ᒨᓯᓯ ᐂᑉᐸᖏᑦ 32:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᒫᓐᓇ ᐃᓱᒪᒋᔪᓐᓁᕐᕕᒋᓚᐅᒃᑭᑦ ᐊᔪᕐᑐᓕᓂᖏᓐᓂᑦ; ᐃᓱᒪᒋᔪᓐᓁᕐᕕᒋᓂᐊᖏᒃᑯᕕᒋᑦ ᐊᔪᕐᑐᓕᓂᖏᓐᓂᑦ, ᑕᕝᕙ ᐊᑎᕋ ᐲᕐᑕᐅᔪᒃᓴᐅᕗᖅ ᑎᑎᕋᕐᓯᒪᔭᕐᓂᑦ ᐃᓄᖁᑎᕕᑦ ᐊᑎᒃᑯᕕᖏᓐᓂᑦ.”

ᒨᓯᓯ ᐂᑉᐸᖏᑦ 32:32 Iomraidhean Croise

ᓴᒧᐃᓕ ᐂᑉᐸᖏᑦ 18:33

ᑕᕝᕙ ᐊᖓᔪᖅᑳᕐᔪᐊᖅ ᑎᑭᑕᐅᕗᖅ ᕿᒃᓵᖕᓂᕐᔪᐊᕐᒧᑦ, ᐃᒡᓗᕈᓯᕐᒧᐊᕐᐳᕐᓗ ᐃᑎᕐᑕᕐᕕᐅᑉ ᖁᓛᓄᑦ ᕿᐊᓕᕐᓗᓂ; ᕿᐊᓪᓗᓂᓗ ᐅᖃᕐᐳᖅ, “ᐃᕐᓃᒃ! ᐃᕐᓃᒃ ᐋᑉᓴᓚᒻ! ᐋᑉᓴᓚᒻ, ᐃᕐᓃᒃ! ᑐᖁᖔᓚᐅᕈᒪᓕ ᑐᖁᓐᖏᖔᕐᑎᓪᓗᑎᑦ, ᐃᕐᓃᒃ! ᐋᑉᓴᓚᒻ, ᐃᕐᓃᒃ!”

ᐃᓐᖏᕈᑎᑦ 139:16

ᑕᑯᓐᓇᓚᐅᕐᐸᕐᒪ ᓱᓇᕈᓚᐅᖅᑳᕐᑎᓐᓇᖓ ᓱᓕ, ᐊᒡᓚᖁᑎᖕᓂ ᐃᓘᓐᓇᖏᑦ ᐊᑐᓂᑦ ᑎᑎᕋᕐᓯᒪᓚᐅᕐᐳᑦ, ᐅᓪᓗᐃᑦ ᐊᑐᕈᒫᕐᑕᒃᑲ, ᓱᓇᓕᒫᑦ ᓱᓕ ᐊᑐᕆᐊᓚᐅᖅᑳᕐᑎᓐᓇᒋᑦ.

ᐃᓐᖏᕈᑎᑦ 56:8

ᕿᒫᖃᑦᑕᕐᓂᕐᒪ ᖃᑦᓯᐅᓂᖏᓐᓂᒃ ᖃᐅᔨᒪᕗᑎᑦ; ᖁᕝᕕᒃᑲ ᐊᓕᒍᖁᑎᖕᓄᑦ ᐴᒃᑭᑦ; ᐊᒡᓚᖁᑎᖕᓂ ᑎᑎᕋᕐᓯᒪᓐᖏᓛᑦ?

ᐃᓐᖏᕈᑎᑦ 69:28

ᐃᓅᔪᑦ ᐊᒡᓚᖁᑎᖏᓐᓂᑦ ᐲᔭᓚᐅᒃᑭᑦ, ᐃᓱᐊᕐᑐᓪᓗ ᑎᑎᕋᕐᓯᒪᕕᖏᓐᓂ ᐃᓚᐅᖏᓪᓗᑎᒃ.

ᒨᓯᓯ ᐂᑉᐸᖏᑦ 32:10

ᒫᓐᓇ ᐅᕙᓐᓂᒃ ᓄᖅᑲᕐᑎᑦᓯᓇᓱᐊᕐᓂᐊᕐᓇᒃ, ᐃᓄᐃᑦ ᑖᒃᑯᐊ ᓂᓐᖓᐅᑎᒻᒪᕆᒐᒃᑭ, ᐊᓯᕈᕐᓂᐊᓕᕐᐸᒃᑲ. ᐃᕝᕕᓪᓕ ᑭᖑᕚᒃᓴᑎᓪᓗ ᐃᓅᖃᑎᒌᒡᔪᐊᓐᖑᕐᑎᓐᓂᐊᕐᐸᒃᑲ.”

ᐂᓮᐊᓯᐅᑉ ᐊᒡᓚᖏᑦ 4:3

ᓮᐅᓂᒥᓗ ᐊᒥᐊᒃᑯᑦ ᔨᕉᓴᓕᒦᖏᓐᓇᕐᑐᑦ ᑍᔭᐅᔪᒫᕐᐳᑦ ᐃᑦᔪᕐᓁᑦᑐᓂᒃ, ᑕᒪᕐᒥᑦᓯᐊᖅ ᑎᑎᕋᕐᑕᐅᓯᒪᔪᑦ ᔨᕉᓴᓕᒥ ᓄᓇᖃᕐᓂᕋᕐᑕᐅᔪᓕᒫᑦ,

ᐃᓯᑭᐊᓕᐅᑉ ᐊᒡᓚᖏᑦ 13:9

ᓱᒋᐊᕐᓯᓂᐊᕐᐳᖓ ᐱᔪᒫᕐᑐᓂᒃ ᓱᓕᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓂᒃ ᓱᓕᖏᑦᑐᓂᒡᓗ ᓇᓚᐅᑦᑍᓂᕋᖃᑦᑕᕐᑐᓂᒃ; ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ ᐃᓄᖁᑎᒪ ᑲᑎᒪᖃᑦᑕᕐᓂᖏᓐᓄᑦ, ᐃᓴᕆᐊᓕᐅᑉ ᑭᖑᕚᖏᑕ ᐊᑎᖃᕐᕕᖏᓐᓄᑦ ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ, ᐃᓴᕆᐊᓕᐅᓪᓗ ᓄᓇᖓᓄᑦ ᐃᑎᕐᓂᐊᕈᓐᓃᕐᐳᑦ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.

ᑖᓂᐊᓕᐅᑉ ᐊᒡᓚᖏᑦ 12:1

“ᑍᑦᓱᒪᓂ ᒤᑯ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐃᓅᖃᑎᒌᓂᒃ ᓴᐳᑦᔨᔨ ᒪᑭᑦᓱᒫᕐᐳᖅ, ᐃᓗᖏᕐᑐᕐᓇᕐᑐᖃᕈᒫᕐᒪᑦ ᑍᒪᓐᖓᑦ ᐃᓴᕆᐊᓕᑎᑦ ᐱᒋᐊᕐᓂᖓᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐱᓚᐅᕐᓯᒪᖏᑦᑐᒥᒃ. ᑭᓯᐊᓂᓕ ᐃᓅᖃᑎᒌᑦ ᓇᓪᓕᐊᑦ ᐊᑎᖃᕐᑐᑦ ᒪᒃᐱᕐᑐᕋᕐᓂ ᓴᐳᑎᔭᐅᔪᒫᕐᐳᑦ.

ᐂᒨᓯᐅᑉ ᐊᒡᓚᖏᑦ 7:2

ᐱᒡᓕᕐᑕᐅᔮᕐᑐᑦ ᓄᖒᑦᓯᖕᒪᑕ ᐃᕕᖕᓂᒃ ᓄᓇᒦᑦᑐᓂᒃ, ᐅᖃᓚᐅᕐᐳᖓ; ᐊᑕᓃᖅ ᒎᑏᒃ ᕿᓄᕗᖓ ᐃᓱᒪᒋᔪᓐᓁᕐᕕᒋᒃᑭᑦ! ᔧᑰᑉ ᑭᖑᕚᖏᑦ ᐊᓐᓇᒍᓐᓇᖁᓪᓗᒋᑦ, ᒥᑭᔫᓗᐊᕐᒪᑕ.

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᒪᓚᑬᑉ ᐊᒡᓚᖏᑦ 3:17

“ᑖᒃᑯᐊ ᐱᒋᔪᒫᕐᐸᒃᑲ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐱᒃᑯᒥᓇᕐᑐᖁᑎᓐᓂᒃ ᐱᓇᓱᐊᕐᓂᒃᓴᕋ ᐅᓪᓗᖅ ᓇᓪᓕᐅᑎᒃᐸᑦ, ᑖᒃᑯᐊ ᓂᑲᒋᔪᒫᕐᐹᒃᑲ ᐃᓅᑉ ᐃᕐᓂᕐᒥᓂᒃ ᐱᔨᑦᓯᕐᑎᒋᔭᒥᓂᒃ ᓂᑲᒍᓱᒃᐸᖕᓂᖓᑐᑦ.

ᒨᓯᓯ ᓯᑕᒪᖏᑦ 11:15

ᑍᒫᒃ ᐱᑎᓐᓂᐊᕈᕕᖓ, ᐊᑏ ᒫᓐᓇ ᐅᕙᓂ ᑐᖁᓕᓐᖓ, ᐃᓕᖕᓄᑦ ᖁᕕᐊᒋᔭᐅᒍᒪ, ᐊᔪᓕᓕᕐᓂᕐᒥᒃ ᑕᑯᑎᑦᑍᓕᓐᖓ!”

ᒨᓯᓯ ᓯᑕᒪᖏᑦ 11:25

ᑕᕝᕙ ᐊᑕᓂᖅ ᓄᕗᔭᒃᑯᑦ ᐊᖅᑲᕐᐳᖅ ᐅᖃᕐᕕᒋᓪᓗᒍᓗ, ᐊᓂᕐᓂᕐᓗ ᐱᓯᒪᔭᖓᑕ ᐃᓚᖓ ᑎᒍᕚ ᐊᖓᔪᖅᑳᓄᓪᓗ 70ᓄᑦ ᑐᓂᓪᓗᒍ; ᐊᓂᕐᓂᐅᓪᓗ ᐊᖅᑲᕐᕕᒋᖕᒪᒋᑦ, ᒎᑎᐅᑉ ᐅᖃᐅᓯᐅᖁᔭᖓᓂᒃ ᐅᖃᓪᓚᓕᕐᐳᑦ, ᑭᖑᓂᖓᒍᓪᓕ ᑍᒤᓕᐅᒃᑲᓐᓂᕈᓐᓃᕐᓗᑎᒃ.

ᒨᓯᓯ ᓯᑕᒪᖏᑦ 14:19

ᐅᑯᐊ ᐃᓄᐃᑦ ᑕᒻᒪᕐᓂᖏᓐᓂᒃ ᐃᓱᒪᒋᔪᓐᓁᕐᕕᒋᓚᐅᒃᑭᑦ, ᑐᒃᓯᐊᕐᐳᖓ ᓂᑲᒍᓱᖕᓃᑦ ᐊᖏᔪᖅ ᒪᓕᒡᓗᒍ, ᑍᒫᒃᑕᐅᖅ ᐃᓄᐃᑦ ᐅᑯᐊ ᐃᓱᒪᒋᔪᓐᓁᕐᕕᒋᕙᒃᑲᕕᒋᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᖏᓐᓂᑦ ᐅᓪᓗᒥᒧᑦ ᑎᑭᓪᓗᒍ.”

ᓘᑲᓯᐅᑉ ᐊᒡᓚᖏᑦ 10:20

ᐊᓂᕐᓂᕐᓗᐃᑦ ᓈᓚᖕᒪᓯ ᑕᒪᓐᓇ ᖁᕕᐊᓲᑎᒋᓇᓯᐅᒃ, ᖁᕕᐊᓱᒋᑦᓯᓕ ᐊᑎᕐᓯ ᑎᑎᕋᕐᓯᒪᖕᒪᑕ ᕿᓚᖕᒥ.”

ᓘᑲᓯᐅᑉ ᐊᒡᓚᖏᑦ 23:34

ᔩᓱᓯ ᐅᖃᕐᐳᖅ, “ᐊᑖᑖᒃ, ᐃᓱᒪᒋᔪᓐᓁᕐᕕᒋᒃᑭᑦ; ᖃᓄᐃᓕᐅᕐᓂᕐᒥᖕᓂᒃ ᖃᐅᔨᒪᖏᒻᒪᑕ.” ᔩᓱᓯᐅᑉ ᐊᓐᓄᕌᖏᑦ ᓇᓚᐅᑖᕈᑎᒋᓪᓗᒋᑦ ᐊᑐᓂᑦ ᐱᑖᕋᓱᐊᕐᐳᑦ.

ᕉᒪᒥᐅᓄᑦ 9:3

ᓇᖕᒥᓂᖅ ᐊᒡᓛᑦ ᓇᕐᕈᓇᕐᓯᑎᑕᐅᔪᒪᒐᔭᕐᐳᖓ ᙭ᔅᑑᓯᒥᓪᓘᓐᓃᑦ ᐊᕕᑎᑕᐅᖔᕐᓗᖓ ᐃᓅᖃᑎᒃᑲ ᐱᑦᔪᑎᒋᓪᓗᒋᑦ, ᔫᑎᐅᖃᑎᒃᑲ ᑎᒥᒃᑯᑦ ᐃᓚᒋᔭᒃᑲ.

ᒨᓯᓯ ᑕᓪᓕᒪᖏᑦ 25:19

ᑍᒤᒻᒪᑦ, ᐊᑕᓂᐅᑉ ᒎᑎᑦᓯ ᓄᓇᑖᕐᑎᓯᒪᓕᕐᐸᓯ ᑕᕝᕙᓂᓗ ᐃᓂᓪᓚᑦᓯᐊᕐᓯᒪᓕᕈᑦᓯ ᐊᑭᕋᓕᒫᑦᓯᓐᓂᓪᓗ ᖃᓂᒋᔭᑦᓯᓐᓃᑦᑐᓂᑦ ᐅᐸᒃᑕᐅᓂᐅᓴᔪᓐᓁᕈᑦᓯ, ᐊᒪᓕᖕᒥᐅᑦ ᐊᑕᖏᑦᓯᐊᕐᓗᒋᑦ ᑐᑯᕋᕐᑕᒃᓴᕆᕙᓯ, ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓁᖁᓪᓗᒋᑦ, ᑕᒪᑐᒥᖓ ᐳᐃᒍᕐᑍᓕᒋᑦᓯ!”

ᒨᓯᓯ ᑕᓪᓕᒪᖏᑦ 29:20

ᐊᑕᓂᐅᑉ ᐊᖑᑦ ᑍᒤᑦᑐᖅ ᐃᓱᒪᒋᔪᓐᓁᕐᕕᒋᓂᐊᓐᖏᓛ. ᐊᑕᓂᐅᓪᓕ ᓂᓐᖓᕕᒃᔪᐊᕐᓂᖓ ᐃᑯᒪᔪᑎᑐᑦ ᐃᑯᐊᓪᓚᖕᓂᐊᕐᐳᖅ ᑖᑦᓱᒧᖓ, ᑕᒪᒃᑯᐊᓗ ᐅᕙᓂ ᐊᒡᓚᖕᓂ ᑎᑎᕋᐅᓯᐅᓯᒪᔪᑦ ᐊᔪᓕᕈᑕᐅᔪᓐᓇᕐᑐᓕᒫᑦᓯᐊᑦ ᑖᑦᓱᒧᖓ ᑎᑭᓐᓂᐊᕐᐳᑦ, ᑖᑦᓱᒪᓗ ᐊᑎᖓ ᐊᑕᓂᐅᑉ ᐲᕐᓂᐊᕐᐹ ᕿᓚᐅᑉ ᐊᑖᓂᑦ.

ᒨᓯᓯ ᑕᓪᓕᒪᖏᑦ 9:14

ᓄᖅᑲᕐᑎᓐᓇᓱᐊᕐᓂᐊᕐᓇᖓ, ᓄᖑᑦᓱᒪᓕᕋᒃᑭᑦ ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓃᖁᓪᓗᒋᑦ. ᑕᕝᕙ ᐃᓅᖃᑎᒌᒡᔪᐊᓄᑦ ᐱᒋᐊᕐᕕᐅᓕᕐᑎᓐᓂᐊᕐᐸᒋᑦ ᑖᒃᑯᓇᓐᖓᑦ ᐅᓄᕐᓂᕐᓴᐅᔪᓂᒃ ᐱᔪᓐᓇᕐᓂᖃᕐᓂᕐᓴᐅᔪᓂᒡᓗ.’

ᐱᓕᐱᒥᐅᓄᑦ 4:3

ᐃᕝᕕᓪᓗᑦᑕᐅᖅ ᑲᔪᓯᑦᓯᐊᕐᑐᒥᒃ ᐱᓇᓱᐊᖃᑎᒐ, ᕿᓄᕕᒋᕙᒋᑦ ᑖᒃᑯᐊᒃ ᐊᕐᓈᒃ ᐃᑲᔪᕐᑕᐅᖁᓪᓗᒋᒃ, ᐊᒃᓱᕈᒻᒪᕆᒃᓗᑎᒃ ᐱᓇᓱᐊᖃᑎᒋᓯᒪᒐᒃᑭᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓯᐊᒻᒪᕐᑎᑦᓯᖃᑎᒋᓪᓗᒋᒃ, ᒃᓕᒥᓐᑎ ᐃᓚᒋᓪᓗᒍ ᐊᓯᖏᓪᓗ ᐱᓇᓱᐊᖃᑎᒃᑲ ᐃᓚᒋᓪᓗᒋᑦ, ᐊᑎᖏᑦ ᑎᑎᕋᕐᓯᒪᔪᑦ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖓᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:8

ᑖᓐᓇ ᐆᒪᔪᐊᓗᒃ ᑕᑯᓚᐅᕐᑍᑦ ᐆᒪᓚᐅᕐᑑᒐᓗᐊᖅ, ᒫᓐᓇᓕ ᑐᖁᖓᓕᕐᑐᖅ, ᑖᓐᓇᓗ ᒪᑭᑦᓱᒫᕐᐳᖅ ᐃᑎᕐᓴᕐᔪᐊᒥᑦ ᓇᑎᖃᖏᑦᑐᒥᑦ ᐊᓯᕈᕐᑕᐅᔭᕐᑐᓕᕐᓗᓂ; ᓄᓇᕐᔪᐊᒥᓗ ᐃᓅᔪᑦ ᐃᓅᓯᕾᓐᓇᕐᓇᕐᑐᒥ ᐃᓅᔪᒃᓮᑦ ᐊᑎᖃᕐᕕᖏᓐᓂ ᐊᑎᖏᑦ ᑎᑎᕋᕐᑕᐅᓯᒪᖏᑦᑐᑦ ᑍᒪᓐᖓᓂᑦ ᓯᓚᕐᔪᐊᖅ ᐱᓐᖑᕐᑎᑕᐅᓂᖓᓂᑦ, ᑖᒃᑯᐊ ᐆᒪᔪᐊᓗᒃ ᑕᑯᓕᕈᓂᑦᔪᒃ ᑲᒪᓂᐊᕈᑎᒋᔪᒫᕐᐹᑦ, ᑖᓐᓇ ᐆᒪᓚᐅᕐᑑᒐᓗᐊᖅ ᒫᓐᓇᓗ ᑐᖁᖓᓕᕐᑐᖅ ᓱᓕ ᑕᑯᓕᕈᓂᑦᔪᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:19

ᓇᓪᓕᐊᓐᓂᒡᓗ ᐃᓚᓐᖎᔪᖃᕐᐸᑦ ᐅᑯᓇᓂ ᐱᔪᒫᕐᑐᑦ ᐅᖃᐅᓯᕐᑕᖏᓐᓂᒃ ᐊᒡᓚᖕᓂ ᑎᑎᕋᕐᓯᒪᔪᓂ, ᑖᓐᓇ ᒎᑎᐅᑉ ᐃᓚᓐᖎᕕᒋᔪᒫᕆᕚ ᐱᔭᒃᓴᖓᓂᒃ ᓇᐹᕐᑐᒥᑦ ᐆᒪᓇᕐᑐᒥᑦ ᐃᒡᓗᒐᓴᒡᔪᐊᓂᓪᓗ ᐃᑦᔪᕐᓁᑦᑐᓂᑦ, ᑖᒃᑯᓇᓂ ᐅᖃᐅᓯᐅᓯᒪᔪᓂᒃ ᑕᕝᕙᓂ ᐊᒡᓚᖕᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:5

ᓵᓚᖃᕐᑐᑦ ᖃᑯᕐᑕᓂᒃ ᐊᓐᓄᕌᕐᑕᐅᔪᒫᕐᒪᑕ, ᐊᑎᖏᓪᓗ ᐲᕐᓂᐊᓐᖏᓚᒃᑲ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖏᓐᓂᑦ; ᐊᑖᑕᒪ ᐂᖏᓖᖁᑎᖏᑕᓗ ᓵᖓᓂ ᐊᑎᖏᑦ ᐅᖃᐅᓯᕆᔪᒪᕙᒃᑲ.