ᒨᓯᓯ ᐂᑉᐸᖏᑦ 32:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᒫᓐᓇ ᐅᕙᓐᓂᒃ ᓄᖅᑲᕐᑎᑦᓯᓇᓱᐊᕐᓂᐊᕐᓇᒃ, ᐃᓄᐃᑦ ᑖᒃᑯᐊ ᓂᓐᖓᐅᑎᒻᒪᕆᒐᒃᑭ, ᐊᓯᕈᕐᓂᐊᓕᕐᐸᒃᑲ. ᐃᕝᕕᓪᓕ ᑭᖑᕚᒃᓴᑎᓪᓗ ᐃᓅᖃᑎᒌᒡᔪᐊᓐᖑᕐᑎᓐᓂᐊᕐᐸᒃᑲ.”

ᒨᓯᓯ ᐂᑉᐸᖏᑦ 32:10 Iomraidhean Croise

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᐃᓐᖏᕈᑎᑦ 106:23

ᑍᒤᒻᒪᑦ ᐅᖃᓚᐅᕐᐳᖅ ᑖᒃᑯᓂᖓ ᓄᖒᑦᓯᔪᒪᓕᕐᓗᓂ, ᓂᕈᐊᕐᓯᒪᔭᖓᓕ ᒨᓯᓯ ᒎᑎᐅᑉ ᓵᖓᓂ ᓂᑯᕕᓚᐅᕐᐳᖅ, ᓂᓐᖓᐅᒪᓂᖓ ᓴᖑᑎᓪᓗᓂᐅᒃ, ᓄᖒᑦᓯᖁᓇᒍ ᑖᒃᑯᓂᖓ.

ᒨᓯᓯ ᐂᑉᐸᖏᑦ 22:24

ᓂᓐᖓᖕᓂᕋᓗ ᐃᑯᐊᓪᓚᓕᕐᑐᑎᑐᑦ ᑍᒤᒐᔭᕐᐳᖅ, ᐅᓇᑕᕐᑐᓂᓗ ᑐᖁᑕᐅᑎᒐᔭᕐᐸᑦᓯ, ᓄᓕᐊᓯᓗ ᐅᐃᒡᒐᕐᓂᓐᖑᕐᓗᑎᒃ ᕿᑐᕐᖓᓯᓗ ᐊᑖᑕᖃᕈᓐᓃᕐᓗᑎᒃ.

ᒨᓯᓯ ᐂᑉᐸᖏᑦ 32:11

ᒨᓯᓯᓕ ᐃᓗᖏᕐᓱᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ ᒎᑎᒥᓄᑦ ᐅᖃᕐᓗᓂᓗ, “ᐊᑕᓃᖅ, ᓱᖕᒪᑦ ᐃᓄᖁᑎᖕᓄᑦ ᑍᒫᕌᓗᒃ ᓂᓐᖓᐅᒪᔪᒃᓴᐅᕖᑦ? ᑖᒃᑯᐊ ᓴᐳᑎᓚᐅᕋᕕᒋᑦ ᐄᑦᔨᑉᑎᒥᑦ ᐊᔪᒐᖃᖏᓐᓂᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᒨᓯᓯ ᐂᑉᐸᖏᑦ 32:19

ᒨᓯᓯᓕ ᑕᖕᒫᕐᓯᒪᕕᖕᒧᑦ ᖃᒡᓕᒐᒥ ᑕᑯᓕᕐᐳᖅ ᓄᕐᕋᓐᖑᐊᒥᒃ ᐃᓄᖕᓂᒡᓗ ᑖᓂᓯᕐᑐᓂᒃ, ᐃᓗᐃᓪᓕᓂᕐᒧᑦ ᓂᓐᖓᒃᑐᐊᓘᕗᖅ. ᑕᒫᓂᓗ ᖃᖅᑲᐅᑉ ᑭᒡᓕᖓᓂ, ᑎᒍᒥᐊᕐᑖᖕᓂ ᐅᔭᕌᒃ ᓂᓐᖓᖕᓂᕐᒧᑦ ᒥᓗᕆᐅᑎᕚᒃ ᓯᖁᒥᓪᓗᒋᒡᓗ.

ᒨᓯᓯ ᐂᑉᐸᖏᑦ 33:3

ᑕᕝᕗᖓ ᓄᓇᒧᑦ ᐂᔪᒃᓴᐅᕗᓯ ᓂᕿᒃᓴᖃᑦᓯᐊᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ. ᐅᕙᖓᓕ ᓇᖕᒥᓂᖅ ᐃᓚᒋᓂᐊᓐᖏᓚᑦᓯ, ᓯᑎᔪᐊᓘᓂᓯ ᐱᓪᓗᒍ, ᐃᓚᒋᑐᐊᕈᑦᓯ ᓄᖑᑕᐅᑎᑐᐃᓐᓇᕆᐊᖃᕋᑦᓯ ᑕᒫᓂ ᐊᖅᑯᑖᓂ.”

ᔨᕆᒤᐊᐅᑉ ᐊᒡᓚᖏᑦ 11:14

ᑍᒤᒻᒪᑦ ᐃᓄᐃᑦ ᑖᒃᑯᐊ ᑐᒃᓯᐅᑎᑦᑍᓕᒃᑭᑦ, ᕿᓄᑦᔪᑎᒋᑦᑍᓕᒃᑭᑦ ᑐᒃᓯᐅᑎᑦᑍᓕᓗᒋᓪᓗ, ᐅᖁᒤᒃᓴᓕᕈᑎᒃ ᑐᒃᓯᐊᕋᓗᐊᕐᐸᑕ ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 14:11

ᑕᕝᕙ ᐊᑕᓂᐅᑉ ᐅᖃᐅᑎᒋᕚᖓ, “ᑐᒃᓯᐅᑎᑦᑍᓕᒃᑭᑦ ᖃᓄᐃᖏᑦᓯᐊᖁᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 7:16

“ᐃᕝᕕᓪᓕ, ᐃᓄᐃᑦ ᑖᒃᑯᐊ ᑐᒃᓯᐅᑎᑦᑍᓕᒃᑭᑦ, ᕿᓄᑦᔪᑎᒋᑦᑍᓕᒃᑭᓪᓗ, ᑐᒃᓯᐊᕐᕕᒋᑦᑍᓕᓐᖓ ᑐᒃᓯᐅᑎᒐᓗᐊᕈᕕᒋᑦ ᑐᓴᑦᔮᓐᖏᓚᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 20:13

ᐃᓴᕆᐊᓕᐅᑉ ᑭᖑᕚᖏᑕ ᐃᓄᖃᖏᑦᑐᒦᓪᓗᑎᒃ ᐊᑭᕋᕐᑐᓕᓚᐅᕐᐹᖓ; ᐱᖁᔭᒃᑲ ᓯᖁᒥᓚᐅᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓚᐅᕐᓇᒋᑦ, ᓈᓚᒃᑐᓄᑦ ᐃᓅᑦᔪᑕᐅᔪᓐᓇᕐᑎᓪᓗᒋᑦ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᓂᓐᖓᐅᒪᓂᓐᓄᑦ ᐱᒋᐊᕈᒪᓕᓚᐅᕋᓗᐊᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ᓄᖑᑦᓯᐊᒻᒪᕆᒍᒪᓪᓗᒋᓪᓗ.

ᒨᓯᓯ ᓯᑕᒪᖏᑦ 14:12

ᖃᓄᐃᓐᓇᕐᑐᓄᑦ ᐋᓐᓂᐊᓄᑦ ᐱᔭᐅᑎᓐᓂᐊᕐᐸᒃᑲ, ᐊᓯᕈᕐᓗᒋᓪᓗ, ᐃᓅᖃᑎᒌᒡᔪᐊᓐᖑᕐᑎᓐᓂᐊᕐᐸᒋᑦ ᐅᓄᕐᓂᕐᓴᐅᓗᑎᑦ ᓴᓐᖏᓂᕐᓴᐅᓗᑎᓪᓗ ᑖᒃᑯᓇᓐᖓᑦ.”

ᒨᓯᓯ ᓯᑕᒪᖏᑦ 16:21

“ᐊᕝᕗᑎᓕᕆᑦᓯᒃ ᐃᓄᒋᐊᒃᑐᕐᔪᐊᓂᑦ ᐅᑯᓇᓐᖓᑦ, ᐅᑯᐊ ᒫᓐᓈᐱᒃ ᓄᖑᓐᓂᐊᕋᒃᑭᑦ.”

ᒨᓯᓯ ᓯᑕᒪᖏᑦ 16:22

ᑖᒃᑯᐊᒃ ᐹᒻᒪᒃᓗᑎᒃ ᓄᓇᒧᑦ ᑐᓪᓗᑎᒃ ᐅᖃᕐᐳᑦ, “ᒎᑎ, ᒎᑎᐅᔪᑎᑦ ᑎᒥᖃᕐᑐᑦ ᐊᓂᕐᓂᖏᓐᓄᑦ, ᐃᓄᒃ ᐊᑕᐅᓯᖅ ᐱᐅᖏᑦᑐᓕᒃᐸᑦ, ᐃᓄᒋᐊᒃᑐᕐᔪᐊᓕᒫᑦ ᓂᓐᖓᐅᑎᔭᕆᐊᖃᕐᐱᒌᑦ?”

ᒨᓯᓯ ᑕᓪᓕᒪᖏᑦ 9:14

ᓄᖅᑲᕐᑎᓐᓇᓱᐊᕐᓂᐊᕐᓇᖓ, ᓄᖑᑦᓱᒪᓕᕋᒃᑭᑦ ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓃᖁᓪᓗᒋᑦ. ᑕᕝᕙ ᐃᓅᖃᑎᒌᒡᔪᐊᓄᑦ ᐱᒋᐊᕐᕕᐅᓕᕐᑎᓐᓂᐊᕐᐸᒋᑦ ᑖᒃᑯᓇᓐᖓᑦ ᐅᓄᕐᓂᕐᓴᐅᔪᓂᒃ ᐱᔪᓐᓇᕐᓂᖃᕐᓂᕐᓴᐅᔪᓂᒡᓗ.’

ᒨᓯᓯ ᑕᓪᓕᒪᖏᑦ 9:19

ᓯᕘᕋᓕᓚᐅᕋᒪ ᐊᑕᓂᐅᑉ ᓂᓐᖓᐅᒪᔪᐊᓘᓂᖓᓂᒃ, ᐊᖏᔪᒥᒃ ᓂᓐᖓᓚᐅᕐᒪᑦ ᐊᒡᓛᑦ ᐃᓕᑦᓯᓐᓂᒃ ᓄᖒᑦᓯᑐᐃᓐᓇᕆᐊᖃᓕᓚᐅᕐᒪᑦ; ᐊᑕᓂᐅᓪᓕ ᓱᓕ ᑐᒃᓯᐊᕐᓂᓐᓂᒃ ᑐᓴᓚᐅᕆᕚᖓ.

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.