ᒨᓯᓯ ᐂᑉᐸᖏᑦ 33:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓴᕆᐊᓕᒥᐅᓪᓕ ᑕᖕᒫᕐᑎᕌᖓᑕ, ᒨᓯᓯᐅᑉ ᑐᐱᖅ ᐃᑦᔪᕐᓁᑦᑐᖅ ᑕᖕᒫᕐᓯᒪᕕᐅᔪᑦ ᓯᓚᑖᓄᑦ ᓇᑉᐸᖃᑦᑕᓚᐅᕐᐹ, ᑕᖕᒫᕐᓯᒪᕕᐅᔪᑦ ᐅᖓᓯᒋᔭᖓᓄᑦ; ᑍᔭᐅᕙᓚᐅᕐᐳᕐᓗ ᐊᑕᓂᐅᑉ ᓇᔪᒐᖓᓂᒃ, ᓇᓪᓕᐊᓪᓗ ᐊᑕᓂᕐᒧᑦ ᖃᐅᔨᓇᓱᐊᕈᒪᔪᖅ ᑕᕝᕗᓐᖓᖃᑦᑕᓚᐅᕐᐳᑦ ᑐᐱᕐᒧᑦ.

ᒨᓯᓯ ᐂᑉᐸᖏᑦ 33:7 Iomraidhean Croise

ᓴᒧᐃᓕ ᐂᑉᐸᖏᑦ 21:1

ᑍᕕᑎᐅᑉ ᐊᐅᓚᑦᓯᓂᖓᑕ ᐃᓚᖓᓂ ᑳᖕᓇᕐᑐᕐᔪᐊᖃᓚᐅᕐᐳᖅ ᐊᕐᕌᒍᓂᒃ ᐱᖓᓱᓂᒃ, ᑍᕕᑎᓗ ᐊᑕᓂᕐᒧᑦ ᖃᐅᔨᓇᓱᐊᖃᑦᑕᓚᐅᕐᐳᖅ ᑕᒪᓐᓇ ᐱᓪᓗᒍ, ᐊᑕᓂᕐᓗ ᐅᖃᕐᐳᖅ, “ᓴᐅᓕᒃᑯᑦ ᐃᓚᖏᓪᓗ ᐸᓯᔭᒃᓴᐅᕗᑦ ᑐᖁᑦᓯᓂᕐᒧᑦ; ᒋᐱᐅᓁᑎᒥᐅᑦ ᑐᖁᑕᐅᑎᓚᐅᕐᓯᒪᖕᒪᒋᑦ.”

ᐃᓐᖏᕈᑎᑦ 10:1

ᐊᑕᓃᖅ, ᓱᖕᒪᑦ ᓇᖏᕐᐱᑦ ᐅᖓᓯᒃᑐᒥ? ᓱᖕᒪᓪᓗ ᐊᔪᕐᓇᕐᑐᖃᓕᕌᖓᑦ ᐃᔨᕐᓯᒪᖃᑦᑕᕐᐲᑦ?

ᐃᓐᖏᕈᑎᑦ 27:8

ᐅᖃᕋᕕᑦ, “ᑮᓇᕋ ᕿᓂᕈᒃ,” ᐆᒻᒪᑎᒐ ᑕᕝᕙ ᐃᓕᖕᓄᑦ ᐅᖃᕐᐳᖅ, “ᑮᓁᑦ, ᐊᑕᓃᖅ ᕿᓂᕈᒪᕙᕋ.”

ᐃᓐᖏᕈᑎᑦ 35:22

ᐊᑕᓃᖅ, ᑕᒪᑐᒥᖓ ᑕᑯᓯᒪᕗᑎᑦ, ᓂᐰᑦᑑᓂᐊᕐᓇᒃ. ᐊᑕᓃᖅ, ᐅᖓᓯᖕᓂᐊᕐᓇᒃ ᐅᕙᓐᓂᑦ.

ᒨᓯᓯ ᐂᑉᐸᖏᑦ 18:12

ᔨᑐᕉᓗ ᒨᓯᓯᐅᑉ ᓴᑭᖓ, ᑐᓂᕐᕈᑎᒃᓴᓂᒃ ᐃᑯᐊᓚᔭᒃᓴᓂᒡᓗ ᑐᓂᕐᕈᓯᓚᐅᕐᐳᖅ ᒎᑎᒧᑦ; ᐂᕉᓂᓗ ᕾᓚᐅᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒋᓪᓗᒋᑦ ᓂᕆᖃᑕᐅᓪᓗᑎᒃ ᑐᓂᕐᕈᑎᐅᔪᓂᒃ ᑕᒪᓐᓇᓗ ᑐᒃᓯᐊᕐᓂᕐᒧᑦ ᐃᓚᒋᔭᐅᑎᓪᓗᒍ ᐱᓂᐊᕐᓂᐅᓚᐅᐳᖅ ᒎᑎᐅᑉ ᓵᖓᓂ.

ᒨᓯᓯ ᐂᑉᐸᖏᑦ 18:7

ᒨᓯᓯᐅᓪᓗ ᓴᑭᓂ ᐸᕐᕆᐊᕐᐹ, ᓵᖓᓄᓪᓗ ᐅᑯᓪᓗᓂ, ᒪᑭᓐᓇᒥ ᐃᕿᓪᓗᒍ ᑯᓂᒃᐹ, ᐃᒻᒥᖕᓄᓪᓗ ᖃᓄᐃᖏᒻᒪᖔᕐᒥᖕᓂᒃ ᐊᐱᕐᓱᖃᑦᑕᐅᑎᓚᐅᕐᓗᑎᒃ, ᑐᐱᕐᒧᑦ ᐃᑎᓕᕐᐳᑦ.

ᒨᓯᓯ ᐂᑉᐸᖏᑦ 33:6

ᑍᒤᒻᒪᑦ ᖃᖅᑲᒥᑦ ᕼᐆᕆᑉᒥᑦ ᐊᐅᓪᓚᓕᕐᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦ ᐱᐅᓴᐅᑎᒐᓚᖕᓂᒃ ᐊᑐᕐᑐᖃᓚᐅᕈᓐᓁᕐᐳᑦ.

ᒨᓯᓯ ᐂᑉᐸᖏᑦ 33:8

ᒨᓯᓯᓕ ᑍᒪᓐᖓᑦ ᑐᐱᕐᒧᐊᓕᕌᖓᑦ, ᐃᓄᐃᑦ ᓇᖏᖃᑦᑕᓚᐅᕐᐳᑦ ᑐᐱᖏᑕ ᐹᖓᓂ, ᒨᓯᓯᒥᒃ ᑕᑯᓐᓈᕐᓱᑎᒃ ᐃᑎᓚᐅᖏᓐᓂᓕᒫᖓᓂ ᑐᐱᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:29

ᐊᑕᓂᖅ ᐅᖓᓯᒃᐳᖅ ᐱᐅᖏᑦᑐᓄᑦ, ᐃᓱᐊᕐᑐᓪᓕ ᑐᒃᓯᐊᕐᓂᖏᑦ ᑐᓴᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 59:2

ᐱᐅᖏᑦᑐᓂᒃ ᐱᓇᓱᐊᖃᑦᑕᕐᓂᑦᓯᓐᓄᑦ ᒎᑎᑦᓯᓐᓂᒃ ᐊᕕᑦᑎᓯᒪᒐᑦᓯ, ᐊᔪᕐᓂᑦᓯᓐᓄᑦ ᑮᓇᖓ ᐃᓕᑦᓯᓐᓄᑦ ᑕᕐᕆᓯᒪᓕᕐᒪᑦ ᑍᒫᒃ ᑐᓴᕈᓐᓁᓪᓕᕚᓯ.

ᕼᐆᓯᐊᑉ ᐊᒡᓚᖏᑦ 9:12

ᕿᑐᕐᖓᒥᖕᓂᒡᓗ ᐱᕈᐃᒐᓗᐊᕈᑎᒃ, ᕿᒃᓵᒃᑎᑦᓱᒫᕐᐸᒃᑲ ᐊᒥᐊᒃᑯᖃᕈᓐᓃᕐᑎᓪᓗᒋᑦ. ᑲᑉᐱᐊᓐᓇᒦᒃ ᑖᒃᑯᐊ ᕿᒪᒍᒃᑭᑦ!”

ᒨᓯᓯ ᑕᓪᓕᒪᖏᑦ 4:29

ᑕᕝᕙᓂ ᐊᑕᓂᖅ ᒎᑎᓯ ᕿᓂᕈᒫᕐᐸᓯ, ᐆᒻᒪᑎᒧᓪᓕ ᐊᒃᓱᕈᓪᓚᕆᒃᑐᒧᑦ ᕿᓂᕐᓂᐊᕈᑦᓯᐅᒃ, ᑕᕝᕙ ᓇᓂᓂᐊᕐᐸᓯ.

ᐄᑉᕈᐃᓄᑦ 8:2

ᑖᓐᓇᓗ ᐱᔨᑦᓯᕐᑎᐅᕗᖅ ᐃᑦᔪᕐᓁᓐᓂᕐᐸᐅᔪᒥ, ᑐᐱᕐᒥ ᑐᒃᓯᐊᕐᕕᖕᒥ ᐋᖅᑭᑦᓯᐊᕐᓯᒪᔪᒥ ᐊᑕᓂᐅᑉ ᓇᑉᐸᕐᑎᓯᒪᔭᖓᓂ, ᐃᓄᖕᒧᑦ ᓇᑉᐸᕐᑎᑕᐅᓯᒪᓐᖏᑦᑐᖅ.