ᒨᓯᓯ ᐂᑉᐸᖏᑦ 29:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑕᕝᕙ ᓇᐹᕐᑑᑉ ᐅᕐᓱᖓ ᑎᒍᓗᒍ, ᓂᐊᖁᖓᓄᑦ ᑯᕕᔭᒃᓴᕆᕙᑦ, ᒥᖑᐊᕐᓗᒍᓗ ᑕᒪᑐᒧᖓ.

ᒨᓯᓯ ᐂᑉᐸᖏᑦ 29:7 Iomraidhean Croise

ᐃᓐᖏᕈᑎᑦ 133:2

ᓇᐹᕐᑑᑉ ᐅᕐᓱᖓᑎᑐᑦ ᐱᔪᒥᓇᕐᑐᑐᑦ ᑍᒤᑉᐳᖅ, ᐂᕉᓂᐅᑉ ᓂᐊᖁᐊᓄᑦ ᑯᕕᔭᐅᔪᑎᑐᑦ ᑰᒐᕐᑐᑐᓪᓗ ᐅᒥᖏᑎᒍᑦ, ᐊᓐᓄᕌᖏᑕ ᑭᒡᓕᖓᓄᑦ ᑯᑐᒡᓗᓂ ᑎᑭᐅᑎᔪᑎᑐᑦ!

ᐃᓐᖏᕈᑎᑦ 89:20

ᐱᔨᒐ ᑍᕕᑎ ᓇᒡᕚᕐᓯᒪᕙᕋ; ᐅᕐᓱᒧᑦ ᐃᑦᔪᕐᓁᑦᑐᖁᑎᓐᓄᑦ ᐅᕐᓱᕐᑎᓚᐅᕐᐸᕋ.

ᒨᓯᓯ ᐂᑉᐸᖏᑦ 28:41

ᐂᕉᓂ ᐊᖓᔪᐃᑦ ᐊᓐᓄᕌᕐᑕᒃᓴᕆᕙᑦ ᐃᕐᓂᖏᓪᓗ ᐃᓚᒋᓗᒋᑦ, ᓇᐹᕐᑑᓪᓗ ᐅᕐᓱᖓᓄᑦ ᒥᖑᐊᕐᓗᒋᑦ ᑐᓂᕐᕈᓯᕐᑎᑦᓯᔨᓐᖑᕐᑎᑕᒃᓴᕆᕙᑎᑦ, ᐃᑦᔪᕐᓁᑎᑕᒃᓴᕆᕙᑎᑦ ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᒃᑯᑦ.

ᒨᓯᓯ ᐂᑉᐸᖏᑦ 40:13

ᑕᕝᕙ ᐂᕉᓂ ᐊᓐᓄᕌᕐᑎᑕᒃᓴᕆᕙᑦ ᐊᓐᓄᕌᓂᒃ ᐃᑦᔪᕐᓁᑦᑐᓂᒃ, ᒥᖑᐊᕐᓗᒍᓗ ᐅᕐᓱᒧᑦ, ᑕᕝᕙ ᑍᒫᒃ ᐃᑦᔪᕐᓁᑎᑕᒃᓴᕆᕙᑦ, ᐅᕙᓐᓂᒃ ᐱᔨᑦᓯᕈᓐᓇᖁᓪᓗᒍ ᑐᓂᕐᕈᓯᕐᑎᑦᓯᔨᐅᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᒨᓯᓯ ᐱᖓᔪᖏᑦ 10:7

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓ ᕿᒪᒃᑍᓕᓯᐅᒃ, ᑐᖁᖁᓇᓯᒃ, ᐊᑕᓂᐅᑉ ᐅᕐᓱᖅ ᒥᖑᐊᕈᑎᖓ ᐃᓕᑦᓯᓐᓃᒻᒪᑦ.” ᑖᒃᑯᐊᒡᓗ ᒨᓯᓯᐅᑉ ᐅᖃᐅᓯᕆᔭᖓ ᒪᓕᒡᓗᒍ ᑍᒤᓕᐅᕐᐳᑦ.

ᒨᓯᓯ ᐱᖓᔪᖏᑦ 21:10

“ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ, ᑖᓐᓇ ᐅᕐᓱᒧᑦ ᓂᐊᖁᐊᒍᑦ ᑯᕝᕕᕆᔭᐅᓯᒪᔪᖅ ᓂᕈᐊᕐᑕᐅᓂᕐᒧᑦ, ᐊᑐᕈᓐᓇᕐᓯᑎᑕᐅᓯᒪᔪᕐᓗ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᖏᓐᓂᒃ, ᓄᔭᕙᓪᓗᓐᖑᕐᑎᓯᒪᔭᕆᐊᖃᓐᖏᓚᖅ ᐊᓐᓄᕌᒥᓂᒡᓘᓐᓃᑦ ᐊᓕᒃᓯᓯᒪᔭᕆᐊᖃᓐᖏᓚᖅ ᕿᒃᓵᖕᓂᕐᒧᑦ ᓇᓗᓁᒃᑯᑕᕆᓇᓱᐊᕐᓗᒋᑦ.

ᒨᓯᓯ ᐱᖓᔪᖏᑦ 21:12

ᑐᐱᕐᒥᒃ ᐃᑦᔪᕐᓁᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᖁᓇᒍ ᑕᕝᕙᓐᖓᑦ ᐊᓂᓗᓂ ᑐᖁᖓᔪᕐᑕᓕᖕᒧᓪᓗ ᐃᑎᕐᒥᓗᓂ ᐃᑦᔪᕐᓇᕐᓯᑎᒃᑲᔭᕐᒪᒍ, ᑖᓐᓇ ᓂᐊᖁᐊᒍᑦ ᐅᕐᓱᒥᒃ ᑯᕝᕕᕆᔭᐅᓯᒪᖕᒪᑦ ᓂᕈᐊᕐᑕᐅᓂᕐᒥᒍᑦ ᒎᑎᒥᓄᑦ. ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 7:35

ᑍᒫᒃ ᑕᕝᕙ ᐊᑕᓂᕐᒧᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᐅᑉ ᐃᓚᖓᓂᒃ ᑐᓂᓯᕕᐅᔭᕆᐊᖃᕐᑎᑕᐅᕗᑦ ᐃᑦᔪᕐᓁᑎᑕᐅᓂᖏᑕ ᐅᓪᓗᖓᓂᑦ ᐱᒋᐊᕐᓗᒋᑦ ᐂᕉᓂ ᐃᕐᓂᖏᓪᓗ ᐊᑕᓂᕐᒧᑦ ᑐᓂᔭᐅᓯᒪᖕᒪᑕ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᕐᑎᐅᖁᔭᐅᓪᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 4:14

ᐃᒫᒃ ᐅᖃᐅᑎᕚᖓ, “ᐅᑯᐊ ᑕᕝᕙ ᐊᖑᑏᒃ ᒪᕐᕉᒃ ᓂᕈᐊᕐᑕᐅᓯᒪᓪᓗᑎᒃ ᐅᕐᓱᒧ ᓂᐊᖁᖓᒍᑦ ᑯᕝᕕᕆᔭᐅᓯᒪᔫᒃ ᐊᑕᓂᕐᒥᒃ ᐱᔨᑦᓯᕐᑎᐅᖁᓪᓗᒋᑦ ᓄᓇᕐᔪᐊᓕᒫᒥ.”

ᒨᓯᓯ ᓯᑕᒪᖏᑦ 35:25

ᐃᓅᖃᑎᒌᒡᔪᐊᑦ ᓴᐳᑎᔭᕆᐊᖃᕐᐹᑦ ᐃᓄᐊᕐᑐᖅ ᐊᐅᖕᒥᒃ ᐊᑭᓂᐊᕈᒪᔪᒥᑦ, ᐃᓅᖃᑎᒌᒡᔪᐊᑦ ᐅᑎᕐᑎᑦᓴᕆᐊᖃᕐᐹᑦ ᐃᒡᓗᒐᓴᒡᔪᐊᓄᑦ ᕿᒫᕕᒃᓴᓄᑦ ᕿᒫᕕᒋᓯᒪᔭᖓᓄᑦ, ᑕᕝᕙᓂᓗ ᐃᓂᖃᓕᕐᓗᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐅᕐᓱᒧᑦ ᐃᑦᔪᕐᓁᑦᑐᒧᑦ ᒥᖑᐊᕐᑕᐅᓯᒪᔪᖅ ᑐᖁᓚᐅᖏᓐᓂᖓᓂ.

ᔪᐊᓇᓯᐅᑉ ᐊᒡᓚᖏᑦ 3:34

ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;

ᔪᐊᓇᓯ ᓯᕗᓪᓖᑦ 2:27

ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.