ᒨᓯᓯ ᐂᑉᐸᖏᑦ 34:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ “ᓂᐊᖂᔭᒥᒃ ᐳᕙᓪᓚᕐᓴᐅᑎᓕᖕᒥᒃ ᑐᓂᕐᕈᓯᕐᑐᒃᓴᐅᓐᖏᓚᓯ ᐆᒪᔪᒥᒃ ᐊᐅᓕᖕᒥᒃ ᑐᓂᕐᕈᓯᓕᕐᑎᓪᓗᓯ ᐅᕙᓐᓄᑦ, ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᑎᓯᒪᑎᓪᓗᒍ ᐆᒪᔫᑉ ᑐᓂᕐᕈᑎᕕᓂᐅᑉ ᐃᓚᖓᓂᒃ ᐅᓪᓛᒧᑦ ᑎᑭᓪᓗᒍ ᐊᒥᐊᒃᑯᖃᕐᑐᒃᓴᐅᓐᖏᓚᓯ.

ᒨᓯᓯ ᐂᑉᐸᖏᑦ 34:25 Iomraidhean Croise

ᒨᓯᓯ ᐂᑉᐸᖏᑦ 12:10

ᐊᒥᐊᒃᑯᖃᕐᑐᒃᓴᐅᓐᖏᓚᓯᓗ ᑕᕝᕙᓐᖓᑦ ᐅᓪᓛᓐᖑᖅᑳᕐᑎᓐᓇᒍ, ᐊᒥᐊᒃᑯᖃᕐᓂᕈᑦᓯᓕ ᑕᕝᕙ ᐅᓪᓛᓐᖑᕐᑎᓪᓗᒍ ᐃᑯᐊᓪᓚᒡᓗᒍ ᓄᖑᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 12:20

ᐳᕙᓪᓚᕐᓴᐅᑎᖃᕐᑐᒥᒃ ᓂᕆᔪᒃᓴᐅᓐᖏᓚᓯ; ᐊᑕᖏᕐᓗᓯ ᐃᓚᒌᓯᒍᑦ ᐳᕙᓪᓚᕐᓴᐅᑎᖃᖏᑦᑐᒥᒃ ᑭᓯᐊᓂ ᓂᕆᔪᒃᓴᐅᕗᓯ.”

ᒨᓯᓯ ᐂᑉᐸᖏᑦ 12:8

ᑕᒪᑐᒪᓂᓗ ᐅᓐᓄᒥ ᓂᕿᖓ ᓂᕆᔭᐅᔪᒃᓴᐅᕗᖅ, ᐃᑯᒪᒧᑦ ᐆᑕᐅᓯᒪᑎᓪᓗᒍ; ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐃᓚᖃᕐᑎᓪᓗᒍ ᐱᕈᕐᑐᕕᓂᕐᓂᒡᓗ ᖃᓯᓕᓇᕐᑐᓂᒃ ᓂᕿᒧᑦ ᐃᓚᒋᔭᐅᓲᓂᒃ ᐃᓚᖃᕐᑎᓪᓗᒍ.

ᒨᓯᓯ ᐂᑉᐸᖏᑦ 23:18

“ᐅᕙᓐᓄᑦ ᑐᓂᕐᕈᓯᐅᑎᒋᔭᕕᑦ ᐊᐅᖓᓂᒃ ᑐᓂᓯᓕᕐᑎᓪᓗᑎᑦ ᓂᐊᖂᔭᒥᒃ ᐳᕙᓪᓚᕐᓴᐅᑎᖃᕐᑐᒥᒃ ᑐᓂᕐᕈᓯᖃᓯᐅᑦᔨᔪᒃᓴᐅᓐᖏᓚᑎᑦ, ᐅᕙᓐᓄᓪᓗ ᓇᓪᓕᐅᓐᓂᕐᓯᐅᕐᓇᐅᑎᓪᓗᒍ ᑐᓂᕐᕈᑕᐅᔫᑉ ᑐᓐᓄᖓᓂᒃ ᐊᒥᐊᒃᑯᑕᖃᕐᑐᒃᓴᐅᓐᖏᓚᖅ ᖃᐅᑎᓪᓗᒍ ᐅᓪᓛᒃᑯᑦ.

ᒨᓯᓯ ᐂᑉᐸᖏᑦ 29:34

ᓂᕿᓂᒡᓕ ᓂᐊᖂᔭᓂᒡᓗ ᑎᓕᓯᓂᕐᒧᑦ ᑐᓂᕐᕈᑕᐅᔪᑦ ᓱᓕ ᐊᒥᐊᒃᑯᖃᕐᑐᖃᕐᐸᑦ ᐅᓪᓛᖑᓕᑎᓪᓗᒍ, ᑕᕝᕙ ᑕᒪᒃᑯᐊ ᐃᑯᐊᓪᓚᒃᑕᐅᔪᒃᓴᐅᕗᑦ ᓄᖑᑕᐅᓗᑎᒃ; ᓂᕆᔭᐅᔪᒃᓴᐅᓐᖏᓚᑦ, ᐃᑦᔪᕐᓁᑦᑑᖕᒪᑕ.

ᒨᓯᓯ ᐱᖓᔪᖏᑦ 2:11

“‘ᑐᓂᕐᕈᑎᒃᓮᑦ ᓂᐊᖂᔭᑦ ᐊᑕᓂᕐᒧᑦ ᑐᓂᔭᓯ ᓴᓇᓯᒪᔭᕆᐊᖃᕐᐳᑦ ᐳᕙᓪᓚᕐᓴᐅᑎᖃᖏᓪᓗᑎᒃ, ᐳᕙᓪᓚᕐᓴᐅᑏᑦ ᐊᒻᒪᓗ ᕼᐊᓃᑦ ᑐᓂᕐᕈᑎᒃᓴᒧᑦ ᐃᓚᒋᔭᐅᑎᓪᓗᒋᑦ ᐃᑭᑕᐅᔭᕆᐊᖃᖏᒻᒪᑎᒃ ᐊᑕᓂᕐᒧᑦ ᑐᓂᕐᕈᑎᒋᔭᐅᔪᒥ ᐃᑯᒪᒧᑦ.

ᒨᓯᓯ ᐱᖓᔪᖏᑦ 7:15

ᓂᕿ ᑐᓂᕐᕈᑕᐅᓯᒪᔪᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᖁᔭᓕᓂᕐᒧᓪᓗ ᓂᕆᔭᐅᔭᕆᐊᖃᕐᐳᖅ ᐅᓪᓗᒥ ᑕᕝᕙᓂ ᑐᓂᕐᕈᓯᕐᕕᐅᔪᒥ. ᐊᒥᐊᒃᑯᖃᕆᐊᖃᕋᓂᓗ ᐅᓪᓛᒥ ᐅᓪᓘᑉ ᐂᑉᐸᖓᓂ.

ᒨᓯᓯ ᓯᑕᒪᖏᑦ 9:12

ᐅᓪᓛᒧᑦ ᐊᒥᐊᒃᑯᖏᑦᓯᐊᕐᓗᓯ, ᓴᐅᓂᖓᓂᒡᓘᓐᓃᑦ ᓇᑲᑦᓯᔭᕆᐊᖃᓐᖏᓚᓯ. ᖄᖏᕐᑕᐅᕕᐅᑉ ᒪᓕᒐᖏᑦ ᒪᓕᑦᓯᐊᕐᓗᒋᑦ ᓇᓪᓕᐅᓐᓂᕐᓯᐅᕆᐊᖃᕐᐳᓯ.

ᒫᑎᐅᓯᐅᑉ ᐊᒡᓚᖏᑦ 13:33

ᔩᓱᓯᐅᑉ ᓱᓕ ᐊᑦᔨᐅᔪᒥᒃ ᐊᓯᐊᓂᒃ ᐅᖃᐅᑎᒃᑲᓐᓂᕐᐰᑦ: “ᒎᑎᐅᑉ ᐊᑕᓂᐅᕕᖓ ᐃᒤᑦᑐᒥᒃ ᐊᑦᔨᖃᕐᐳᖅ, ᐊᕐᓇᖅ ᐳᕙᓪᓚᖅᑯᒻᒥᒃ ᑎᒍᓯᕗᖅ, ᓂᐊᖂᔭᒃᓴᓕᐊᒥᓄᑦ ᐊᖏᔪᒧᑦ ᐊᑯᑉᐹ, ᑖᓐᓇᓕᒫᕐᓗ ᐳᕙᓪᓚᕐᑎᑉᐹ.”

ᒨᓯᓯ ᑕᓪᓕᒪᖏᑦ 16:3

ᑍᒤᑦᑐᒥᒃ ᓂᕆᓕᕐᑎᓪᓗᓯ, ᓂᐊᖂᔭᕐᑐᕐᑐᒃᓴᐅᓐᖏᓚᓯ ᐳᕙᓪᓚᕐᓴᐅᑎᖃᕐᑐᒥᒃ. ᐅᓪᓗᓂᒃ 7ᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᕿᖃᕐᑐᒃᓴᐅᕗᓯ, ᑍᒤᑦᓴᕆᐊᖃᓚᐅᕋᑦᓯ ᐄᑦᔨᑉᑎᒥᑦ ᑐᐊᕕᕐᓗᓯ ᐊᐅᓪᓚᕆᐊᖃᓕᕐᑎᓪᓗᓯ. ᓂᐊᖂᔭᓂᒃ ᑕᒪᒃᑯᓂᖓ ᓂᕆᔪᒃᓴᐅᕗᓯ ᑍᒤᑦᑐᑦ ᑍᔭᐅᕙᖕᓂᐊᕐᒪᑕ ᐅᖁᒤᒃᓴᑎᕐᑕᐅᓂᐅᑉ ᓂᐊᖂᔭᖁᑎᖏᓐᓂᒃ; ᑍᒫᓐᖓᑦ ᐃᓅᓯᓕᒫᑦᓯᓐᓂ ᐃᖅᑲᐅᒪᒃᓯᔪᓐᓇᖁᓪᓗᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᓯᒪᓂᑦᓯᓐᓂᒃ, ᓄᓇᒥᑦ ᐅᖁᒤᒃᓴᕐᑎᑕᐅᕕᖕᒥᑦ.

ᒨᓯᓯ ᑕᓪᓕᒪᖏᑦ 16:4

ᐅᓪᓗᓂᒃ 7ᓂᒃ ᓄᓇᒋᔭᑦᓯᓐᓂ ᐃᓘᓐᓇᑦᓯᐊᖓᓂ ᐳᕙᓪᓚᕐᓴᐅᑎᑕᖃᕐᑐᒃᓴᐅᓐᖏᓚᖅ ᐊᑐᓂᑦ ᐊᖏᕐᕋᕆᔭᖏᓐᓂ; ᐃᑯᐊᓚᑎᑦᓯᓂᒃᑯᑦ ᑐᓂᕐᕈᑎᕕᓂᕐᒥᒃ ᐅᓐᓄᒥᓗ ᑕᕝᕙᓂ ᑐᓂᕐᕈᑕᐅᔪᕕᓂᐅᑉ ᓂᕿᖓ ᐅᓪᓗᒥ ᑕᕝᕙᓂᑦᓮᓐᓇᖅ ᓂᕆᔭᐅᔪᒃᓴᐅᕗᖅ ᓄᖑᑕᐅᓗᓂ.