ᒨᓯᓯ ᐂᑉᐸᖏᑦ 3:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐃᓴᕆᐊᓕᒥᐅᑦ ᐊᕐᓇᖁᑎᓕᒫᖏᑦ ᓯᓚᖅᑲᑎᒥᖕᓄᑦ ᐄᑦᔨᑉᑎᒥᐅᓄᑦ ᐅᕝᕙᓘᓐᓃᑦ ᐄᑦᔨᑉᑎᒥᐅᑕᕐᒥᒃ ᐊᕐᓇᐅᖃᑎᖃᕈᓂ ᐃᒡᓗᒥᓂ ᑐᒃᓯᕋᕐᕕᒋᔭᒃᓴᕆᕚ ᐊᓐᓄᕌᓂᒃ, ᒎᓗᒥᒃ, ᓯᐅᓪᕕᕆᒥᒡᓘᓐᓃᑦ. ᐃᓴᕆᐊᓕᒥᐅᓪᓗ ᐃᕐᓂᕐᒥᖕᓄᑦ ᐸᓂᖕᒥᖕᓄᓪᓗ ᑕᒪᒃᑯᐊ ᐊᒡᔭᕐᑕᐅᑎᑕᒃᓴᕆᕔᑦ ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᓐᓂᒃ ᐊᐅᓪᓚᕈᑦᔨᖁᓪᓗᒋᑦ.”

ᒨᓯᓯ ᐂᑉᐸᖏᑦ 3:22 Iomraidhean Croise

ᒨᓯᓯ ᓯᕗᓪᓖᑦ 15:14

ᑖᒃᑯᐊᓕ ᓱᒋᐊᕈᒫᕐᐸᒃᑲ ᐃᓅᖃᑎᒌᒡᔪᐊᑦ ᑖᒃᑯᓂᖓ ᓯᐊᓛᖃᕐᑐᑦ, ᑕᕝᕙᓐᖓᓪᓗ ᓄᓇᒥᑦ ᓄᓇᒋᓐᖏᑕᒥᖕᓂᑦ ᐊᐅᓪᓚᓕᕈᑎᒃ, ᐊᔪᕐᓴᖏᑦᔪᑎᕐᔪᐊᓂᒃ ᓇᒃᓴᕈᒫᕐᐳᑦ.

ᒨᓯᓯ ᓯᕗᓪᓖᑦ 24:53

ᓇᒃᓴᕐᓯᒪᔭᒥᓂᒃ ᐲᔧᓕᕐᐳᖅ ᓯᐅᓪᕕᕆᓂᒃ ᒎᓗᓂᒡᓗ ᓴᓇᓯᒪᔪᓂᒃ, ᐊᓐᓄᕌᓂᒡᓗ, ᕇᐱᑲᒧᓪᓗ ᑐᓂᓪᓗᒋᑦ; ᐊᓂᖓᓄᑦᑕᐅᖅ ᐊᓈᓇᖓᓄᓪᓗ ᑐᓂᓯᕗᖅ ᐊᑭᑐᔪᒃᓴᔭᓂᒃ.

ᐃᓐᖏᕈᑎᑦ 105:37

ᑕᕝᕙ ᐃᓴᕆᐊᓕᒥᐅᑦ ᑕᓯᐅᓕᓚᐅᕐᐰᑦ ᐊᐅᓪᓚᕐᑎᓪᓗᒋᑦ ᓯᐅᓪᕕᕆᓂᒃ ᒎᓗᓂᒡᓗ ᓇᒃᓴᕐᓗᑎᒃ, ᑭᖑᕚᕇᓕᒫᓂᓗ ᐋᓐᓂᐊᓕᒃᑕᖃᓚᐅᓐᖏᓚᖅ ᐊᑕᐅᓯᕐᒥᒡᓘᓐᓃᑦ.

ᒨᓯᓯ ᐂᑉᐸᖏᑦ 11:2

ᐊᑏ ᐃᓴᕆᐊᓕᒥᐅᑦ ᐅᖃᐅᑎᓂᐊᕐᐸᑎᑦ ᓯᓚᖅᑲᑎᒥᖕᓂᑦ ᑐᒃᓯᕋᖁᓗᒋᑦ ᒎᓗᓂᒃ ᓯᐅᓪᕕᕆᓂᒡᓗ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:22

ᐃᓄᑦᓯᐊᕙᒃ ᑭᖑᕐᖑᑎᔭᒃᓴᖁᑎᖃᕐᐳᖅ ᕿᑐᕐᖓᒥ ᕿᑐᕐᖓᖏᓐᓄᑦ, ᐊᔪᕐᑐᓕᔫᓪᓕ ᐊᒃᓗᐃᓐᓂᖓ ᐊᑐᐃᓐᓇᕈᕐᑕᐅᕗᖅ ᓇᓛᒎᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 33:1

ᑲᑉᐱᐊᓐᓇᒦᒃ ᐊᓯᕈᐃᔨᐅᔪᑎᑦ, ᐃᕝᕕᑦ ᓇᖕᒥᓂᖅ ᐊᓯᕈᕐᑕᐅᓯᒪᖏᒃᑲᓗᐊᕐᑐᑎᑦ; ᐃᕝᕕᑦ ᐃᕐᓯᓇᕈᒪᔪᑎᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓚᐅᕐᓯᒪᓇᑎᑦ! ᐊᓯᕈᐃᖃᑦᑕᕈᓐᓃᕈᕕᑦ ᐊᓯᕈᕐᑕᐅᔪᒫᕐᐳᑎᑦ; ᐃᕐᓯᓵᕆᖃᑦᑕᕈᓐᓃᕋᓗᐊᕈᕕᑦ; ᐃᕐᓯᓵᕐᑕᐅᓕᕈᒫᕐᐳᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 39:10

ᕿᔪᒃᓴᒥᖕᓂᒃ ᐱᕈᕐᓰᕕᖕᓂᑦ ᑲᑎᑦᓯᔭᕆᐊᖃᕈᒫᓐᖏᓚᑦ ᓇᐹᕐᑐᓂᒡᓘᓐᓃᑦ ᓇᑲᑎᕆᔭᕆᐊᖃᕈᒫᓐᖏᓚᑦ ᕿᑦᔨᐅᕋᓱᐊᕐᓗᑎᒃ, ᓱᒋᐅᑎᕕᓂᕐᓂᒃ ᕿᔪᖃᖃᑦᑕᕈᒫᕐᒪᑕ, ᐱᖁᑎᒥᖕᓂᒃ ᐱᑖᕐᑐᕐᑎᒋᓚᐅᕐᑕᑎᒃ ᐱᑖᕐᕕᒋᓕᕈᒫᕆᕔᑦ, ᓄᖑᕈᑦᔨᔨᒋᓚᐅᕐᑕᑎᒡᓗ ᓄᖑᕈᑎᓕᕐᒥᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”