ᒨᓯᓯ ᐂᑉᐸᖏᑦ 29:41 - ᐊᒡᓔᑦ ᐃᑦᔪᕐᖕᓁᑦᑐᑦ

⁴¹ ᐂᑉᐸᖓᓕ ᓰᐱᐅᑉ ᓄᕐᕋᖓ ᑐᓂᕐᕈᑎᒋᔭᒃᓴᕆᕙᑦ ᐅᓐᓄᒃᑯᑦ, ᑐᓂᕐᕈᑎᒋᓕᕈᕕᐅᒃ ᑍᒫᑦᓮᓐᓇᖅ ᓂᐊᖂᔭᒃᓴᒥᒃ ᓯᖃᓪᓕᕐᓯᐊᕐᓯᒪᔪᒥᒃ ᐃᓚᔭᒃᓴᕆᕙᑦ, ᓇᐹᕐᑑᓪᓗ ᐅᕐᓱᖓᓂᒃ ᑍᒫᑦᓮᓐᓇᖅ, ᐸᐅᕐᖎᓪᓗ ᐃᑦᑎᖓᓂᒃ ᑍᒫᑦᓮᓐᓇᖅ ᐅᓪᓛᒃᑯᑦ ᑐᓂᕐᕈᑎᒋᖅᑲᐅᔭᕐᑐᑦ, ᑕᒪᑐᒪ ᑎᐱᖓ ᒪᒪᕐᑑᕗᖅ ᐊᑕᓂᕐᒧᑦ ᑐᓂᕐᕈᑕᐅᔪᖅ ᐃᑯᐊᓚᑎᑕᐅᓪᓗᓂ.

ᒨᓯᓯ ᐂᑉᐸᖏᑦ 29:41 Iomraidhean Croise

ᐊᑕᓃᑦ ᓯᕗᓪᓖᑦ 18:29

ᐅᓪᓘᑉ ᕿᑎᕋᓕᕐᓂᖓ ᐊᓂᒍᕐᒪᑦ, ᓇᓚᐅᑦᑍᓇᓱᓚᐊᕐᐳᓪᓗ ᐅᓐᓄᖕᒧᑦ ᑐᓂᕐᕈᓯᕐᕕᒃᓴᒧᑦ ᑎᑭᓪᓗᑎᒃ, ᑭᓯᐊᓂᓕ ᓂᓪᓕᕐᑐᖃᓚᐅᓐᖏᓚᖅ; ᓇᓪᓕᐊᓐᓂᒡᓘᓐᓃᑦ ᑭᐅᔪᖃᓚᐅᕋᓂ, ᓂᐱᒥᒡᓘᓐᓃᑦ ᑐᓴᕐᓴᕈᕐᑐᖃᓚᐅᓐᖏᓚᖅ.

ᐊᑕᓃᑦ ᓯᕗᓪᓖᑦ 18:36

ᑕᕝᕙᓂᓗ ᐅᓐᓄᒃᑯᑦ ᑐᓂᕐᕈᓯᓐᓂᖅ ᓇᓪᓕᐅᑎᖕᒪᑦ, ᐃᓔᑦᔭ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᖃᒡᓕᒋᐊᕐᓗᓂ ᐅᖃᕐᐳᖅ, “ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᐃᓴᕆᐊᓕᐅᓪᓗ ᒎᑎᖓ, ᐅᓪᓗᒥ ᖃᐅᔨᔭᐅᓕᕆᑦ ᐊᑕᓂᐅᒐᕕᑦ ᐃᓴᕆᐊᓕᐅᑉ ᒎᑎᖓ, ᐅᕙᖓᓗ ᐱᔨᒋᒐᕕᖓ, ᑕᒪᒃᑯᐊᓗ ᐱᓇᓱᐊᕐᑕᒃᑲ ᐅᖃᐅᓯᕆᓯᒪᔭᒃᑯᑦ ᐱᓇᓱᐊᖃᑦᑕᕋᒃᑭᑦ.

ᐊᑕᓃᑦ ᐂᑉᐸᖏᑦ 16:15

ᐂᕼᐊᓯᐅᑉ ᑐᓂᕐᕈᓯᕐᑎᑦᓯᔨ ᔪᕅᐊ ᐅᖃᐅᑎᕚ, “ᑐᓂᕐᕈᓯᕐᕕᐊᓗᖕᒥᒃ ᓄᑖᒥ ᑐᓂᕐᕈᓯᖃᑦᑕᖁᔨᕗᖓ, ᐃᑯᐊᓚᓗᒍ ᑐᓂᕐᕈᓯᐅᑎᒃᓴᖅ ᐅᓪᓛᒃᑰᕐᑐᕐᓯᐅᑎ, ᓂᐊᖂᔭᒃᓴᓂᒡᓗ ᑐᓂᕐᕈᓯᕈᑎ ᐅᓐᓄᒃᑰᕐᑐᕐᓯᐅᑦ ᐊᖓᔪᖅᑳᕐᔪᐊᓪᓗ ᐃᑯᐊᓚᓪᓗᒍ ᑐᓂᕐᕈᓯᕈᑎᒃᓴᖓ ᓂᐊᖂᔭᒃᓴᓂᒡᓗ ᑐᓂᕐᕈᓯᕈᑎᒃᓴᖓ ᐃᑯᐊᓚᔪᒥᓗ ᑐᓂᕐᕈᓯᐅᑎᒃᓴᖅ ᐃᓅᓕᒫᑦ ᐱᓪᓗᒋᑦ, ᓂᐊᖂᔭᒃᓴᓂᒃ ᕔᓂᓂᒡᓗ ᐃᒥᒐᒃᓴᓄᑦ ᑐᓂᕐᕈᑕᐅᓲᑦ, ᐃᑯᐊᓚᓗᑎᒃ ᑐᓂᕐᕈᓯᐅᑏᑦ ᐊᐅᖏᑦ ᓯᕐᐸᕐᓴᐅᑕᐅᓯᒪᓕᑦ ᑐᓂᕐᕈᓯᕐᕕᖕᒧᑦ; ᑭᓯᐊᓂᓕ ᑐᓂᕐᕈᓯᕐᕕᒃ ᑲᓐᓄᔭᖅ ᐊᑐᖃᑦᑕᕐᓂᐊᕐᐸᕋ ᓇᓗᓇᕐᑐᓂᒃ ᖃᐅᔨᓇᓱᐊᕆᐊᖃᓕᕌᖓᒪ.”

ᑯᕉᓂᑲ ᐂᑉᐸᖏᑦ 2:3

ᓲᓗᒨᓂᓗ ᑎᑎᕋᕐᐳᖅ ᕼᐅᕋᒻᒧᑦ ᑍᕆᐅᑉ ᐊᖓᔪᖅᑳᕐᔪᐊᓄᑦ, ᐅᖃᕐᓗᓂ: “ᐊᑖᑕᒐ ᑍᕕᑎ ᐱᓇᓱᐊᖃᑎᒋᓚᐅᕋᕕᐅᒃ ᕿᔪᖕᓂᒡᓗ ᓰᑕᕆᓂᒃ ᐃᒻᒥᓄᑦ ᐃᒡᓗᓕᐅᕈᑎᒃᓴᖏᓐᓂᒃ ᑐᓂᓚᐅᕋᕕᐅᒃ, ᑍᒫᒃᑕᐅᖅ ᐱᓇᓱᐊᕐᕕᒋᓐᖓ.

ᐃᓐᖏᕈᑎᑦ 141:2

ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.

ᒨᓯᓯ ᐂᑉᐸᖏᑦ 12:6

ᑭᓯᐊᓂᓕ ᓇᔪᕐᑎᒋᔭᒃᓴᕆᕙᓯ ᑕᖅᑭᐅᑉ ᑕᒪᑐᒪ ᐅᓪᓗᖓᑕ 14ᖓᑦ ᑎᑭᓪᓗᒍ, ᐊᑕᐅᑦᓯᒃᑯᒃ ᐃᓴᕆᐊᓕᒥᐅᑦ ᑲᑎᒪᔪᑦ ᓄᕐᕋᐅᔭᖁᑎᒥᖕᓂᒃ ᑐᖁᑦᓯᔪᒃᓴᐅᕗᑦ ᐅᓐᓄᒃᑯᑦ.

ᒨᓯᓯ ᐂᑉᐸᖏᑦ 29:40

ᓯᕗᓪᓕᖅ ᓰᐱᐅᑉ ᓄᕐᕋᖓ ᑐᓂᕐᕈᑎᒋᓕᕈᕕᐅᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᐅᖁᒤᓐᓂᖃᕐᑐᒥᒃ 1ᑭᓗᒍᕌᒻᒥᒃ ᐃᓚᔭᒃᓴᕆᕙᑦ ᓇᐹᕐᑑᓪᓗ ᐅᕐᓱᖓᓂᒃ ᐃᓚᓗᒍ 1ᓖᑕᒥᒃ. ᐸᐅᕐᖎᓪᓗ ᐃᑦᑎᖓᓂᒃ 1ᓖᑕᒥᒃ ᐊᖏᓂᓕᖕᒥᒃ ᖄᖓᒍᑦ ᑯᕝᕕᕆᔭᒃᓴᕆᕙᑦ.

ᒨᓯᓯ ᐂᑉᐸᖏᑦ 29:42

ᑕᒪᓐᓇᓗ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕐᓂᖅ ᑍᒫᓐᖓᑦ ᑲᔪᓯᑎᑕᐅᔪᒃᓴᐅᕗᖅ ᑭᖑᕚᓯᓐᓄᑦ ᑐᐱᐅᑉ ᐃᑎᕐᑕᕐᕕᖓᓂ ᐊᑕᓂᐅᑉ ᓵᖓᓂ, ᑕᕝᕙᓂ ᐃᓕᖕᓄᑦ ᕾᔪᒪᕗᖓ, ᑕᕝᕙᓂᓗ ᐅᖃᖃᑎᒋᓗᑎᑦ.

ᑖᓂᐊᓕᐅᑉ ᐊᒡᓚᖏᑦ 9:21

ᑐᒃᓯᐊᕐᑎᓪᓗᖓ ᓱᓕ, ᒊᐳᕆᐅᓕ, ᐊᖑᑦ ᑕᑯᓚᐅᕐᑕᕋ ᑕᑯᑎᑕᐅᓂᕐᒥ ᓯᕗᓪᓕᕐᒥᒃ, ᕾᕗᖅ ᓱᒃᑲᓕᔪᒥᒃ ᖃᖓᑕᓪᓗᓂ, ᐅᓐᓄᒃᓯᐅᑎᒥᒃ ᑐᓂᕐᕈᓯᕐᓂᖅ ᓇᓪᓕᐅᑎᓪᓗᐊᕐᑎᓪᓗᒍ.