ᒨᓯᓯ ᐂᑉᐸᖏᑦ 3:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ “ᐄᑦᔨᑉᑎᒥᐅᑦ ᖁᕕᐊᓲᑎᖃᕐᑎᓐᓂᐊᕐᐸᒃᑲ ᐃᓕᑦᓯᓐᓂᒃ ᐃᓄᖁᑎᒃᑲ ᐊᐅᓪᓚᕐᐸᑕ ᐱᒃᓴᖃᖁᓪᓗᒋᑦ.

ᒨᓯᓯ ᐂᑉᐸᖏᑦ 3:21 Iomraidhean Croise

ᒨᓯᓯ ᓯᕗᓪᓖᑦ 15:14

ᑖᒃᑯᐊᓕ ᓱᒋᐊᕈᒫᕐᐸᒃᑲ ᐃᓅᖃᑎᒌᒡᔪᐊᑦ ᑖᒃᑯᓂᖓ ᓯᐊᓛᖃᕐᑐᑦ, ᑕᕝᕙᓐᖓᓪᓗ ᓄᓇᒥᑦ ᓄᓇᒋᓐᖏᑕᒥᖕᓂᑦ ᐊᐅᓪᓚᓕᕈᑎᒃ, ᐊᔪᕐᓴᖏᑦᔪᑎᕐᔪᐊᓂᒃ ᓇᒃᓴᕈᒫᕐᐳᑦ.

ᒨᓯᓯ ᓯᕗᓪᓖᑦ 39:21

ᐊᑕᓂᐅᓪᓕ ᔫᓯᐱ ᐃᓚᒋᓚᐅᕐᐹ, ᓇᒡᓕᖕᓂᕐᒥᓂᒡᓗ ᓱᖁᓯᔪᐃᑦᑐᒥᒃ ᖃᐅᔨᒪᑎᓪᓗᒍ, ᖁᕕᐊᒋᔭᐅᓕᕐᑎᓪᓗᒍᓗ ᑎᒍᔭᐅᓯᒪᕕᐅᑉ ᐊᖓᔪᖅᑳᖓᓄᑦ.

ᐊᑕᓃᑦ ᓯᕗᓪᓖᑦ 8:50

ᐃᓄᖁᑎᑎᑦ ᐃᓱᒪᒋᔪᓐᓁᕐᕕᒋᓗᒋᑦ ᐃᓕᖕᓄᑦ ᐊᔪᕐᑐᓕᓯᒪᔪᑦ, ᓈᒻᒪᖏᑦᑐᓕᓂᕆᓯᒪᔭᓕᒫᖏᓐᓂᒃ ᐃᓕᖕᓄᑦ; ᓈᒃᑭᒋᓗᒋᓪᓗ ᐊᑭᕋᖏᑦ ᑖᒃᑯᓂᖓ ᐊᐅᓪᓚᕈᑦᔨᓚᐅᕐᑐᑦ ᖃᐅᔨᑎᓪᓗᒋᑦ, ᑖᒃᑯᓄᖓ ᓈᒃᑭᒋᔭᐅᓕᖁᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 1:11

ᐊᑕᓃᖅ, ᑐᒃᓯᐊᕐᐳᖓ, ᓯᐅᑏᒃᑭᒃ ᓈᓚᓚᐅᕐᓕᒃ ᐱᔨᕕᑦ ᑐᒃᓯᐊᕐᓂᖓᓂᒃ, ᐱᔨᕕᓪᓗ ᑐᒃᓯᐊᕐᓂᓕᒫᖏᓐᓄᑦ ᐃᓕᖕᓂᒃ ᐅᐱᓐᓇᕐᓯᑎᑦᓯᔪᒪᔪᓄᑦ; ᐅᓪᓗᒥᓗ ᐱᔩᑦ ᐊᖏᕐᑕᐅᔪᓐᓇᕐᑎᓚᐅᕈᒃ, ᓂᑲᒋᔭᐅᖁᓪᓗᒍᓗ ᐊᖓᔪᖅᑳᕐᔪᐊᕐᒧᑦ.” ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᕐᒧᑦ ᕔᓂᑐᕐᑎᑦᓯᔨᒋᔭᐅᓚᐅᕋᒪ.

ᐃᓐᖏᕈᑎᑦ 105:37

ᑕᕝᕙ ᐃᓴᕆᐊᓕᒥᐅᑦ ᑕᓯᐅᓕᓚᐅᕐᐰᑦ ᐊᐅᓪᓚᕐᑎᓪᓗᒋᑦ ᓯᐅᓪᕕᕆᓂᒃ ᒎᓗᓂᒡᓗ ᓇᒃᓴᕐᓗᑎᒃ, ᑭᖑᕚᕇᓕᒫᓂᓗ ᐋᓐᓂᐊᓕᒃᑕᖃᓚᐅᓐᖏᓚᖅ ᐊᑕᐅᓯᕐᒥᒡᓘᓐᓃᑦ.

ᐃᓐᖏᕈᑎᑦ 106:46

ᓂᑲᒋᔭᐅᓕᕐᑎᓚᐅᕐᐰᓪᓗ ᑕᒤᓐᓄᑦ ᓵᓚᐅᓪᓗᑎᒃ ᐊᐅᓪᓚᕈᑦᔨᔨᒋᓚᐅᕐᑕᖏᓐᓄᑦ.

ᒨᓯᓯ ᐂᑉᐸᖏᑦ 11:2

ᐊᑏ ᐃᓴᕆᐊᓕᒥᐅᑦ ᐅᖃᐅᑎᓂᐊᕐᐸᑎᑦ ᓯᓚᖅᑲᑎᒥᖕᓂᑦ ᑐᒃᓯᕋᖁᓗᒋᑦ ᒎᓗᓂᒃ ᓯᐅᓪᕕᕆᓂᒡᓗ.”

ᒨᓯᓯ ᐂᑉᐸᖏᑦ 11:3

ᐊᑕᓂᐅᓪᓗ ᐄᑦᔨᑉᑎᒥᐅᑦ ᖁᕕᐊᓲᑎᖃᕐᑎᑉᐰᑦ ᐃᓴᕆᐊᓕᒥᐅᓂᒃ, ᐊᒡᓛᑦ ᒨᓯᓯ ᐊᖓᔪᖅᑳᕐᔪᐊᖑᔪᓄᑦ ᐃᓄᖕᓄᓪᓗ ᐊᔪᖏᑦᑐᐊᓘᓇᓱᒋᔭᐅᓕᕐᑎᑉᐹ.

ᒨᓯᓯ ᐂᑉᐸᖏᑦ 12:35

ᐃᓴᕆᐊᓕᒥᐅᓪᓗ ᒨᓯᓯᒧᑦ ᐱᖁᔭᐅᓚᐅᕐᓂᑎᒃ ᒪᓕᒡᓗᒍ ᐱᓂᐊᕐᐳᑦ, ᐅᖃᐅᑎᔭᐅᓯᒪᒐᒥᒃ ᐄᑦᔨᑉᑎᒥᐅᓂᑦ ᑐᒃᓯᕋᖁᔭᐅᓪᓗᑎᒃ, ᒎᓗᓂᒃ ᓯᐅᓪᕕᕆᓂᒡᓗ ᐱᖁᑎᖏᓐᓂᒡᓗ ᐊᓐᓄᕌᖏᓐᓂᒡᓗ.

ᒨᓯᓯ ᐂᑉᐸᖏᑦ 12:36

ᐊᑕᓂᐅᓪᓗ ᐄᑦᔨᑉᑎᒥᐅᑦ ᖁᕕᐊᓲᑎᖃᓕᕐᑎᑉᐰᑦ ᐃᓴᕆᐊᓕᒥᐅᓂᒃ, ᐃᓴᕆᐊᓕᒥᐅᓪᓗ ᐱᔪᒪᔭᖏᓐᓂᒃ ᑐᓂᓯᕕᒋᓪᓗᓂᑦᔪᒃ, ᑍᒫᒃ ᐱᖕᒪᑕ ᐃᓴᕆᐊᓕᒥᐅᑦ ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᓐᓂᒃ ᐊᐅᓪᓚᕈᑦᔨᓚᐅᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:7

ᐃᓅᑉ ᐃᓕᖅᑯᓯᕐᒥᒍᑦ ᐊᑕᓂᖅ ᖁᕕᐊᓱᒃᑎᑉᐸᒍ, ᐊᑭᕋᖏᓐᓄᑦ ᐊᒡᓛᑦ ᐊᑕᓂᐅᑉ ᐱᑦᓯᐊᕐᑕᐅᑎᑦᓱᓐᓇᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 7:10

ᓴᐳᑎᓪᓗᒍ ᖃᓄᐃᓐᓇᕐᑐᓕᒫᓂᑦ, ᐱᑦᓯᐊᕐᓂᖃᕐᑎᐹ ᓯᓚᑐᓂᖃᕐᑎᓪᓗᒍᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑕ ᐰᕉᑉ ᓵᖓᓂ, ᔫᓯᐱ ᐊᖓᔪᖅᑳᕐᔪᐊᑉ ᐊᐅᓚᑦᓯᔨᓐᖑᕐᑎᓚᐅᕐᐹ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᓕᒫᓄᑦ.

ᒨᓯᓯ ᑕᓪᓕᒪᖏᑦ 15:13

ᕿᓚᕈᑦᔮᕈᕕᐅᒡᓕ, ᓱᓇᖃᕐᑎᓐᓇᒍ ᐊᐅᓪᓚᕐᑎᑕᒃᓴᕆᓐᖏᓚᑦ.