ᒨᓯᓯ ᐂᑉᐸᖏᑦ 3:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑎᓕᔪᒪᓕᕐᐸᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓄᑦ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᑕᐅᖁᓪᓗᒋᑦ ᓄᓇᖁᑎᖓᓐᓂᑦ.”

ᒨᓯᓯ ᐂᑉᐸᖏᑦ 3:10 Iomraidhean Croise

ᒨᓯᓯ ᓯᕗᓪᓖᑦ 15:13

ᑕᕝᕙ ᐊᑕᓂᐅᑉ ᐂᑉᕋᒻ ᐅᖃᐅᑎᕚ, “ᓱᓕᔪᒥᒃ ᖃᐅᔨᑦᓯᐊᕆᑦ ᑭᖑᕚᑎᑦ ᓂᐅᕐᕈᐊᖑᔪᒫᕐᐳᑦ ᓄᓇᒥ ᓄᓇᒋᓐᖏᑕᒥᖕᓂ; ᑕᕝᕙᓂᓗ ᓄᓇᒥ ᓯᐊᓛᕆᔭᐅᔪᒫᕐᐳᑦ, ᐅᖁᒤᒃᓴᕐᑎᑕᐅᔪᒫᕐᓗᑎᒡᓗ ᐊᕐᕌᒍᓂᒃ 400ᓂᒃ;

ᒨᓯᓯ ᓯᕗᓪᓖᑦ 15:14

ᑖᒃᑯᐊᓕ ᓱᒋᐊᕈᒫᕐᐸᒃᑲ ᐃᓅᖃᑎᒌᒡᔪᐊᑦ ᑖᒃᑯᓂᖓ ᓯᐊᓛᖃᕐᑐᑦ, ᑕᕝᕙᓐᖓᓪᓗ ᓄᓇᒥᑦ ᓄᓇᒋᓐᖏᑕᒥᖕᓂᑦ ᐊᐅᓪᓚᓕᕈᑎᒃ, ᐊᔪᕐᓴᖏᑦᔪᑎᕐᔪᐊᓂᒃ ᓇᒃᓴᕈᒫᕐᐳᑦ.

ᐃᓐᖏᕈᑎᑦ 105:26

ᑖᑦᓱᒪ ᐱᔨᓂ ᒨᓯᓯ ᑎᓕᓚᐅᕐᐹ, ᐂᕉᓂᓗ ᓂᕈᐊᕐᓯᒪᔭᓂ.

ᐃᓐᖏᕈᑎᑦ 77:20

ᐃᓄᖁᑎᑎᑦ ᓰᐱᑎᑐᑦ ᑲᑎᓐᖓᔪᑎᑐᑦ ᑕᓯᐅᓚᐅᕐᐸᑎᑦ ᒨᓯᓯᐅᑉ ᐂᕉᓂᐅᓪᓗ ᐊᐅᓚᑦᓯᓂᖏᑦ ᐊᑐᕐᓗᒋᑦ.

ᒨᓯᓯ ᐂᑉᐸᖏᑦ 12:40

ᐃᓴᕆᐊᓕᒥᐅᓪᓗ ᐄᑦᔨᑉᑎᒦᓚᐅᕐᐳᑦ ᐊᕐᕌᒍᓂᒃ 430ᓂᒃ.

ᒨᓯᓯ ᐂᑉᐸᖏᑦ 12:41

ᑖᒃᑯᐊ ᐊᕐᕌᒍᑦ 430 ᓈᑎᓪᓗᒋᑦ ᐃᓅᖃᑎᒌᑦ ᐊᑕᓂᐅᑉ ᐃᓄᖁᑎᒋᔭᖏᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᔪᐃᓐᓇᐅᓕᓚᐅᕐᐳᑦ.

ᒨᓯᓯ ᐂᑉᐸᖏᑦ 33:12

ᒨᓯᓯ ᐊᑕᓂᕐᒧᑦ ᐅᖃᕐᐳᖅ, “ᓱᓕᓚᐅᕐᐲᑦ ᐅᕙᓐᓄᑦ ᐅᖃᓚᐅᕋᕕᑦ ᐅᑯᐊ ᐃᓄᐃᑦ ᐅᕙᓐᓄᑦ ᑕᓯᐅᕐᑕᐅᖁᓂᕋᕐᓗᒋᑦ ᐊᕗᖓ ᓄᓇᒧᑦ, ᑭᓯᐊᓂᓕ ᐅᕙᓐᓄᑦ ᐅᖃᓚᐅᕐᓯᒪᖏᑦᑐᑎᑦ ᑭᓇᒥᒃ ᐱᖃᑎᖃᕐᑐᒃᓴᐅᖕᒪᖔᕐᒪ. ᐅᕙᓐᓄᓪᓗ ᐅᖃᕐᓯᒪᔪᑎᑦ ᖃᐅᔨᒪᑦᓯᐊᕐᓂᕋᕐᓗᑎᑦ ᐅᕙᓐᓂᒃ ᖁᕕᐊᒋᔭᖃᕐᓂᕋᕐᓗᑎᓪᓗ.

ᒨᓯᓯ ᐂᑉᐸᖏᑦ 33:13

ᒫᓐᓇᓕ ᑕᒪᓐᓇ ᓱᓕᒃᐸᑦ, ᐅᕙᓐᓂᒡᓗ ᖁᕕᐊᒋᔭᖃᓪᓚᕆᒃᑯᕕᑦ, ᐃᓱᒪᒋᓯᒪᔭᕐᓂᒃ ᐅᖃᐅᑎᓚᐅᓐᖓ ᐃᓕᖕᓂᒃ ᐱᔨᑦᓯᑦᓯᐊᕈᓐᓇᖁᓪᓗᖓ ᐃᓕᖕᓄᓪᓗ ᖁᕕᐊᒋᔭᐅᖏᓐᓇᖁᓪᓗᖓ. ᐃᖅᑲᐅᒪᓗᑎᑦᑕᐅᖅ ᐅᑯᐊ ᐃᓅᖃᑎᒌᒡᔪᐊᑦ ᓂᕈᐊᕐᓯᒪᒐᕕᒋᑦ ᓇᖕᒥᓂᖅ ᐃᓄᖁᑎᒋᔪᒪᓪᓗᒋᑦ.”

ᒨᓯᓯ ᐂᑉᐸᖏᑦ 6:26

ᑖᒃᑯᖕᓄᖓ ᑕᕝᕙ ᐂᕉᓂᒧᑦ ᒨᓯᓯᒧᓪᓗ ᐊᑕᓂᖅ ᐅᖃᓚᐅᕐᐳᖅ: “ᐃᓴᕆᐊᓕᒥᐅᑦ ᐃᓅᖃᑎᒌᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᓯᒋᒃ.”

ᕼᐆᓯᐊᑉ ᐊᒡᓚᖏᑦ 12:13

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᐊᑕᓂᐅᑉ ᐊᐅᓪᓚᐅᑎᓚᐅᕐᐹ ᐃᓴᕆᐊᓕ ᐄᑦᔨᑉᑎᒥᑦ, ᐅᖃᕐᑎᒥᒍᓪᓗ ᐰᕆᓚᐅᕐᐹ.

ᒤᑲᐅᑉ ᐊᒡᓚᖏᑦ 6:4

ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᓚᐅᕐᐸᑦᓯ, ᐅᑎᕐᑎᓪᓗᓯ ᓄᓇᒥᑦ ᑎᒍᔭᐅᓯᒪᕕᖕᒥᑦ. ᐃᓕᑦᓯᓐᓄᑦ ᑎᓕᓯᓚᐅᕐᐳᖓ ᒨᓯᓯᒥᒃ, ᐂᕉᓂᒥᒃ ᒥᕆᐊᒥᒥᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 7:34

ᑕᑯᓯᒪᕗᖓ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᓂᓪᓕᐊᓂᖏᓪᓗ ᑐᓴᕐᐸᒃᑲ, ᒫᓐᓇ ᐊᖅᑲᕐᐳᖓ ᓴᐳᑎᔭᕐᑐᕐᓗᒋᑦ. ᒫᓐᓇ ᕾᓕᕆᑦ, ᐄᑦᔨᑉᑎᒧᑦ ᑎᓕᔪᒪᒐᒃᑭᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 7:36

ᑖᑦᓱᒪ ᐃᓄᐃᑦ ᐊᐅᓪᓚᕈᑎᓚᐅᕐᐰᑦ ᐄᑦᔨᑉᑎᒥᑦ, ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᖃᑦᑕᕐᓗᓂ ᐄᑦᔨᑉᑎᒥ, ᐃᒪᕐᒥ ᐊᐅᐸᓗᒃᑕᒥ, ᓄᓇᒥᓗ ᐃᓄᖃᖏᑦᑐᒥ ᐊᕐᕌᒍᑦ 40 ᓈᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:6

ᐃᒫᒃ ᒎᑎᐅᑉ ᐅᖃᐅᑎᓚᐅᕐᐹ, ‘ᑭᖑᕚᒃᓴᑎᑦ ᐊᓯᒥᖕᓄᑦ ᓄᓇᒋᔭᐅᔪᒥ ᓄᓇᖃᕈᒫᕐᐳᑦ, ᑕᕝᕙᓂ ᐱᑦᓯᐊᕐᑕᐅᖏᓪᓗᑎᒃ ᓯᐊᓚᕆᔭᐅᔪᒫᕐᐳᑦ ᐊᕐᕌᒍᓂᒃ 400ᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:7

ᐃᓅᖃᑎᒌᒡᔪᐊᑦ ᓱᒋᐊᕈᒫᕐᐸᒃᑲ ᐃᓄᖁᑎᓐᓂᒃ ᓱᒃᑯᔨᐊᖃᕐᑐᑦ, ᑭᖑᓂᖓᒍᑦ ᑕᕝᕙᓐᖓᑦ ᐊᐅᓪᓚᕈᒫᕐᐳᑦ ᑕᒪᐅᖓ ᓄᓇᒋᓕᕐᑕᑦᓯᓐᓄᑦ, ᑕᕝᕙᓂ ᑐᒃᓯᐊᕐᕕᒋᖃᑦᑕᕈᒫᕐᐹᖓ.’

ᐃᓗᐊᕐᓮᔩᑦ ᐊᒡᓚᖏᑦ 6:14

ᐊᑕᓂᐅᓪᓕ ᓵᕝᕕᒋᓪᓗᒍ ᐅᖃᐅᑎᕚ, “ᐂᓕᕆᑦ ᐊᔪᖏᓐᓂᖅ ᒫᓐᓇ ᐱᔧᑦ ᐊᑐᕐᓗᒍ ᐃᓴᕆᐊᓕᒥᐅᑦ ᓴᐳᑎᔭᕐᑐᓕᒃᑭᑦ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓂᑦ; ᐅᕙᖓ ᒫᓐᓇ ᑎᓕᕙᒋᑦ.”

ᓴᒧᐃᓕ ᓯᕗᓪᓖᑦ 12:6

ᓴᒧᐃᓕᐅᓪᓗ ᐃᓄᐃᑦ ᐅᖃᐅᑎᕔᑦ, “ᐊᑕᓂᖅ ᖃᐅᔨᒪᔨᑕᐅᓂᐊᕐᐳᖅ ᑖᓐᓇ ᒨᓯᓯᒥᒃ ᐂᕉᓂᒥᒡᓗ ᑎᓕᓯᓚᐅᕐᑐᖅ ᓯᕗᓕᑦᓯᓐᓂᒃ ᑕᓯᐅᕐᓯᓗᑎᒃ ᐊᐅᓪᓚᕈᑦᔨᖁᓪᓗᒋᒃ ᐄᑦᔨᑉᑎᒥᑦ.

ᓴᒧᐃᓕ ᓯᕗᓪᓖᑦ 12:8

ᔧᑯᒃᑯᑦ ᐃᓚᒌᑦ ᐄᑦᔨᑉᑎᒧᐊᕐᒪᑕ ᐄᑦᔨᑉᑎᒥᐅᓂᑦ ᐊᒃᓱᕈᕐᑎᑕᐅᓚᐅᕐᐳᑦ, ᐊᑕᓂᕐᒧᓪᓗ ᐃᓗᖏᕐᓱᕐᓗᑎ ᑐᒃᓯᐊᕐᒪᑕ ᐃᑲᔪᕐᑕᐅᔪᒪᓪᓗᑎᒃ, ᐊᑕᓂᐅᑉ ᑎᓕᓯᕕᒋᓚᐅᕐᐰᑦ ᒨᓯᓯᒥᒃ ᐂᕉᓂᒥᒡᓗ, ᑖᒃᑯᐊᒃ ᓯᕗᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᐴᒃ ᐄᑦᔨᑉᑎᒥᑦ, ᓄᓇᑖᕐᑎᓪᓗᒋᓪᓗ ᑕᒫᓂ ᓄᓇᒥ.