ᒨᓯᓯ ᐂᑉᐸᖏᑦ 32:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᒨᓯᓯᓗ ᖃᖅᑲᒧᑦ ᐅᑎᕋᒥ ᐊᑕᓂᕐᒧᑦ ᐅᖃᕐᐳᖅ, “ᐅᑯᐊ ᐃᓄᐃᑦ ᐊᔪᕐᑐᓕᓯᒪᕗᑦ ᐊᖏᔪᕐᔪᐊᒥᒃ ᐊᔪᕐᑐᓕᓂᕐᒥᒃ. ᒎᑎᓕᐅᕐᓯᒪᖕᒪᑕ ᒎᓗᒥᑦ ᓴᓇᓯᒪᔭᒥᖕᓂᒃ ᑐᒃᓯᐊᕐᕕᒋᓯᒪᓕᕐᓗᓂᑦᔪᒡᓗ.

ᒨᓯᓯ ᐂᑉᐸᖏᑦ 32:31 Iomraidhean Croise

ᐄᓱᕋᐅᑉ ᐊᒡᓚᖏᑦ 9:15

ᐊᑕᓃᖅ ᐃᓴᕆᐊᓕᒥᐅᑦ ᒎᑎᖓ, ᐃᕝᕕᑦ ᐃᓱᐊᕐᑑᕗᑎᑦ, ᐅᕙᒍᑦ ᐊᒥᐊᒃᑰᔪᒍᑦ ᐃᓅᑎᓯᒪᕙᑦᑎᒍᑦ ᐅᓪᓗᒥᒧᑦ ᑎᑭᓪᓗᒍ. ᑕᕝᕙ ᐃᕝᕕᑦ ᓵᖓᓃᑉᐳᒍᑦ, ᐸᓯᔭᒃᓴᐅᓂᑦᑎᓐᓂᑦ ᖃᕿᐊᓕᕐᐳᒍᑦ ᐃᓕᓐᓄᑦ; ᐱᔪᒃᓴᐅᓐᖏᓚᒍᓪᓘᓐᓃᑦ ᓵᖕᓄᑦ ᕾᓗᑕ ᑍᒤᑦᑑᓗᑕ!”

ᓂᕼᐃᒤᐊᐅᑉ ᐊᒡᓚᖏᑦ 9:18

ᒎᑎᓐᖑᐊᓕᐅᕋᓗᐊᕐᒪᑕᓗ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ, ᐅᖃᕐᓗᑎᒡᓗ, ‘ᐅᓇ ᑕᕝᕙ ᒎᑎᓯ ᑕᓯᐅᕐᓯᓚᐅᕐᑐᖅ ᐄᑦᔨᑉᑎᒥᑦ!’ ᐅᖃᕐᓂᕐᓘᑎᖃᒻᒪᕆᓚᐅᕐᐳᓪᓗ ᐃᓕᖕᓂᒃ ᐊᑕᓃᖅ!

ᓂᕼᐃᒤᐊᐅᑉ ᐊᒡᓚᖏᑦ 9:33

ᓈᒻᒪᒃᑐᒥᒃ ᐱᓇᓱᐊᕐᓯᒪᕗᑎᑦ ᓱᒋᐊᕐᓗᑕ; ᓱᖁᓯᔪᐃᑦᑑᓪᓗᑎᑦ ᑲᔪᓯᑦᓯᐊᕐᓯᒪᕗᑎᑦ, ᐅᕙᒍᓪᓕ ᐊᔪᕐᑐᓕᓯᒪᕗᒍᑦ.

ᒨᓯᓯ ᐂᑉᐸᖏᑦ 20:23

ᑍᒤᒻᒪᑦ ᓴᓂᓐᓃᑦᑐᒃᓴᒥᒃ ᒎᑎᓐᖑᐊᓕᐅᕐᑐᒃᓴᐅᓐᖏᓚᓯ ᓯᐅᓪᕕᕆᒥᒃ, ᒎᓗᒥᒡᓘᓐᓃᑦ ᓴᓇᔪᒃᓴᐅᖏᓐᓂᕗᓯ ᒎᑎᒃᓴᑦᓯᓐᓂᒃ.

ᒨᓯᓯ ᐂᑉᐸᖏᑦ 20:4

“ᓱᓇᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ ᐊᑦᔨᓕᐅᕆᓗᓯ ᕿᓚᖕᒥᐅᑕᕐᒥᒃ ᓄᓇᒥᐅᑕᒥᒡᓘᓐᓃᑦ, ᐃᒪᕐᒥᐅᑕᕐᒥᒃ ᓄᓇᐅᑉ ᐊᑖᓂᕐᒥᐅᑕᒥᒡᓘᓐᓃᑦ.

ᒨᓯᓯ ᐂᑉᐸᖏᑦ 32:30

ᖃᐅᑎᓪᓗᒍ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᓯ ᐊᖏᔪᕐᔪᐊᒥᒃ ᐊᔪᕐᑐᓕᓂᕐᒥᒃ. ᒫᓐᓇᓕ ᖃᖅᑲᒧᑦ ᒪᔪᕋᕐᓂᐊᕐᐳᖓ ᐊᑕᓂᕐᒧᑦ; ᖃᐅᔨᔭᕐᑐᕋᓱᐊᕐᓗᖓ ᐃᓱᒪᒋᔪᓐᓁᕐᑕᐅᔪᓐᓇᕐᒪᖔᑦᓯ ᐊᔪᕐᑐᓕᓂᑦᓯᓐᓂᑦ.”

ᒨᓯᓯ ᐂᑉᐸᖏᑦ 34:28

ᒨᓯᓯᓗ ᑕᕝᕙᓃᑉᐳᖅ ᐊᑕᓂᕐᒥ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ, ᓂᕆᓚᐅᕋᓂ ᐃᒥᓚᐅᕋᓂᓗ. ᐅᖃᐅᓰᓪᓗ ᐊᖏᖃᑎᒌᒍᑏᑦ ᑎᑎᕋᓚᐅᕐᐰᑦ ᐅᔭᕋᒃᑯᑦ, ᐱᖁᔭᑦ ᖁᓕᑦ.

ᑖᓂᐊᓕᐅᑉ ᐊᒡᓚᖏᑦ 9:11

ᐃᓴᕆᐊᓕᑎᓕᒫᑦ ᓯᖁᒥᑦᓯᖃᑦᑕᕐᓯᒪᖕᒪᑕ ᐱᖁᔭᕐᓂᒃ ᒪᓕᖕᓇᒋᓪᓗ, ᐃᓕᖕᓂᒡᓗ ᓈᓚᒍᒪᓇᑎᒃ. ᑍᒤᒻᒪᑦ ᓇᕐᕈᓇᕐᓯᑎᑕᐅᓃᑦ ᐃᖅᑲᕐᑐᐃᓂᒃᑯᓪᓗ ᓱᒋᐊᕐᓯᓃᑦ ᒨᓯᓯᐅᑉ ᐱᔨᒋᔭᕕᑦ ᐱᖁᔭᖏᑎᒍᑦ ᑎᑎᕋᕐᓯᒪᔪᑦ, ᐅᕙᑦᑎᓐᓄᑦ ᑯᕕᓯᒪᕗᑦ, ᐃᓕᖕᓄᑦ ᐱᐅᖏᑦᑐᓕᓯᒪᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:5

“ᐱᐅᖏᑦᑐᓕᓯᒪᒐᑦᑕ ᓈᒻᒪᖏᑦᑐᓂᒡᓗ ᐱᓂᐊᕐᓂᖃᕐᓯᒪᓪᓗᑕ, ᐱᐅᖏᑦᑐᐊᓘᓯᒪᒐᑦᑕ ᐃᓕᖕᓂᒡᓗ ᐊᑭᕋᕐᑐᕐᓯᒪᓪᓗᑕ; ᒪᓕᒐᒃᓴᐅᖁᔭᕐᓂᒃ ᐱᖁᔭᕐᓂᒡᓗ ᕿᒤᓯᒪᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:8

ᐊᑕᓃᖅ, ᐅᕙᒍᑦ ᐊᖓᔪᖅᑳᕐᔪᐊᕗᑦ, ᐊᖓᔪᖅᑳᕗᓪᓗ, ᓯᕗᓕᕕᓂᕗᓪᓗ ᐅᓕᒃᓯᒪᕗᒍᑦ ᑲᓐᖑᓱᖕᓂᕐᒥᒃ, ᐊᔪᕐᑐᓕᓯᒪᒐᑦᑕ ᐃᓕᖕᓄᑦ.