ᒨᓯᓯ ᐂᑉᐸᖏᑦ 32:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᒫᓐᓇᓕ ᐅᑎᓕᕆᑦ, ᐃᓄᐃᓪᓗ ᑕᓯᐅᕆᐊᕐᑐᓕᒃᑭᑦ ᑕᕝᕗᖓ ᐃᓕᖕᓄᑦ ᐅᖃᐅᑎᒋᓯᒪᔭᓐᓄᑦ. ᑕᑯᒋᓪᓗ ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑭᓯᐊᓂᓕ ᖃᖓᑐᐃᓐᓇᖅ ᓱᒋᐊᕐᓯᕕᒃᓴᕋ ᓇᓪᓕᐅᑎᒃᐸᑦ ᐃᓄᐃᑦ ᑖᒃᑯᐊ ᓱᒋᐊᕈᒫᕐᐸᒃᑲ ᐊᔪᕐᑐᓕᓯᒪᓂᖏᑦ ᒪᓕᒡᓗᒋᑦ.”

ᒨᓯᓯ ᐂᑉᐸᖏᑦ 32:34 Iomraidhean Croise

ᐃᓐᖏᕈᑎᑦ 99:8

ᐊᑕᓃᖅ ᒎᑎᕗᑦ, ᑖᒃᑯᐊ ᑐᓴᓚᐅᕐᐸᑎᑦ; ᑖᒃᑯᓄᖓ ᓴᖅᑭᑎᑦᓯᓚᐅᕐᐳᑎᑦ ᒎᑎᐅᓪᓗᑎᑦ ᐃᓱᒪᒋᔪᓐᓁᕐᕕᖃᕈᓐᓇᕋᕕᑦ, ᑭᓯᐊᓂ ᑕᒻᒪᕐᓂᖏᓐᓂᒃ ᐊᑭᓖᕕᒋᓚᐅᕆᕙᑎᑦ.

ᒨᓯᓯ ᐂᑉᐸᖏᑦ 15:17

ᑕᒪᐅᓐᖓᐅᑎᓚᐅᕐᐸᑎᑦ ᑲᓐᖓᕐᓲᑎᒋᓪᓗᒋᓪᓗ ᓇᖕᒥᓂᖅ ᖃᖅᑲᖁᑎᖏᓐᓄᑦ, ᑕᕝᕗᖓ ᐃᓂᒃᓴᒧᑦ ᐃᕝᕕᑦ ᐊᑕᓃᖅ, ᓂᕈᐊᕐᓯᒪᔭᕐᓄᑦ ᐃᓂᒃᓴᕆᔪᒪᓪᓗᒍ, ᑐᒃᓯᐊᕐᕕᒡᔪᐊᕐᒧᑦ ᐃᕝᕕᑦ ᓇᖕᒥᓂᖅ ᓴᓇᓚᐅᕐᑕᕐᓄᑦ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 23:20

“ᑕᑯᒋᑦ, ᐂᖏᓕᒥᒃ ᑎᓕᓯᕗᖓ ᓯᕗᓂᕐᓄᑦ, ᑖᑦᓱᒧᖓ ᓴᐳᑎᔭᐅᓯᒪᖁᓪᓗᑎᑦ ᐊᖅᑯᑎᖕᓂ ᓄᓇᒧᓪᓗ ᐃᓕᖕᓄᑦ ᐅᐸᓗᖎᕐᓯᒪᔭᓐᓄᑦ ᑎᑭᑦᓱᓐᓇᖁᓪᓗᑎᑦ.

ᒨᓯᓯ ᐂᑉᐸᖏᑦ 3:17

ᐄᑦᔨᑉᑎᒥᑦ ᐊᐅᓪᓚᕐᑎᑦᓱᒪᓕᕋᒃᑭᑦ ᐃᓖᔭᕆᔭᐅᕕᒋᔭᖓᓐᓂᑦ ᓄᓇᒧᓪᓗ ᐊᔪᕐᓴᕐᓇᖏᑦᑐᒧᓐᖓᐅᑎᓗᒋᑦ, ᑖᓐᓇ ᓄᓇᒋᔭᐅᔪᖅ; ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᕼᐃᕔᑎᒥᐅᓄᓪᓗ, ᔨᐳᓮᑎᒥᐅᓄᓪᓗ.

ᒨᓯᓯ ᐂᑉᐸᖏᑦ 33:12

ᒨᓯᓯ ᐊᑕᓂᕐᒧᑦ ᐅᖃᕐᐳᖅ, “ᓱᓕᓚᐅᕐᐲᑦ ᐅᕙᓐᓄᑦ ᐅᖃᓚᐅᕋᕕᑦ ᐅᑯᐊ ᐃᓄᐃᑦ ᐅᕙᓐᓄᑦ ᑕᓯᐅᕐᑕᐅᖁᓂᕋᕐᓗᒋᑦ ᐊᕗᖓ ᓄᓇᒧᑦ, ᑭᓯᐊᓂᓕ ᐅᕙᓐᓄᑦ ᐅᖃᓚᐅᕐᓯᒪᖏᑦᑐᑎᑦ ᑭᓇᒥᒃ ᐱᖃᑎᖃᕐᑐᒃᓴᐅᖕᒪᖔᕐᒪ. ᐅᕙᓐᓄᓪᓗ ᐅᖃᕐᓯᒪᔪᑎᑦ ᖃᐅᔨᒪᑦᓯᐊᕐᓂᕋᕐᓗᑎᑦ ᐅᕙᓐᓂᒃ ᖁᕕᐊᒋᔭᖃᕐᓂᕋᕐᓗᑎᓪᓗ.

ᒨᓯᓯ ᐂᑉᐸᖏᑦ 33:2

ᐂᖏᓕᖁᑎᒐᓗ ᑎᓕᓂᐊᕐᐸᕋ ᐃᓕᑦᓯᓐᓂᒃ ᓯᕗᓕᖁᓪᓗᒍ, ᕿᒫᑎᓐᓂᐊᕐᐸᒃᑲᓗ ᑬᓇᓂᒥᐅᑦ, ᐊᒧᕅᑎᒃᑯᓪᓗ, ᕼᐃᑍᑎᒃᑯᓪᓗ, ᐱᕆᔧᑎᒃᑯᓪᓗ, ᕼᐃᕔᑎᓪᓗ, ᔨᐳᓮᑎᓪᓗ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᔨᕆᒤᐊᐅᑉ ᐊᒡᓚᖏᑦ 14:10

ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ ᐃᓄᖕᓄᑦ, “ᐅᕙᓐᓂᒃ ᕿᒤᖃᑦᑕᕐᓗᑎᒃ ᖁᕕᐊᓱᓚᐅᕐᐳᑦ, ᓄᖅᑲᖓᔭᕆᐊᒃᓴᖅ ᐊᔪᓚᐅᕋᒥᒃ; ᑍᒤᒻᒪᑦ ᐊᑕᓂᐅᑉ ᐃᓚᓕᐅᕈᓐᓃᕐᐰᑦ ᐱᐅᖏᑦᑐᓕᓂᖏᑦ ᐃᖅᑲᐅᒪᔭᑐᐊᕆᓕᕐᐰᑦ ᐊᔪᕐᑐᓕᓂᖏᓪᓗ ᐱᑦᔪᑎᒋᓪᓗᒋᑦ ᓱᒋᐊᕐᓂᐊᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 23:2

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᐰᕐᓯᔨᐅᔪᓄᑦ ᐃᓄᖁᑎᓐᓂᒃ: “ᐃᓄᖁᑎᒃᑲ ᓯᐊᒻᒪᕐᑎᓐᓇᑦᓯᐅᒃ, ᐅᖓᓯᒃᓯᑎᓪᓗᒋᓪᓗ ᑲᒪᑦᓯᐊᖏᓐᓂᑦᓯᓐᓄᑦ. ᑕᑯᒋᑦ, ᓱᒋᐊᕐᑕᐅᑎᓐᓂᐊᕐᐸᑦᓯ ᐱᐅᖏᑦᑐᒥᒃ ᐱᓇᓱᐊᕐᓯᒪᓂᓯ ᐱᑦᔪᑎᒋᓗᒍ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 5:29

ᑕᒪᒃᑯᓄᖓ ᓱᒋᐊᕆᐊᖃᓐᖏᓚᒃᑳ? ᐊᑕᓂᖅ ᐅᖃᕐᐳᖅ, ᐊᑭᓂᐊᕐᑐᒃᓴᐅᓐᖏᓚᖔ ᐃᓅᖃᑎᒋᒡᔪᐊᓂᒃ ᑍᒤᓕᐅᕐᑐᓃᒃ?

ᔨᕆᒤᐊᐅᑉ ᐊᒡᓚᖏᑦ 5:9

ᓱᒋᐊᕐᓯᔪᒃᓴᐅᓐᖏᓚᖔ ᐃᓕᖅᑯᓯᕆᔭᖓᑦ ᐱᓪᓗᒍ? ᐊᑭᓂᐊᕐᑐᒃᓴᐅᓐᖏᓚᖔ? ᐃᓅᖃᑎᒌᒡᔪᐊᓄᑦ ᑍᒤᓕᐅᕐᑐᓄᑦ?

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᐂᒨᓯᐅᑉ ᐊᒡᓚᖏᑦ 3:14

“ᐅᓪᓗᒥ ᑍᑲᓂ ᐃᓴᕆᐊᓕᑎᑦ ᓱᒋᐊᕈᒃᑭᑦ ᐊᔪᕐᓂᖏᑦ ᐱᓪᓗᒋᑦ, ᐱᑎᓕᐅᓪᓗ ᑐᓂᕐᕈᓯᕐᕕᖏᑦ ᓯᑯᒥᖃᓯᐅᑎᓂᐊᕐᐸᒃᑲ; ᑐᓂᕐᕈᓯᕐᕕᖏᑕᓗ ᓇᒡᔪᖏᒃ ᓇᑲᑦᓱᒫᕐᐳᒃ ᒪᓂᖅᑲᒧᓪᓗ ᑲᑕᒡᓗᑎᒃ.

ᐂᒨᓯᐅᑉ ᐊᒡᓚᖏᑦ 3:2

“ᐃᓚᒌᒃᑐᓕᒫᓂᑦ ᓄᓇᕐᔪᐊᒥ ᖃᓂᒋᔭᑐᐊᕆᓯᒪᕙᑦᓯ; ᑍᒤᒻᒪᑦ ᐊᔪᕐᑐᓕᓂᓯ ᒪᓕᒡᓗᒋᑦ ᓱᒋᐊᕐᓂᐊᕐᐸᑦᓯ.”

ᒨᓯᓯ ᓯᑕᒪᖏᑦ 20:16

ᐊᑕᓂᕐᒧᓪᓕ ᓂᓪᓕᐊᒐᑦᑕ, ᓂᐱᕗᑦ ᑐᓴᓚᐅᕐᐰᑦ, ᐂᖏᓕᒥᒡᓗ ᑎᓕᓯᓪᓗᓂ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ; ᒫᓐᓇᓕ ᑲᑎᓯᒦᑉᐳᒍᑦ, ᐃᒡᓗᒐᓴᖕᓂ ᓄᓇᖁᑎᑦᓯ ᖃᓂᒋᔮᓂ ᓯᓚᑖᓃᑦᑐᒥ.

ᒫᑎᐅᓯᐅᑉ ᐊᒡᓚᖏᑦ 23:35

ᑕᒪᓐᓇ ᐱᑦᔪᑎᒋᓪᓗᒍ ᓱᒋᐊᕐᑕᐅᓂᕐᒧᑦ ᑎᑭᑕᐅᔪᒫᕐᐳᓯ, ᐸᓯᔭᒃᓴᐅᖏᑦᑐᓂᒃ ᐃᓄᐊᖃᑦᑕᕐᓂᑦᓯᓐᓄᑦ ᓄᓇᕐᔪᐊᕐᒥ, ᐂᐱᓕᐅᑉ ᐸᓯᔭᒃᓴᐅᖏᑦᑑᑉ ᐃᓄᐊᕐᑕᐅᓂᖓᓂᑦ, ᓴᑲᕅᐊᐅᑉ ᐸᕋᑬᐊᐅᑉ ᐃᕐᓂᖓᑕ ᐃᓄᐊᕐᑕᐅᓂᖓ ᑎᑭᓪᓗᒍ, ᑖᓐᓇ ᐃᓄᐊᓚᐅᕐᑕᓯ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᕕᐅᑉ ᐃᑦᔪᕐᓁᑦᑐᕕᐅᓪᓗ ᐊᑯᓐᓂᖓᓂ.

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.