐊᖑᓪᓗᑎᑦ ᒎᑎᐅᒐᕕᑦ ᖁᑦᓯᖕᓂᕐᐹᒍᓪᓗᑎᑦ ᐊᑎᖃᕐᐳᑎᓪᓗ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 9:24

ᓂᕐᑐᕐᑕᐅᑦᔪᑎᖃᕈᒪᔪᕐᓕ ᓂᕐᑐᕐᑕᐅᑦᔪᑎᖃᕐᓕ ᖃᐅᔨᒪᓂᕐᒥᖕᓂᒃ ᐃᓕᓯᒪᓂᕐᒥᖕᓂᒡᓗ ᐅᕙᓐᓂᒃ, ᐊᑕᓂᐅᒐᒪ ᑍᒪᓐᖓᑦ ᓇᒡᓕᒍᓱᒃᑐᖅ ᐱᑦᓯᐊᕐᓂᕐᒥᒃ ᐱᓇᓱᐊᕈᑎᖃᕐᐸᒃᑐᖅ, ᓈᒻᒪᑦᓯᐊᕐᑐᒥᒃ ᐊᑲᐅᔪᒥᒡᓗ ᓄᓇᒥ, ᑕᒪᑦᔭ ᓂᕐᑐᐃᑦᔪᑕᐅᑎᓪᓗᒋᑦ ᖁᕕᐊᒋᔭᒃᑲ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:23

ᐅᓪᓛᑎᑐᑦ ᓄᑖᓐᖑᕐᑎᑕᐅᕕᕾᓐᓇᐅᔭᕐᒪᑦ ᓱᕐᕋᔪᐃᑦᑑᓃᑦ ᐊᖏᔫᖕᒪᑦ.

ᔪᐃᓕᐅᑉ ᐊᒡᓚᖏᑦ 2:13

ᐆᒻᒪᑎᓯ ᐊᓕᒃᓯᒋᑦ, ᐊᓐᓄᕌᓯ ᐱᓇᒋᑦ; ᐊᑕᓂᕐᒧᑦ ᒎᑎᑦᓯᓐᓄᑦ ᐅᑎᓕᕆᑦᓯ, ᑖᓐᓇ ᐱᑦᓯᐊᕐᓂᖃᕐᒪᑦ ᓂᑲᒍᓱᒡᓗᓂᓗ, ᓂᓐᖓᒃᓴᕅᖏᑦᑐᖅ ᓇᓪᓕᒍᓱᒃᑐᕐᔪᐊᖑᓂᕐᒥᓄᓪᓗ ᓱᒋᐊᕐᓯᔪᒪᓐᖏᓚᖅ.

ᔫᓇᐅᑉ ᐊᒡᓚᖏᑦ 4:2

ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᒤᑲᐅᑉ ᐊᒡᓚᖏᑦ 7:20

ᓱᓕᑦᓯᐊᕐᓃᑦ ᓴᖅᑭᑎᓐᓂᐊᕐᐸᑦ ᔧᑯᒧᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᐂᑉᕋᕼᐋᒻᒧᑦ, ᑍᑦᓱᒪᓂᐊᓗᒃ ᐊᖏᕈᑎᒋᓚᐅᕐᑍᑦ ᓯᕗᓕᕕᓂᑦᑎᓐᓄᑦ.

ᓇᕼᐅᒥᐅᑉ ᐊᒡᓚᖏᑦ 1:3

ᐊᑕᓂᖅ ᕿᓄᐃᑉᐳᖅ ᐱᒃᓴᕐᑐᓂᓕᒡᔫᓪᓗᓂᓗ, ᓱᒋᐊᕐᓯᑦᑍᓕᓐᖏᓚᕐᓗ ᖃᕿᐊᓕᕐᓂᖃᖏᑦᑐᓂᒃ. ᐊᑕᓂᖅ ᐃᓂᖃᕐᐳᖅ ᐅᓚᔪᔭᕐᒥ ᐊᖅᑯᓇᕐᔪᐊᒥᓗ, ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.

ᒨᓯᓯ ᓯᑕᒪᖏᑦ 12:8

ᐅᖃᕐᕕᒋᕙᒃᐸᕋ ᖃᓂᕐᒥᑦ ᖃᓂᕐᒧᑦ, ᑐᑭᓯᓇᑦᓯᐊᕐᑐᓂ ᐃᔨᕐᓯᒪᖏᑦᑐᓂᒡᓗ; ᐊᑕᓂᐅᓪᓗ ᐊᒡᓛᑦ ᑐᓄᖓᓂᒃ ᑕᑯᓯᒪᕗᖅ. ᓱᖕᒪᑦ ᑲᑉᐱᐊᓱᓐᖏᓚᓰᒃ ᒨᓯᓯᒥᒃ ᐱᔨᒋᔭᓐᓂᒃ ᐊᑭᕋᕐᑐᕐᓗᓯᒃ?”

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᒨᓯᓯ ᑕᓪᓕᒪᖏᑦ 32:3

ᐊᑕᓂᐅᑉ ᐊᑎᖓ ᐅᖃᐅᓯᕆᔪᒪᕙᕋ, ᐅᓐᓂᕐᓯᐅᕈᑎᒋᓯᐅᒃ ᐊᑕᓂᐅᑉ ᐊᔪᖏᑦᑐᕐᔪᐊᖑᓂᖓ.

ᒨᓯᓯ ᑕᓪᓕᒪᖏᑦ 4:31

ᑖᓐᓇ ᒎᑎ ᓂᑲᒍᓱᒃᑑᐊᓘᖕᒪᑦ. ᑖᑦᓱᒪ ᖁᔭᓈᕐᓂᐊᖏᒻᒪᓯ ᓄᖑᑕᐅᑎᓐᓂᐊᕐᓇᓯᓗ, ᐳᐃᒍᕐᓂᐊᓐᖏᓛᓗ ᐊᖏᖃᑎᒌᒍᑎᒋᓯᒪᔭᓂ ᓇᖕᒥᓂᖅ ᓯᕗᓕᕕᓂᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 5:10

ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 5:11

ᑕᑯᒋᑦ, ᓮᒪᓇᕐᑐᒥᒃ ᐃᓅᓯᖃᓚᐅᕐᓂᕋᕐᐸᕗᑦ ᕿᓄᐃᓵᓚᐅᕐᓂᖏᓐᓄᑦ. ᑐᓴᐅᒪᕙᓯ ᔫᐱᐅᑉ ᕿᓄᐃᓵᕐᓂᕆᓚᐅᕐᑕᖓ, ᑭᖑᓂᖓᒍᓪᓗ ᐊᑕᓂᕐᒧᑦ ᑐᓂᓯᕕᐅᓚᐅᕐᓂᖓ, ᐊᑕᓂᖅ ᓇᓪᓕᒍᓱᒃᔪᐊᕐᒪᑦ ᓂᑲᒍᓱᖕᓂᕐᔪᐊᖃᕐᓗᓂᓗ.