ᒨᓯᓯ ᐂᑉᐸᖏᑦ 33:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑕᑯᒥᓇᕐᓂᕐᔪᐊᕋ ᐃᓕᖕᓄᑦ ᐊᖅᑯᓵᕐᑎᓕᕈᒃᑯ, ᐅᔭᕋᓱᒡᔪᐃᑦ ᐊᑯᓂᖓᓅᕐᑎᓐᓂᐊᕐᐸᒋᑦ, ᐊᒡᒐᓐᓄᓪᓗ ᑕᓗᓯᒪᓂᐊᕐᐸᒋᑦ ᐃᓕᖕᓂᑦ ᖄᖏᐅᑎᖅᑳᖏᓐᓂᓐᓂ.

ᒨᓯᓯ ᐂᑉᐸᖏᑦ 33:22 Iomraidhean Croise

ᐊᑕᓃᑦ ᓯᕗᓪᓖᑦ 19:9

ᑍᑲᓂᓗ ᕾᕈᓱᖕᒧᑦ ᑎᑭᓐᓇᒥ, ᐅᓐᓄᐊᒥ ᑕᕝᕙᓂ ᓯᓂᒃᑕᕐᐳᖅ. ᑕᑯᒋᓪᓗ, ᐊᑕᓂᐅᑉ ᐅᖃᐅᓯᖓ ᑖᑦᓱᒧᖓ ᑎᑭᑉᐳᖅ, ᐅᖃᐅᑎᕚᓗ, “ᐃᓔᑦᔮ ᖃᓄᐃᑉᐱᑦ ᑕᕝᕙᓂ?”

ᐃᓐᖏᕈᑎᑦ 18:2

ᐊᑕᓂᖅ ᕾᕐᑐᕆᕙᕋ, ᓴᐳᑦᔨᔨᒋᓪᓗᒍᓗ; ᒎᑎᒐ ᓴᓐᖏᔫᑦᔪᑎᒐ, ᑖᑦᓱᒥᖓ ᑕᑎᖃᕐᓂᐊᕐᐳᖓ; ᓴᐴᓗᑕᕆᒐᒃᑯ; ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ.

ᐃᓐᖏᕈᑎᑦ 91:1

ᑖᓐᓇ ᖁᑦᓯᖕᓂᕐᐹᑉ ᐃᓂᖓᓂ ᐃᑦᔪᕐᓁᑦᑐᒦᑦᑐᖅ, ᐊᔪᒐᖃᖏᑦᑑᑉ ᑕᕐᕋᓕᓂᖓᓄᑦ ᐅᓕᒃᑕᐅᓯᒪᓂᐊᕐᐳᖅ,

ᐃᓐᖏᕈᑎᑦ 91:4

ᐃᓴᕈᕐᒥᓄᑦ ᐅᓕᒃᓯᒪᓂᐊᕐᐹᑎᑦ, ᐃᓴᕈᖏᒃᑕ ᐊᑖᓂ ᓴᐳᑦᔭᐅᕕᒃᓴᖃᕐᓂᐊᕐᐳᑎᑦ; ᑖᑦᓱᒪ ᓱᖁᓯᔪᐃᑦᑑᓂᖓ ᓴᐴᓗᑕᒃᓴᐅᖕᒪᑦ ᑭᓕᕐᑕᐅᑦᔧᒃᑯᑎᒃᓴᐅᓪᓗᓂᓗ.

ᓲᓗᒨᓂᐅᑉ ᐃᓐᖏᕈᓯᖏᑦ 2:3

ᓇᐹᕐᑐᑐᑦ ᐋᐳᓂᒃ ᐸᐅᕐᖓᓕᒃᑐᑦ, ᓇᐹᕐᑐᑐᐃᓐᓁᑦ ᐊᑯᓐᓂᖓᓃᑦᑐᑐᑦ, ᓇᒡᓕᒋᔭᕋ ᑍᒤᑉᐳᖅ ᐊᖑᑏᑦ ᐃᓅᓱᒃᑐᐃᑦ ᐊᑯᕐᖓᓂ. ᖁᕕᐊᓱᒻᒪᕆᒡᓗᖓ ᐃᒃᓯᕚᕐᐳᖓ ᑕᕐᕋᓕᓂᖓᓂ, ᐸᐅᕐᖓᖏᓪᓗ ᒪᒪᕐᐳᑦ ᓂᕆᒋᐊᖏᑦ.

ᐂᓮᐊᓯᐅᑉ ᐊᒡᓚᖏᑦ 2:21

ᐳᓚᔪᒫᕐᐳᓪᓗ ᕾᕐᑑᑉ ᖁᖕᓈᖏᓐᓄᑦ ᐃᓐᓈᕈᐃᓪᓗ ᕾᕈᓱᖏᓐᓄᑦ, ᐊᑕᓂᐅᑉ ᓯᕘᕋᓇᕐᑐᕐᔪᐊᖑᓂᖓᓂᒃ ᕿᒫᓗᑎᒃ, ᐊᖓᔪᖅᑳᕐᔪᐊᖑᓂᖓᑕᓗ ᓂᕐᑐᕐᓇᕐᓂᕐᔪᐊᖓᓂᑦ, ᒪᑭᓕᕐᐸᑦ ᓄᓇᕐᔪᐊᖅ ᓴᔪᒃᑎᓪᓗᒍ ᐊᖏᔪᕐᔪᐊᒥᒃ.

ᐂᓮᐊᓯᐅᑉ ᐊᒡᓚᖏᑦ 32:2

ᑖᒃᑯᐊ ᐊᓄᕆᒥᑦ ᐅᖅᑯᐃᕝᕕᒃᓴᑎᑐᑦ ᐃᓄᖕᓄᑦ ᑍᒤᑦᓱᒫᕐᐳᑦ, ᐅᖅᑯᐃᓐᓇᕐᑐᑐᑦ ᐊᖅᑯᓇᕐᑐᒥ, ᑰᖕᒥᒡᓗ ᓇᓂᓯᔪᑎᑐᑦ ᐃᒪᖃᖏᑦᑐᒥ, ᐅᔭᕋᓱᒡᔪᒡᑎᑐᑦ ᑕᕐᕋᓕᓂᖓᓂ ᓂᒡᓚᕐᓯᕐᕕᒃᓴᑎᑐᑦ ᓄᓇᒥ ᐅᖅᑰᔪᐊᓘᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 49:2

ᖃᓂᕋᓗ ᐃᐱᒃᑑᑎᓚᐅᕐᐹ ᓴᕕᒡᔪᐊᑎᑐᑦ, ᐊᒡᒐᖕᒥᓗ ᑕᕐᕋᓕᓂᖓᓄᑦ ᐃᔨᕐᓯᒪᓚᐅᕐᐹᖓ; ᕿᓪᓚᕆᒃᓴᕐᓗᓂᖓᓗ ᖃᕐᔪᑎᑐᑦ, ᖃᕐᔪᖃᐅᑎᒥᓄᓪᓗ ᐴᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 51:16

ᐅᖃᐅᓯᒃᑲ ᐃᓕᕙᒃᑲ ᖃᓂᕐᓄᑦ; ᐃᔨᕐᓯᒪᓪᓗᓯᓗ ᐊᒡᒐᖕᒪ ᑕᕐᕋᖓᓄᑦ, ᕿᓚᖕᓂᒃ ᐃᓯᕕᑦᓯᖁᓪᓗᖓ, ᓄᓇᕐᔪᐊᕐᒥᒡᓗ ᐃᓂᒋᓂᐊᕐᑕᖓᓄᑦ ᐃᓕᓯᖁᓪᓗᖓ, ᓮᐅᓂᒧᓪᓗ ᐅᖃᕐᓗᖓ, ‘ᐃᓄᖁᑎᒋᕙᑦᓯ.’”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:4

ᑕᒪᕐᒥᒡᓗ ᐃᒥᓚᐅᕐᐳᑦ ᐊᓂᕐᓂᕐᒥᑦ ᐱᔪᒥᒃ; ᑕᒪᕐᒥᒃ ᐃᒥᓚᐅᕐᐳᑦ ᐊᓂᕐᓂᒃᑯᑦ ᕾᕐᑐᒥᑦ ᓇᔪᕐᑎᒋᔭᒥᖕᓂᑦ; ᕾᕐᑐᖅ ᑖᓐᓇ ᙭ᔅᑑᓯᐅᓚᐅᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:19

ᑕᕝᕙ, ᒎᑎ ᙭ᔅᑑᓯᒃᑯᑦ ᓯᓚᕐᔪᐊᕐᒥᐅᓂᒃ ᐃᓚᓐᓇᕆᔭᕐᑖᕐᓯᒪᖕᒪᑦ, ᐊᔪᕐᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᒋᓪᓗᒋᑦ, ᐃᓄᖕᓄᓪᓗ ᐅᖃᓪᓚᖁᕚᑎᒍᑦ ᐃᓚᓐᓇᕆᔭᐅᓕᕈᓐᓇᕐᓂᖏᓐᓂᒃ.

ᒨᓯᓯ ᑕᓪᓕᒪᖏᑦ 33:12

ᐱᓐᔭᒥᓂᐅᓪᓕ ᑭᒍᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᐊᑕᓂᐅᑉ ᓇᒡᓕᒋᔭᖏᑦ ᐃᓂᖃᕐᐳᑦ ᓴᐳᑦᔭᐅᓯᒪᓂᕐᒥ ᑖᑦᓱᒧᖓ; ᑬᕙᓪᓚᒃᓯᒪᓪᓗᒋᑦ ᓴᐳᑎᓯᒪᕔᑦ ᐅᓪᓗᓕᒫᖅ ᓈᓪᓗᒍ, ᑖᒃᑯᓇᓂᓗ ᐃᓂᖃᕐᓗᓂ.”