ᒨᓯᓯ ᐂᑉᐸᖏᑦ 29:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ ᑕᕝᕙᓂ ᐃᓴᕆᐊᓕᒥᐅᑦ ᐃᓄᖏᑦ ᑲᑎᔪᒪᕙᒃᑲ, ᑖᓐᓇᓗ ᐃᑦᔪᕐᓁᑎᑕᐅᓂᐊᕐᐳᖅ ᓇᔫᑎᓂᕐᒪ ᖃᐅᒻᒪᕆᖕᓂᖓᓄᑦ.

ᒨᓯᓯ ᐂᑉᐸᖏᑦ 29:43 Iomraidhean Croise

ᐊᑕᓃᑦ ᓯᕗᓪᓖᑦ 8:11

ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕈᓐᓁᓪᓕᓚᐅᕐᐳᑦ ᐱᓇᓱᐊᕐᑕᒥᖕᓂᒃ ᓄᕗᔭ ᐱᑦᔪᑎᒋᓪᓗᒍ; ᐊᑕᓂᐅᑉ ᓂᕐᑐᕐᓇᕐᓂᖓᑕ ᑕᑕᓚᐅᕐᒪᒍ ᐊᑕᓂᐅᑉ ᐃᒡᓗᖓ.

ᑯᕉᓂᑲ ᐂᑉᐸᖏᑦ 5:13

ᑎᑦᑐᓚᐅᓯᔭᕐᑏᑦ ᐃᓐᖏᕐᑏᓪᓗ ᐊᑕᐅᓯᐅᖃᑎᒌᒡᓗᑎᒃ ᑐᓴᕐᓴᐅᑎᑦᓯᔭᕆᐊᖃᓚᐅᕐᒪᑕ ᓂᐱᖃᕐᓗᑎᒃ ᐊᑕᐅᓯᒃᑯᑦ ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ ᐊᑕᓂᕐᒧᑦ), ᓂᐱᖅᑯᕐᑐᓪᓗᑎᒃ ᓂᓪᓕᐊᓕᕐᒪᑕ, ᑎᑦᑐᓚᐅᑎᓄᑦ ᓯᕙᓂᕋᐅᑎᓄᓪᓗ ᐊᓯᖏᓐᓄᓪᓗ ᓂᑦᔭᐅᑎᓄᑦ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᐅᖃᕐᓗᑎᒃ: “ᐊᑕᓂᖅ ᐱᐅᔫᕗᖅ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑑᕗᖅ ᐃᓱᖃᖏᑦᑐᒧᑦ.” ᑕᕝᕙ ᐃᒡᓗ, ᐊᑕᓂᐅᑉ ᐃᒡᓗᖓ ᑕᑕᑕᐅᕗᖅ ᓄᕗᔭᒧᑦ,

ᑯᕉᓂᑲ ᐂᑉᐸᖏᑦ 5:14

ᑐᓂᕐᕈᓯᕐᑎᑦᓯᔩᑦ ᑕᕝᕙ ᓇᖏᕈᓐᓁᓪᓕᕗᑦ ᐱᓇᓱᐊᕈᓐᓁᓪᓕᓪᓗᑎᒡᓗ ᓄᕗᔭᒧᑦ ᑎᑭᑕᐅᒐᒥᒃ; ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᑕ ᑕᑕᒻᒪᒍ ᒎᑎᐅᑉ ᐃᒡᓗᖓ.

ᒨᓯᓯ ᐂᑉᐸᖏᑦ 25:22

ᑕᕝᕙᓂᓗ ᐃᓕᖕᓄᑦ ᓴᖅᑭᕈᒫᕐᐳᖓ, ᑖᑦᓱᒪᓗ ᒪᑑᑉ ᖄᖓᓂ ᓯᕈᐲᒻᖑᐊᒃ ᐊᑯᓐᓂᖓᓂᑦ ᐱᖁᔭᓕᒫᓐᓂᒃ ᑐᓂᓯᕕᒋᔪᒫᕐᐸᒋᑦ, ᐃᓴᕆᐊᓕᒥᐅᓕᒫᓄᑦ ᑐᕌᖓᓂᐊᕐᑐᓂᒃ.”

ᒨᓯᓯ ᐂᑉᐸᖏᑦ 29:42

ᑕᒪᓐᓇᓗ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕐᓂᖅ ᑍᒫᓐᖓᑦ ᑲᔪᓯᑎᑕᐅᔪᒃᓴᐅᕗᖅ ᑭᖑᕚᓯᓐᓄᑦ ᑐᐱᐅᑉ ᐃᑎᕐᑕᕐᕕᖓᓂ ᐊᑕᓂᐅᑉ ᓵᖓᓂ, ᑕᕝᕙᓂ ᐃᓕᖕᓄᑦ ᕾᔪᒪᕗᖓ, ᑕᕝᕙᓂᓗ ᐅᖃᖃᑎᒋᓗᑎᑦ.

ᒨᓯᓯ ᐂᑉᐸᖏᑦ 29:44

ᑐᐱᕐᓗ ᑐᓂᕐᕈᓯᕐᕕᓕᒫᓪᓗ ᐃᑦᔪᕐᓁᑦᑐᓐᖑᕐᑎᓐᓂᐊᕐᐸᒃᑲ; ᐂᕉᓂᓗ ᐃᕐᓂᖏᓪᓗ ᐃᑦᔪᕐᓁᑦᑐᓐᖑᕐᑎᓪᓗᒋᑦ ᓴᓂᕐᕙᒃᑕᐅᑎᓐᓂᐊᕐᐸᒃᑲ ᑐᓂᕐᕈᓯᕐᑎᑦᓯᔨᐅᓕᖁᓪᓗᒋᑦ ᐅᕙᓐᓄᑦ.

ᒨᓯᓯ ᐂᑉᐸᖏᑦ 40:34

ᑕᕝᕙ ᑐᐱᖅ ᓄᕗᔭᐅᑉ ᐅᓕᒃᐹ ᐊᑕᓂᐅᓪᓗ ᓇᔫᑎᓂᖓᑕ ᖃᐅᒪᓂᖓᓄᑦ ᑐᐱᐅᑉ ᐃᓗᐊ ᓇᔪᕐᑕᐅᓕᕐᐳᖅ.

ᒨᓯᓯ ᐂᑉᐸᖏᑦ 40:35

ᒨᓯᓯᓗ ᑐᐱᐅᑉ ᐃᓗᐊᓄᐊᕆᐊᒃᓴᖅ ᐊᔪᓕᕐᐳᖅ, ᓄᕗᔭᒧᑦ ᓇᔪᕐᑕᐅᓕᕐᒪᑦ, ᐊᑕᓂᐅᓪᓗ ᓂᕐᑐᕐᓇᕐᓂᕐᔪᐊᖓᑕ ᑐᐱᖅ ᓇᔪᓕᕐᒪᒍ.

ᐂᓮᐊᓯᐅᑉ ᐊᒡᓚᖏᑦ 60:1

“ᒪᑭᓪᓗᓯ ᖃᐅᒪᓕᕆᑦᓯ; ᖃᐅᒻᒪᖅᑯᑎᓯ ᑎᑭᒻᒪᑦ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᑕ ᖃᐅᒻᒪᒡᕕᒋᖕᒪᓯ.

ᐃᓯᑭᐊᓕᐅᑉ ᐊᒡᓚᖏᑦ 43:5

ᑕᕝᕙ ᐊᓂᕐᓂᐅᑉ ᒪᑭᑎᓪᓗᖓ, ᐃᓗᕙᓯᖕᓂᕐᓴᒧᑦ ᑐᕐᓲᖑᔭᕐᒧᐊᕐᑎᑉᐹᖓ; ᑕᑯᒋᓪᓗ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᓄᑦ ᑐᒃᓯᐊᕐᕕᒡᔪᐊᖅ ᑕᑕᑕᐅᓯᒪᕗᖅ.

ᒨᓯᓯ ᐱᖓᔪᖏᑦ 9:4

ᐃᒻᒧᒃᓯᐅᒐᕐᒥᒡᓗ ᓰᐱᐅᓪᓗ ᐊᖑᓴᓪᓗᖓᓂᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒋᓗᒋᒃ, ᐃᑯᐊᓪᓚᓗᒋᒡᓗ ᐊᑕᓂᐅᑉ ᓵᖓᓂ, ᐱᖃᓯᐅᑦᔨᓗᓯᓗ ᓂᐊᖂᔭᓂᒃ ᑐᓂᕐᕈᑎᒃᓴᓂᒃ ᐅᕐᓱᒥᒃ ᐃᓚᖃᕐᓗᒋᑦ. ᐅᓪᓗᒥ ᐊᑕᓂᖅ ᓴᖅᑭᓐᓂᐊᕐᒪᑦ ᐃᓕᑦᓯᓐᓄᑦ.”

ᒨᓯᓯ ᐱᖓᔪᖏᑦ 9:6

ᒨᓯᓯᓗ ᐅᖃᕐᐳᖅ, “ᐃᒫᒃ ᑕᕝᕙ ᐊᑕᓂᐅᑉ ᐱᖁᕚᓯ, ᐊᑕᓂᐅᑉ ᖃᐅᒪᓂᖓ ᐃᓕᑦᓯᓐᓄᑦ ᑕᑯᒃᓴᐅᖁᓪᓗᒍ.”

ᒪᓚᑬᑉ ᐊᒡᓚᖏᑦ 3:1

“ᑕᑯᒋᑦ, ᐅᖃᕆᐊᕐᑐᕐᑎᑕᕋ ᑎᓕᕙᕋ ᑖᑦᓱᒪ ᐊᖅᑯᑎᒃᓴᕋ ᓯᕗᓂᓐᓂ ᐅᐸᓗᖎᔭᕐᓂᐊᕐᐹ, ᐊᑕᓂᖅ ᕿᓂᕐᑕᓯ ᑕᕝᕔᓐᓇᖅ ᓴᖅᑭᓐᓂᐊᕐᐳᖅ ᑐᒃᓯᐊᕐᕕᒡᔪᐊᒥᓂ; ᐊᖏᖃᑎᒌᖕᓂᐅᑉ ᐅᖃᕐᑎᖓ ᑖᓐᓇ ᖁᕕᐊᒋᔭᓯ, ᑕᑯᒋᑦ, ᑎᑭᓕᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.