ᒨᓯᓯ ᐂᑉᐸᖏᑦ 31:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᓂᕈᐊᕐᓯᒪᕗᖓ ᐊᑎᖓ ᑍᓪᓗᒍ ᐱᔭᓕᐅᓪᒥᒃ, ᐅᕆᐅᑉ ᐃᕐᓂᖓᓂᒃ ᕼᐊᕐᓗ ᐃᕐᖑᑕᖓᓂᒃ, ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ,

ᒨᓯᓯ ᐂᑉᐸᖏᑦ 31:2 Iomraidhean Croise

ᐊᑕᓃᑦ ᓯᕗᓪᓖᑦ 7:14

ᐅᐃᒡᒐᕐᓂᐅᑉ ᐃᕐᓂᖓ ᓈᑉᑕᓕᐅᑉ ᑭᖑᕚᖏᓐᓂᒥᐅᖅ ᐊᑖᑕᖓ ᑍᕆᒥᐅᑕᐅᓚᐅᕐᑐᖅ, ᑖᓐᓇ ᓴᓇᔨ ᑲᓐᓄᔭᓂᒃ; ᓯᓚᑐᔫᓚᐅᕐᐳᖅ, ᑐᑭᓯᐊᑦᓯᐊᕐᓗᓂᓗ ᓴᓇᔪᓐᓇᑦᓯᐊᕐᑐᖅ, ᑲᓐᓄᔭᒥᒃ ᖃᓄᑐᐃᓐᓇᖅ. ᑖᓐᓇ ᑎᑭᓚᐅᕐᐳᖅ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ, ᓴᓇᓚᐅᕐᑐᕐᓗ ᓴᓇᔭᕆᐊᖃᕐᑕᓕᒫᒥᓂᒃ.

ᑯᕉᓂᑲ ᐂᑉᐸᖏᑦ 1:5

ᑐᓂᕐᕈᓯᕐᕕᒃ ᑲᓐᓄᔭ ᐱᔭᓕᐅᑉ ᐅᕆᐅᑉ ᐃᕐᓂᖓᑕ, ᕼᐊᕆᐅᑉ ᐃᕐᖑᑕᖓᑕ ᓴᓇᓚᐅᕐᑕᖓ, ᑕᕝᕙᓃᑉᐳᖅ ᐊᑕᓂᐅᑉ ᑐᐱᖓᓂ. ᓲᓗᒨᓂᓗ ᑲᑎᒪᔪᓕᒫᓪᓗ ᑕᕝᕙᓂ ᑐᒃᓯᐊᕐᓗᑎᒃ ᐊᑕᓂᖅ ᐊᐱᕐᓱᕐᐹᑦ.

ᒨᓯᓯ ᐂᑉᐸᖏᑦ 17:10

ᔮᓱᐊᓗ ᑍᒤᓕᐅᕐᐳᖅ ᒨᓯᓯᒧᑦ ᐱᖁᔭᐅᓂᕐᒥᑐᑦ ᐅᓇᑕᕆᐊᕐᓗᓂᓗ ᐊᒪᓕᖕᒥᐅᓂᒃ, ᒨᓯᓯᓕ ᐂᕉᓂᓗ ᕼᐊᕐᓗ ᖃᖅᑲᐅᑉ ᖄᖓᓄᑦ ᒪᔪᕋᕐᐳᑦ.

ᒨᓯᓯ ᐂᑉᐸᖏᑦ 33:12

ᒨᓯᓯ ᐊᑕᓂᕐᒧᑦ ᐅᖃᕐᐳᖅ, “ᓱᓕᓚᐅᕐᐲᑦ ᐅᕙᓐᓄᑦ ᐅᖃᓚᐅᕋᕕᑦ ᐅᑯᐊ ᐃᓄᐃᑦ ᐅᕙᓐᓄᑦ ᑕᓯᐅᕐᑕᐅᖁᓂᕋᕐᓗᒋᑦ ᐊᕗᖓ ᓄᓇᒧᑦ, ᑭᓯᐊᓂᓕ ᐅᕙᓐᓄᑦ ᐅᖃᓚᐅᕐᓯᒪᖏᑦᑐᑎᑦ ᑭᓇᒥᒃ ᐱᖃᑎᖃᕐᑐᒃᓴᐅᖕᒪᖔᕐᒪ. ᐅᕙᓐᓄᓪᓗ ᐅᖃᕐᓯᒪᔪᑎᑦ ᖃᐅᔨᒪᑦᓯᐊᕐᓂᕋᕐᓗᑎᑦ ᐅᕙᓐᓂᒃ ᖁᕕᐊᒋᔭᖃᕐᓂᕋᕐᓗᑎᓪᓗ.

ᒨᓯᓯ ᐂᑉᐸᖏᑦ 33:17

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᖃᐅᓯᕆᔭᕐᑐᑦᓯᐊᖅ ᐱᓇᓱᐊᕐᓂᐊᕐᐳᖓ; ᖃᐅᔨᒪᑦᓯᐊᕋᒃᑭᑦ ᖁᕕᐊᒋᑦᓯᐊᕐᓗᑎᓪᓗ ᐊᑏᓪᓗ ᖃᐅᔨᒪᑦᓯᐊᕐᐸᕋ.”

ᒨᓯᓯ ᐂᑉᐸᖏᑦ 35:30

ᑕᕝᕙ ᒨᓯᓯ ᐅᖃᕐᐳᖅ ᐃᓴᕆᐊᓕᒥᐅᓄᑦ, “ᐊᑕᓂᖅ ᓂᕈᐊᕐᓯᒪᕗᖅ ᐱᔭᓕᐅᓪᒥᒃ, ᐅᕆᐅᑉ ᐃᕐᓂᖓᓂᒃ ᕼᐊᕆᐅᑉ ᐃᕐᖑᑕᖓᓂᒃ, ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ.

ᒨᓯᓯ ᐂᑉᐸᖏᑦ 36:1

“ᐱᔭᓕᐅᓪ, ᐅᕼᐅᓕᐊᑉ, ᐊᓯᖏᓪᓗ ᓴᓇᓐᖑᐊᕈᓐᓇᕐᑐᑦ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᑦ ᐋᖅᑭᒃᓱᐃᔪᓐᓇᕐᓂᕐᒥᒃ ᖃᐅᔨᒪᓂᕐᒥᒡᓗ, ᖃᓄᐃᑦᑐᑐᐃᓐᓇᕐᓂᒃ ᖃᓄᕐᓗ ᓴᓇᔭᕆᐊᒃᓴᖏᓐᓂᒃ ᖃᐅᔨᒪᔪᓐᓇᕐᓂᕐᒥᒃ ᖃᓄᕐᓗ ᐋᖅᑭᒃᑕᐅᔭᕆᐊᖃᕐᓂᖏᓐᓂᒃ ᑐᐱᐅᑉ ᐃᑦᔪᕐᓁᑦᑑᑉ ᓱᓇᑐᐃᓐᓇᒃᓴᓕᒫᖏᓐᓂᒃ, ᐱᓇᓱᐊᕈᓐᓇᓚᐅᕐᐳᑦ ᐊᑕᓂᐅᑉ ᓴᓇᔭᐅᖁᓚᐅᕐᑕᓕᒫᖏᓐᓂᒃ.”

ᒨᓯᓯ ᐂᑉᐸᖏᑦ 37:1

ᐱᔭᓕᐅᓪ ᓴᓇᕗᖅ ᐃᒃᓯᕐᕕᖕᒥᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᒃᓴᖓᓂᒃ ᕿᔪᖕᒥᒃ ᑎᓴᒃᑕᒥᒃ ᐊᑬᑦᓯᐊᓂᒃ ᐊᑎᓕᖕᓂᒃ, ᑕᑭᓂᖃᕐᓗᒍ 110ᓂᒃ ᓯᓐᑎᒦᑕᓂᒃ, ᓯᓕᖕᓂᖃᕐᓗᒍᓗ 66ᓂᒃ ᓯᓐᑎᒦᑕᓂᒃ, ᐳᕐᑐᓂᖃᕐᓗᒍᓗ 66ᓂᒃ ᓯᓐᑎᒦᑕᓂᒃ.

ᒨᓯᓯ ᐂᑉᐸᖏᑦ 38:22

ᐱᔭᓕᐅᓪᓕ, ᐅᕆᐅᑉ ᐃᕐᓂᖓ ᕼᐅᕆᐅᑉ ᐃᕐᖑᑕᖓ, ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᖅ, ᑕᒤᓐᓂᒃ ᓴᓇᓚᐅᕐᐳᖅ ᐊᑕᓂᐅᑉ ᓴᓇᔭᐅᖁᓚᐅᕐᑕᖏᓐᓂᒃ ᒨᓯᓯᒃᑯᑦ.

ᒨᓯᓯ ᐂᑉᐸᖏᑦ 38:23

ᐃᑲᔪᕐᑎᖓᓗ, ᐅᕼᐅᓕᐊᑉ ᐊᕼᐃᓴᒪᑭᐅᑉ ᐃᕐᓂᖓ, ᑖᓐ ᑭᖑᕚᖏᓐᓂᑦ ᐱᓯᒪᔪᖅ, ᑖᓐᓇ ᓴᓇᓐᖑᐊᕐᑎᐅᓚᐅᕐᐳᖅ, ᐃᒤᓕᖓᓂᒃᓴᖏᓐᓂᒡᓗ ᐋᖅᑭᒃᓱᐃᔨᐅᓪᓗᓂ, ᓄᕕᕐᓴᕐᑎᐅᓪᓗᓂᓗ ᖃᓪᓗᓈᕐᑕᑦᓯᐊᓂᒃ ᑐᖑᔪᕐᑐᓕᖕᓂᒃ, ᐊᐅᐸᓪᓚᕆᒃᑐᓂᒡᓗ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ.

ᔪᐊᓇᓯᐅᑉ ᐊᒡᓚᖏᑦ 3:27

ᔪᐊᓇᓯᐅᑉ ᑭᐅᕔᑦ, “ᐃᓄᒃ ᓇᓪᓕᐊᑦ ᐃᒻᒥᓃᓐᓇᖅ ᐱᑖᕈᓐᓇᓐᖏᓚᖅ ᒎᑎᐅᑉ ᑐᓂᓯᕕᒋᒃᐸᒍ ᑭᓯᐊᓂ ᐱᓂᐊᕈᓐᓇᕐᐳᖅ.