ᒨᓯᓯ ᐂᑉᐸᖏᑦ 34:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ “ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐊᒡᓛᑦ ᓄᓇᒥᒃ ᐱᕈᕐᓰᕕᒃᓴᒥᒃ ᒪᒃᐱᑎᕆᔭᕆᐊᖃᕋᓗᐊᕈᕕᑦ ᐱᕈᕐᑐᓂᒡᓗ ᑲᑎᕐᓱᐃᒋᐊᖃᕋᓗᐊᕈᕕᑦ.

ᒨᓯᓯ ᐂᑉᐸᖏᑦ 34:21 Iomraidhean Croise

ᒨᓯᓯ ᓯᕗᓪᓖᑦ 45:6

ᑳᖕᓇᕐᑐᕐᔪᐊᖃᓕᕐᒪᑦ ᐊᕐᕌᒍᖕᓂᒃ ᒪᕐᕉᖕᓂᒃ ᓄᓇᒥ; ᓱᓕᓕ ᐊᕐᕌᒍᓂᒃ ᑕᓪᓕᒪᓂᒃ ᐱᕈᕐᓰᕕᖕᒥ ᑲᓐᖓᕐᓱᐃᕕᒃᓴᐅᓂᐊᖏᒻᒪᑦ ᐱᕈᕐᑐᕕᓂᕐᓂᒡᓗ ᑲᑎᕐᓱᐃᕕᒃᓴᐅᓂᐊᕋᓂ.

ᓂᕼᐃᒤᐊᐅᑉ ᐊᒡᓚᖏᑦ 13:15

ᑍᑦᓱᒪᓂᐅᑎᓪᓗᒍ ᐃᓄᖕᓂᒃ ᔫᑕᒥᐅᓂᒃ ᑕᑯᓚᐅᕐᐳᖓ ᐸᐅᕐᖓᓂᒃ ᕔᓂᒃᓴᓂᒃ ᐃᑦᑏᔧᕕᖕᒥ ᑐᓪᓕᕐᑐᓂᒃ ᓴᐸᑎᐅᑎᓪᓗᒍ, ᓂᐊᖂᔭᒃᓴᓂᒡᓗ ᓇᑲᑎᕐᓯᒪᔪᓂᒃ ᐊᒡᔭᕐᓯᓪᓗᑎᒃ ᓯᐅᑎᖅᑯᕐᑐᔪᖁᑎᒥᖕᓄᑦ ᐅᓯᓕᕐᑐᐃᔪᓂᒃ; ᕔᓂᓂᒡᓗ, ᐸᐅᕐᖓᓂᒡᓗ ᕔᓂᒃᓴᓂᒃ, ᐸᐅᕐᖓᓂᒡᓗ ᐱᒋᓕᖕᓂᒃ, ᐊᓯᖏᓐᓂᒡᓗ ᐅᖁᒤᑦᑐᓂᒃ ᐱᓕᕆᔪᓂᒃ, ᔨᕉᓴᓕᒧᐊᕈᑦᔨᖃᑦᑕᕐᑐᓂᒃ ᐅᓪᓗᖅ ᓴᐸᑎᐅᑎᓪᓗᒍ. ᐃᓂᕐᑎᓚᐅᕐᐸᒃᑲᓕ ᐅᓪᓗᒥ ᑕᕝᕙᓂ ᓂᐅᕐᕈᓯᖃᑦᑕᖁᓇᒋᑦ ᓂᕿᒃᓴᓂᒃ.

ᒨᓯᓯ ᐂᑉᐸᖏᑦ 23:12

“ᐅᓪᓗᓂᒃ ᐱᖓᓲᔪᕐᑐᓂᒃ ᓴᓇᔭᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐆᒪᔪᖁᑎᓯᓗ ᐊᖑᓴᓪᓗᐃᑦ ᓯᐅᑎᖅᑯᕐᑐᔪᓪᓗ ᑕᕾᕐᓯᕐᑐᒃᓴᐅᒋᕗᑦ, ᓯᐊᓛᓯᓗ ᕿᑐᕐᖓᖏᓪᓗ ᓄᓇᑐᖃᒥᓃᖏᑦᑐᓪᓗ, ᑕᕾᕐᓯᕐᑐᐃᓐᓇᐅᔪᒃᓴᐅᕗᑦ.

ᒨᓯᓯ ᐂᑉᐸᖏᑦ 31:15

ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᓴᐸᑎ ᓇᓪᓕᐅᑎᕗᖅ ᓱᓇᓕᒫᓂᑦ ᑕᕾᕐᓯᕐᕕᒃᓴᖅ, ᐃᑦᔪᕐᓁᑦᑐᖅ ᐊᑕᓂᕐᒧᑦ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 35:2

ᐅᓪᓗᓂᒃ 6ᓂᒃ ᐱᓇᓱᐊᒐᒃᓴᑦᓯᓐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ ᐅᓪᓗᕐᓗ ᑖᓐᓇ ᐃᑦᔪᕐᓁᑎᓪᓗᒍ ᐊᑕᓂᐅᑉ ᐅᓪᓗᕆᖕᒪᒍ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ;

ᐂᓮᐊᓯᐅᑉ ᐊᒡᓚᖏᑦ 30:24

ᑐᒃᑐᕙᖁᑎᓯ ᓯᐅᑎᖅᑯᕐᑐᔪᖁᑎᓯᓗ ᐱᕈᕐᓰᕕᒃᓴᑦᓯᓐᓂᒃ ᓄᓇᓕᕆᑦᔪᑎᒋᕙᒃᑕᓯ, ᓂᕿᒃᓴᓕᐊᖑᓯᒪᔪᓂᒃ ᓂᕆᔭᒃᓴᖃᑦᓯᐊᖃᑦᑕᕈᒫᕐᐳᑦ ᑐᖁᓕᑦᓯᐊᖑᓯᒪᔪᓂᒃ, ᓴᓃᔭᕐᓯᒪᔪᓂᒃ ᐳᐊᕐᕆᑎᓄᑦ ᑲᑭᐊᒡᔪᐊᓄᓪᓗ.

ᒨᓯᓯ ᐱᖓᔪᖏᑦ 23:3

ᐅᓪᓗᓂᒃ 6ᓂᒃ ᐱᓇᓱᐊᕐᕕᒃᓴᖃᕐᐳᓯ, ᐅᓪᓗᐃᓪᓕ 7ᖓᑦ ᓴᐸᑎᐅᕗᖅ ᑕᕾᕐᓯᕐᕕᒃ, ᐅᓪᓗᖅ ᑖᓐᓇ ᑐᒃᓯᐊᕐᓂᕐᒧᑦ ᑲᑎᒪᕕᒃᓴᐅᕗᖅ. ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᑎᑦ; ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᐊᑕᓂᐅᑉ ᓴᐸᑎᒋᖕᒪᒍ.

ᓘᑲᓯᐅᑉ ᐊᒡᓚᖏᑦ 13:14

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᑦᑕ ᐊᐅᓚᑦᓯᔨᖓᑦ ᔩᓱᓯᒧᑦ ᓂᓐᖓᒃᐳᖅ ᓴᐸᑎᒥ ᐋᖅᑭᒃᓯᖕᒪᑦ, ᐃᓄᐃᑦ ᐅᖃᐅᑎᕔᑦ, “ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᕐᕕᒃᓴᕐᑕᖃᕐᐳᖅ; ᐅᓪᓗᓂ ᑖᒃᑯᓇᓂ ᕾᒋᑦᓯ ᐋᖅᑭᒃᑕᐅᔭᕐᑐᕐᓗᓯ, ᓴᐸᑎᒥᐅᖏᑦᑐᖅ.”

ᓘᑲᓯᐅᑉ ᐊᒡᓚᖏᑦ 23:56

ᐊᖏᕐᕋᕋᒥᒃ ᑎᐱᑦᓯᐊᕆᒃᓴᐅᑎᑦ ᒪᒪᕐᓴᐅᑎᓪᓗ ᑎᒥᖓᓄᑦ ᒥᖑᐊᕈᑎᒋᓂᐊᕐᑕᑎᒃ ᐅᐸᓗᖕᒊᔭᕐᐰᑦ. ᓴᐸᑎᒥ ᕿᑲᕐᐳᑦ, ᐱᖁᔭᓂᒃ ᒪᓕᒡᓗᑎᒃ.

ᒨᓯᓯ ᑕᓪᓕᒪᖏᑦ 21:4

ᑕᕝᕙ ᐃᒡᓗᒐᓮᑦ ᐊᖓᔪᖅᑳᖏᑕ ᐃᒻᒧᒃᓯᐅᒐᖅ ᓄᕐᕋᖅ ᓇᕐᓴᒧᐊᕈᑎᔭᒃᓴᕆᕚᑦ ᑰᖏᓐᓇᕐᑐᒥᒃ ᑰᓕᖕᒧᑦ, ᓄᓇᖓᓗ ᐊᐅᓚᑕᐅᓯᒪᖏᑦᑐᒧᑦ ᐱᕈᕐᓰᕕᐅᓚᐅᕐᓯᒪᖏᑦᑐᒧᓪᓗ, ᑕᕝᕙᓂ ᖁᖓᓯᖓᒍᑦ ᐊᓇᐅᓗᒍ ᑐᖁᑕᒃᓴᕆᕚᑦ.

ᓴᒧᐃᓕ ᓯᕗᓪᓖᑦ 8:12

ᐃᓚᖏᓪᓗ ᐊᖓᔪᖅᑲᐅᑎᑦᓱᒫᕐᐰᑦ ᐊᐅᓚᑦᓯᔨᐅᓗᑎᒃ 1,000ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ ᐱᕈᕐᓰᕕᓕᕆᔨᖁᑎᒋᔪᒫᕐᐰᑦ, ᐃᓚᖏᓪᓗ ᐱᕈᕐᑐᓂᒡᓗ ᓄᐊᑦᓯᔨᒋᓗᓂᒋᑦ, ᐃᓚᖏᓪᓗ ᓴᓇᔨᒋᔪᒫᕐᐰᑦ ᐅᓇᑕᐅᑎᓂᒃ ᐃᓚᖏᓪᓗ ᕿᒧᒃᓯᐅᑎᓄᑦ ᑲᓕᒐᓕᐅᕐᑎᒋᓗᓂᒋᑦ ᐊᒃᓴᓗᐊᓕᖕᓂᒃ.