ᒨᓯᓯ ᐂᑉᐸᖏᑦ 3:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ “ᐃᓄᖁᑎᒃᑲᓗ ᓈᓚᖕᓂᐊᕐᐳᑦ ᐅᖃᐅᓯᕆᔭᓐᓂᒃ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐱᖃᑎᒋᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄ ᐂᓂᐊᕐᐳᓯ, ᐅᖃᐅᑎᓗᒍᓗ, ᐊᑕᓂᖅ ᐄᑉᕉᒥᐅᑦ ᒎᑎᖓᑦᑕ ᓴᖅᑭᕝᕕᒋᓯᒪᖕᒪᑎᒍᑦ ᐊᐅᓪᓚᕈᓐᓇᕐᑎᑎᒍᑦ ᐃᖏᕐᕋᔭᕆᐊᖃᕋᑦᑕ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ.

ᒨᓯᓯ ᐂᑉᐸᖏᑦ 3:18 Iomraidhean Croise

ᒨᓯᓯ ᓯᕗᓪᓖᑦ 12:1

ᐊᑕᓂᖅ ᐂᑉᕋᒻᒧᑦ ᐅᖃᕐᐳᖅ, “ᓄᓇᖕᓂᑦ ᐊᐅᓪᓚᕆᑦ ᐃᓚᑎᓪᓗ ᐊᑖᑕᒃᑯᑎᓪᓗ ᕿᒻᒪᒡᓗᒋᑦ, ᑕᑯᑎᑦᓱᒫᕐᐸᒋᑦ ᓄᓇᒥᒃ ᐅᐸᖕᓂᐊᕐᑕᕐᓂᒃ.

ᒨᓯᓯ ᓯᕗᓪᓖᑦ 14:13

ᐃᓚᖓᓪᓕ ᕿᒪᒃᓯᓪᓗᓂ ᐊᓐᓇᓚᐅᕐᑐᖅ ᑎᑭᑉᐳᖅ, ᑕᒪᓐᓇᓗ ᑕᒪᕐᒥᒃ ᐅᖃᐅᓯᕆᕚ ᐂᑉᕋᒻᒧᑦ ᐄᑉᕉᒧᑦ, ᓄᓇᖃᕐᑐᖅ ᐆᒃᓂᒃ ᓇᐹᕐᑐᖃᕐᑑᑉ ᖃᓂᒋᔮᓂ ᒪᒻᕆᒧᑦ ᐱᖁᑎᒋᔭᐅᔪᓄᑦ ᐊᒧᕅᑎᒧᑦ, ᖃᑕᓐᖑᑎᖏᓪᓗ ᐃᔅᑯᓪ ᐊᓂᕆᓗ; ᑖᒃᑯᐊ ᐂᑉᕋᐅᑉ ᑕᐱᕆᓚᐅᕐᐰᑦ.

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᒨᓯᓯ ᓯᕗᓪᓖᑦ 17:1

ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.

ᒨᓯᓯ ᓯᕗᓪᓖᑦ 48:3

ᔧᑰᓪᓗ ᔫᓯᐱ ᐅᖃᐅᑎᕚ, “ᒎᑎ ᐊᔪᒐᖃᖏᑦᑐᖅ ᐅᕙᓐᓄᑦ ᓴᖅᑭᓚᐅᕐᒪᑦ ᓄᓇᒥ ᓚᔾᒥ ᑬᓇᓂᐅᑉ ᓄᓇᖓᓂ ᓮᒻᒪᕐᑎᓚᐅᕐᐹᖓᓗ,

ᑯᕉᓂᑲ ᐂᑉᐸᖏᑦ 30:12

ᒎᑎᐅᓪᓗ ᐱᔪᓐᓇᕐᓂᖓᑕ ᑎᑭᑉᐰᑦ ᔫᑕᒥᐅᑦ ᐊᑕᐅᓯᕐᒥᒃ ᐆᒻᒪᑎᑖᕐᑎᓪᓗᒋᑦ ᐊᖓᔪᖅᑳᕐᔪᐊᑉ ᐊᖓᔪᖅᑳᓪᓗ ᐱᖁᔨᓂᖏᓐᓂᒃ ᒪᓕᖁᓪᓗᒋᑦ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 110:3

ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 17:5

ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ, “ᐃᓴᕆᐊᓕᒥᐅᑦ ᐊᖓᔪᖅᑳᖏᑕ ᐃᓚᖏᓐᓂᒃ ᒪᓕᒃᑎᖃᕐᓗᑎᑦ ᐃᓄᐃᑦ ᖄᖏᕐᓗᒋᑦ ᓯᕗᓂᖓᓐᓂ ᐅᐸᒃᑕᖓᓄᓐᖓᐅᒋᑦᓯ. ᕿᔪᒡᓗ ᓇᒃᓴᕐᓗᒍ ᑰᖕᒥᒃ ᓁᐅᓪᒥᒃ ᐊᓇᐅᓯᑦᔪᑎᒋᓚᐅᕐᑕᑦ.

ᒨᓯᓯ ᐂᑉᐸᖏᑦ 19:1

ᐃᓴᕆᐊᓕᒥᐅᑦ ᑕᖕᒫᕐᓯᒪᕕᒋᔭᑎᒃ ᕌᐱᑎ ᕿᒪᒃᐹᑦ. ᑕᖅᑮᓪᓗ ᐱᖓᔪᐊᑦᑕ ᐅᓪᓗᖏᑕ ᓯᕗᓪᓖᕐᐸᖓᓐᓂ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓯᒪᓂᕆᔭᖓᑦᑕ ᑭᖑᓂᖓᓂ ᖃᖅᑲᐅᑉ ᓮᓁᑉ ᓯᐅᕅᓐᓇᐅᓂᖓᓄᐊᕐᐳᑦ.

ᒨᓯᓯ ᐂᑉᐸᖏᑦ 25:22

ᑕᕝᕙᓂᓗ ᐃᓕᖕᓄᑦ ᓴᖅᑭᕈᒫᕐᐳᖓ, ᑖᑦᓱᒪᓗ ᒪᑑᑉ ᖄᖓᓂ ᓯᕈᐲᒻᖑᐊᒃ ᐊᑯᓐᓂᖓᓂᑦ ᐱᖁᔭᓕᒫᓐᓂᒃ ᑐᓂᓯᕕᒋᔪᒫᕐᐸᒋᑦ, ᐃᓴᕆᐊᓕᒥᐅᓕᒫᓄᑦ ᑐᕌᖓᓂᐊᕐᑐᓂᒃ.”

ᒨᓯᓯ ᐂᑉᐸᖏᑦ 3:12

ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”

ᒨᓯᓯ ᐂᑉᐸᖏᑦ 3:16

ᐊᑏ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᑲᑎᒪᑎᑦᓴᕐᑐᓚᐅᒃᑭᑦ ᐅᖃᐅᑎᓗᒋᓪᓗ, ᐅᕙᖓ ᐊᑕᓂᖅ ᓯᕗᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓ ᓴᖅᑭᓚᐅᕐᓂᕋᕐᓗᖑ ᐃᓕᖕᓄᑦ. ᐅᖃᐅᑎᓗᒋᓪᓗ ᑎᑭᕝᕕᒋᕙᒃᑲ ᖃᐅᔨᓪᓗᖓᓗ ᐄᑦᔨᑉᑎᒥᐅᓄᑦ ᖃᓄᐃᓕᐅᕐᑕᐅᓂᖏᓐᓂᒃ.

ᒨᓯᓯ ᐂᑉᐸᖏᑦ 30:36

ᐃᓚᖏᑦ ᑲᑦᔪᒡᓗᒋᑦ ᓯᖃᓪᓕᔭᒃᓴᕆᕙᑎᑦ ᓯᖃᓕᑦᓯᐊᕐᓗᒋᑦ ᐳᔪᕋᕐᑎᑐᑦ, ᑐᐱᕐᒧᐊᕈᑎᔭᒃᓴᕆᕙᑦ ᓇᔪᒐᓐᓄᑦ, ᑲᓐᖓᕐᓲᑎᒋᔭᒃᓴᕆᕙᓪᓗ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓄᑦ. ᑕᒪᑐᒪᓗ ᐃᓯᕐᓗᐊᕐᓂᑎᑕᒃᓴᐅᑉ ᐃᑦᔪᕐᓁᑦᑐᒻᒪᕆᐅᓂᖓ ᐃᒃᐱᒋᔭᒃᓴᕆᕙᑦ.

ᒨᓯᓯ ᐂᑉᐸᖏᑦ 30:6

ᑐᓂᕐᕈᓯᕐᕕᒡᓗ ᑖᓐᓇ ᐃᓂᖃᕐᑎᑕᒃᓴᕆᕙᑦ ᑖᓗᑕᐅᑉ ᓂᕕᖓᔫᑉ ᓯᓚᑖᓂ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᐃᓂᒋᔭᖓᑕ ᓯᕗᕌᓂ, ᑕᕝᕙᓂ ᐃᓕᖕᓄᑦ ᕾᓗᖓ ᑲᑎᓂᐊᕋᒃᑭᑦ.

ᒨᓯᓯ ᐂᑉᐸᖏᑦ 4:1

ᑕᕝᕙ ᒨᓯᓯ ᑭᐅᕗᖅ ᐅᖃᕐᓗᓂᓗ, “ᑕᑯᒋᑦ ᑍᒃᑯᐊ ᐅᕙᓐᓂᒃ ᐅᒃᐱᕈᓱᖕᓂᐊᓐᖏᓚᑦ, ᓂᐱᒐᓗ ᓈᓚᒍᒪᑦᔮᓐᖏᓛᑦ, ᐅᖃᕋᔭᕐᐳᓪᓕ, ‘ᐊᑕᓂᖅ ᓴᖅᑭᓚᐅᓐᖏᓚᖅ ᐃᓕᖕᓄᑦ.’”

ᒨᓯᓯ ᐂᑉᐸᖏᑦ 4:23

ᐅᖃᐅᑎᕙᒋᓪᓗ, ᐃᕐᓂᕋ ᐊᐅᓪᓚᕈᓐᓇᕐᑎᓚᐅᕈᒃ ᐱᔨᑦᓯᕈᓐᓇᖁᓪᓗᒍ ᐅᕙᓐᓂᒃ. ᐊᐅᓪᓚᖁᓂᐊᖏᒃᑯᕕᐅᒃ, ᑕᕝᕙ ᐊᖓᔪᒃᓯᕐᐹᖁᑏᑦ ᐃᕐᓃᑦ ᑐᖁᑎᓐᓂᐊᕐᐸᕋ.’”

ᒨᓯᓯ ᐂᑉᐸᖏᑦ 4:24

ᓯᓂᒃᑕᕐᕕᒋᔭᖓᓂᓕ ᐄᑦᔨᑉᑎᒧᐊᕐᐸᓪᓕᐊᓕᕐᑎᓪᓗᒋᑦ, ᐊᑕᓂᐅᑉ ᒨᓯᓯ ᐅᐸᒃᐹ ᑐᖁᓐᓇᓱᐊᕈᒪᓪᓗᒍ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᒨᓯᓯ ᐂᑉᐸᖏᑦ 5:1

ᑕᒪᑐᒪᓕ ᑭᖑᓂᖓᒍᑦ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ ᐅᖃᕐᓗᑎᒡᓗ, “ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᐳᖅ, ‘ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᖁᕕᐊᓱᖃᑎᒌᒡᓗᑎᒃ ᐃᓄᖃᖏᑦᑐᒥ ᓂᕆᖃᑎᒌᒍᓐᓇᖁᓪᓗᒋᑦ ᐱᑦᔪᑎᒋᓗᖓ.’”

ᒨᓯᓯ ᐂᑉᐸᖏᑦ 5:3

ᑖᒃᑯᐊᒡᓕ ᑭᐅᕘᒃ, “ᐄᑉᕈᐃᑦ ᒎᑎᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᖅ; ᑍᒤᒻᒪᑦ ᐊᐅᓪᓚᕈᓐᓇᕐᑎᓚᐅᕐᑎᒍᑦ ᐅᓪᓗᓂᒃ ᐱᖓᓱᓂᒃ ᐃᖏᕐᕋᖁᓪᓗᑕ ᐃᓄᖃᖏᑦᑐᒧᑦ, ᑕᕝᕙᓂᓗ ᐊᑕᓂᕐᒧᑦ ᒎᑎᑦᑎᓐᓄᑦ ᑐᖁᑕᒃᓴᒥᒃ ᑐᓂᕐᕈᓯᕈᓐᓇᖁᓪᓗᑕ, ᑍᒤᓕᐅᕐᓂᐊᖏᒃᑯᑦᑕ ᖃᓂᒪᓇᕐᑐᒧᑦ ᑎᑭᑕᐅᑎᑐᐃᓐᓇᕆᐊᖃᕐᒪᑎᒍᑦ ᐅᕝᕙᓗ ᑐᖁᑕᐅᑎᓪᓗᑕ ᐅᓇᑕᕐᓂᒃᑯᑦ.”

ᒨᓯᓯ ᐂᑉᐸᖏᑦ 7:16

ᑖᑦᓱᒧᖓᓗ ᐅᖃᕐᑐᒃᓴᐅᕗᑎᑦ, ‘ᐊᑕᓂᐅᑉ ᐄᑉᐳᕈᐃᒃᑯᑦ ᒎᑎᖓᑦᑕ, ᑖᑦᓱᒪ ᐃᓕᖕᓄᑦ ᑎᓕᕚᖓ, ᐅᖃᕆᐊᕐᑐᖁᓪᓗᖓ, “ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐃᓄᖃᖏᑦᑐᒥ ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ; ᑭᓯᐊᓂᓕ ᓱᓕ ᑕᒪᑐᒥᖓ ᓈᓚᓚᐅᓐᖏᓚᑎᑦ.”

ᒨᓯᓯ ᐂᑉᐸᖏᑦ 8:1

ᐊᑕᓂᖅ ᑕᕝᕙ ᐅᖃᕐᐳᖅ ᒨᓯᓯᒧᑦ, “ᐰᕉ ᐅᐸᒡᓗᒍ ᐅᖃᐅᑎᔭᕐᑐᓚᐅᕈᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓄᑦ ᑐᒃᓯᐊᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 8:20

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᖃᐅᒃᐸᑦ ᐅᓪᓛᒻᒪᕆᒃᑯᑦ ᒪᑭᓪᓗᑎᑦ ᐰᕉᒥᒃ ᐅᑕᖅᑭᔭᕐᑐᕐᓂᐊᕐᐳᑎᑦ, ᑰᖕᒧᑦ ᐃᒫᓄᕆᐊᕐᑐᓕᕐᐸᑦ, ᐅᖃᐅᑎᓗᒍᓗ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓄᑦ ᑐᒃᓯᐊᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 8:23

ᐊᕕᒃᓯᒪᑎᑦᓯᓂᐊᕐᐳᖓᓗ ᐃᓄᖁᑎᓐᓂᒃ ᐃᓄᖁᑎᑦᓯᓐᓂᑦ, ᑕᒪᓐᓇᓗ ᖃᐅᒃᐸᑦ ᓇᓗᓁᒃᑯᑕᖅ ᐱᒋᐊᕐᑎᓐᓂᐊᕐᐸᕋ.’”

ᒨᓯᓯ ᐂᑉᐸᖏᑦ 9:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐰᕉᒧᐊᓕᕆᑦ ᐅᖃᐅᑎᓗᒍᓗ, ‘ᐊᑕᓂᖅ ᐅᑲᕐᐳᖅ ᐃᒫᒃ, ᐄᑉᕈᐃᑦ ᒎᑎᖓᑦ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐱᔨᑦᓯᕈᓐᓇᖁᓪᓗᒋᑦ ᐅᕙᓐᓂᒃ.

ᒨᓯᓯ ᐂᑉᐸᖏᑦ 9:13

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᖃᐅᒃᐸᑦ ᐅᓪᓛᕌᕐᔪᒃᑯᑦ ᒪᑭᓪᓗᑎᑦ ᐰᕉ ᐅᐸᓛᕐᐸᑦ, ᐅᖃᐅᑎᓗᒍᓗ; ᐊᑕᓂᖅ ᐄᑉᕈᐃᑦ ᒎᑎᖓᑦ ᐃᒫᒃ ᐅᖃᕐᐳᖅ, ‘ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 64:5

ᑲᑎᓯᓲᖑᕗᑎᑦ ᖁᕕᐊᒋᓪᓗᒍ ᐃᓱᐊᕐᑐᒦᑦᓱᒪᔪᓂᒃ, ᑖᒃᑯᓄᖓ ᐱᓂᐊᕐᓯᒪᔭᕐᓂᒃ ᐃᖅᑲᐅᒪᔪᓄᑦ, ᑕᑯᒋᑦ ᓂᓐᖓᓚᐅᕐᐳᑎᑦ ᐊᔪᕐᑐᓕᓚᐅᕋᑦᑕ; ᐊᑯᓂ ᐊᔪᕐᑐᓕᓂᕐᒦᓕᕋᑦᑕ; ᑕᕝᕙ ᐱᐅᓕᔭᐅᔭᕆᐊᖃᓕᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 2:2

ᐂᓕᕆᑦ ᐅᖃᕆᐊᕐᑐᕐᓗᑎᓪᓗ ᔨᕉᓴᓕᒥᐅᑦ ᑐᓵᑎᓪᓗᒋᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᐃᖅᑲᐅᒪᕗᖓ ᐃᓅᓱᒃᑑᑎᓪᓗᑎᑦ ᐅᒃᐱᑦᓯᐊᓚᐅᕋᕕᑦ, ᐅᕙᓐᓄᓪᓗ ᑲᑎᑎᑕᐅᖃᑎᖃᕋᑖᕐᓗᑎᑦ ᓇᒡᓕᒍᓱᖕᓂᖃᑦᓯᐊᓚᐅᕋᕕᑦ; ᒪᓕᑦᓯᐊᓚᐅᕐᐸᕐᒪᓗ ᐃᓄᖃᔪᐃᑦᑐᒃᑯᑦ ᐱᕈᕐᑐᖃᖏᑦᑐᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 2:6

ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.

ᔨᕆᒤᐊᐅᑉ ᐊᒡᓚᖏᑦ 26:5

ᐅᖃᕐᑎᒪᓗ ᐅᖃᐅᓯᕆᔭᖏᑦ ᓈᓚᖏᒃᑯᑦᓯᐅᒃ, ᐃᓕᑦᓯᓐᓄᑦ ᑎᓕᖃᑦᑕᕐᓯᒪᔭᒪ ᐅᖃᐅᓯᖏᑦ ᓈᓚᓚᐅᖏᓐᓇᑦᓯᐅᒃ.

ᒨᓯᓯ ᓯᑕᒪᖏᑦ 17:4

ᐃᓕᓂᐊᕐᐸᓯᓗ ᑐᐱᕐᔪᐊᒧᑦ ᑲᑎᒪᕕᖕᒧᑦ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᓵᖓᓂ, ᑕᕝᕙᓂ ᑲᑎᓂᐊᕋᑦᓯ.

ᔮᓱᐊᑉ ᐊᒡᓚᖏᑦ 1:17

ᑍᒫᑦᓮᓐᓇᖅ ᒨᓯᓯ ᓈᓚᓚᐅᕋᑦᑎᒍᑦ ᓱᓇᓕᒫᓄᑦ, ᑍᒫᒃᑕᐅᖅ ᐃᓕᖕᓂᒃ ᓈᓚᖕᓂᐊᕆᕗᒍᑦ ᐊᑕᓂᐅᑉ ᒎᑎᕕᑦ ᐃᓚᒋᓕᑎᑦ, ᑍᒫᑦᓮᓐᓇᖅ ᒨᓯᓯ ᐃᓚᒋᓚᐅᕐᒪᒍ.