ᒨᓯᓯ ᐂᑉᐸᖏᑦ 30:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᐃᓚᖏᑦ ᑲᑦᔪᒡᓗᒋᑦ ᓯᖃᓪᓕᔭᒃᓴᕆᕙᑎᑦ ᓯᖃᓕᑦᓯᐊᕐᓗᒋᑦ ᐳᔪᕋᕐᑎᑐᑦ, ᑐᐱᕐᒧᐊᕈᑎᔭᒃᓴᕆᕙᑦ ᓇᔪᒐᓐᓄᑦ, ᑲᓐᖓᕐᓲᑎᒋᔭᒃᓴᕆᕙᓪᓗ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓄᑦ. ᑕᒪᑐᒪᓗ ᐃᓯᕐᓗᐊᕐᓂᑎᑕᒃᓴᐅᑉ ᐃᑦᔪᕐᓁᑦᑐᒻᒪᕆᐅᓂᖓ ᐃᒃᐱᒋᔭᒃᓴᕆᕙᑦ.

ᒨᓯᓯ ᐂᑉᐸᖏᑦ 30:36 Iomraidhean Croise

ᒨᓯᓯ ᐂᑉᐸᖏᑦ 16:34

ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ, ᑕᕝᕙ ᐂᕉᓂᐅᑉ ᐃᓕᓚᐅᕐᐹ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓄᑦ, ᑕᕝᕙᓂ ᐱᐅᓕᐊᖑᓯᒪᖁᓪᓗᒍ.

ᒨᓯᓯ ᐂᑉᐸᖏᑦ 25:22

ᑕᕝᕙᓂᓗ ᐃᓕᖕᓄᑦ ᓴᖅᑭᕈᒫᕐᐳᖓ, ᑖᑦᓱᒪᓗ ᒪᑑᑉ ᖄᖓᓂ ᓯᕈᐲᒻᖑᐊᒃ ᐊᑯᓐᓂᖓᓂᑦ ᐱᖁᔭᓕᒫᓐᓂᒃ ᑐᓂᓯᕕᒋᔪᒫᕐᐸᒋᑦ, ᐃᓴᕆᐊᓕᒥᐅᓕᒫᓄᑦ ᑐᕌᖓᓂᐊᕐᑐᓂᒃ.”

ᒨᓯᓯ ᐂᑉᐸᖏᑦ 27:21

ᑐᐱᕐᒥ ᑲᑎᒪᓕᕐᑎᓪᓗᓯ, ᑖᑦᓱᒪ ᐃᑦᔪᕐᓁᓐᓂᕐᐹᑉ ᐱᖁᔭᓂᒃ ᑎᑎᕋᕐᕕᒋᓯᒪᔪᕐᑕᓕᐅᑉ ᓯᓚᑖᓂ, ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᓇᓂᕈᐊᑦ ᐋᖅᑭᒃᑕᒃᓴᕆᕔᑦ ᐃᑯᐊᓪᓚᒡᓗᒋᓪᓗ ᐊᑕᓂᐅᑉ ᓵᖓᓂ. ᐃᑯᒪᓕᖁᓪᓗᒋᑦ ᐅᓐᓄᒥᑦ ᐅᓪᓛᒧᑦ ᑎᑭᓪᓗᒋᑦ. ᑕᒪᓐᓇᓗ ᐱᖁᔨᑦᔪᑎᒋᔭᕋ ᑍᒪᓐᖓᑦ ᐊᑐᕐᑕᐅᖏᓐᓇᕆᐊᖃᕐᐳᖅ ᐃᓴᕆᐊᓕᒥᐅᓄᑦ ᑭᖑᕚᖏᓐᓄᓪᓗ.”

ᒨᓯᓯ ᐂᑉᐸᖏᑦ 30:35

ᑕᒪᒃᑯᐊ ᐊᑐᕐᓗᒋᑦ ᐃᓯᕐᓗᐊᕐᓂᒍᑎᒃᓴᓕᐅᕐᑐᒃᓴᐅᕗᑎᑦ, ᑲᑎᓯᒪᓗᒋᑦ ᑎᐱᑦᓯᐊᕆᒃᓴᐅᑎᑎᑐᑦ. ᑕᕆᐅᓕᕐᓗᒋᓪᓗ ᓴᓗᒪᑦᓯᐊᖏᓐᓇᖁᓪᓗᒋᑦ ᐃᑦᔪᕐᓁᖁᓪᓗᒋᓪᓗ.

ᒨᓯᓯ ᐂᑉᐸᖏᑦ 30:6

ᑐᓂᕐᕈᓯᕐᕕᒡᓗ ᑖᓐᓇ ᐃᓂᖃᕐᑎᑕᒃᓴᕆᕙᑦ ᑖᓗᑕᐅᑉ ᓂᕕᖓᔫᑉ ᓯᓚᑖᓂ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᐃᓂᒋᔭᖓᑕ ᓯᕗᕌᓂ, ᑕᕝᕙᓂ ᐃᓕᖕᓄᑦ ᕾᓗᖓ ᑲᑎᓂᐊᕋᒃᑭᑦ.

ᒨᓯᓯ ᐱᖓᔪᖏᑦ 16:2

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ.