ᒨᓯᓯ ᐂᑉᐸᖏᑦ 3:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

ᒨᓯᓯ ᐂᑉᐸᖏᑦ 3:20 Iomraidhean Croise

ᒨᓯᓯ ᓯᕗᓪᓖᑦ 15:14

ᑖᒃᑯᐊᓕ ᓱᒋᐊᕈᒫᕐᐸᒃᑲ ᐃᓅᖃᑎᒌᒡᔪᐊᑦ ᑖᒃᑯᓂᖓ ᓯᐊᓛᖃᕐᑐᑦ, ᑕᕝᕙᓐᖓᓪᓗ ᓄᓇᒥᑦ ᓄᓇᒋᓐᖏᑕᒥᖕᓂᑦ ᐊᐅᓪᓚᓕᕈᑎᒃ, ᐊᔪᕐᓴᖏᑦᔪᑎᕐᔪᐊᓂᒃ ᓇᒃᓴᕈᒫᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:10

ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᐃᓐᖏᕈᑎᑦ 105:27

ᑖᒃᑯᐊᒃ ᐱᓇᓱᐊᓚᐅᕐᐳᒃ ᑖᑦᓱᒪ ᓇᓗᓁᒃᑯᑕᖏᓐᓂᒃ ᐃᓄᖕᓂ ᑕᕝᕙᓂ, ᑲᒪᓇᕐᑐᓕᓂᕐᓂᒡᓗ ᐱᓇᓱᐊᕐᓗᑎᒃ ᕼᐋᒥᐅᑉ ᓄᓇᖓᓂ.

ᐃᓐᖏᕈᑎᑦ 105:38

ᐄᑦᔨᑉᑎᒥᐅᑦ ᖁᕕᐊᓱᓚᐅᕐᐳᑦ ᐃᓴᕆᐊᓕᒥᐅᑦ ᐊᐅᓪᓚᕐᒪᑕ, ᑲᑉᐱᐊᓱᒻᒪᕆᓕᓚᐅᕐᒪᑕ ᑖᒃᑯᓂᖓ.

ᐃᓐᖏᕈᑎᑦ 106:22

ᑲᒪᓇᕐᑐᐊᓗᖕᓂᒃ ᐱᓕᕆᓚᐅᕐᒪᑦ ᓄᓇᒥ ᕼᐋᒥᒥ, ᓯᕘᕋᓕᕐᓇᕐᑐᓂᒡᓗ ᐊᐅᓚᑦᓯᓚᐅᕐᐳᖅ ᐃᒪᕐᒥ ᐊᐅᐸᓗᒃᑕᒥ.

ᒨᓯᓯ ᐂᑉᐸᖏᑦ 11:1

ᐊᑕᓂᕐᓗ ᒨᓯᓯᒧᑦ ᐅᑲᕐᐳᖅ, “ᐊᑕᐅᓯᑐᐃᓐᓇᐅᓕᕐᐳᖅ ᓱᒋᐊᕐᓯᑦᔪᑎᒋᔪᒪᔭᕋ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᓄᖁᑎᖏᓐᓄᓪᓗ, ᑕᒪᓐᓇ ᐱᔭᕇᕐᐸᑦ ᐊᐅᓪᓚᕈᓐᓇᕐᓯᑎᓐᓂᐊᕐᐹᓯ ᓱᓇᒥᒍᓐᓇᕐᓯᓗᓯ ᐊᒡᓛᑦ.

ᒨᓯᓯ ᐂᑉᐸᖏᑦ 12:39

ᐳᕙᓪᓚᕐᓴᐅᑎᖃᖏᑦᑐᓂᒡᓗ ᓂᐊᖂᔭᓕᐅᖃᑦᑕᕐᐳᑦ ᐄᑦᔨᑉᑎᒦᓪᓗᑎᒃ ᓴᓇᔭᕕᓂᕐᒥᖕᓂᒃ. ᐄᑦᔨᑉᑎᒥᑦ ᑐᐊᕕᕐᓗᑎᒃ ᐊᐅᓪᓚᕐᑎᑕᐅᓚᐅᕋᒥᒃ ᑕᖁᐊᒃᓴᒥᖕᓂᒡᓘᓐᓃᑦ ᐱᔪᓐᓇᕐᓯᓇᑎᒃ ᐳᕙᓪᓚᕐᓴᐅᑎᓕᖕᒥᒡᓗ ᓂᐊᖂᔭᓕᐅᕈᓐᓇᕐᓯᓇᑎᒃ.

ᒨᓯᓯ ᐂᑉᐸᖏᑦ 13:3

ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ.

ᒨᓯᓯ ᐂᑉᐸᖏᑦ 13:9

ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᒨᓯᓯ ᐂᑉᐸᖏᑦ 15:6

ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐱᔪᓐᓇᕐᓂᕐᔪᐊᖃᕐᐳᑦ, ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐊᑭᕋᕐᑐᕐᑎᓂᒃ ᓯᖁᒥᑦᑎᕗᑦ.

ᒨᓯᓯ ᐂᑉᐸᖏᑦ 4:21

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐄᑦᔨᑉᑎᒧᑦ ᐅᑎᕈᕕᑦ, ᑲᒪᑦᓯᐊᕐᓂᐊᕐᐳᑎᑦ ᐱᓇᓱᐊᕐᑐᒃᓴᐅᒐᕕᑦ ᐰᕉᑉ ᓵᖓᓂ ᑕᒤᓐᓂᒃ ᑲᒪᓇᕐᑐᓕᓂᕐᓂᒃ ᑐᓂᓚᐅᕐᑕᓐᓂᒃ ᐃᓕᖕᓄᑦ, ᐰᕉᓕ ᓯᑎᔫᑎᓐᓂᐊᕐᐸᕋ, ᐃᓄᒋᐊᒃᑐᕐᔪᐊᓂᒃ ᐊᐅᓪᓚᖁᔨᖁᓇᒍ.

ᒨᓯᓯ ᐂᑉᐸᖏᑦ 6:1

ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᑕᑯᓂᐊᕐᐳᑎᑦ ᐰᕉᒧᑦ ᖃᓄᐃᓕᐅᕐᓂᕆᓂᐊᕐᑕᓐᓂᒃ; ᐱᔪᓐᓇᕐᓂᕐᔪᐊᒥᓄᑦ ᐃᓄᖁᑎᒃᑲ ᐊᐅᓪᓚᕐᑎᓐᓂᐊᕐᐰᑦ, ᐱᔪᓐᓇᕐᓂᕐᔪᐊᒥᓄᑦ ᓄᓇᒥᓂᑦ ᐊᐅᓪᓚᕐᑎᓐᓂᐊᕐᐰᑦ.”

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᒨᓯᓯ ᐂᑉᐸᖏᑦ 9:15

ᒫᓐᓇᒧᑦ ᑎᑭᓪᓗᒍ ᓱᒋᐊᕋᓱᐊᕋᔭᓚᐅᕈᒃᑭᑦ ᐃᓄᖁᑎᑎᓪᓗ ᐋᓐᓂᐊᓇᕐᑐᒧᑦ, ᑕᕝᕙ ᒫᓐᓇ ᑕᒫᓐᖓᑦ ᓄᓇᒥᑦ ᐲᕐᑕᐅᓯᒪᔪᑐᖃᐅᓕᕋᔭᕐᐳᑎᑦ;

ᐂᓮᐊᓯᐅᑉ ᐊᒡᓚᖏᑦ 19:22

ᐊᑕᓂᐅᑉ ᓱᒋᐊᕈᒫᕐᐰᑦ ᐄᑦᔨᑉᑎᒥᐅᑦ, ᓱᒋᐊᕐᓗᒋᑦ ᐋᖅᑭᒃᓱᕐᓗᒋᓪᓗ; ᐊᑕᓂᕐᒧᑦ ᐅᑎᕈᒫᕐᐳᑦ, ᑐᒃᓯᐊᕐᓂᖏᓪᓗ ᑐᓴᕐᓗᒋᑦ ᐋᖅᑭᒍᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 20:33

“ᐊᑕᓂᖅ ᒎᑎ ᐅᖃᕐᐳᖅ, ᐅᕙᓐᓂᓪᓚᕆᒃ ᐱᔪᒥᒃ, ᐅᖃᐅᑎᕙᑦᓯ ᐊᐅᓚᑦᓯᓛᕐᐳᖓ ᑕᓕᓐᓄᑦ ᓴᓐᖏᔪᒧᑦ, ᓂᓐᖓᐅᓯᕐᒥᒃ ᐃᓚᖃᕐᑐᒧᑦ, ᐊᖓᔪᖅᑳᕐᔪᐊᖑᓛᕋᒪ ᐃᓕᑦᓯᓐᓄᑦ.

ᒤᑲᐅᑉ ᐊᒡᓚᖏᑦ 7:15

ᑍᑦᓱᒪᓂ ᐅᓪᓗᓂ ᐊᐅᓪᓚᓚᐅᕋᑦᓯ ᐄᑦᔨᑉᑎᒥᑦ, ᑍᒫᒃᑕᐅᖅ ᑖᒃᑯᐊ ᑲᒪᓇᕐᑐᓂᒃ ᑕᑯᔪᒫᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:36

ᑖᑦᓱᒪ ᐃᓄᐃᑦ ᐊᐅᓪᓚᕈᑎᓚᐅᕐᐰᑦ ᐄᑦᔨᑉᑎᒥᑦ, ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᖃᑦᑕᕐᓗᓂ ᐄᑦᔨᑉᑎᒥ, ᐃᒪᕐᒥ ᐊᐅᐸᓗᒃᑕᒥ, ᓄᓇᒥᓗ ᐃᓄᖃᖏᑦᑐᒥ ᐊᕐᕌᒍᑦ 40 ᓈᓪᓗᒋᑦ.

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᒨᓯᓯ ᑕᓪᓕᒪᖏᑦ 6:22

ᓇᖕᒥᓂᖅ ᑕᑯᓐᓇᕐᑎᓪᓗᑕ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐊᖏᔪᕐᔪᐊᓂᒃ ᑲᑉᐱᐊᓇᕐᑐᓂᒡᓗ ᐱᓇᓱᐊᖃᑦᑕᓚᐅᕐᐳᖅ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᖓᓄᓪᓗ ᐊᖓᔪᖅᑳᖁᑎᖏᓐᓄᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 6:8

ᐊᑕᓂᐅᑉ ᑎᓕᓯᕕᒋᓚᐅᕐᐰᑦ ᐅᖃᕐᑎᒥᓂᒃ ᐃᓴᕆᐊᓕᒥᐅᓄᑦ; ᐅᖃᐅᑎᓪᓗᒋᑦ, ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᐳᖅ: “ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ ᓯᐊᓛᖑᕕᒋᓚᐅᕐᑕᑦᓯᓐᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 8:16

ᑕᕝᕙ ᑎᒍᓯᓚᐅᕐᐳᖅ ᑲᑭᓪᓚᐅᑎᓕᖕᓂᒃ ᐅᕐᐱᖕᓂᒡᓗ ᐃᓄᖃᖏᑦᑐᒥᑦ ᐱᔭᕕᓂᕐᒥᓂᒃ ᐋᓐᓂᕐᑎᕆᑦᔪᑎᒋᓪᓗᒋᓪᓗ ᓱᑰᑎᒥᐅᑦ ᐊᖓᔪᖅᑳᖏᓐᓂᒃ.