ᒨᓯᓯ ᐂᑉᐸᖏᑦ 32:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙ ᐂᕉᓂ ᑐᓂᕐᕈᓯᕐᕕᒃᓴᒥᒃ ᐋᖅᑭᒃᓱᐃᕗᖅ ᐊᖑᓴᓪᓗᓐᖑᐊᑉ ᒎᓘᑉ ᓯᕗᕌᓂ ᐅᖃᕐᓗᓂᓗ, “ᖃᐅᒃᐸᑦ ᓇᓪᓕᐅᓐᓂᕐᓯᐅᕐᓂᐊᕐᐳᒍᑦ ᐊᑕᓂᖅ ᓂᕐᑐᕐᑕᐅᖁᓪᓗᒍ.”

ᒨᓯᓯ ᐂᑉᐸᖏᑦ 32:5 Iomraidhean Croise

ᐊᑕᓃᑦ ᓯᕗᓪᓖᑦ 21:9

ᐃᒫᒃ ᑎᑎᕋᕐᐳᖅ, ᐅᖃᕐᓗᓂ, “ᓂᕆᑦᑍᓕᖁᔨᒋᑦᓯ, ᓁᐹᑦᓗ ᐃᖏᑎᓪᓗᒍ ᐅᐱᒋᔭᐅᓇᕐᓂᕐᐹᒥ ᐃᓄᐃᑦ ᓵᖓᓂ;

ᐊᑕᓃᑦ ᐂᑉᐸᖏᑦ 10:20

ᔨᕼᐆᓗ ᐅᖃᕐᐳᖅ, “ᐅᓪᓗᒥ ᓇᓗᓁᕐᓯᓕᕆᑦᓯ ᐰᓕᒧᑦ ᐅᓪᓗᕐᓯᐅᕐᕕᒃᓴᒥᒃ ᐃᑦᔪᕐᓁᑎᓪᓗᒍᓗ!” ᑕᒪᓐᓇᓗ ᑲᔪᓯᑎᑕᐅᕗᖅ.

ᐊᑕᓃᑦ ᐂᑉᐸᖏᑦ 16:11

ᑐᓂᕐᕈᓯᕐᑎᑦᓯᔨ ᔪᕅᐊ ᐊᑦᔨᑦᓯᐊᖓᓂᒃ ᑐᓂᕐᕈᓯᕐᕕᓕᐅᕐᐳᖅ ᐂᕼᐊᔅ ᑕᒫᓯᑰᓯᒥᑦ ᐅᑎᓚᐅᖏᓐᓂᖓᓂ ᐱᔭᕇᕐᑕᐅᑎᓪᓗᓂᐅᒃ.

ᑯᕉᓂᑲ ᐂᑉᐸᖏᑦ 30:5

ᑕᕝᕙ ᑎᑎᕋᓚᐅᕐᐳᑦ ᓇᓗᓁᕐᓯᑦᔪᑎᓂᒃ ᐃᓴᕆᐊᓕᒥᐅᓕᒫᓄᑦ, ᐱᐊᕐᓯᐸᒥᑦ ᐱᒋᐊᕐᓗᒍ ᑖᓐᒧᑦ ᑎᑭᓪᓗᒍ, ᐃᓄᐃᑦ ᖄᖏᑦᑕᐅᕕᖕᒥᒃ ᓇᓪᓕᐅᓐᓂᕐᓯᐅᕆᐊᕐᑐᖁᓪᓗᒋᑦ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓄᑦ, ᔨᕉᓴᓕᒥ; ᓇᓪᓕᐅᓐᓂᕐᓯᐅᕐᑕᐅᓚᐅᕐᓯᒪᔪᓐᓃᕐᓂᖓᓄᑦ ᐊᑯᓂ ᓇᓗᓁᕐᑕᐅᓯᒪᔪᒥᒃ.

ᒨᓯᓯ ᐂᑉᐸᖏᑦ 10:9

ᒨᓯᓯᐅᑉ ᑭᐅᕚ, “ᑕᒪᑦᑕ ᐊᐅᓪᓚᕐᓂᐊᕐᐳᒍᑦ, ᕿᑐᕐᖓᕗᓪᓗ ᐃᓄᑐᖃᕗᓪᓗ ᐃᓚᒋᓗᒋᑦ; ᐊᐅᓪᓚᕐᓂᐊᕐᐳᒍ ᐃᕐᓂᕗᑦ ᐸᓂᕗᓪᓗ ᓰᐱᖁᑎᕗᓪᓗ ᐆᒪᔪᖁᑎᕗᓪᓗ ᐃᓚᒋᓗᒋᑦ, ᓇᓪᓕᐅᓐᓂᕐᓯᐅᕆᐊᖃᕐᓂᐊᕋᑦᑕ ᑕᒪᑦᑕ ᐊᑕᓂᖅ ᐅᐱᒋᓗᒍ.”

ᒨᓯᓯ ᐂᑉᐸᖏᑦ 12:14

ᑕᒪᓐᓇᓗ ᐅᒃᐱᕐᓂᒃᑯᑦ ᓇᓪᓕᐅᓐᓂᕐᓯᐅᕈᑎᒋᖃᑦᑕᕆᐊᖃᕈᒫᕐᐸᓯ ᐃᖅᑲᐅᒪᒃᓯᕈᑕᐅᖁᓪᓗᒍ ᖃᓄᖅ ᐅᕙᖓ ᐊᑕᓂᐅᔪᖓ ᐱᓇᓱᐊᓚᐅᕐᓯᒪᓂᓐᓂᒃ, ᓇᓪᓕᐅᓐᓂᕐᓯᐅᕐᐸᒍᒫᕐᐸᓯ ᑍᒪᓐᖓᑦ ᓯᕗᓂᕐᒥ ᐱᔪᒫᕐᑐᒥ.”

ᒨᓯᓯ ᐂᑉᐸᖏᑦ 17:15

ᒨᓯᓯᓗ ᑐᓂᕐᕈᓯᕐᕕᒃᓴᒥᒃ ᐋᖅᑭᒃᓱᐃᕗᖅ ᐊᑦᑎᕐᓗᓂᐅᒡᓗ, “ᐊᑕᓂᐅᑉ ᓇᓗᓁᒃᑯᑕᖓ.”

ᒨᓯᓯ ᐂᑉᐸᖏᑦ 32:4

ᐂᕉᓂᐅᓪᓗ ᓯᐅᑎᒥᐅᑍᑦ ᐱᒐᒥᒋᑦ ᐊᐅᒃᑎᑉᐰᑦ, ᑯᕕᓪᓗᒋᓪᓗ ᐋᖅᑭᒃᓯᕕᖕᒧᑦ, ᓄᕐᕋᓐᖑᐊᒥᒡᓗ ᓴᓇᕗᖅ. ᐃᓄᐃᓪᓗ ᐅᖃᕐᐳᖅ, “ᐃᓴᕆᐊᓕ, ᐅᓇ ᑕᕝᕙ ᒎᑎᕗᑦ, ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ!”

ᒨᓯᓯ ᐂᑉᐸᖏᑦ 32:6

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᑉᐳᑦ ᐆᒪᔪᓂᒃ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᓇᒃᓴᕐᓗᑎᒃ ᐃᓚᖏᓪᓕ ᑐᓂᕐᕈᑎᒃᓴᓂᒃ ᓂᕆᔭᒃᓴᓂᒃ ᓇᒃᓴᕐᓗᑎᒃ. ᐃᓄᐃᓪᓗ ᐃᖏᑉᐳᑦ ᓂᕆᖃᑎᒌᓕᕐᓗᑎᒃ ᐃᒥᖃᑎᒌᓕᕐᐳᓪᓗ ᐋᖓᔮᓕᕐᓗᑎᒃ, ᐃᓚᖏᑦ ᑖᓂᓯᓕᕐᐳᑦ ᐃᓚᖏᓪᓗ ᓄᓕᐊᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 8:11

“ᐃᕗᕅᑎ ᐅᓄᕐᑐᓂᒃ ᑐᓂᕐᕈᓯᕐᕕᓕᐅᕐᓯᒪᖕᒪᑦ ᐊᔪᕐᑐᓕᓂᕐᒧᑦ, ᑖᒃᑯᓄᖓᓗ ᑐᓂᕐᕈᓯᕐᕖᑦ ᐊᔪᕐᑐᓕᓂᐅᓕᕐᐳᑦ.

ᕼᐆᓯᐊᑉ ᐊᒡᓚᖏᑦ 8:14

“ᐃᓴᕆᐊᓕᓕ ᐳᐃᒍᕐᓯᒪᖕᒪᑦ ᐱᓐᖑᕐᑎᑦᓯᔨᒥᓂᒃ, ᐃᒡᓗᕐᔪᐊᓕᐅᕐᓯᒪᓪᓗᓂᓗ ᐊᖓᔪᖅᑳᒃᑯᕕᖕᓂᒃ; ᔫᑕᓗ ᐅᓄᕐᑐᓂᒃ ᓴᐴᓗᑕᓕᖕᓂᒃ ᐃᒡᓗᒐᓴᓕᐅᕐᓯᒪᓕᕐᐳᖅ; ᐃᒡᓗᒐᓴᖏᓪᓕ ᐃᑯᐊᓪᓚᒃᑕᐅᑎᑦᓱᒫᕐᐸᒃᑲ, ᑐᓐᖓᕕᒋᔭᖏᓪᓗ ᓄᖑᑕᐅᔪᒫᕐᐳᑦ.”

ᒨᓯᓯ ᐱᖓᔪᖏᑦ 23:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ; ᒪᓕᒊᑦ ᐅᑯᐊ ᐊᑐᕐᑕᐅᔭᕆᐊᖃᕐᐳᑦ ᐅᒃᐱᕐᓂᕐᒥ ᓇᓪᓕᐅᓐᓂᕐᓯᐅᕐᓃᑦ ᐱᓪᓗᒋᑦ, ᐃᓴᕆᐊᓕᒥᐅᑦ ᑲᑎᕝᕕᒋᕙᒃᑕᖏᓐᓂ ᑐᒃᓯᐊᖃᑎᒌᖕᓂᕐᒧᑦ.

ᒨᓯᓯ ᐱᖓᔪᖏᑦ 23:21

ᐅᓪᓗᒥ ᑕᕝᕙᓂ ᑍᒤᓕᐅᕐᕕᒋᔭᑦᓯᓐᓂ ᑲᑎᒪᔭᕆᐊᖃᕐᐳᓯ ᑐᒃᓯᐊᖃᑎᒌᒃᓗᓯ ᖃᐅᑕᒫᕐᓯᐅᑎᓂᒃ ᐱᓇᓱᐊᒐᕐᓂᑦ ᓄᖅᑲᖓᓗᓯ. ᑕᒪᓐᓇ ᒪᓕᒐᖅ ᐃᓕᖓᓂᐊᕐᒪᑦ ᑍᒪᓐᖓᓕᒫᒧᑦ, ᓇᓂᑐᐃᓐᓇᖅ ᓄᓇᖃᕋᓗᐊᕈᑦᓯ.

ᒨᓯᓯ ᐱᖓᔪᖏᑦ 23:37

(“ᑖᒃᑯᐊ ᑕᕝᕙ ᐊᑕᓂᐅᑉ ᓇᓪᓕᐅᓐᓂᕐᓯᐅᕕᐅᖃᑦᑕᖁᔭᖏᑦ, ᑖᒃᑯᓇᓂ ᑲᑎᖃᑕᕆᐊᖃᕐᐳᓯ ᑐᒃᓯᐊᖃᑎᒌᒃᓗᓯ, ᓂᕿᒃᓴᓂᒡᓗ ᐃᑯᐊᓚᑎᑕᒃᓴᓂᒃ ᑐᓂᕐᕈᓯᖃᑦᑕᕆᐊᖃᕐᐳᓯ ᐊᑕᓂᕐᒧᑦ, ᓂᐊᖂᔭᒃᓴᓂᒡᓗ, ᕔᓂᒥᒡᓗ. ᑖᒃᑯᓇᓂ ᖃᐅᑕᒫᑦ ᑐᓂᔭᐅᔭᕆᐊᓕᖕᓂᒃ ᑐᓂᕐᕈᓯᖃᑦᑕᕆᐊᖃᕐᐳᓯ.

ᒨᓯᓯ ᐱᖓᔪᖏᑦ 23:4

ᐅᑯᐊ ᑕᕝᕙ ᐊᑕᓂᐅᑉ ᓇᓪᓕᐅᓐᓂᕐᓯᐅᕐᕕᐅᖁᔭᖏᑦ, ᑐᒃᓯᐊᖃᑎᒌᖕᓂᕐᒧᑦ ᑲᑎᒪᕝᕕᐅᖁᓪᓗᒋᑦ ᐅᖃᐅᓯᕆᔭᕆᐊᖃᕐᐸᓯ ᓇᓪᓕᐅᑎᔭᕌᖓᑕ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:8

ᑍᒤᒻᒪᑦ ᓇᓪᓕᐅᓐᓂᕐᓯᐅᕐᓂᖅ ᐊᑐᓕᕐᓚᕗᑦ, ᐳᕙᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᔭᕗᑦ ᐱᐅᖏᑦᑐᓕᓂᖅ ᐊᑐᖏᓪᓗᒍ, ᐳᕙᓪᓚᖅᑯᑎᖃᖏᑦᑐᒥᒡᓕ ᓂᐊᖂᔭᕐᒥᒃ ᐃᑦᔪᕐᓁᑦᑐᒥᒃ ᓱᓕᑦᓯᐊᕐᓂᕐᒥᒡᓗ ᐱᖔᓕᕐᑕ.

ᓴᒧᐃᓕ ᓯᕗᓪᓖᑦ 14:35

ᓴᐅᓕᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ; ᑖᓐᓇᓗ ᓯᕗᓪᓕᕐᐹᖑᕗᖅ ᑐᓂᕐᕈᓯᕐᕕᒃ ᓴᓇᔭᖓ ᐊᑕᓂᕐᒧᑦ.