ᒨᓯᓯ ᐂᑉᐸᖏᑦ 32:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᓕᕔᑎᓪᓗ ᒨᓯᓯᒧᑦ ᐱᖁᔭᐅᓂᕐᒥᓂᒃ ᓈᓚᒃᐳᑦ, ᑐᖁᑦᓯᓪᓗᑎᒡᓗ ᐃᓄᖕᓂᒃ 3,000 ᖃᓂᒋᔮᓂ ᑕᕝᕙᓂ ᐅᓪᓗᒥ.

ᒨᓯᓯ ᐂᑉᐸᖏᑦ 32:28 Iomraidhean Croise

ᐃᓐᖏᕈᑎᑦ 99:8

ᐊᑕᓃᖅ ᒎᑎᕗᑦ, ᑖᒃᑯᐊ ᑐᓴᓚᐅᕐᐸᑎᑦ; ᑖᒃᑯᓄᖓ ᓴᖅᑭᑎᑦᓯᓚᐅᕐᐳᑎᑦ ᒎᑎᐅᓪᓗᑎᑦ ᐃᓱᒪᒋᔪᓐᓁᕐᕕᖃᕈᓐᓇᕋᕕᑦ, ᑭᓯᐊᓂ ᑕᒻᒪᕐᓂᖏᓐᓂᒃ ᐊᑭᓖᕕᒋᓚᐅᕆᕙᑎᑦ.

ᒨᓯᓯ ᐂᑉᐸᖏᑦ 32:27

ᐅᖃᐅᑎᕔᓪᓗ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ‘ᐃᓕᑦᓯ ᐊᑐᓂᑦ ᓴᕕᒡᔪᐊᒥᒃ ᑎᒍᓯᔪᒃᓴᐅᕗᓯ, ᑕᖕᒫᕐᓯᒪᕕᐅᑉ ᐹᖓᓂᑦ ᐱᒋᐊᕐᓗᓯ ᐃᓱᐊᓄᑦ ᑎᑭᓪᓗᓯ ᑐᖁᕅᖁᓪᓗᓯ ᖃᑕᓐᖑᑎᑦᓯᓐᓂᒃ, ᐃᓚᓐᓇᕆᔭᑦᓯᓐᓂᒡᓗ, ᐃᓅᖃᑎᑦᓯᓐᓂᒡᓗ.’”

ᒨᓯᓯ ᐂᑉᐸᖏᑦ 32:29

ᒨᓯᓯᓗ ᐅᖃᕐᐳᖅ ᓕᕔᑎᓄᑦ, “ᐅᓪᓗᒥ ᐃᓕᑦᓯᓐᓂᒃ ᐃᑦᔪᕐᓁᓕᕐᑎᑉᐳᓯ ᐱᑎᑕᐅᓪᓗᓯᓗ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᐊᑕᓂᕐᒧᑦ ᑕᒪᓐᓇ ᐱᔨᑦᓯᕈᑕᐅᖁᓪᓗᒍ ᐃᓕᑦᓯᓐᓄᑦ ᑐᖁᑦᓯᓚᐅᕐᓂᑦᓯᓐᓄᑦ ᐃᕐᓂᑦᓯᓐᓂᒃ ᖃᑕᓐᖑᑎᑦᓯᓐᓂᒡᓗ, ᑍᒤᒻᒪᑦ ᐊᑕᓂᐅᑉ ᑐᓂᓯᕕᒋᕚᓯ ᓇᖕᒥᓂᖅ ᓮᒻᒪᕐᑎᑦᓯᓂᕐᒥᓂᒃ.”

ᒨᓯᓯ ᐂᑉᐸᖏᑦ 32:35

ᐊᑕᓂᕐᓕ ᐃᓄᖕᓄᑦ ᑎᑭᑎᑦᓯᓕᕐᐳᖅ ᖃᓂᒪᓇᕐᑐᒥᒃ, ᐂᕉᓂᒥᒃ ᓴᓇᑎᑦᓯᓚᐅᕐᓂᖏᑦ ᓄᕐᕋᓐᖑᐊᒥᒃ ᒎᓗᒥᒃ ᐱᑦᔪᑎᒋᓪᓗᒋᑦ.

ᒨᓯᓯ ᓯᑕᒪᖏᑦ 16:41

ᖃᐅᑎᓪᓗᒍ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᓕᒫᑦ ᓈᒻᒪᒃᓴᕋᑎᒃ ᓂᓪᓕᐊᓚᐅᕐᐳᑦ ᒨᓯᓯᒧᑦ ᐂᕉᓂᒧᓪᓗ, ᐅᖃᕐᓗᑎᒃ, “ᑐᖁᑦᓯᔪᓯᒃ ᐊᑕᓂᐅᑉ ᐃᓄᖁᑎᖏᓐᓂᒃ.”

ᒨᓯᓯ ᓯᑕᒪᖏᑦ 25:7

ᐱᓂᕼᐋᓯᐅᓪᓕ ᐃᓕᓯᕆᐅᑉ ᐃᕐᓂᖓᑕ, ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᖑᑕᖓᑕ, ᑕᑯᒐᒥᐅᑉ, ᒪᑭᑉᐳᖅ ᐃᓄᒋᐊᒃᑐᕐᔪᐊᑦ ᐊᑯᕐᖓᓐᓂᑦ ᓇᐅᒃᑯᑎᒥᒃ ᑎᒍᓯᓪᓗᓂ;

ᒨᓯᓯ ᓯᑕᒪᖏᑦ 35:8

ᐃᒡᓗᒐᓮᓪᓗ ᑐᓂᔭᓯ ᐃᓴᕆᐊᓕᒥᐅᑦ ᓄᓇᖁᑎᑖᕆᔭᖏᓐᓂᑦ ᐱᔭᕆᐊᖃᕐᐳᑦ; ᑭᖑᕚᖑᖃᑎᒌᓂᑦ ᐅᓄᕐᓂᕐᓴᓂᑦ ᑐᓂᓯᔭᕆᐊᖃᕐᐳᓯ ᐅᓄᕐᓂᕐᓴᓂᒃ; ᑭᖑᕚᖑᖃᑎᒌᓂᓪᓗ ᐅᓄᖏᓐᓂᕐᓴᓂᑦ ᒥᑭᓂᕐᓴᓂᒃ ᑐᓂᓯᔭᕆᐊᖃᕐᐳᓯ. ᑭᖑᕚᖑᖃᑎᒌᓕᒫᑦ ᐊᑐᓂᑦ ᐃᒡᓗᒐᓴᖕᓂᒃ ᑐᓂᓯᔭᕆᐊᖃᕐᐳᑦ ᓕᕔᑎᓄᑦ, ᓄᓇᖁᑎᑖᕆᔭᑎᒃ ᐊᑐᓂᑦ ᐊᖏᓂᖏᑦ ᒪᓕᒡᓗᒋᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:8

ᐊᕐᓇᕐᓂᐊᕐᓂᕐᒥᒃ ᐊᖑᓐᓂᐊᕐᓂᕐᒥᒡᓗ ᐊᑐᕆᐊᖃᓐᖏᓚᒍᑦ ᑍᒃᑯᑎᑐᓇᖅ, ᑍᑦᓱᒪᓂ ᐅᓪᓗᒥ ᐊᑕᐅᓯᕐᒥ 23,000 ᑐᖁᓚᐅᕐᒪᑕ.

ᒨᓯᓯ ᑕᓪᓕᒪᖏᑦ 33:9

ᑖᒃᑯᐊ ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐃᒫᒃ ᐅᖃᐅᓯᖃᓚᐅᕐᐳᑦ, ‘ᑖᒃᑯᐊ ᐃᓱᒪᒋᓐᖏᓚᒃᑲ’; ᖃᑕᓐᖑᑎᑎᒃ ᐃᓚᒋᓂᕋᓐᖏᓔᑦ, ᕿᑐᕐᖓᑎᒡᓗ ᐃᒃᐱᒋᓇᒋᑦ. ᐅᖃᐅᓯᕐᓂᒃ ᒪᓕᑦᓯᐊᓗᐊᒧᑦ, ᐊᖏᖃᑎᒌᖕᓂᒃᑯᑦ ᐅᖃᕐᕕᒋᓯᒪᔭᑎᑦ ᒪᓕᒡᓗᒋᑦ.