ᒨᓯᓯ ᐂᑉᐸᖏᑦ 32:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᓄᐃᓪᓗ ᖃᐅᔨᓕᕋᒥᒃ ᒨᓯᓯ ᓱᓕ ᖃᖅᑲᒥᑦ ᐊᖅᑲᓚᐅᖏᓐᓂᖓᓂᒃ, ᐊᑯᓂᓗ ᑕᑉᐹᓃᓕᕐᒪᑦ ᐂᕉᓂᐅᑉ ᐊᕙᑖᓄᐊᕐᓗᑎᒃ ᐅᖃᕐᕕᒋᓕᕐᐹᑦ, “ᐃᓐᓇ ᒨᓯᓯ ᓇᓗᓇᕐᓯᖕᒪᑦ ᖃᓄᐃᓕᖓᓕᕐᒪᖔᑦ ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ, ᒎᑎᓕᐅᓚᐅᕆᑦ ᐅᕙᑦᑎᓐᓂᒃ ᑕᓯᐅᕐᓯᓂᐊᕐᑐᒥᒃ.”

ᒨᓯᓯ ᐂᑉᐸᖏᑦ 32:1 Iomraidhean Croise

ᒨᓯᓯ ᓯᕗᓪᓖᑦ 19:14

ᑕᕝᕙ ᓘᑎ ᐊᓂᕗᖅ ᓂᖓᐅᒃᓴᓂ ᐅᖃᐅᑎᔭᕐᑐᕐᓗᒋᑦ, ᐸᓂᖏᑕ ᐅᐃᒃᓴᖏᑦ, ᐅᖃᐅᑎᓪᓗᒋᒡᓗ, “ᑐᐊᕕᕐᓗᓯᒃ ᑕᕝᕙᓐᖓᑦ ᐊᐅᓪᓚᓕᕆᑦᓯᒃ; ᐊᑕᓂᐅᑉ ᑖᒃᑯᐊ ᐃᒡᓗᒐᓮᑦ ᐊᓯᕈᕐᓂᐊᓕᕐᒪᒋᑦ.” ᓂᖓᐅᒃᓴᖏᓐᓄᓪᓕ ᓘᑎ ᐅᖃᖑᐊᑐᐃᓐᓇᕐᑑᔮᕐᐳᖅ.

ᒨᓯᓯ ᓯᕗᓪᓖᑦ 21:26

ᐊᐱᒥᓕᑭᓗ ᐅᖃᓕᕐᐳᖅ, “ᖃᐅᔨᒪᓐᖏᓚᖓ ᑭᓇ ᑍᒤᓕᐅᕐᓂᕐᒪᖔᑦ; ᐅᖃᐅᑎᓚᐅᖏᓐᓇᕕᖓ, ᑕᕝᕙ ᓯᕗᓪᓕᕐᐹᒥᒃ ᑐᓴᓕᑍᓐᓇᕐᐸᕋ.”

ᒨᓯᓯ ᓯᕗᓪᓖᑦ 39:8

ᔫᓯᐱᓕ ᕿᐱᓗᒃᐳᖅ ᐊᖓᔪᖅᑳᒥᓗ ᓄᓕᐊᖓ ᐅᖃᐅᑎᓪᓗᒍ, “ᑕᑯᒋᑦ, ᐊᖓᔪᖅᑳᒪ ᐃᒡᓗᒥᓂ ᐃᓱᒪᕐᓱᕐᑎᑦᓯᐊᕐᐹᖓ ᐃᓱᒫᓗᖏᑦᓯᐊᕐᓗᓂᓗ, ᐱᖁᑎᓕᒫᒥᓄᓪᓗ ᑲᒪᔨᓐᖑᕐᑎᓯᒪᓪᓗᖓ;

ᒨᓯᓯ ᓯᕗᓪᓖᑦ 44:15

ᔫᓯᐱᐅᑉ ᐅᖃᐅᑎᕔᑦ, “ᖃᓄᐃᒻᒪᑦ ᑍᒤᓕᐅᓚᐅᕐᐱᓰ? ᖃᐅᔨᒪᓐᖏᓚᓰ ᑖᓐᓇ ᐃᒥᐅᑎ ᓇᓗᓇᕐᑐᒥᒃ ᖃᐅᔨᓴᐅᑎᒋᔪᓐᓇᕋᒃᑯ?”

ᒨᓯᓯ ᓯᕗᓪᓖᑦ 44:4

ᐊᐅᓪᓚᕐᒪᑕᓗ ᓱᓕ ᐃᒡᓗᒐᓴᖕᓂᑦ ᐅᖓᓯᒃᓯᓚᐅᕐᑎᓐᓇᒋᑦ, ᔫᓯᐱ ᐱᔨᒥᓄᑦ ᐅᖃᕐᐳᖅ, “ᑐᐊᕕᕐᓗᑎᑦ, ᑖᒃᑯᐊ ᐊᖑᑏᑦ ᒪᓕᒃᓴᒃᑭᑦ; ᐊᖑᒍᕕᒋᑦ ᐅᖃᐅᑎᓂᐊᕐᐸᑎᑦ, ‘ᓱᖕᒪᑦ ᐱᐅᖏᑦᑐᒥᒃ ᐊᑭᓂᐊᕐᐱᓯ ᐱᑦᓯᐊᕐᕕᐅᑎᓪᓗᓯ? ᓱᖕᒪᑦ ᐃᒥᐅᑎᒐ ᓯᐅᓪᕕᕆ ᑎᒡᓕᓚᐅᕐᐱᓯᐅᒃ?

ᐃᓐᖏᕈᑎᑦ 106:19

ᓄᕐᕋᓐᖑᐊᒥᒃ ᓴᓇᓚᐅᕐᐳᑦ ᓄᓇᒥ ᕼᐆᕆᑉᒥ, ᑐᒃᓯᐊᕐᕕᒋᓚᐅᕐᐹᓪᓗ ᐊᐅᒪᑎᓪᓗᒍ ᑯᕕᔭᐅᓯᒪᔪᖅ.

ᒨᓯᓯ ᐂᑉᐸᖏᑦ 13:21

ᐅᓪᓘᓕᕌᖓᑦ ᐊᑕᓂᖅ ᓯᕗᓂᖓᓐᓃᑉᐸᓚᐅᕐᐳᖅ ᓄᕗᔭᒥ ᓇᐸᔪᒥ ᐊᑐᕐᓂᐊᕐᑕᖓᓃᑉᐸᓚᐅᕐᐳᖅ ᓇᓗᓁᕐᓯᓯᒪᓇᓱᐊᕐᓗᓂ. ᐅᓐᓄᐊᖑᓕᕌᖓᓪᓕ ᐊᑕᓂᐅᑉ ᓯᕗᓕᓕᖃᑦᑕᓚᐅᕐᐰᑦ ᐃᑯᐊᓚᔪᒥ ᓇᐸᔪᒥ ᓯᕗᓂᕆᔭᖓᑦ ᖃᐅᒪᑎᑉᐸᒃᓗᓂᐅᒃ ᐃᖏᕐᕅᓐᓇᖁᓪᓗᒋᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ.

ᒨᓯᓯ ᐂᑉᐸᖏᑦ 14:11

ᒨᓯᓯᒧᓪᓗ ᐅᖃᕐᓗᑎᒃ, “ᐄᑦᔨᑉᑎᒥᐅᑦ ᓄᓇᖓᓐᓂ ᐃᓗᕕᕐᓯᕕᒃᓴᖃᖏᓐᓂᖓᓄᑦ ᒪᐅᖓ ᐃᓄᖃᖏᑦᑐᓕᐊᕈᑎᕕᑎᒎᑦ ᑐᖁᑕᐅᔭᕐᑐᖁᓪᓗᑖ? ᑕᒪᐅᓐᖓᐅᑦᔨᓚᐅᕐᓂᕐᓄᑦ ᑕᑯᒋᑦ ᐃᒤᑦᑑᒦᓕᕐᐳᒍᑦ!

ᒨᓯᓯ ᐂᑉᐸᖏᑦ 16:3

ᐅᖃᕐᓗᑎᒡᓗ, “ᐄᑦᔨᑉᑎᒦᑎᓪᓗᑕ ᐊᑕᓂᐅᑉ ᑐᖁᑎᓐᓂᕐᐸᑎᒍᑦ ᐊᑲᐅᓂᕐᓴᐅᑲᓴᖕᓂᕐᐳᖅ, ᑍᑲᓂᓕ ᓂᕿᑐᕈᓐᓇᖃᑦᑕᓚᐅᕋᑦᑕ ᐊᓯᖏᓐᓂᒡᓗ ᓂᕆᔪᒪᔭᓕᒫᑦᑎᓐᓂᒃ, ᒪᐅᖓᓕ ᓯᐅᕅᓐᓈᓗᖕᒧᑦ ᑕᒪᑦᑕ ᑳᖕᓂᕐᒧᑦ ᐱᕐᓕᕐᑎᒋᐊᕐᑐᕐᓂᕐᐱᑎᒎᑦ?”

ᒨᓯᓯ ᐂᑉᐸᖏᑦ 20:23

ᑍᒤᒻᒪᑦ ᓴᓂᓐᓃᑦᑐᒃᓴᒥᒃ ᒎᑎᓐᖑᐊᓕᐅᕐᑐᒃᓴᐅᓐᖏᓚᓯ ᓯᐅᓪᕕᕆᒥᒃ, ᒎᓗᒥᒡᓘᓐᓃᑦ ᓴᓇᔪᒃᓴᐅᖏᓐᓂᕗᓯ ᒎᑎᒃᓴᑦᓯᓐᓂᒃ.

ᒨᓯᓯ ᐂᑉᐸᖏᑦ 24:12

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᖃᖅᑲᒧᑦ ᒪᔪᐊᓚᐅᕆᑦ ᐅᕙᓐᓄᑦ, ᑕᕝᕙᓂᓗ ᐅᑕᖅᑭᓗᑎᑦ; ᑐᓂᓯᓂᐊᕋᒃᑭᑦ ᐅᔭᕋᒃᑯᑦ ᑎᑎᕋᕐᓯᒪᔫᖕᓂᒃ ᒪᕐᕉᖕᓂᒃ, ᐱᖁᔭᓂᒃ ᑎᑎᕋᕐᕕᒋᓯᒪᔭᓐᓂᒃ ᐃᓄᖕᓄᑦ ᒪᓕᒃᑕᐅᔭᕆᐊᖃᕐᑐᓂᒃ.”

ᒨᓯᓯ ᐂᑉᐸᖏᑦ 24:18

ᒨᓯᓯᓗ ᓄᕗᔭᒧᑦ ᐃᑎᕐᐳᖅ, ᖃᖅᑲᐅᑉ ᖄᖓᓃᑦᑐᒧᑦ. ᑕᕝᕙᓃᑉᐳᕐᓗ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ.

ᒨᓯᓯ ᐂᑉᐸᖏᑦ 32:11

ᒨᓯᓯᓕ ᐃᓗᖏᕐᓱᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ ᒎᑎᒥᓄᑦ ᐅᖃᕐᓗᓂᓗ, “ᐊᑕᓃᖅ, ᓱᖕᒪᑦ ᐃᓄᖁᑎᖕᓄᑦ ᑍᒫᕌᓗᒃ ᓂᓐᖓᐅᒪᔪᒃᓴᐅᕖᑦ? ᑖᒃᑯᐊ ᓴᐳᑎᓚᐅᕋᕕᒋᑦ ᐄᑦᔨᑉᑎᒥᑦ ᐊᔪᒐᖃᖏᓐᓂᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᒨᓯᓯ ᐂᑉᐸᖏᑦ 32:22

ᐂᕉᓂᐅᑉ ᑭᐅᕚ, “ᓂᓐᖓᐅᑎᑦᑍᓕᓐᖓ; ᐅᑯᐊ ᐃᓄᒐᓴᒡᔪᐊᑦ ᖃᐅᔨᒪᔭᑎᑦ ᐱᐅᖏᑦᑐᒥᒃ ᑲᔪᖏᕐᑐᐊᓘᓂᖏᑦ.

ᒨᓯᓯ ᐂᑉᐸᖏᑦ 32:23

ᑖᒃᑯᓄᖓ ᐅᖃᐅᑦᔭᐅᓚᐅᕋᒪ, ‘ᐃᓐᓇ ᒨᓯᓯ ᓇᓗᓇᕐᓯᖕᒪᑦ ᖃᓄᐃᓕᖓᓕᕐᒪᖔᑦ ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ, ᒎᑎᓕᐅᓚᐅᕆᑦ ᐅᕙᑦᑎᓐᓂᒃ ᑕᓯᐅᕐᓯᓂᐊᕐᑐᒥᒃ.’

ᒨᓯᓯ ᐂᑉᐸᖏᑦ 32:7

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇᑦᓴᐅᑎᒋ ᐃᓅᖃᑎᖕᓄᑦ ᐊᑎᕐᓵᓕᕆᑦ, ᐃᓅᖃᑎᑎᑦ, ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎᑦ, ᐊᔪᕐᑐᓕᓕᕐᒪᑕ ᕿᒤᓪᓗᑎᒡᓗ ᐅᕙᓐᓂᒃ.

ᒨᓯᓯ ᐂᑉᐸᖏᑦ 33:3

ᑕᕝᕗᖓ ᓄᓇᒧᑦ ᐂᔪᒃᓴᐅᕗᓯ ᓂᕿᒃᓴᖃᑦᓯᐊᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ. ᐅᕙᖓᓕ ᓇᖕᒥᓂᖅ ᐃᓚᒋᓂᐊᓐᖏᓚᑦᓯ, ᓯᑎᔪᐊᓘᓂᓯ ᐱᓪᓗᒍ, ᐃᓚᒋᑐᐊᕈᑦᓯ ᓄᖑᑕᐅᑎᑐᐃᓐᓇᕆᐊᖃᕋᑦᓯ ᑕᒫᓂ ᐊᖅᑯᑖᓂ.”

ᐃᓯᑭᐊᓕᐅᑉ ᐊᒡᓚᖏᑦ 20:8

ᐅᕙᓐᓂᒡᓕ ᐊᑭᕋᕐᑐᓕᓚᐅᕐᐳᑦ ᓈᓚᒍᒪᓇᑎᒃ; ᐊᑕᖏᕐᓗᑎᒡᓕ ᒎᑎᓐᖑᐊᒥᖕᓂᒃ ᓇᕐᕈᓇᕐᑐᓂᒃ ᐃᒋᑦᓯᔪᒪᓚᐅᓐᖏᓚᑦ ᑕᑯᒥᒋᔭᒥᖕᓂᒃ, ᐄᑦᔨᑉᑎᒥᐅᓪᓗ ᒎᑎᓐᖑᐊᖏᓐᓂᒃ ᖁᔭᓈᕐᓯᓚᐅᕋᑎᒃ. ᐄᑦᔨᑉᑎᒦᑎᓪᓗᒋᑦ ᓱᓕ ᓂᓐᖓᐅᒪᓂᓐᓂᒃ ᐃᓱᒪᖃᕐᕕᒋᓕᓚᐅᕐᐸᒃᑲ, ᑭᖑᓂᖓᒍᓪᓗ ᓂᐅᖓᒪᓂᓐᓄᑦ ᐱᓇᓱᐊᕐᕕᒋᔪᒪᓕᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 12:13

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᐊᑕᓂᐅᑉ ᐊᐅᓪᓚᐅᑎᓚᐅᕐᐹ ᐃᓴᕆᐊᓕ ᐄᑦᔨᑉᑎᒥᑦ, ᐅᖃᕐᑎᒥᒍᓪᓗ ᐰᕆᓚᐅᕐᐹ.

ᒤᑲᐅᑉ ᐊᒡᓚᖏᑦ 6:4

ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᓚᐅᕐᐸᑦᓯ, ᐅᑎᕐᑎᓪᓗᓯ ᓄᓇᒥᑦ ᑎᒍᔭᐅᓯᒪᕕᖕᒥᑦ. ᐃᓕᑦᓯᓐᓄᑦ ᑎᓕᓯᓚᐅᕐᐳᖓ ᒨᓯᓯᒥᒃ, ᐂᕉᓂᒥᒃ ᒥᕆᐊᒥᒥᒡᓗ.

ᒨᓯᓯ ᓯᑕᒪᖏᑦ 14:22

ᐊᖑᑎᑦ ᐅᑯᐊ ᑕᑯᓯᒪᖕᒪᑕ ᐱᓐᓇᕐᓇᕐᓂᓐᓂᒃ ᓇᓗᓁᒃᑯᑕᓂᒡᓗ ᑲᒪᓇᕐᑐᓂᒃ ᐱᓂᐊᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥ ᐃᓄᖃᖏᑦᑐᒥᓗ, ᐆᒃᑐᕐᒪᖓᓗ ᒫᓐᓇ ᖁᓕᕕᒡᓗᑎᒃ ᓂᐱᓐᓂᒡᓗ ᓈᓚᓚᐅᕋᑎᒃ,

ᒫᑎᐅᓯᐅᑉ ᐊᒡᓚᖏᑦ 24:43

ᐅᓇ ᑐᑭᓯᓯᐅᒃ; ᐃᒡᓗᖃᕐᑐᖅ ᖃᐅᔨᒪᒍᓂ ᑎᒡᓕᒃᑎᐅᑉ ᑎᒡᓕᒋᐊᕐᑐᕐᕕᒋᒐᔭᕐᑕᖓᓂᒃ, ᑖᓐᓇ ᐱᒑᕋᔭᕐᐳᖅ ᑎᒡᓕᒃᑎ ᐃᑎᖁᓇᒍ ᐃᒡᓗᒥᓄᑦ.

ᒫᑎᐅᓯᐅᑉ ᐊᒡᓚᖏᑦ 24:48

ᐱᔨᑦᓯᐊᕙᐅᖏᑦᑐᕐᓕ ᐃᓱᒪᓕᕈᓂ, ‘ᐊᖓᔪᖅᑳᕋ ᓱᓕ ᐊᑯᓂᐊᓗᒃ ᑎᑭᑦᔮᓐᖏᓚᖅ,’

ᐋᐴᓯᑕᓖᑦ ᐱᓂᐊᕐᓂᖏᑦ 17:29

ᑕᕝᕙ ᒎᑎᒧᑦ ᕿᑐᕐᖓᕆᔭᐅᒐᑦᑕ, ᐃᓱᒪᔪᒃᓴᐅᓐᖏᓚᒍᑦ ᒎᑎ ᐊᑦᔨᖃᕋᓱᒋᓗᒍ ᒎᓗᒥᒃ ᓯᐅᓪᕕᕆᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ, ᐃᓄᖕᓄᑦ ᓴᓇᓐᖑᐊᕈᓐᓇᑦᓯᐊᕐᑐᓄᑦ ᓴᓇᓐᖑᐊᕐᑕᐅᓯᒪᔪᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 19:26

ᖃᐅᔨᒪᕗᓯ ᑐᓴᐅᒪᓕᕐᓗᓯᓗ ᐸᐅᓗᓯ ᖃᓄᐃᓕᐅᖃᑦᑕᕐᓂᖓᓂᒃ ᐃᐱᓲᓯᒥᑐᐃᓐᓇᐅᖏᑦᑐᖅ, ᐂᓯᐊᒥᓗ ᓇᓂᑐᐃᓐᓇᖅ ᑖᓐᓇ ᐸᐅᓗᓯ ᐅᒃᐱᕈᓐᓃᕐᑎᑦᓯᓇᓱᐊᕐᒪᑦ ᐃᓄᖕᓂᒃ ᐊᒥᓱᓂᒃ, ᐅᖃᕐᓗᓂ, ‘ᒎᑏᑦ ᐊᒡᒐᓄᑦ ᓴᓇᓯᒪᔪᑦ ᒎᑎᐅᖏᓐᓂᕋᕐᖢᓂᒋᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 7:40

ᐅᖃᕐᓗᑎᒃ ᐂᕉᓂᒧᑦ, ‘ᒎᑎᒋᓂᐊᕐᑕᑦᑎᓐᓂᒃ ᓴᓐᓇᑎᓚᐅᕐᑎᒍᑦ ᐅᕙᑦᑎᓐᓂᒃ ᑕᓯᐅᕐᓯᓂᐊᕐᑐᒥᒃ; ᒨᓯᓯ ᐄᑦᔨᑉᑎᒥᑦ ᐊᐅᓚᕐᑎᑦᓯᔨᒋᓚᐅᕐᑕᕗᑦ ᖃᓄᐃᓕᐅᕋᓱᓕᕐᒪᖔᑦ ᓇᓗᓕᕋᑦᑎᒍ.’

ᒨᓯᓯ ᑕᓪᓕᒪᖏᑦ 31:8

ᐊᑕᓂᖅ ᓯᕗᓂᕐᓃᓐᓂᐊᕐᐳᖅ ᐃᓚᒋᓂᐊᕐᐹᑎᓪᓗ, ᓴᒡᓗᕿᓐᓂᐊᖏᒻᒪᑎᑦ ᕿᒪᖕᓂᐊᕐᓇᑎᓪᓗ, ᑍᒤᒻᒪᑦ ᓯᕘᕋᑦᑍᓕᒋᑦ ᓴᐱᓕᕐᑍᓕᓗᑎᓪᓗ.”

ᒨᓯᓯ ᑕᓪᓕᒪᖏᑦ 9:1

“ᐃᓴᕆᐊᓕᒥᐅᑦ ᓈᓚᒋᑦᓯ! ᐅᓪᓗᒥ ᐃᑳᕐᓂᐊᓕᕐᐳᓯ ᔪᐊᕐᑕᓂᐅᑉ ᑰᖓᒍᑦ, ᓄᓇᑖᖁᓪᓗᓯ ᐃᓅᖃᑎᒌᒡᔪᐊᓄᑦ ᐃᓕᑦᓯᓐᓂᑦ ᐅᓄᕐᓂᕐᓴᕐᔪᐊᖑᔪᓄᑦ ᐊᔪᖏᓐᓂᕐᓴᕐᔪᐊᖑᔪᓄᓪᓗ ᓄᓇᒋᔭᐅᔪᒥᒃ. ᐃᒡᓗᒐᓴᒡᔪᐊᓂᒃ ᐊᖏᔪᕐᔪᐊᖑᔪᓂᒃ, ᐊᕙᓗᕐᔪᐊᖏᓪᓗ ᕿᓚᖕᒧᑦ ᑎᑭᐅᒪᔪᓂᒃ.

ᒨᓯᓯ ᑕᓪᓕᒪᖏᑦ 9:9

ᖃᖅᑲᒧᖅ ᒪᔪᕋᕐᓯᒪᑎᓪᓗᖓ ᐱᖁᔭᓂᒃ ᐅᔭᕋᒃᑯᑦ ᑎᑎᕋᑦᓯᒪᔪᓂᒃ ᐊᑕᓂᐅᑉ ᐃᓕᑦᓯᓐᓄᑦ ᐊᖏᖃᑎᒌᒍᑎᖏᓐᓂᒃ ᐱᔭᕐᑐᕐᓯᒪᑎᓪᓗᖓ. ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ ᓂᕆᓚᐅᕐᓇᖓ ᐃᒥᓚᐅᕐᓇᖓᓗ ᒪᔪᕋᕐᓯᒪᓚᐅᕋᒪ.

ᔮᓱᐊᑉ ᐊᒡᓚᖏᑦ 7:13

ᒪᑭᓕᕆᑦ! ᐃᓄᐃᑦ ᐃᑦᔪᕐᓁᓕᑎᓕᒃᑭᑦ, ᐅᖃᐅᑎᓗᒋᓪᓗ, ‘ᖃᐅᒃᐸᑦ ᐃᑦᔪᕐᓁᓕᕐᑎᑦᑐᒃᓴᐅᕗᓯ; ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓ ᑍᒫᒃ ᐅᖃᕐᒪᑦ, “ᐱᖁᑎᓂᒃ ᐱᓯᒪᒐᑦᓯ ᐊᓯᕈᕐᑕᐅᖁᓚᐅᕐᑕᓐᓂᒃ! ᐃᓴᕆᐊᓕᒥᐅᑦ; ᐊᑭᒪᔪᓐᓇᕐᓂᐊᓐᖏᓐᓇᑦᓯ ᐊᑭᕋᑦᓯᓐᓂᒃ ᐱᖁᔭᐅᓚᐅᖏᑦᑐᓂᒃ ᐱᓯᒪᓂᓯ ᑕᒪᓐᓇ ᑲᒪᒋᔭᐅᓚᐅᖅᑳᕐᑎᓐᓇᒍ.”

ᐲᑦᑐᕉᓯ ᐂᑉᐸᖏᑦ 3:4

ᐅᖃᕐᓗᑎᒡᓗ, “ᓇᐅᒡᓕ ᐊᖏᕐᓯᒪᔪᖅ ᑎᑭᓐᓂᐊᕐᓂᕋᕐᓗᓂ? ᓯᕗᓕᕗᑦ ᑐᖁᓯᒪᓕᕐᐳᑦ, ᓱᓇᑐᐃᓐᓁᑦ ᓱᓕ ᓱᖁᓯᕐᓯᒪᓐᖏᓚᑦ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓚᐅᕐᓂᖓᓂᑦ.”