ᒨᓯᓯ ᐂᑉᐸᖏᑦ 34:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᒨᓯᓯᓗ ᑕᕝᕙᓃᑉᐳᖅ ᐊᑕᓂᕐᒥ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ, ᓂᕆᓚᐅᕋᓂ ᐃᒥᓚᐅᕋᓂᓗ. ᐅᖃᐅᓰᓪᓗ ᐊᖏᖃᑎᒌᒍᑏᑦ ᑎᑎᕋᓚᐅᕐᐰᑦ ᐅᔭᕋᒃᑯᑦ, ᐱᖁᔭᑦ ᖁᓕᑦ.

ᒨᓯᓯ ᐂᑉᐸᖏᑦ 34:28 Iomraidhean Croise

ᐊᑕᓃᑦ ᓯᕗᓪᓖᑦ 19:8

ᒪᑭᓐᓇᒥᓗ ᓂᕆᕗᖅ ᐃᒥᕐᓗᓂᓗ, ᐊᐅᓪᓚᕋᒥᓗ ᓂᕆᔭᓂ ᐱᔪᓐᓇᐅᑎᒋᓚᐅᕐᐰᑦ ᐅᓪᓗᓄᑦ ᐅᓐᓄᐊᓄᓪᓗ 40ᓄᑦ ᖃᖅᑲᖅ ᕼᐆᕆᑉ ᑎᑭᓪᓗᒍ, ᒎᑎᐅᑉ ᖃᖅᑲᖁᑎᖓ.

ᒨᓯᓯ ᐂᑉᐸᖏᑦ 24:18

ᒨᓯᓯᓗ ᓄᕗᔭᒧᑦ ᐃᑎᕐᐳᖅ, ᖃᖅᑲᐅᑉ ᖄᖓᓃᑦᑐᒧᑦ. ᑕᕝᕙᓃᑉᐳᕐᓗ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ.

ᒨᓯᓯ ᐂᑉᐸᖏᑦ 31:18

ᒎᑎᓗ ᒨᓯᓯᒧᑦ ᐅᖃᓪᓚᒌᕋᒥ ᖃᖅᑲᐅᑉ ᓮᓁᑉ ᖄᖓᓂᑦ, ᒨᓯᓯ ᑐᓂᕚ ᐅᔭᕌᖕᓂᒃ ᒪᕐᕉᖕᓂᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒎᑎᐅᑉ ᓇᖕᒥᓂᖅ ᑎᑎᕋᕐᕕᒋᓯᒪᔭᖏᖕᓂᒃ.

ᒨᓯᓯ ᐂᑉᐸᖏᑦ 32:16

ᒎᑎᐅᓪᓗ ᓇᖕᒥᓂᖅ ᑖᒃᑯᐊᒃ ᓴᓇᓚᐅᕐᐰᒃ ᓇᖕᒥᓂᕐᓗ ᑎᑎᕋᕐᕕᒋᓪᓗᓂᒋᑦ ᐱᖁᔭᓂᒃ.

ᒨᓯᓯ ᐂᑉᐸᖏᑦ 34:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓗᑎᑦ ᓴᓇᔪᒃᓴᐅᕗᑎᑦ ᓯᕗᓪᓕᕐᒥ ᓴᓇᓚᐅᕐᑕᕐᑐᑦ, ᑖᒃᑯᑎᒎᓇᕐᓗ ᑎᑎᕋᕐᓂᐊᕐᐳᖓ ᐅᖃᐅᓯᕐᓂᒃ ᓯᕗᓪᓕᕐᒥ ᑎᑎᕋᕐᓯᒪᓚᐅᕐᑐᑎᑐᑦ, ᑖᒃᑯᑎᑐᓇᖅ ᓯᖁᒥᓚᐅᕐᑕᕐᑐᑦ.

ᒨᓯᓯ ᐂᑉᐸᖏᑦ 34:10

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᒫᓐᓇ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐊᖏᖃᑎᒌᒍᑎᓕᐅᕐᓂᐊᕐᐳᖓ. ᑖᒃᑯᐊᓗ ᑕᒃᑯᐊᓂ ᑲᒪᓇᕐᑐᓕᔪᒫᕐᐳᖓ ᑕᒪᑐᒪ ᓯᕗᓂᖓᓂ ᓇᓂᑐᐃᓐᓇᖅ ᓯᓚᕐᔪᐊᕐᒥ ᐃᓅᖃᑎᒌᒡᔪᐊᓪᓗ ᐊᓯᖏᓐᓂ ᐊᑐᕐᑕᐅᓚᐅᕐᓯᒪᖏᑦᑐᒥᒃ. ᐃᓄᓕᒫᑦ ᖃᓄᖅ ᐊᖏᑎᒋᔪᒥᒃ ᐅᕙᖓ ᐊᑕᓂᐅᔪᖓ ᐱᓇᓱᐊᕈᓐᓇᕐᒪᖔᕐᒪ ᑕᑯᓂᐊᕐᐳᑦ, ᐱᓇᓱᐊᕐᓂᐊᕋᒪ ᑲᒪᓇᕐᑐᐊᓗᖕᓂᒃ ᐃᕝᕕᑦ ᐊᖅᑯᑎᒋᓗᑎᑦ.

ᒫᑎᐅᓯᐅᑉ ᐊᒡᓚᖏᑦ 4:2

ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ ᓂᕆᓚᐅᖏᓐᓇᒥ, ᑳᓕᕐᐳᖅ.

ᓘᑲᓯᐅᑉ ᐊᒡᓚᖏᑦ 4:2

ᐅᓪᓗᓂᒃ 40ᓂᒃ ᐃᓄᖃᖏᑦᑐᒥ ᓵᑖᓇᓯᐅᑉ ᐆᒃᑐᕐᓗᒍ ᐱᔪᒥᓵᕐᐹ. ᑖᒃᑯᓇᓂ ᐅᓪᓗᓂ ᓂᕆᓚᐅᓐᖏᓚᖅ; ᐅᓪᓗᐃᑦ ᑖᒃᑯᐊ ᓈᖕᒪᑕ, ᑳᓕᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:7

ᐱᖁᔧᑦ ᑐᖁᑎᑦᓯᔪᑦ ᑐᓂᔭᐅᑎᓪᓗᒋᑦ ᑎᑎᕋᕐᓯᒪᓚᐅᕐᐳᑦ ᐅᔭᖅᑲᓂ, ᒎᑎᐅᓪᓗ ᑕᑯᒥᓇᕐᓂᕐᔪᐊᖓ ᓴᖅᑭᓚᐅᕐᐳᖅ ᐱᖁᔭᑦ ᑐᓂᔭᐅᓕᕐᑎᓪᓗᒋᑦ, ᐃᓴᕆᐊᓔᑎᑦ ᑕᑯᓐᓇᕈᓐᓇᓚᐅᓐᖏᓚᑦ ᒨᓯᓯᐅᑉ ᑮᓇᖓᓂᒃ ᖃᐅᒪᓗᐊᕐᓂᖓᓄᑦ, ᓄᖑᑦᑐᒃᓴᐅᒐᓗᐊᕐᑎᓪᓗᒍ,

ᒨᓯᓯ ᑕᓪᓕᒪᖏᑦ 10:10

“ᖃᖅᑲᒦᓚᐅᕐᐳᖓᓕ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ, ᓯᕗᓪᓕᕐᒥᒃ ᑍᒫᑦᓮᓐᓇᖅ ᐊᑯᓂᐅᑎᒋᔪᖅ ᒪᔪᐊᕐᓯᒪᓚᐅᕐᓂᑦᑐᑦ. ᑕᕝᕙᓂᓗ ᐊᑕᓂᐅᑉ ᓈᓚᓕᓚᐅᕆᕚᖓ ᐊᖏᕐᕕᒋᓪᓗᓂᖓᓗ ᐃᓕᑦᓯᓐᓂᒃ ᓄᖒᑦᓯᔪᒪᔪᓐᓁᕐᓗᓂ.

ᒨᓯᓯ ᑕᓪᓕᒪᖏᑦ 10:5

ᖃᖅᑲᒦᒌᕋᒪᓕ ᐊᖅᑲᓕᓚᐅᕆᕗᖓ, ᑕᕝᕙ ᐊᑕᓂᐅᑉ ᑍᒫᒃ ᐱᖁᔨᓯᒪᓂᖓ ᒪᓕᒡᓗᒍ, ᐃᒃᓯᕐᕕᖕᒧᑦ ᓴᓇᓚᐅᕐᑕᓐᓄᑦ ᐴᓚᐅᕐᐸᒃᑲ ᑍᒫᓐᖓᓪᓗ ᑕᕝᕙᓃᖏᓐᓇᓕᕐᐳᑦ.”

ᒨᓯᓯ ᑕᓪᓕᒪᖏᑦ 4:13

ᐅᖃᐅᑎᓯᒪᕚᓯ ᖃᓄᐃᓕᐅᕐᑐᒃᓴᐅᖕᒪᖔᑦᓯ ᐊᖏᖃᑎᒌᒍᑎᒋᓯᒪᔭᖓᓂᒃ ᑲᔪᓯᑎᑦᓯᔪᓐᓇᖁᓪᓗᓯ, ᐱᖁᔭᑦ ᖁᓕᑦ ᓈᓚᒐᒃᓴᕆᕙᓯ, ᑖᑦᓱᒪ ᑎᑎᕋᓚᐅᕐᑕᖏᑦ ᐅᔭᕋᒃᑎᒍᑦ ᒪᕐᕉᒃᑎᒍᑦ.

ᒨᓯᓯ ᑕᓪᓕᒪᖏᑦ 9:18

ᑕᒪᑐᒪ ᑭᖑᓂᖓᒍᑦ ᐊᑕᓂᐅᑉ ᓵᖓᓂ ᐹᒻᒪᖓᓕᓚᐅᕆᕗᖓ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ ᓱᓇᒥᒡᓘᓐᓃᑦ ᓂᕆᓚᐅᕐᓇᖓ ᐃᒥᓚᐅᕐᓇᖓᓗ. ᑍᒤᓕᐅᓚᐅᕐᐳᖓᓕ ᐊᑕᓂᕐᒧᑦ ᐊᔪᕐᑐᓕᓚᐅᕐᓂᑦᓯᓐᓄᑦ ᐊᖏᔪᒥᒃ ᓂᓐᖓᒃᑎᓚᐅᕋᑦᓯᐅᒃ.

ᒨᓯᓯ ᑕᓪᓕᒪᖏᑦ 9:25

“ᑍᒤᒻᒪᑦ ᐹᒻᒪᖓᓚᐅᕐᐳᖓ ᐊᑕᓂᐅᑉ ᓵᖓᓂ ᐅᓪᓗᓂᒃ ᐅᓐᓄᓂᒡᓗ 40ᓂᒃ, ᖃᐅᔨᒪᓚᐅᕋᒪ ᐃᓕᑦᓯᓐᓂᒃ ᓄᖒᑦᓯᔪᒪᓯᒪᓕᖕᓂᖓᓂᒃ.

ᒨᓯᓯ ᑕᓪᓕᒪᖏᑦ 9:9

ᖃᖅᑲᒧᖅ ᒪᔪᕋᕐᓯᒪᑎᓪᓗᖓ ᐱᖁᔭᓂᒃ ᐅᔭᕋᒃᑯᑦ ᑎᑎᕋᑦᓯᒪᔪᓂᒃ ᐊᑕᓂᐅᑉ ᐃᓕᑦᓯᓐᓄᑦ ᐊᖏᖃᑎᒌᒍᑎᖏᓐᓂᒃ ᐱᔭᕐᑐᕐᓯᒪᑎᓪᓗᖓ. ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ ᓂᕆᓚᐅᕐᓇᖓ ᐃᒥᓚᐅᕐᓇᖓᓗ ᒪᔪᕋᕐᓯᒪᓚᐅᕋᒪ.