ᒨᓯᓯ ᐂᑉᐸᖏᑦ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᒨᓯᓯ ᐂᑉᐸᖏᑦ 3:7 Iomraidhean Croise

ᒨᓯᓯ ᓯᕗᓪᓖᑦ 16:11

ᐊᑕᓂᐅᓪᓗ ᐂᖏᓕᖓᑕ ᐅᖃᐅᑎᕚ: “ᑕᑯᒋᑦ, ᕿᑐᕐᖓᒃᓴᖃᕐᐳᑎᑦ ᐃᕐᓂᕐᑖᓛᕐᐳᑎᓪᓗ; ᑖᓐᓇᓗ ᐊᑦᓯᕈᒫᕐᐸᑦ ᐃᓯᒥᐅᓪᒥᒃ; ᐃᓛᒃ ᐊᑕᓂᐅᑉ ᑐᓴᓚᐅᕐᒪᑎᑦ ᐅᖁᒤᒃᓴᕕᒡᔪᐊᕈᑎᖕᓂᒃ.

ᒨᓯᓯ ᓯᕗᓪᓖᑦ 18:21

ᑖᒃᑯᖕᓄᖓ ᐊᖅᑲᕆᐊᖃᕐᐳᖓ ᓂᐱᖃᕈᑕᐅᓂᖏᒃ ᑐᓴᕐᓯᒪᔭᒃᑲᒃ ᓱᓕᖕᒪᖔᑕ; ᑍᒤᖏᑉᐸᑕᓘᓐᓃᑦ ᖃᐅᔨᓂᐊᕋᒪ.”

ᒨᓯᓯ ᓯᕗᓪᓖᑦ 21:17

ᒎᑎᐅᓪᓗ ᓄᑲᑉᐱᐊᑉ ᓂᐱᖓ ᑐᓴᕐᐹ; ᕿᓚᖕᒥᓪᓗ ᒎᑎᐅᑉ ᐂᖏᓖᖓᑕ ᐂᒡᒐ ᐅᖃᕐᕕᒋᕚ, “ᐂᒡᒑ, ᓱᓇᒥᒃ ᖁᕕᐊᓱᖏᑦᔪᑎᖃᕐᐲᑦ? ᑲᑉᐱᐊᓱᖕᓂᐊᕐᓇᒃ, ᒎᑎᐅᑉ ᓄᑲᑉᐱᐊᑉ ᕿᐊᓂᖓ ᑐᓴᕐᒪᒍ.

ᒨᓯᓯ ᓯᕗᓪᓖᑦ 29:32

ᓕᐊᓗ ᓯᖎᓕᕐᐳᖅ ᐃᕐᓂᕐᑖᕐᓗᓂᓗ, ᐊᑦᓯᕐᐹᓗ ᕉᐱᓂᒥᒃ; ᐅᖃᕋᒥ, “ᐊᑕᓂᐅᑉ ᐃᓱᒫᓗᖕᓂᓐᓂᒃ ᑕᑯᓐᓇᕐᐹᖓ, ᑕᕝᕙ ᐅᐃᒪ ᓇᒡᓕᒋᓂᐊᓕᕐᐹᖓ.”

ᒨᓯᓯ ᓯᕗᓪᓖᑦ 31:12

ᐅᖃᐅᑎᕚᖓᓗ, ‘ᑕᑯᓴᕐᓗᑎᑦ ᑕᑯᓕᕆᑦ, ᐊᖑᓴᓪᓗᐃᑦ ᒎᑦᓰᑦ ᓄᓕᐊᕐᑐᑦ ᒥᖅᑯᖏᑦ ᖁᐱᓴᕈᐊᑦᑑᕗᑦ, ᐅᑭᓕᕆᐊᒃᓗᑎᒡᓗ, ᑕᕐᓴᒐᓛᒃᓗᑎᒡᓗ; ᑕᒪᓐᓇᓗ ᑍᒤᑎᓯᒪᕙᕋ ᑕᑯᓯᒪᒐᒪ ᓔᐸᓂᐅᑉ ᐃᓕᖕᓄᑦ ᖃᓄᐃᓕᐅᕐᓂᖓᓂᒃ.

ᒨᓯᓯ ᓯᕗᓪᓖᑦ 31:42

ᓯᕗᓕᕐᒪᓕ ᒎᑎᖓᑕ, ᐂᑉᕋᕼᐋᒻ ᒎᑎᖓᑕ ᐂᓴᑭᐅᓪᓗ ᓯᕘᕋᒋᔭᖓᑕ, ᐃᓚᒋᓚᐅᖏᑉᐸᖓ, ᐊᐅᓪᓚᕐᑎᓯᒪᓕᕋᔭᕐᐸᕐᒪ ᓱᓇᖃᖏᑦᓯᐊᕐᓗᖓ, ᒎᑎᐅᓪᓕ ᓯᕐᓕᕿᓇᕐᑐᒃᑰᕐᓯᒪᓂᒃᑲ ᐊᒃᓱᕈᕐᓗᖓᓗ ᐱᓇᓱᐊᕐᓯᒪᓂᒃᑲ ᑕᑯᓐᓇᕋᒥᒋᑦ, ᑕᕝᕙ ᐅᓐᓄᐊᖅ ᐃᓂᕐᑎᓚᐅᕐᐹᑎᑦ.”

ᓴᒧᐃᓕ ᐂᑉᐸᖏᑦ 22:28

ᒥᑭᒡᓕᑎᕐᓯᒪᔪᑦ ᐃᓄᐃᑦ ᐱᐅᓕᕙᑎᑦ, ᐱᐅᔪᕆᔪᓪᓕ ᑕᑯᓴᕐᓗᒋᑦ ᒥᑭᒡᓕᑎᑉᐸᑎᑦ.

ᐊᑕᓃᑦ ᐂᑉᐸᖏᑦ 13:4

ᑕᕝᕙ ᔨᕼᐅᐊᕼᐊᔨᐅᑉ ᐊᑕᓂᖅ ᑐᒃᓯᐊᕐᕕᒋᖕᒪᒍ, ᐊᑕᓂᐅᑉ ᑐᓴᕐᐹ ᑐᒃᓯᐊᕐᓂᖓᓂᒃ; ᖃᐅᔨᒪᒐᒥ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓴᕆᐊᓕᒥᐅᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᒪᒋᑦ.

ᐊᑕᓃᑦ ᐂᑉᐸᖏᑦ 20:5

“ᐅᑎᕆᑦ ᕼᐃᓯᑬᐊ ᐅᖃᐅᑎᓗᒍ ᐊᐅᓚᑦᓯᔨᐅᔪᖅ ᐃᓄᖁᑎᓐᓂᒃ ᐅᖃᐅᑎᓗᒍ ᐊᑕᓂᖅ ᓯᕗᓕᕕᓂᕐᐱᑦ ᑍᕕᑎᐅᑉ ᒎᑎᖓ, ᐅᖃᕐᐳᖅ: ᑐᒃᓯᐊᕐᓃᑦ ᑐᓴᕐᐸᕋ, ᖁᕕᐅᕐᓂᑎᓪᓗ ᑕᑯᕙᒃᑲ; ᑕᑯᒋᑦ, ᐋᖅᑭᖕᓂᐊᕐᐸᒋᑦ; ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐊᑕᓂᐅᑉ ᐃᒡᓗᖓᓄᐊᕐᓂᐊᕐᐳᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 9:9

ᓯᕗᓕᕗᑦ ᐅᖁᒤᒃᓴᕐᑎᓪᓗᒋᑦ ᑕᑯᓚᐅᕐᐸᑎᑦ ᐄᑦᔨᑉᑎᒥ; ᐃᑲᔪᕐᑕᐅᔪᒪᓂᖏᓐᓂᒡᓗ ᑐᓴᓚᐅᕐᐸᑎᑦ ᐃᒪᕐᒥ ᐊᐅᐸᓗᒃᑕᒥ.

ᐃᓐᖏᕈᑎᑦ 106:44

ᑭᓯᐊᓂᓕ ᐅᖁᒤᒃᓴᕐᓂᖏᑦ ᐃᒃᐱᒋᕔᑦ, ᑐᒃᓯᐊᕐᓂᖏᑦ ᑐᓴᕋᒥᒋᑦ:

ᐃᓐᖏᕈᑎᑦ 12:6

ᐊᑕᓂᐅᑉ ᐅᖃᐅᓯᖏᑦ ᐃᓚᒃᑲᓐᓂᕐᓯᒪᓐᖏᓚᑦ, ᓯᐅᓪᕕᕆᑎᑐᑦ ᒪᕐᕋᕐᒥ ᐅᒃᑯᓯᖕᒦᑎᓪᓗᒋᑦ ᐃᑯᒪᒃᑯᑦ ᓴᓗᒻᒪᕐᓴᕐᓯᒪᔪᑐᑦ, ᐊᓯᐊᓂᒡᓗ ᐃᓚᖃᕈᓐᓃᕐᑎᑕᐅᓯᒪᔪᑐᑦ, 7ᐃᕐᑐᕐᓗᑎᒡᓗ ᐃᑯᒪᒧᑦ ᖃᐅᔨᓴᕐᑕᐅᓯᒪᔪᑎᑐᑦ.

ᐃᓐᖏᕈᑎᑦ 142:3

ᐊᓂᕐᓂᕋ ᓄᑭᖃᕈᓐᓃᓕᕌᖓᑦ, ᐊᑐᕐᑕᕋ ᖃᐅᔨᒪᑦᓯᐊᖃᑦᑕᕐᐸᑦ! ᐊᖅᑯᑎᒋᓂᐊᕐᑕᓐᓂ ᐃᔨᕋᕐᑐᕐᓗᑎᒃ ᐅᕙᓐᓄᑦ ᓂᒐᓕᐅᕐᓯᒪᕗᑦ.

ᐃᓐᖏᕈᑎᑦ 145:19

ᑖᑦᓱᒥᖓ ᓯᕘᕋᔪᑦ ᐱᔪᒪᓂᓕᒫᖏᑦ ᓈᒻᒪᒃᓯᑎᑉᐰᑦ, ᑐᒃᓯᐊᕐᓂᖏᓪᓗ ᑐᓴᕐᐰᑦ, ᐱᐅᓕᓪᓗᒋᓪᓗ.

ᐃᓐᖏᕈᑎᑦ 22:24

ᖁᔭᓈᕐᓯᖏᒻᒪᑦ ᓇᕐᕈᓇᓂᓗ ᑲᑉᐱᐊᓱᒃᑎᑕᐅᔪᑦ ᑲᑉᐱᐊᓱᒃᑎᑕᐅᓂᖏᓐᓂᒃ; ᑮᓇᓂᓗ ᐃᔨᓚᐅᓐᖏᓛ ᑖᒃᑯᓇᓐᖓᑦ; ᓂᓪᓕᐊᓕᕐᐸᑕᓕ ᑐᓴᕐᐰᑦ.

ᐃᓐᖏᕈᑎᑦ 34:4

ᐊᑕᓂᖅ ᕿᓂᓚᐅᕐᐸᕋ, ᑐᓴᓚᐅᕐᐹᖓᓗ, ᓴᐳᑎᓪᓗᖓᓗ ᑲᑉᐱᐊᒋᔭᓐᓂᑦ ᑕᒤᓐᓂᑦ.

ᐃᓐᖏᕈᑎᑦ 34:6

ᐅᓇ ᐊᖑᑦ ᐊᔪᕐᑐᖅ ᓂᓪᓕᐊᖕᒪᑦ, ᐊᑕᓂᐅᑉ ᑐᓴᓚᐅᕐᐹ, ᓴᐳᑎᓪᓗᒍᓗ ᐅᖁᒤᒃᓴᐅᑎᖏᓐᓂᑦ ᑕᒤᓐᓂᑦ.

ᐃᓐᖏᕈᑎᑦ 35:22

ᐊᑕᓃᖅ, ᑕᒪᑐᒥᖓ ᑕᑯᓯᒪᕗᑎᑦ, ᓂᐰᑦᑑᓂᐊᕐᓇᒃ. ᐊᑕᓃᖅ, ᐅᖓᓯᖕᓂᐊᕐᓇᒃ ᐅᕙᓐᓂᑦ.

ᐃᓐᖏᕈᑎᑦ 9:14

ᐅᖃᐅᓯᖃᕈᓐᓇᖁᓪᓗᖓ ᓂᕐᑐᕐᓇᕐᓂᕐᓂᒃ ᓱᓇᒥᒡᓗᒍ, ᓮᐅᓂᐅᑉ ᐸᓂᖏᑕ ᐃᑎᕐᑕᕐᕕᒡᔪᐊᖏᓐᓂ. ᐱᐅᓕᕐᓯᓂᕐᓂᒡᓗ ᐃᖀᕐᑐᕈᑎᖃᕈᒪᕗᖓ.

ᒨᓯᓯ ᐂᑉᐸᖏᑦ 1:11

ᐊᓱᐃᓛᒃ ᐄᑦᔨᑉᑎᒥᐅᑦ ᐃᓖᔭᕐᓱᐃᔨᓂᒃ ᑎᓕᓯᓚᐅᕐᐳᑦ ᑖᒃᑯᓂᖓ ᐊᒃᓱᐊᓗᒃ ᓴᓇᑎᓪᓗᓂᑦᔪᒃ ᖁᕕᐊᓱᒍᓐᓃᖁᓪᓗᒋᑦ; ᐃᓴᕆᐊᓕᒥᐅᑦ ᐃᒡᓗᒐᓴᒡᔪᐊᓂᒃ ᓴᓇᓚᐅᕐᐳᑦ ᐰᑕᒥᒥᒃ ᕌᒥᓯᓯᒥᒡᓗ ᐊᑎᖃᕐᑐᓂᒃ, ᑖᒃᑯᐊᒃ ᐊᖓᔪᖅᑳᕐᔪᐊᑉ ᐱᖁᑎᒃᑯᕕᒃᓴᕆᔭᖏᒃ.

ᒨᓯᓯ ᐂᑉᐸᖏᑦ 1:8

ᑕᕝᕙᓕ ᓄᑖᒥᒃ ᐊᖓᔪᖅᑳᕐᔪᐊᕐᑖᓚᐅᕐᐳᑦ ᐄᑦᔨᑉᑎᒥ, ᑖᓐᓇ ᔫᓯᐱᒥᒃ ᖃᐅᔨᓯᒪᓚᐅᓐᖏᓚᖅ.

ᒨᓯᓯ ᐂᑉᐸᖏᑦ 22:23

ᑍᒤᑦᑐᓂᒃ ᓱᓇᐅᓐᖏᑎᑦᓯᓗᐊᑐᐊᕈᑦᓯ, ᐅᕙᓐᓄᓪᓗ ᐃᑲᔪᕐᑕᐅᔪᒪᓗᑎᒃ ᓂᓪᓕᐊᓕᕐᐸᑕ, ᑕᕝᕙ ᖁᓚᕐᓇᖏᑦᑐᒥᒃ ᓂᓪᓕᐊᓂᖏᑦ ᑐᓴᕋᔭᕐᐸᒃᑲ.

ᒨᓯᓯ ᐂᑉᐸᖏᑦ 33:13

ᒫᓐᓇᓕ ᑕᒪᓐᓇ ᓱᓕᒃᐸᑦ, ᐅᕙᓐᓂᒡᓗ ᖁᕕᐊᒋᔭᖃᓪᓚᕆᒃᑯᕕᑦ, ᐃᓱᒪᒋᓯᒪᔭᕐᓂᒃ ᐅᖃᐅᑎᓚᐅᓐᖓ ᐃᓕᖕᓂᒃ ᐱᔨᑦᓯᑦᓯᐊᕈᓐᓇᖁᓪᓗᖓ ᐃᓕᖕᓄᓪᓗ ᖁᕕᐊᒋᔭᐅᖏᓐᓇᖁᓪᓗᖓ. ᐃᖅᑲᐅᒪᓗᑎᑦᑕᐅᖅ ᐅᑯᐊ ᐃᓅᖃᑎᒌᒡᔪᐊᑦ ᓂᕈᐊᕐᓯᒪᒐᕕᒋᑦ ᓇᖕᒥᓂᖅ ᐃᓄᖁᑎᒋᔪᒪᓪᓗᒋᑦ.”

ᒨᓯᓯ ᐂᑉᐸᖏᑦ 5:10

ᑕᕝᕙ ᓴᓇᑎᑦᓯᔨᐅᔪᑦ ᓴᓇᔪᓄᓪᓗ ᐊᖓᔪᖅᑳᕆᔭᐅᔪᑦ ᐃᓄᖕᓄᐊᕐᐳᑦ ᐅᖃᕐᓗᑎᒡᓗ, “ᐰᕉ ᐃᒫᒃ ᐅᖃᕐᐳᖅ, ‘ᐃᕕᖕᓂᒃ ᐅᔭᕋᓕᐊᕆᔭᒃᓴᓂᒃ ᑐᓂᓯᕕᐅᖁᔪᓐᓃᕐᐸᑦᓯ.

ᒨᓯᓯ ᐂᑉᐸᖏᑦ 5:6

ᐅᓪᓗᒥᓗ ᑖᑦᓱᒪᓂᑦᓮᓐᓇᖅ ᐰᕉ ᐱᖁᔨᓕᕐᐳᖅ ᓴᓇᑎᑦᓯᔨᐅᔪᓂᒃ ᐊᖓᔪᖅᑳᕆᔭᐅᔪᓂᒡᓗ ᐅᖃᐅᑎᓪᓗᒋᑦ,

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᒨᓯᓯ ᓯᑕᒪᖏᑦ 20:16

ᐊᑕᓂᕐᒧᓪᓕ ᓂᓪᓕᐊᒐᑦᑕ, ᓂᐱᕗᑦ ᑐᓴᓚᐅᕐᐰᑦ, ᐂᖏᓕᒥᒡᓗ ᑎᓕᓯᓪᓗᓂ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ; ᒫᓐᓇᓕ ᑲᑎᓯᒦᑉᐳᒍᑦ, ᐃᒡᓗᒐᓴᖕᓂ ᓄᓇᖁᑎᑦᓯ ᖃᓂᒋᔮᓂ ᓯᓚᑖᓃᑦᑐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 7:34

ᑕᑯᓯᒪᕗᖓ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᓂᓪᓕᐊᓂᖏᓪᓗ ᑐᓴᕐᐸᒃᑲ, ᒫᓐᓇ ᐊᖅᑲᕐᐳᖓ ᓴᐳᑎᔭᕐᑐᕐᓗᒋᑦ. ᒫᓐᓇ ᕾᓕᕆᑦ, ᐄᑦᔨᑉᑎᒧᑦ ᑎᓕᔪᒪᒐᒃᑭᑦ.’

ᐄᑉᕈᐃᓄᑦ 4:15

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᖏᓐᓇᑦᑕ ᐃᓚᑦᓱᒍᓱᒍᓐᓇᖏᑦᑐᒥᒃ ᓴᓐᖐᓐᓂᑦᑎᓐᓂᒃ, ᐃᓘᓐᓈᒍᓪᓕ ᖃᓄᑐᐃᓐᓇᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓯᒪᕗᖅ ᐅᕙᑦᑎᑐᑦ, ᐊᔪᕐᑐᓕᓚᐅᕋᓂᓕ.

ᓴᒧᐃᓕ ᓯᕗᓪᓖᑦ 9:16

“ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᑎᓕᓯᕕᒋᔪᒫᕐᐸᒋᑦ ᐊᖑᒻᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ; ᑖᓐᓇ ᐅᕐᓱᕐᑎᕈᒫᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ. ᑖᑦᓱᒪ ᐃᓄᖁᑎᒃᑲ ᐱᐅᓕᔪᒫᕐᐰᑦ ᐱᓕᔅᑍᓂᒥᐅᓂᑦ; ᐃᓄᖁᑎᒪ ᐅᖁᒤᑦᑐᒦᓐᓂᖏᑦ ᑕᑯᓯᒪᓕᕋᒃᑭᑦ, ᓂᓪᓕᐊᓂᖏᑦ ᐅᕙᓐᓄᑦ ᑎᑭᓯᒪᓕᕐᒪᑕ.”