ᒨᓯᓯ ᐂᑉᐸᖏᑦ 34:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᒫᓐᓇ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐊᖏᖃᑎᒌᒍᑎᓕᐅᕐᓂᐊᕐᐳᖓ. ᑖᒃᑯᐊᓗ ᑕᒃᑯᐊᓂ ᑲᒪᓇᕐᑐᓕᔪᒫᕐᐳᖓ ᑕᒪᑐᒪ ᓯᕗᓂᖓᓂ ᓇᓂᑐᐃᓐᓇᖅ ᓯᓚᕐᔪᐊᕐᒥ ᐃᓅᖃᑎᒌᒡᔪᐊᓪᓗ ᐊᓯᖏᓐᓂ ᐊᑐᕐᑕᐅᓚᐅᕐᓯᒪᖏᑦᑐᒥᒃ. ᐃᓄᓕᒫᑦ ᖃᓄᖅ ᐊᖏᑎᒋᔪᒥᒃ ᐅᕙᖓ ᐊᑕᓂᐅᔪᖓ ᐱᓇᓱᐊᕈᓐᓇᕐᒪᖔᕐᒪ ᑕᑯᓂᐊᕐᐳᑦ, ᐱᓇᓱᐊᕐᓂᐊᕋᒪ ᑲᒪᓇᕐᑐᐊᓗᖕᓂᒃ ᐃᕝᕕᑦ ᐊᖅᑯᑎᒋᓗᑎᑦ.

ᒨᓯᓯ ᐂᑉᐸᖏᑦ 34:10 Iomraidhean Croise

ᓴᒧᐃᓕ ᐂᑉᐸᖏᑦ 7:23

ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᓂᒃ ᐊᑦᔨᖃᓐᖏᓚᑦ ᓄᓇᕐᔪᐊᕐᒥ, ᐄᑦᔨᑉᑎᒥᑦ ᓴᐳᑎᔭᕐᑐᓚᐅᕐᐸᑎᑦ ᐃᓄᖁᑎᑎᑦ ᐃᓚᒋᔪᒪᓪᓗᒋᑦ, ᑲᒪᓇᕐᑐᕐᔪᐊᓪᓗ ᐱᓂᐊᕐᓂᕆᓚᐅᕐᐸᑎᑦ ᑖᒃᑯᓄᖓ ᖃᐅᔨᒪᔭᐅᓕᕐᓗᑎᒡᓗ ᓯᓚᕐᔪᐊᒥᐅᓄᑦ, ᐃᓅᖃᑎᒌᒡᔪᐊᑦ ᒎᑎᓐᖑᐊᖏᓪᓗ ᓯᖏᓚᐅᕐᐸᑎᑦ ᐃᓄᖁᑎᑎᑦ ᓄᓇᑖᖔᖁᓪᓗᒋᑦ.

ᐃᓐᖏᕈᑎᑦ 106:22

ᑲᒪᓇᕐᑐᐊᓗᖕᓂᒃ ᐱᓕᕆᓚᐅᕐᒪᑦ ᓄᓇᒥ ᕼᐋᒥᒥ, ᓯᕘᕋᓕᕐᓇᕐᑐᓂᒡᓗ ᐊᐅᓚᑦᓯᓚᐅᕐᐳᖅ ᐃᒪᕐᒥ ᐊᐅᐸᓗᒃᑕᒥ.

ᐃᓐᖏᕈᑎᑦ 136:4

ᑲᒪᓇᕐᑐᓕᔪᑑᓚᐅᕐᑐᖅ ᐊᖏᔪᕐᔪᐊᒥᒃ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 145:6

ᐃᓄᐃᑦ ᐅᖃᐅᓯᖃᕐᓂᐊᕐᐳᑦ ᐱᓂᐊᕐᓯᒪᔭᕐᐱᑦ ᑲᒪᓇᕐᑐᕐᔪᐊᖑᓂᖏᓐᓂᒃ ᐊᖏᔪᕐᔪᐊᖑᓂᖏᓐᓂᒡᓗ, ᐅᕙᖓᓕ ᐊᖏᔪᕐᔪᐊᖑᓃᑦ ᐅᓂᒃᑲᐅᑎᒋᔪᒪᕙᕋ.

ᐃᓐᖏᕈᑎᑦ 147:20

ᐃᓅᖃᑎᒌᒡᔪᐊᑦ ᓇᓪᓕᐊᓪᓘᓐᓃᑦ ᑍᒤᓕᐅᕐᕕᒋᓚᐅᓐᖏᓔᑦ; ᑖᑦᓱᒪ ᐃᓱᐊᕆᔭᖏᑦ ᖃᐅᔨᒪᔭᐅᓐᖏᓚᑦ ᑖᒃᑯᓄᖓ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 65:5

ᐱᓂᐊᕐᓂᕐᔪᐊᒃᑯᑦ ᑲᒪᓇᕐᑐᑎᒍᑦ ᐃᓱᐊᕐᑐᓕᓂᒃᑯᓪᓗ ᑭᐅᒐᑦᑎᒍᑦ, ᒎᑏ ᐱᐅᓕᔭᐅᕕᕗᑦ, ᓂᕆᐅᖕᓂᖃᕈᑎᒋᔭᐅᕗᑎᑦ ᓄᓇᕐᔪᐊᕐᒥᐅᓕᒫᓂᑦ, ᓄᓇᕐᔪᐊᑉ ᐃᓱᐊ ᑎᑭᓪᓗᒍ, ᐃᒪᕐᔪᐊᓪᓗ ᐅᖓᓯᖕᓂᕐᐹᖏᓐᓄᑦ;

ᐃᓐᖏᕈᑎᑦ 66:3

ᒎᑎᒧᓪᓗ ᐅᖃᕐᓗᓯ, “ᓴᓇᓯᒪᔭᑎᑦ ᑲᒪᓇᕐᑐᐊᓘᕗᑦ! ᐊᔪᒐᖃᖏᓐᓂᕕᑦ ᐊᖏᔪᕐᔪᐊᖑᓂᖓᓄᑦ ᐊᑭᕋᕐᑐᕐᑎᑎᑦ ᐹᒻᒫᒃᑎᕐᐳᑦ ᐃᓕᖕᓄᑦ.

ᐃᓐᖏᕈᑎᑦ 66:5

ᕾᒋᑦᓯ ᑕᑯᔭᕐᑐᕐᓗᓯ ᒎᑎᐅᒃ ᐱᓂᐊᕐᓯᒪᔭᖏᓐᓂᒃ; ᑲᒪᓇᕐᑐᐊᓗᖕᓂᒃ ᐱᓂᐊᕐᓯᒪᖕᒪᑦ ᐃᓄᖕᓄᑦ.

ᐃᓐᖏᕈᑎᑦ 68:35

ᒎᑎ, ᑲᒪᓇᕐᑐᕐᔪᐊᖑᕗᖅ ᐃᓂᒋᔭᒥᓂ ᐃᑦᔪᕐᓁᑦᑐᒥ, ᐃᓴᕆᐊᓕᑏᑦ ᒎᑎᖓᑦ ᑐᓂᓯᕗᖅ ᓴᓐᖏᓂᕐᒥᒃ ᐱᔪᓐᓇᕐᓂᕐᒥᒡᓗ ᐃᓄᖁᑎᒥᓄᑦ. ᒎᑎ ᓂᕐᑐᕐᑕᐅᓕ!

ᐃᓐᖏᕈᑎᑦ 72:18

ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᑎᑦ ᒎᑎᖓᑦ, ᑲᒪᓇᕐᑐᓂᒃ ᑖᓐᓇ ᑭᓯᒥ ᐱᓂᐊᕐᓂᖃᕐᑐᖅ.

ᐃᓐᖏᕈᑎᑦ 76:12

ᑖᑦᓱᒪ ᐊᖓᔪᖅᑳᕐᔪᐊᑦ ᐃᕐᓂᖏᑕ ᐊᓂᕐᓂᖏᑦ ᑭᐱᕔᑦ, ᓄᓇᒥᓗ ᐊᖓᔪᖅᑳᕐᔪᐊᓄᑦ ᓯᕘᕋᒋᔭᐅᕗᖅ.

ᐃᓐᖏᕈᑎᑦ 77:14

ᒎᑎᐅᕗᑎᑦ ᑲᒪᓇᕐᑐᓂᒃ ᐱᓇᓱᐊᕐᑎᐅᓪᓗᑎᑦ; ᓴᓐᖏᔫᓃᑦ ᓴᖅᑭᑎᓯᒪᕙᑦ ᐃᓄᐃᑦ ᐊᑯᕐᖓᓐᓂ.

ᐃᓐᖏᕈᑎᑦ 78:12

ᑲᒪᓇᕐᑐᑦ ᐱᓂᐊᕐᓂᕆᓚᐅᕐᑕᖏᑦ ᓯᕗᓕᕕᓂᖏᑕ ᑕᒃᑯᐊᓂ, ᓄᓇᒥ ᐄᑦᔨᑉᑎᒥ, ᓇᑎᕐᓇᒥᓗ ᔪᐊᓐᒥᒃ ᐊᑎᓕᖕᒥ.

ᒨᓯᓯ ᐂᑉᐸᖏᑦ 34:27

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᒪᒃᑯᐊ ᐅᖃᐅᓰᑦ ᑎᑎᕋᕐᑕᒃᓴᕆᕙᑎᑦ, ᑕᒪᒃᑯᐊ ᐅᖃᐅᓰᑦ ᑐᓐᖓᕕᒋᓗᒋᑦ ᐊᖏᖃᑎᒌᖕᓂᕐᒥᒃ ᐋᖅᑭᒃᓯᓂᐊᕋᒪ ᐃᓕᖕᓄᑦ ᐃᓴᕆᐊᓕᐅᒥᐅᓄᓪᓗ.”

ᒨᓯᓯ ᐂᑉᐸᖏᑦ 34:28

ᒨᓯᓯᓗ ᑕᕝᕙᓃᑉᐳᖅ ᐊᑕᓂᕐᒥ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ, ᓂᕆᓚᐅᕋᓂ ᐃᒥᓚᐅᕋᓂᓗ. ᐅᖃᐅᓰᓪᓗ ᐊᖏᖃᑎᒌᒍᑏᑦ ᑎᑎᕋᓚᐅᕐᐰᑦ ᐅᔭᕋᒃᑯᑦ, ᐱᖁᔭᑦ ᖁᓕᑦ.

ᐂᓮᐊᓯᐅᑉ ᐊᒡᓚᖏᑦ 64:3

ᑲᒪᓇᕐᑐᕐᔪᐊᓂᒃ ᐱᓇᓱᐊᖃᑦᑕᓚᐅᕋᕕᑦ ᓂᕆᐅᒃᑎᓐᓇᑕ, ᐊᖅᑲᕋᕕᑦ, ᖃᖅᑳᓗᒃ ᓴᔪᒃᐱᓗᓚᐅᕐᐳᖅ ᓇᔫᑎᓂᕐᓄᑦ.

ᔨᕆᒤᐊᐅᑉ ᐊᒡᓚᖏᑦ 32:21

ᐃᓄᖁᑎᑎᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᕕᒋᑦ ᓇᓗᓁᒃᑯᑕᒃᑯᑦ ᑲᒪᓇᕐᑐᓪᓗ ᐊᑐᕐᓗᒋᑦ. ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ ᑲᑉᐱᐊᓇᕐᑐᒃᑯᑦ.

ᒤᑲᐅᑉ ᐊᒡᓚᖏᑦ 7:15

ᑍᑦᓱᒪᓂ ᐅᓪᓗᓂ ᐊᐅᓪᓚᓚᐅᕋᑦᓯ ᐄᑦᔨᑉᑎᒥᑦ, ᑍᒫᒃᑕᐅᖅ ᑖᒃᑯᐊ ᑲᒪᓇᕐᑐᓂᒃ ᑕᑯᔪᒫᕐᐳᑦ.

ᒨᓯᓯ ᑕᓪᓕᒪᖏᑦ 10:21

ᓂᕐᑐᒐᒃᓴᕆᕙᓯ ᒎᑎᒋᒐᑦᓯᐅᒃ, ᓇᖕᒥᓂᖅ ᑕᑯᓯᒪᒐᑦᓯ ᑖᑦᓱᒪ ᐊᔪᖏᑦᑐᐊᓘᓂᖓᓂᒃ ᑲᒪᓇᕐᑐᕐᔪᐊᖑᓂᖓᓂᒡᓗ ᐃᓕᑦᓯ ᐱᑦᔪᑎᒋᓪᓗᓯ.

ᒨᓯᓯ ᑕᓪᓕᒪᖏᑦ 32:30

ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.

ᒨᓯᓯ ᑕᓪᓕᒪᖏᑦ 4:13

ᐅᖃᐅᑎᓯᒪᕚᓯ ᖃᓄᐃᓕᐅᕐᑐᒃᓴᐅᖕᒪᖔᑦᓯ ᐊᖏᖃᑎᒌᒍᑎᒋᓯᒪᔭᖓᓂᒃ ᑲᔪᓯᑎᑦᓯᔪᓐᓇᖁᓪᓗᓯ, ᐱᖁᔭᑦ ᖁᓕᑦ ᓈᓚᒐᒃᓴᕆᕙᓯ, ᑖᑦᓱᒪ ᑎᑎᕋᓚᐅᕐᑕᖏᑦ ᐅᔭᕋᒃᑎᒍᑦ ᒪᕐᕉᒃᑎᒍᑦ.

ᒨᓯᓯ ᑕᓪᓕᒪᖏᑦ 9:19

ᓯᕘᕋᓕᓚᐅᕋᒪ ᐊᑕᓂᐅᑉ ᓂᓐᖓᐅᒪᔪᐊᓘᓂᖓᓂᒃ, ᐊᖏᔪᒥᒃ ᓂᓐᖓᓚᐅᕐᒪᑦ ᐊᒡᓛᑦ ᐃᓕᑦᓯᓐᓂᒃ ᓄᖒᑦᓯᑐᐃᓐᓇᕆᐊᖃᓕᓚᐅᕐᒪᑦ; ᐊᑕᓂᐅᓪᓕ ᓱᓕ ᑐᒃᓯᐊᕐᓂᓐᓂᒃ ᑐᓴᓚᐅᕆᕚᖓ.

ᔮᓱᐊᑉ ᐊᒡᓚᖏᑦ 6:20

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᑐᐊᕐᒪᑕ, ᐊᖑᑏᑦ ᓂᐱᖅᑯᕐᑐᓪᓗᑎᒃ ᕾᒐᓛᓕᓚᐅᕐᐳᑦ. ᔨᕆᑰᓪᓗ ᐊᕙᓗᕐᔪᐊᖏᑦ ᐅᕐᕈᕗᑦ, ᐃᓄᓕᒫᓪᓗ ᓵᓐᖓᔭᒥᒃᑎᒍᑦ ᑐᕅᓐᓇᕐᓗᑎᒃ ᐃᑎᕐᐳᑦ ᐃᒡᓗᒐᓴᖕᓄᑦ, ᐃᒡᓗᒐᓮᓪᓗ ᓵᓚᒋᓪᓗᒋᑦ.