ᒨᓯᓯ ᐂᑉᐸᖏᑦ 31:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᒻᒪᑦᑕᐅᖅ ᓂᕈᐊᕐᓯᒪᒋᕙᕋ ᐅᕼᐅᓕᐊᑉ ᐊᕼᐃᓴᒪᑭᐅᑉ ᐃᕐᓂᖓ, ᑖᓂᐅᑉ ᑭᖑᕚᖏᓐᓂᑦ ᐱᓯᒪᔪᖅ, ᐃᑲᔪᕐᑎᒃᓴᐅᖁᓪᓗᒍ ᑖᑦᓱᒧᖓ ᐱᓇᓱᐊᖃᑕᐅᖁᓪᓗᒍᓗ. ᐊᓯᖏᑦᑕᐅᖅ ᐊᖑᑎᑦ ᑐᓂᓯᕕᒋᓯᒪᕙᒃᑲ ᐱᔪᓐᓇᑦᓯᐊᕐᓂᕐᓂᒃ, ᓴᓇᔪᓐᓇᖁᓪᓗᒋᑦ ᐃᓕᖕᓄᑦ ᐱᖁᔨᑦᔪᑎᒋᓯᒪᔭᓐᓂᒃ.

ᒨᓯᓯ ᐂᑉᐸᖏᑦ 31:6 Iomraidhean Croise

ᐊᑕᓃᑦ ᓯᕗᓪᓖᑦ 3:12

ᑕᑯᒋᑦ, ᐱᔪᒪᔭᕐᓂᒃ ᑐᓂᓂᐊᕐᐸᒋᑦ ᐅᖃᐅᓰᑦ ᒪᓕᒡᓗᒍ, ᑕᑯᒋᑦ, ᓯᓚᑐᓂᕐᒥᒃ ᖃᐅᔨᒪᔪᓐᓇᕐᓂᕐᒥᒡᓗ ᐃᓱᒪᒥᒃ ᑐᓂᓯᕕᒋᕙᒋᑦ, ᐃᓕᒃᑐᑦ ᑍᒤᑦᑐᒥᒃ ᓯᕗᓂᕐᓂ ᑍᒤᑦᑐᖃᓚᐅᕐᓯᒪᓐᖏᓚᖅ ᑭᖑᓂᕐᓂᓗ ᑍᒤᑦᑐᖃᓚᐅᕐᓯᒪᓂᐊᕋᓂ.

ᒨᓯᓯ ᐂᑉᐸᖏᑦ 28:3

ᓴᓇᑦᓯᐊᕈᓐᓇᕐᑐᓕᒫᓂᒃ ᕾᖁᔨᔪᒃᓴᐅᕗᑎᑦ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᓐᓄᑦ, ᑖᒃᑯᐊᓗ ᐅᖃᐅᑎᔭᒃᓴᕆᕙᑎᑦ ᐂᕉᓂᒥᒃ ᐊᓐᓄᕌᒃᓴᓕᐅᖁᓗᒋᑦ, ᑖᓐᓇ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᖁᓪᓗᒍ ᑐᓂᔭᐅᓗᓂ ᐅᕙᓐᓄᑦ.

ᒨᓯᓯ ᐂᑉᐸᖏᑦ 31:5

ᐅᔭᕋᖕᓂᒃ ᓇᑲᑎᕆᔪᓐᓇᕐᓂᕐᒥᒃ ᐃᕕᕐᑎᑎᐅᕅᔪᓐᓇᕐᓂᕐᒥᒡᓗ; ᕿᔪᖕᓂᒃ ᓴᓇᓐᖑᐊᕈᓐᓇᕐᓂᕐᒥᒃ; ᖃᓄᐃᑦᑐᑐᐃᓐᓇᑦᓯᐊᓂᒡᓗ ᓴᓇᔪᓐᓇᕐᓂᕐᒥᒃ.

ᒨᓯᓯ ᐂᑉᐸᖏᑦ 35:10

“ᑕᒪᕐᒥᑦᓯᐊᖅ ᓴᓇᔪᓐᓇᑦᓯᐊᕐᑐᑦ ᐃᓕᑦᓯᓐᓃᑦᑐᑦ ᓴᓇᔪᒃᓴᐅᕗᑦ ᑐᐱᐅᑉ ᐃᓗᐊᓃᑦᑐᒃᓴᓕᒫᓂᒃ ᐊᑕᓂᐅᑉ ᓴᓇᔭᐅᖁᓯᒪᔭᖏᓐᓂᒃ:

ᒨᓯᓯ ᐂᑉᐸᖏᑦ 35:34

ᑖᓐᓇᓗ ᐊᑕᓂᐅᑉ ᐃᓱᒪᑖᕐᑎᓯᒪᕚ ᐊᓯᒥᓂᒃ ᐃᓕᓮᒍᓐᓇᕐᓂᕐᒥᒃ ᐃᑲᔪᕐᑎᖃᕐᓗᓂ ᐅᕼᐅᓕᐊᑉᒥᒃ ᐊᕼᐃᓴᒪᑭᐅᑉ ᐃᕐᓂᖓᓂᒃ, ᑖᓐ ᑭᖑᕚᖏᓐᓂᑦ ᐱᓯᒪᔪᒥᒃ.

ᒨᓯᓯ ᐂᑉᐸᖏᑦ 35:35

ᑖᒃᑯᐊᓗ ᐃᓗᒻᒥᕐᑎᓯᒪᕔᑦ ᓱᓇᑐᐃᓐᓇᓕᒫᓂᒃ ᓴᓇᔪᓐᓇᕐᓂᕐᓂᒃ ᓴᓇᓐᖑᐊᕈᓐᓇᕐᓂᕐᓂᒡᓗ, ᐃᒤᓕᖓᓂᒃᓴᖏᓐᓂᒡᓗ ᐋᖅᑭᒃᓱᐃᔪᓐᓇᕐᓂᕐᓂᒃ, ᖃᓪᓗᓈᕐᑕᑦᓯᐊᓂᒡᓗ ᓄᕕᓴᕈᓐᓇᕐᓂᕐᓂᒃ; ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᓄᕕᕐᓵᒃᓴᓂᒡᓗ ᐊᐅᐸᕐᑐᓂᒃ; ᐊᓯᖏᓐᓂᒡᓗ ᖃᓪᓗᓈᕐᑕᓂᒃ. ᑖᒃᑯᐊᓗ ᓴᓇᔪᓐᓇᕐᐳᑦ ᖃᓄᐃᑦᑐᑐᐃᓐᓇᑦᓯᐊᓂᒃ ᐋᖅᑭᑦᓯᐊᕐᓯᒪᔪᐊᓗᖕᓂᒃ ᐃᒤᓕᖓᓂᒃᓴᖏᓐᓂᒃ ᐋᖅᑭᒃᓱᐃᔪᓐᓇᕐᓗᑎᒃ.”

ᒨᓯᓯ ᐂᑉᐸᖏᑦ 35:4

ᒨᓯᓯ ᐃᓴᕆᐊᓕᒥᐅᓕᒫᓄᑦ ᐅᖃᕐᐳᖅ, “ᐃᒫᒃ ᑕᕝᕙ ᐊᑕᓂᖅ ᐱᖁᔨᓯᒪᕗᖅ:

ᒨᓯᓯ ᐂᑉᐸᖏᑦ 36:8

ᑖᒃᑯᓇᓐᖓᑦ ᐊᖑᑎᓂᑦ ᓴᓇᑦᓯᐊᕈᓐᓇᕐᓂᕐᐹᓄᑦ ᓴᓇᔭᐅᓚᐅᕐᐳᖅ ᐊᑕᓂᐅᑉ ᓇᔪᒐᒃᓴᖓ ᑐᐱᖅ. ᓴᓇᓚᐅᕐᐳᑦ ᑐᐱᒃᓴᓂᒃ ᖁᒻᒧᑦ 10ᓂᒃ ᓴᓇᓯᒪᓪᓗᑎᒃ ᖃᓪᓗᓈᕐᑕᓕᐊᕆᓯᒪᔪᓂᑦ ᐱᐅᓂᕐᐹᖑᔪᓂᑦ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ; ᑖᒃᑯᐊᓗ ᐊᑐᓂᑦ 10 ᒥᕐᓱᕐᓯᒪᔪᓂᒃ ᑕᕐᓴᓕᐅᕐᑕᐅᕗᑦ ᓯᕈᐲᒻᖑᐊᓂᒃ ᓴᓇᑦᓯᐊᕈᓐᓇᕐᑐᒧᑦ ᓴᓇᔭᐅᓯᒪᔪᓂᒃ ᓴᓇᔭᐅᕗᑦ.

ᒨᓯᓯ ᐂᑉᐸᖏᑦ 38:23

ᐃᑲᔪᕐᑎᖓᓗ, ᐅᕼᐅᓕᐊᑉ ᐊᕼᐃᓴᒪᑭᐅᑉ ᐃᕐᓂᖓ, ᑖᓐ ᑭᖑᕚᖏᓐᓂᑦ ᐱᓯᒪᔪᖅ, ᑖᓐᓇ ᓴᓇᓐᖑᐊᕐᑎᐅᓚᐅᕐᐳᖅ, ᐃᒤᓕᖓᓂᒃᓴᖏᓐᓂᒡᓗ ᐋᖅᑭᒃᓱᐃᔨᐅᓪᓗᓂ, ᓄᕕᕐᓴᕐᑎᐅᓪᓗᓂᓗ ᖃᓪᓗᓈᕐᑕᑦᓯᐊᓂᒃ ᑐᖑᔪᕐᑐᓕᖕᓂᒃ, ᐊᐅᐸᓪᓚᕆᒃᑐᓂᒡᓗ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ.

ᒨᓯᓯ ᐂᑉᐸᖏᑦ 6:26

ᑖᒃᑯᖕᓄᖓ ᑕᕝᕙ ᐂᕉᓂᒧᑦ ᒨᓯᓯᒧᓪᓗ ᐊᑕᓂᖅ ᐅᖃᓚᐅᕐᐳᖅ: “ᐃᓴᕆᐊᓕᒥᐅᑦ ᐃᓅᖃᑎᒌᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᓯᒋᒃ.”

ᓘᑲᓯᐅᑉ ᐊᒡᓚᖏᑦ 10:1

ᑕᒪᑐᒪ ᑭᖑᓂᖓᒍᑦ ᐊᑕᓂᖅ ᓂᕈᐊᓚᐅᕆᕗᖅ 72ᓂᒃ, ᑎᓕᓪᓗᒋ ᒪᕐᕉᓈᕐᑎᕐᓗᒋᑦ ᓄᓇᓕᓕᒫᓄᑦ ᐅᐸᓛᕈᒪᔭᒥᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:2

ᐊᑕᓂᕐᒧᑦ ᑐᒃᓯᐊᕐᑎᓪᓗᒋᑦ ᓂᕆᑦᑍᓕᓪᓗᑎᒡᓗ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᑎᕔᑦ, “ᐸᕐᓇᐹᓯᒃᑯᒃ ᓴᐅᓗᓯᒃᑯᒃ ᑎᓕᓚᐅᕐᓯᒋᒃ ᐱᓇᓱᐊᖁᓪᓗᒋᒃ; ᑕᒪᑐᒧᖓ ᕾᖁᓯᒪᒐᒃᑭᒃ.”

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.