ᒨᓯᓯ ᐂᑉᐸᖏᑦ 29:42 - ᐊᒡᓔᑦ ᐃᑦᔪᕐᖕᓁᑦᑐᑦ

⁴² ᑕᒪᓐᓇᓗ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕐᓂᖅ ᑍᒫᓐᖓᑦ ᑲᔪᓯᑎᑕᐅᔪᒃᓴᐅᕗᖅ ᑭᖑᕚᓯᓐᓄᑦ ᑐᐱᐅᑉ ᐃᑎᕐᑕᕐᕕᖓᓂ ᐊᑕᓂᐅᑉ ᓵᖓᓂ, ᑕᕝᕙᓂ ᐃᓕᖕᓄᑦ ᕾᔪᒪᕗᖓ, ᑕᕝᕙᓂᓗ ᐅᖃᖃᑎᒋᓗᑎᑦ.

ᒨᓯᓯ ᐂᑉᐸᖏᑦ 29:42 Iomraidhean Croise

ᒨᓯᓯ ᐂᑉᐸᖏᑦ 25:22

ᑕᕝᕙᓂᓗ ᐃᓕᖕᓄᑦ ᓴᖅᑭᕈᒫᕐᐳᖓ, ᑖᑦᓱᒪᓗ ᒪᑑᑉ ᖄᖓᓂ ᓯᕈᐲᒻᖑᐊᒃ ᐊᑯᓐᓂᖓᓂᑦ ᐱᖁᔭᓕᒫᓐᓂᒃ ᑐᓂᓯᕕᒋᔪᒫᕐᐸᒋᑦ, ᐃᓴᕆᐊᓕᒥᐅᓕᒫᓄᑦ ᑐᕌᖓᓂᐊᕐᑐᓂᒃ.”

ᒨᓯᓯ ᐂᑉᐸᖏᑦ 27:21

ᑐᐱᕐᒥ ᑲᑎᒪᓕᕐᑎᓪᓗᓯ, ᑖᑦᓱᒪ ᐃᑦᔪᕐᓁᓐᓂᕐᐹᑉ ᐱᖁᔭᓂᒃ ᑎᑎᕋᕐᕕᒋᓯᒪᔪᕐᑕᓕᐅᑉ ᓯᓚᑖᓂ, ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᓇᓂᕈᐊᑦ ᐋᖅᑭᒃᑕᒃᓴᕆᕔᑦ ᐃᑯᐊᓪᓚᒡᓗᒋᓪᓗ ᐊᑕᓂᐅᑉ ᓵᖓᓂ. ᐃᑯᒪᓕᖁᓪᓗᒋᑦ ᐅᓐᓄᒥᑦ ᐅᓪᓛᒧᑦ ᑎᑭᓪᓗᒋᑦ. ᑕᒪᓐᓇᓗ ᐱᖁᔨᑦᔪᑎᒋᔭᕋ ᑍᒪᓐᖓᑦ ᐊᑐᕐᑕᐅᖏᓐᓇᕆᐊᖃᕐᐳᖅ ᐃᓴᕆᐊᓕᒥᐅᓄᑦ ᑭᖑᕚᖏᓐᓄᓪᓗ.”

ᒨᓯᓯ ᐂᑉᐸᖏᑦ 29:41

ᐂᑉᐸᖓᓕ ᓰᐱᐅᑉ ᓄᕐᕋᖓ ᑐᓂᕐᕈᑎᒋᔭᒃᓴᕆᕙᑦ ᐅᓐᓄᒃᑯᑦ, ᑐᓂᕐᕈᑎᒋᓕᕈᕕᐅᒃ ᑍᒫᑦᓮᓐᓇᖅ ᓂᐊᖂᔭᒃᓴᒥᒃ ᓯᖃᓪᓕᕐᓯᐊᕐᓯᒪᔪᒥᒃ ᐃᓚᔭᒃᓴᕆᕙᑦ, ᓇᐹᕐᑑᓪᓗ ᐅᕐᓱᖓᓂᒃ ᑍᒫᑦᓮᓐᓇᖅ, ᐸᐅᕐᖎᓪᓗ ᐃᑦᑎᖓᓂᒃ ᑍᒫᑦᓮᓐᓇᖅ ᐅᓪᓛᒃᑯᑦ ᑐᓂᕐᕈᑎᒋᖅᑲᐅᔭᕐᑐᑦ, ᑕᒪᑐᒪ ᑎᐱᖓ ᒪᒪᕐᑑᕗᖅ ᐊᑕᓂᕐᒧᑦ ᑐᓂᕐᕈᑕᐅᔪᖅ ᐃᑯᐊᓚᑎᑕᐅᓪᓗᓂ.

ᒨᓯᓯ ᐂᑉᐸᖏᑦ 29:43

ᑕᕝᕙᓂ ᐃᓴᕆᐊᓕᒥᐅᑦ ᐃᓄᖏᑦ ᑲᑎᔪᒪᕙᒃᑲ, ᑖᓐᓇᓗ ᐃᑦᔪᕐᓁᑎᑕᐅᓂᐊᕐᐳᖅ ᓇᔫᑎᓂᕐᒪ ᖃᐅᒻᒪᕆᖕᓂᖓᓄᑦ.

ᒨᓯᓯ ᐂᑉᐸᖏᑦ 30:36

ᐃᓚᖏᑦ ᑲᑦᔪᒡᓗᒋᑦ ᓯᖃᓪᓕᔭᒃᓴᕆᕙᑎᑦ ᓯᖃᓕᑦᓯᐊᕐᓗᒋᑦ ᐳᔪᕋᕐᑎᑐᑦ, ᑐᐱᕐᒧᐊᕈᑎᔭᒃᓴᕆᕙᑦ ᓇᔪᒐᓐᓄᑦ, ᑲᓐᖓᕐᓲᑎᒋᔭᒃᓴᕆᕙᓪᓗ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓄᑦ. ᑕᒪᑐᒪᓗ ᐃᓯᕐᓗᐊᕐᓂᑎᑕᒃᓴᐅᑉ ᐃᑦᔪᕐᓁᑦᑐᒻᒪᕆᐅᓂᖓ ᐃᒃᐱᒋᔭᒃᓴᕆᕙᑦ.

ᒨᓯᓯ ᐂᑉᐸᖏᑦ 33:7

ᐃᓴᕆᐊᓕᒥᐅᓪᓕ ᑕᖕᒫᕐᑎᕌᖓᑕ, ᒨᓯᓯᐅᑉ ᑐᐱᖅ ᐃᑦᔪᕐᓁᑦᑐᖅ ᑕᖕᒫᕐᓯᒪᕕᐅᔪᑦ ᓯᓚᑖᓄᑦ ᓇᑉᐸᖃᑦᑕᓚᐅᕐᐹ, ᑕᖕᒫᕐᓯᒪᕕᐅᔪᑦ ᐅᖓᓯᒋᔭᖓᓄᑦ; ᑍᔭᐅᕙᓚᐅᕐᐳᕐᓗ ᐊᑕᓂᐅᑉ ᓇᔪᒐᖓᓂᒃ, ᓇᓪᓕᐊᓪᓗ ᐊᑕᓂᕐᒧᑦ ᖃᐅᔨᓇᓱᐊᕈᒪᔪᖅ ᑕᕝᕗᓐᖓᖃᑦᑕᓚᐅᕐᐳᑦ ᑐᐱᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 43:6

ᐊᖑᓪᓗ ᓇᖏᕐᑎᓪᓗᒍ ᓴᓂᓐᓂ, ᐅᕙᓐᓄᑦ ᐅᖃᕐᑐᒥᒃ ᑐᓴᕐᐳᖓ ᑐᒃᓯᐊᕐᕕᒡᔪᐊᑉ ᐃᓗᐊᓂᑦ;

ᐃᓯᑭᐊᓕᐅᑉ ᐊᒡᓚᖏᑦ 46:15

ᑍᒫᒃ ᓄᕐᕋᐅᔧᑦ, ᓂᐊᖂᔭᒃᓮᓪᓗ, ᐸᐅᕐᖎᓪᓗ ᐅᕐᓱᖏᑦ ᐊᑕᓂᕐᒧᑦ ᐊᑐᐃᓐᓇᕈᕐᑕᐅᖃᑦᑕᕐᑐᒃᓴᐅᕗᑦ, ᐅᓪᓛᑕᒫᑦᓯᐊᖅ, ᐃᑯᐊᓚᑎᑕᐅᓗᑎᒃ ᑐᓂᕐᕈᑎᒃᓴᐅᖁᓪᓗᒋᑦ.”

ᒨᓯᓯ ᓯᑕᒪᖏᑦ 17:4

ᐃᓕᓂᐊᕐᐸᓯᓗ ᑐᐱᕐᔪᐊᒧᑦ ᑲᑎᒪᕕᖕᒧᑦ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᓵᖓᓂ, ᑕᕝᕙᓂ ᑲᑎᓂᐊᕋᑦᓯ.

ᒨᓯᓯ ᓯᑕᒪᖏᑦ 28:7

ᑐᓂᕐᕈᑎᓗ ᐃᒥᒐᒃᓴᖅ ᐆᒃᑑᑦ 1/4 ᕼᐃᓐᒥᒃ ᐊᖏᓂᖃᕐᓗᓂ ᐊᑐᓂᑦ ᓰᐱᒧᑦ ᑐᓂᕐᕈᑕᐅᔪᒧᑦ; ᑐᓂᕐᕈᓯᕐᕕᖕᒥ ᐃᑦᔪᕐᓁᑦᑐᒥ ᑯᕕᔭᐅᔪᒃᓴᐅᕗᖅ ᐊᑕᓂᕐᒧᑦ ᑐᓂᕐᕈᑎᒃᓴᐅᖁᓪᓗᒍ.