ᒨᓯᓯ ᐂᑉᐸᖏᑦ 30:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᑐᓂᕐᕈᓯᕐᕕᖕᒥᒃ ᓴᓇᔪᒃᓴᐅᕗᑎᑦ ᐃᓯᕐᓗᐊᕐᓂᑎᑦᓯᕕᒃᓴᒥᒃ ᕿᔪᖕᒥᒃ ᓯᑎᔪᔭᒥᒃ ᐊᑎᖃᕐᑐᒥᒃ ᐊᑬᓯᐊᒥᒃ, ᐃᓯᕐᓗᐊᕐᓂᑎᑦᓯᓂᕐᒥᒃ ᐃᑯᐊᓚᑦᓯᕕᒃᓴᐅᖁᓪᓗᒍ.

ᒨᓯᓯ ᐂᑉᐸᖏᑦ 30:1 Iomraidhean Croise

ᐊᑕᓃᑦ ᓯᕗᓪᓖᑦ 6:20

ᑖᓐᓇ ᐃᓪᓗᐊᕈᓯᖅ 30ᓂᒃ ᐃᑎᖓᖕᓂᒃ ᑕᑭᓂᖃᕐᐳᖅ, 30ᓂᒡᓗ ᐃᑎᒐᖕᓂᒃ ᓯᓕᖕᓂᖃᕐᓗᓂ, 30ᓂᒡᓗ ᐃᑎᒐᖕᓂᒃ ᐳᕐᑐᓂᖃᕐᓗᓂ, ᐃᓘᓐᓇᖓ ᒥᖑᐊᕐᓯᒪᓪᓗᓂ ᒎᓗᒥ. ᑐᓂᕐᕈᓯᕐᕕᒃ ᖄᓕᐅᕐᓯᒪᓪᓗᓂ ᕿᔪᖕᓂᒃ ᓰᑕᕆᓂᒃ.

ᐊᑕᓃᑦ ᓯᕗᓪᓖᑦ 6:22

ᐃᓗᓕᒫᑦᓯᐊᖓ ᐃᓗᑉᐱᐊᓕᓚᐅᕐᐹ ᒎᓗᒥᒃ, ᐃᒡᓗᓕᒫᖅ ᐱᔭᕇᕐᑕᐅᓂᖓᓄᑦ ᑎᑭᓪᓗᒍ. ᑐᓂᕐᕈᓯᕐᕕᒃᑕᐅᖅ ᐃᑦᔪᕐᓁᓐᓂᕐᐹᖅ ᑕᒪᕐᒥᑦᓯᐊᖅ ᖄᓕᕐᓯᒪᕗᖅ ᒎᓗᒥᒃ.

ᐊᑕᓃᑦ ᓯᕗᓪᓖᑦ 7:48

ᓲᓗᒨᓂ ᓴᓇᔭᐅᑎᑦᓯᒋᕗᖅ ᐊᑕᓂᐅᑉ ᐃᒡᓗᖓᑕ ᐃᓗᓕᒃᓴᖏᓐᓂᒃ: ᒎᓗᒥᒃ ᑐᓂᕐᕈᓯᕐᕕᖕᒥᒃ, ᓵᒥᒡᓗ ᒎᓗᒥᒃ ᓂᐊᖂᔭᓄᑦ ᐃᓂᒃᓴᒥᒃ ᒎᑎᒧᑦ ᑐᓂᔭᐅᓯᒪᔪᓄᑦ,

ᑯᕉᓂᑲ ᓯᕗᓪᓖᑦ 28:18

ᒎᓗᐃᓪᓗ ᐱᐅᓴᕐᑕᐅᓯᒪᔪᑦ ᐅᖁᒤᓐᓂᖏᑦ ᑐᓂᕔᑦ ᑐᓂᕐᕈᓯᕐᕕᖕᒧᑦ ᐳᔫᕐᑎᑦᓯᑦᔪᑎᒧᑦ ᐊᑐᕐᑐᒃᓴᑦ, ᐊᒃᓴᓗᐊᓕᐅᓪᓗ ᓴᓇᔭᐅᓂᒃᓴᖓᓄᑦ ᒎᓗᐃᑦ ᓯᕈᐱᒻ ᐃᓴᕈᖏᑦ ᐃᓵᖓᓪᓗᑎᒃ ᐅᓕᒃᓯᓯᒪᔪᒃᓴᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᑕ ᖃᖓᓂ.

ᑯᕉᓂᑲ ᓯᕗᓪᓖᑦ 6:49

ᐂᕉᓂᓕ ᐃᕐᓂᖏᓪᓗ ᑐᓂᕐᕈᓯᖃᑦᑕᓚᐅᕐᐳᑦ ᑐᓂᕐᕈᑎᓂᒃ ᑐᓂᕐᕈᓯᕐᕕᖕᒥ ᐃᑯᐊᓚᒋᐊᓕᖕᓂᒃ ᑎᐱᑦᓯᐊᕆᒃᑐᓂᒡᓗ ᐳᔪᕐᓂᒃ ᐱᓇᓱᒋᐊᓕᓕᒫᓂᒡᓗ ᐃᑦᔪᕐᓁᓐᓂᕐᐹᒥ ᐱᓇᓱᐊᕐᐸᒃᓱᑎᒃ, ᐃᓴᕆᐊᓕᒥᐅᓪᓗ ᐃᓱᒪᒋᔪᓐᓁᕐᑕᐅᑦᔪᑎᒃᓴᖏᓐᓂᒃ, ᒎᑎᐅᑉ ᐱᔨᖓᑕ ᒨᓯᓯᐅᑉ ᐱᖁᔭᓕᒫᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 26:16

ᐱᔪᓐᓇᕐᓯᒐᒥ ᐆᒻᒪᑎᒥᒍᑦ ᐱᐅᔪᕆᓂᖃᓕᓚᐅᕐᐳᖅ, ᑕᒪᓐᓇᓗ ᑲᑕᒍᑎᒋᓪᓗᓂᐅᒃ. ᓱᓕᖏᑦᑐᒦᓕᓚᐅᕐᒪᑦ ᐊᑕᓂᕐᒧᑦ ᒎᑎᒥᓄᑦ, ᐃᓯᓚᐅᕐᒪᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓄᑦ ᐃᑯᐊᓪᓔᒋᐊᕐᑐᕐᓗᓂ ᑎᐱᑦᓯᐊᕆᒃᑐᒥᒃ ᑐᓂᕐᕈᓯᕐᕕᖕᒥ.

ᒨᓯᓯ ᐂᑉᐸᖏᑦ 30:10

ᐊᕐᕌᒍᑕᒫᓪᓗ ᐂᕉᓂ ᑐᓂᕐᕈᓯᕐᑐᒃᓴᐅᕗᖅ ᑐᓂᕐᕈᓯᕐᕕᐅᑉ ᓴᓗᒻᒪᕐᓴᕐᑕᐅᑦᔪᑎᒃᓴᖓᓂᒃ ᑐᒃᓯᐊᕐᓂᒃᑯᑦ ᑐᓂᕐᕈᓯᕐᕕᐅᑉ ᓇᒃᔪᓐᖑᐊᖏᑦ ᐊᐅᒥᑎᕐᓗᒋᑦ ᐆᒪᔫᑉ ᐊᔪᕐᓃᑦ ᐱᑦᔪᑎᒋᓪᓗᒋᑦ ᑐᓂᕐᕈᑕᐅᔫᑉ ᐊᐅᖓᓄᑦ ᐊᕐᕌᒍᒥ ᐊᑕᐅᓯᐊᖃᑦᑕᕐᓗᓂ ᐊᕐᕌᒍᑕᒫᑦ ᑕᒪᓐᓇ ᑲᔪᓯᑎᑕᐅᔪᒃᓴᐅᕗᖅ ᑍᒪᓐᖓᑦ ᑭᖑᕚᕆᔪᒫᕐᑕᓯ ᑎᑭᓪᓗᒋᑦ, ᑖᓐᓇ ᑐᓂᕐᕈᓯᕐᕕᒃ ᐃᑦᔪᕐᓁᒻᒪᕆᒃᑐᒃᓴᐅᖕᒪᑦ ᐊᑕᓂᕐᒧᑦ ᑐᓂᔭᐅᓯᒪᓗᓂ.”

ᒨᓯᓯ ᐂᑉᐸᖏᑦ 30:2

ᓯᒃᑭᑕᓪᓗᐊᖑᔪᒃᓴᐅᕗᖅ, ᑕᕿᓂᖃᕐᓗᓂ ᐃᑎᒐᖕᓂᒃ ᐊᑕᐅᓯᕐᓂᒃ ᐊᕝᕙᕐᒥᒡᓗ ᓯᓕᖕᓂᖃᕐᓗᓂᓗ ᑍᒫᑦᓮᓐᓇᖅ, ᐳᕐᑐᓂᖃᕐᑐᒃᓴᐅᕗᖅ ᐃᑎᒐᖕᓂᒃ ᐱᖓᓱᓂᒃ, ᑎᕆᖅᑯᖏᓪᓗ ᓯᑕᒪᑦ ᐊᑐᓂᑦ ᓇᒡᔪᓐᖑᐊᕐᑕᖃᕐᑐᒃᓴᐅᕗᑦ ᓴᓂᕋᖏᓐᓂ ᐊᑕᑦᓴᐅᑎᒋᔪᓂᒃ ᐃᓕᓯᒪᖏᑦᑐᓂᒃ.

ᒨᓯᓯ ᐂᑉᐸᖏᑦ 31:8

ᓵᒃᓴᒥᒃ ᓱᓇᑐᐃᓐᓇᒃᓴᖏᓐᓂᒡᓗ, ᓇᓂᕈᐊᑦ ᓇᐸᕕᒃᓴᖏᑦ ᒎᓗᓪᓚᕇᑦ ᐃᓚᓯᒪᖏᑦᑐᑦ ᓱᓇᑐᐃᓐᓇᒃᓴᓕᒫᖏᓪᓗ, ᑐᓂᕐᕈᓯᕐᕕᒃᓴᖅ ᐃᓯᕐᓗᐊᕐᓂᑎᑦᓯᕕᒃᓴᕐᓗ,

ᒨᓯᓯ ᐂᑉᐸᖏᑦ 35:15

ᑐᓂᕐᕈᓯᕐᕕᒃᓮᑦ ᐃᓯᕐᓗᐊᕐᓂᑎᑦᓯᕕᒃᓮᓪᓗ ᓂᐅᒃᓴᖏᓪᓗ; ᓇᐹᕐᑑᓪᓗ ᐅᕐᓱᖏᑦ ᒥᖑᐊᕐᓯᒍᑎᒃᓮᑦ; ᑎᐱᑦᓯᐊᕆᒃᑐᓪᓗ ᐃᓯᕐᓗᐊᕐᓂᑎᑦᓯᒍᑎᒃᓮᑦ; ᐃᑎᕐᑕᕐᕕᖓᑕᓗ ᑖᓗᑕᒃᓴᖓ, ᑐᐱᐅᓪᓗ ᒪᑐᒃᓴᖓ;

ᒨᓯᓯ ᐂᑉᐸᖏᑦ 39:38

ᑐᓂᕐᕈᓯᕐᕕᒃᓴᖅ ᒎᓗ; ᓇᐹᕐᑑᓪᓗ ᐅᕐᓱᖏᑦ ᒥᖑᐊᕐᓯᒍᑎᒃᓮᑦ; ᑎᐱᑦᓯᐊᕆᒃᑐᓪᓗ ᐃᓯᕐᓗᐊᕐᓂᑎᑦᓯᒍᑎᒃᓮᑦ; ᐃᑎᕐᑕᕐᕕᖓᑕᓗ ᑖᓗᑕᒃᓴᖓ, ᑐᐱᐅᓪᓗ ᒪᑐᒃᓴᖓ;

ᒨᓯᓯ ᐂᑉᐸᖏᑦ 40:5

ᑐᓂᕐᕈᓯᕐᕕᒃ ᒎᓗ ᑕᕝᕗᓐᖓᕐᑕᒃᓴᕆᒋᕙᑦ ᐃᓯᕐᓗᐊᕐᓂᑎᑦᓯᕕᒃᓴᖅ ᐊᖏᕈᑕᐅᓯᒪᔪᕐᑕᓕᐅᑉ ᐃᒃᓯᕐᕕᐅᑉ ᓯᕗᕌᓄᑦ, ᑐᐱᐅᓪᓗ ᐃᑎᕐᑕᕐᕕᖓᓄᑦ ᑖᓗᑕᒃᓴᖓ ᐃᓕᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 41:22

ᕿᔪᐃᓐᓇᕐᒥᒃ, ᑕᓪᓕᒪᓂᒃ ᐃᑎᒐᖕᓂᒃ ᐳᕐᑐᓂᖃᕐᐳᖅ, ᑕᑭᓂᖃᕐᓗᓂ ᓯᑕᒪᓂᒃ ᐃᑎᒐᖕᓂᒃ, ᓯᓕᖕᓂᖃᕐᓗᓂᓗ ᓯᑕᒪᓂᒃ; ᑎᕆᖅᑯᖏᑦ ᑐᓐᖓᕕᖓᓗ, ᓴᓂᕋᓕᒫᖏᓪᓗ ᕿᔪᐃᓐᓇᐅᕗᑦ. ᑖᑦᓱᒪ ᐅᖃᐅᑎᕚᖓ, “ᑖᓐᓇ ᑕᕝᕙ ᓵ ᐊᑕᓂᐅᑉ ᓯᕗᕌᓃᑦᑐᖅ.”

ᒨᓯᓯ ᐱᖓᔪᖏᑦ 4:18

ᑐᓂᕐᕈᓯᕐᑎᑦᓯᔨᐅᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᑉ ᐃᓚᖓᓂᒃ ᒥᖑᐊᒐᒃᓴᕆᕔᑦ ᐊᑕᓂᐅᑉ ᓇᔪᒐᖓᓃᑦᑐᑦ ᑐᐱᕐᒥ ᑲᑎᒪᕕᖕᒥ. ᐊᐅᓪᓗ ᑖᑦᓱᒪ ᐊᒥᐊᒃᑯᖓ ᑯᕕᔭᒃᓴᕆᕚ ᐃᑯᐊᓚᑦᓯᓗᓂ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓃᑦᑐᒧᑦ.

ᒨᓯᓯ ᐱᖓᔪᖏᑦ 4:7

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᐅᑉ ᐃᓚᖓᓄᑦ, ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᑕᒃᓴᕆᕔᑦ ᐊᑕᓂᐅᑉ ᓵᖓᓂ ᑐᐱᕐᒥ ᑲᑎᒪᕕᖕᒥ. ᐊᖑᓴᓪᓘᓪᓗ ᐊᐅᖓ ᑯᕕᔭᕆᐊᖃᕐᐹ ᐃᑯᐊᓚᑦᓯᕕᐅᑉ ᑐᓂᕐᕈᓯᕐᕕᐅᑉ ᐊᑖᓄᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᖃᓂᒋᔭᖓᓃᑦᑐᒧᑦ.

ᒨᓯᓯ ᓯᑕᒪᖏᑦ 3:31

ᑖᒃᑯᐊ ᐱᔭᒃᓴᖏᑕ ᐃᓚᖏᑦ ᐃᒃᓯᕐᕕᒃ ᐊᖏᕈᑎᑕᓕᒃ ᑲᒪᒋᓗᒍ, ᐊᒻᒪᓗ ᓵ, ᓇᓂᕈᐊᓪᓗ ᐃᓂᖓ, ᑐᓂᕐᕈᓯᕐᕖᓪᓗ, ᑐᓂᕐᕈᓯᕐᑎᑦᓯᔨᐅᓪᓗ ᐱᓕᕆᑦᔪᑎᖏᓐᓂᒃ ᐃᑦᔪᕐᓁᑦᑐᕕᖕᒦᑎᓪᓗᒍ, ᑕᓗᕐᔪᐊᕐᓗ ᐃᑦᔪᕐᓁᑦᑐᕕᒧᑦ ᑖᓗᑕᖅ, ᐱᔭᒃᓮᓪᓗ ᑕᒪᑐᒧᖓ ᑐᕌᖓᔪᓕᒫᑦ.

ᒨᓯᓯ ᓯᑕᒪᖏᑦ 4:11

“ᑐᓂᕐᕈᓯᕐᕕᒃ ᒎᓘ ᐅᓕᒋᐊᖃᕐᐹᑦ ᖃᓪᓗᓈᕐᑕᒥᒃ ᑐᖑᔪᕐᑕᒥᒃ, ᖄᖓᒍᑦ ᐆᒪᔪᐃᑦ ᐹᑦᔪᕆᑦ ᐊᒥᖏᓐᓂᒃ ᐅᓕᒡᓗᒋᑦ; ᐊᑭᕋᕐᕕᖏᓪᓗ ᑕᑭᔪᑦ ᐃᓕᓗᒋᑦ.

ᐄᑉᕈᐃᓄᑦ 9:4

ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:3

ᐂᖏᓕᑦᑕᐅᖅ ᐊᓯᐊ ᑕᒪᐅᓐᖓᕐᐳᖅ ᑐᓂᕐᕈᓯᕐᕕᐅᑉ ᓵᖓᓄᐊᕐᓗᓂ ᒎᓗᒥᒃ ᐳᔫᑦᑎᑦᓯᕕᖕᒥᒃ ᑎᒍᒥᐊᕐᑐᖅ; ᑐᓂᓯᕕᐅᕗᕐᓗ ᐳᔫᕐᑎᑕᒃᓴᖏᓐᓂᒃ ᐊᒥᓱᓂᒃ ᐃᓚᓕᐅᑎᔭᐅᖁᓪᓗᒋᑦ ᐃᑦᔪᕐᓁᑎᑕᐅᓯᒪᔪᓕᒫᑦ ᑐᒃᓯᐊᕐᓂᖏᓐᓄᑦ ᑐᓂᕐᕈᑕᐅᖁᓪᓗᒋᑦ ᒎᓗᒧᑦ ᑐᓂᕐᕈᓯᕐᕕᖕᒧᑦ ᐃᒃᓯᕙᐅᑕᕐᔪᐊᑉ ᓵᖓᓃᑦᑐᒧᑦ.