ᒨᓯᓯ ᐂᑉᐸᖏᑦ 33:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᕝᕗᖓ ᓄᓇᒧᑦ ᐂᔪᒃᓴᐅᕗᓯ ᓂᕿᒃᓴᖃᑦᓯᐊᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ. ᐅᕙᖓᓕ ᓇᖕᒥᓂᖅ ᐃᓚᒋᓂᐊᓐᖏᓚᑦᓯ, ᓯᑎᔪᐊᓘᓂᓯ ᐱᓪᓗᒍ, ᐃᓚᒋᑐᐊᕈᑦᓯ ᓄᖑᑕᐅᑎᑐᐃᓐᓇᕆᐊᖃᕋᑦᓯ ᑕᒫᓂ ᐊᖅᑯᑖᓂ.”

ᒨᓯᓯ ᐂᑉᐸᖏᑦ 33:3 Iomraidhean Croise

ᐊᑕᓃᑦ ᐂᑉᐸᖏᑦ 17:14

ᓈᓚᒍᒪᓚᐅᓐᖏᓚᓪᓕ, ᓯᕗᓕᕕᓂᖏᑕ ᓯᑎᔫᓂᕆᓚᐅᕐᑕᖏᑎᑐᑦ ᑍᒤᓐᓇᒥᒃ, ᐅᒃᐱᕈᓱᓚᐅᓐᖏᓚᑦ ᐊᑕᓂᕐᒥᒃ ᒎᑎᒥᖕᓂᒃ.

ᐃᓐᖏᕈᑎᑦ 78:8

ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.

ᒨᓯᓯ ᐂᑉᐸᖏᑦ 13:5

ᐊᑕᓂᐅᑉ ᓱᓕᓪᓚᕆᒃᑐᒥᒃ ᐊᖏᕐᕕᒋᓯᒪᖕᒪᒋᑦ ᓯᕗᓕᕕᓂᓯ ᓄᓇᒥᒃ ᑕᒪᑐᒥᖓ ᑬᓇᓂᒥᐅᑦ ᓄᓇᖓᓂᒃ ᑐᓂᓯᕕᒋᔪᒪᓪᓗᒋᑦ, ᕼᐃᑍᑎᒥᐅᓪᓗ ᓄᓇᖓᓂᒃ, ᐊᒧᕅᑎᒥᐅᓪᓗ ᓄᓇᖓᓂᒃ, ᕼᐃᕔᑎᒥᐅᓪᓗ ᓄᓇᖓᓂᒃ, ᔨᐳᓮᑎᒥᐅᓪᓗ ᓄᓇᖓᓂᒃ, ᑕᒪᓐᓇ ᓄᓇ ᐱᕈᕐᑐᓂ ᐊᔪᕐᓴᕐᓇᖏᑦᓯᐊᕐᒪᑦ, ᑍᒤᒻᒪᑦ ᐊᕐᕌᒍᑕᒫᑦ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ ᖁᕕᐊᓲᑎᒋᓗᒍ ᑕᕝᕙᓂ ᑕᖅᑭᒥ.

ᒨᓯᓯ ᐂᑉᐸᖏᑦ 23:21

ᑖᓐᓇ ᑲᒪᒋᑦᓯᐊᕐᓯᐅᒃ ᐅᖃᐅᓯᖓᓗ ᓈᓚᒡᓗᒍ, ᐊᑭᕋᕐᑐᕐᓂᐊᕋᓯᐅᒃ, ᑎᓕᓯᒪᒐᒃᑯ, ᐊᑭᕋᕐᑐᕈᑦᓯᐅᒃ ᐊᔪᕐᑐᓕᓂᓯ ᐃᓱᒪᒋᔪᓐᓁᕐᓂᐊᖏᒻᒪᒋᑦ.

ᒨᓯᓯ ᐂᑉᐸᖏᑦ 3:17

ᐄᑦᔨᑉᑎᒥᑦ ᐊᐅᓪᓚᕐᑎᑦᓱᒪᓕᕋᒃᑭᑦ ᐃᓖᔭᕆᔭᐅᕕᒋᔭᖓᓐᓂᑦ ᓄᓇᒧᓪᓗ ᐊᔪᕐᓴᕐᓇᖏᑦᑐᒧᓐᖓᐅᑎᓗᒋᑦ, ᑖᓐᓇ ᓄᓇᒋᔭᐅᔪᖅ; ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᕼᐃᕔᑎᒥᐅᓄᓪᓗ, ᔨᐳᓮᑎᒥᐅᓄᓪᓗ.

ᒨᓯᓯ ᐂᑉᐸᖏᑦ 3:8

ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ.

ᒨᓯᓯ ᐂᑉᐸᖏᑦ 32:14

ᑕᕝᕙ ᐊᑕᓂᐅᑉ ᐃᓱᒪᒋᓚᐅᕐᑕᓂ ᓴᖑᑎᓕᕐᐹ ᐃᓄᖁᑎᒥᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒪᔪᓐᓁᕐᐳᖅ.

ᒨᓯᓯ ᐂᑉᐸᖏᑦ 33:5

ᐊᑕᓂᖅ ᐅᖃᓚᐅᕐᒪᑦ ᒨᓯᓯᒧᑦ ᐅᖃᐅᑦᔨᖁᓪᓗᒍ ᐃᓴᕆᐊᓕᒥᐅᓂᒃ, “ᐃᓕᑦᓯ ᓯᑎᔪᐊᓘᒐᑦᓯ ᐃᓅᖃᑎᒌᑦ, ᐃᓕᑦᓯᓐᓄᑦ ᐃᓚᒋᔭᐅᓂᐊᕋᓗᐊᕈᒪ ᐊᒡᓛᑦ ᐊᑯᓂᐅᖏᑦᑐᒥᒃ, ᐊᑕᖏᑦᓯᐊᕐᓗᓯ ᓄᖑᑕᐅᑎᒍᓐᓇᕐᐸᑦᓯ. ᒫᓐᓇᓕ ᐱᐅᓴᐅᑎᒐᓚᒃᓯ ᐲᔭᓚᐅᕐᓯᐅᒃ, ᑕᕝᕙ ᐃᓱᒪᑖᕐᓂᐊᕐᐳᖓ ᖃᓄᐃᓕᐅᕐᑐᒃᓴᐅᖕᒪᖔᕐᒪ ᐃᓕᑦᓯᓐᓄᑦ.”

ᒨᓯᓯ ᐂᑉᐸᖏᑦ 34:9

ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”

ᐂᓮᐊᓯᐅᑉ ᐊᒡᓚᖏᑦ 48:4

ᖃᐅᔨᒪᒐᒪ ᓯᑎᔫᒐᑦᓯ, ᖁᖓᓯᓯᓗ ᓄᑭᖏᑦ ᓴᕕᕋᔭᐅᓪᓗᑎᒃ, ᖃᐅᓯᓗ ᑲᓐᓄᔭᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 11:5

ᐅᖃᕕᒃᓗᖓ ᐊᖏᒻᒪᕆᒍᑎᒋᓚᐅᕐᑕᕋ ᓯᕗᓕᑦᓯᓐᓄᑦ ᓱᓕᖁᓪᓗᒍ, ᓄᓇᑖᕐᑎᑦᓱᒪᓚᐅᕋᒃᑭ ᒪᒪᕐᑐᓂᒃ ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ ᐅᓪᓗᒥ ᓄᓇᒋᓕᕐᑕᑦᓯᓐᓂᒃ.” ᑕᕝᕙ ᑭᐅᕙᕋ, “ᐊᑕᓃᖅ, ᑍᒤᓕᕐᓕ.”

ᐃᓯᑭᐊᓕᐅᑉ ᐊᒡᓚᖏᑦ 20:6

ᑍᑦᓱᒪᓂ ᐅᓪᓗᒥ ᐅᖃᕕᒃᓗᖓ ᐊᖏᕐᕕᒋᓚᐅᕐᐸᒃᑲ ᐄᑦᔨᑉᑎᒥᑦ ᐊᐅᓪᓚᕐᑎᓛᕐᓂᕋᕐᓗᒋᑦ ᑕᓯᐅᕐᓗᒋᓪᓗ ᓄᓇᒧᑦ ᓄᓇᑖᕆᔭᐅᖁᓪᓗᒍ ᓂᕈᐊᕆᓯᒪᔭᓐᓄᑦ, ᓄᓇᑦᓯᐊᕙᐅᓂᕐᐹᒧᑦ ᓄᓇᒥ ᓂᕿᒃᓴᖃᑦᓯᐊᕐᓇᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ.

ᒨᓯᓯ ᐱᖓᔪᖏᑦ 20:24

ᐃᓕᑦᓯᓕ ᐅᖃᐅᑎᕙᑦᓯ ᓄᓇ ᐱᑖᕆᓂᐊᕋᓯᐅᒃ; ᐃᓕᑦᓯᓐᓄᑦ ᑐᓂᓂᐊᕋᒃᑯ, ᓄᓇ ᐊᔪᕐᓴᕐᓇᖏᑦᑐᖅ ᐱᕈᕐᕕᐅᑦᓯᐊᕈᓐᓇᕐᑐᕐᓗ ᐱᑖᕆᓂᐊᕋᑦᓯᐅᒃ. ᐅᕙᖓ ᐊᑕᓂᐅᒐᒪ ᒎᑎᓯ, ᓴᓂᕐᕙᒃᑎᓯᒪᒐᑦᓯ ᐃᓅᖃᑎᒌᒡᔪᐊᓂᑦ.

ᔫᓇᐅᑉ ᐊᒡᓚᖏᑦ 3:10

ᒎᑎᓗ ᓂᓂᕕᒥᐅᑦ ᑍᒤᓕᐅᕐᓂᖏᓐᓂᒃ ᑕᑯᕗᖅ, ᓴᖑᓂᖏᓐᓂᒃ ᐊᖅᑯᑎᒋᔭᒥᖕᓂᑦ ᐃᓗᐊᖏᑦᑐᓂᑦ; ᒎᑎᐅᓪᓗ ᐃᓱᒪᒋᔭᓂ ᐊᓯᑦᔨᕐᐹ ᐊᓯᕈᕐᑕᐅᓂᖅ ᑍᓐᓇ ᐅᖃᐅᑎᒋᓚᐅᕐᑕᓂ ᐱᓂᐊᕈᑎᒋᓂᐊᕐᓂᕋᓚᐅᕐᑕᓂᓗ ᑖᒃᑯᓄᖓ.

ᔫᓇᐅᑉ ᐊᒡᓚᖏᑦ 3:4

ᔫᓇᓗ ᐃᑎᓕᕐᐳᖅ ᐃᒡᓗᒐᓴᒡᔪᐊᓄᑦ, ᐅᓪᓗᓕᒫᕐᓕ ᐃᖏᕐᕋᓚᐅᕐᓗᓂ, ᓂᐱᖅᑯᕐᑐᓪᓗᓂ ᐅᖃᓕᕐᐳᖅ, “ᐅᓪᓗᑦ 40 ᓈᒃᐸᑕ ᓂᓂᕕ ᐊᓯᕈᕐᑕᐅᓂᐊᓕᕐᐳᖅ!”

ᒨᓯᓯ ᓯᑕᒪᖏᑦ 13:27

ᑖᒃᑯᓄᖓ ᐅᓂᒃᑳᕐᐳᑦ ᐅᖃᕐᓗᑎᒃ: “ᓄᓇᒧᑦ ᐂᓚᐅᕐᐳᒍᑦ ᐅᕙᑦᑎᓐᓂᒃ ᑎᓕᓯᕝᕕᒋᓚᐅᕐᑕᑦᓯᓐᓄᑦ ᐱᕈᕐᑐᖃᑦᓯᐊᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ, ᐅᕝᕙᓗ ᐸᐅᕐᒊᑦ ᓄᓇᒥ ᐱᕈᕐᑐᑦ.

ᒨᓯᓯ ᓯᑕᒪᖏᑦ 14:12

ᖃᓄᐃᓐᓇᕐᑐᓄᑦ ᐋᓐᓂᐊᓄᑦ ᐱᔭᐅᑎᓐᓂᐊᕐᐸᒃᑲ, ᐊᓯᕈᕐᓗᒋᓪᓗ, ᐃᓅᖃᑎᒌᒡᔪᐊᓐᖑᕐᑎᓐᓂᐊᕐᐸᒋᑦ ᐅᓄᕐᓂᕐᓴᐅᓗᑎᑦ ᓴᓐᖏᓂᕐᓴᐅᓗᑎᓪᓗ ᑖᒃᑯᓇᓐᖓᑦ.”

ᒨᓯᓯ ᓯᑕᒪᖏᑦ 14:8

ᐊᑕᓂᐅᑉ ᖁᕕᐊᒋᒃᐸᑎᒍᑦ, ᓄᓇᒧᑦ ᑖᕗᖓ ᑎᑭᑎᓐᓂᐊᕐᐹᑎᒍᑦ ᐅᕙᑦᑎᓐᓄᓪᓗ ᑐᓂᓗᒍ, ᐱᕈᕐᑐᖃᑦᓯᐊᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ.

ᒨᓯᓯ ᓯᑕᒪᖏᑦ 16:13

ᐃᓕᖕᓄᑦ ᒥᑭᓗᐊᕐᐹ ᓄᓇᒥᑦ ᐱᕈᕐᑐᖃᑦᓯᐊᕐᑐᒥᑦ ᐊᔪᕐᓴᕐᓇᖏᑦᑐᒥᓪᓗ ᐊᐅᓪᓚᕐᑎᓚᐅᕋᑦᑎᒍᑦ, ᐃᓄᖃᖏᑦᑐᒥ ᑐᖁᖁᓪᓗᑖ, ᐊᖓᔪᖅᑳᕐᔪᐊᓪᓗ ᐃᕐᓂᖓᑐᑦ ᑍᒤᑦᓱᒪᓪᓗᑎᑦ ᐅᕙᑦᑎᓐᓄᑦ?

ᒨᓯᓯ ᓯᑕᒪᖏᑦ 16:21

“ᐊᕝᕗᑎᓕᕆᑦᓯᒃ ᐃᓄᒋᐊᒃᑐᕐᔪᐊᓂᑦ ᐅᑯᓇᓐᖓᑦ, ᐅᑯᐊ ᒫᓐᓈᐱᒃ ᓄᖑᓐᓂᐊᕋᒃᑭᑦ.”

ᒨᓯᓯ ᓯᑕᒪᖏᑦ 16:45

“ᐅᑯᐊ ᐃᓄᒋᐊᒃᑐᕐᔪᐊᑦ ᕿᒪᓕᒃᑭᑦ, ᑕᕝᕔᓐᓇᖅ ᓄᖑᓐᓂᐊᕋᒃᑭᑦ.” ᑖᒃᑯᐊᒡᓗ ᓄᓇᒧᑦ ᐹᒻᒪᒃᐴᒃ ᒪᓂᖅᑲᒧᑦ ᑮᓇᑎᒃ ᐳᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᒨᓯᓯ ᑕᓪᓕᒪᖏᑦ 4:24

ᐊᑕᓂᖅ ᒎᑎᓯ ᐃᑯᒪᑎᑐᑦ ᐃᑯᐊᓚᔪᑎᑐᑦ ᑍᒤᒻᒪᑦ; ᐊᓯᒥᓂᒃ ᒎᑎᖃᖁᔨᖏᒻᒪᕆᒃᑐᖅ.

ᔮᓱᐊᑉ ᐊᒡᓚᖏᑦ 5:6

ᐃᓴᕆᐊᓕᒥᐅᑦ ᐃᖏᕐᕋᓚᐅᕐᒪᑕ ᐊᕐᕌᒍᓂᒃ 40ᓂᒃ ᐃᓄᖃᔪᐃᑦᑐᒃᑯᑦ, ᐃᓅᖃᑎᒌᒡᔪᐊᑦ ᐊᖑᑏᑦ ᐅᓇᑕᕈᓐᓇᕐᑐᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑐᑦ, ᐊᑕᓂᕐᒥᒃ ᓈᓚᓚᐅᖏᑦᑐᑦ ᑐᖁᖅᑳᕐᑎᓐᓇᒋᑦ; ᐊᑕᓂᐅᑉ ᑕᒪᓐᓇ ᐊᖏᕈᑎᒋᓚᐅᕐᒪᒍ ᑖᒃᑯᐊ ᑕᑯᖁᓇᒋᑦ ᓄᓇᒥᒃ ᓯᕗᓕᖏᓐᓄᑦ ᐊᖏᕈᑕᐅᓯᒪᔪᒥᒃ, ᓄᓇᒥᒃ ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ.

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.