ᒨᓯᓯ ᐂᑉᐸᖏᑦ 29:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᒻᒧᒃᓯᐅᒐᐅᓪᓕ ᓂᕿᖓ ᐃᑯᐊᓪᓚᒐᒃᓴᕆᕙᑦ, ᐊᒥᖓ ᐱᖃᓯᐅᑎᓗᒍ, ᐃᕐᕋᕕᖏᓪᓗ ᐱᖃᓯᐅᑎᓗᒋᑦ ᓄᓇᓖᑦ ᓯᓚᑖᓂ. ᑕᒪᒃᑯᐊ ᑐᓂᕐᕈᑎᒃᓴᐅᖕᒪᑕ ᑐᓂᕐᕈᓯᕐᑎᑦᓯᔩᑦ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐂᑉᐸᖏᑦ 29:14 Iomraidhean Croise

ᑯᕉᓂᑲ ᐂᑉᐸᖏᑦ 29:24

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑖᒃᑯᓂᖓ ᑐᖁᑦᓯᕗᑦ ᐊᐅᖏᓪᓗ ᑐᓂᕐᕈᓯᕐᕕᖕᒧᐊᕈᑎᕔᑦ ᐊᔪᕐᓂᕐᒧᑦ ᑐᓂᕐᕈᑎᐅᖁᓪᓗᒋᑦ, ᐃᓴᕆᐊᓕᒥᐅᓕᒫᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ. ᐊᖓᔪᖅᑳᕐᔪᐊᖅ ᑎᓕᓯᓚᐅᕐᒪᑦ ᐃᑯᐊᓪᓔᓂᕐᒧᑦ ᑐᓂᕐᕈᑏᑦ ᐊᔪᕐᓂᕐᒧᓪᓗ ᑐᓂᕐᕈᑏᑦ ᐃᓴᕆᐊᓕᒥᐅᓕᒫᓄᑦ ᑐᕌᖓᖁᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 8:35

ᐊᐅᓪᓚᕈᑦᔭᐅᓯᒪᕕᖕᒥᖕᓂᑦ ᐅᑎᕐᑐᕕᓂᓕᒫᑦ ᑐᓂᕐᕈᓯᓚᐅᕐᐳᑦ ᐃᑭᑕᐅᓂᐊᕐᑐᓂᒃ ᑐᓂᕐᕈᑎᒃᓴᐅᓪᓗᑎᒃ ᐃᓴᕆᐊᓕᒥᐅᑦ ᒎᑎᖓᓄᑦ: ᑐᓂᕐᕈᓯᓚᐅᕐᐳᑦ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓂᒃ 12ᓂᒃ ᐃᓴᕆᐊᓕᒥᐅᓕᒫᓄᑦ, 96ᓂᒃ ᓰᐱᐅᑉ ᐊᖑᓴᓪᓗᖏᓐᓂᒃ, 77ᓂᒃ ᓰᐲᑦ ᓄᕐᕋᐅᔭᖏᓐᓂᒃ, 12ᓂᒡᓗ ᒎᑦᓯᓂᒃ ᐊᖑᑎᓂᒃ ᐊᔪᕐᑐᓕᓂᕐᒧᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᒧᑦ. ᐆᒪᔪᐃᑦ ᐃᑯᐊᓪᓚᒃᑕᐅᓚᐅᕐᐳᑦ ᑐᓂᕐᕈᑕᐅᔪᓕᒫᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 30:10

ᐊᕐᕌᒍᑕᒫᓪᓗ ᐂᕉᓂ ᑐᓂᕐᕈᓯᕐᑐᒃᓴᐅᕗᖅ ᑐᓂᕐᕈᓯᕐᕕᐅᑉ ᓴᓗᒻᒪᕐᓴᕐᑕᐅᑦᔪᑎᒃᓴᖓᓂᒃ ᑐᒃᓯᐊᕐᓂᒃᑯᑦ ᑐᓂᕐᕈᓯᕐᕕᐅᑉ ᓇᒃᔪᓐᖑᐊᖏᑦ ᐊᐅᒥᑎᕐᓗᒋᑦ ᐆᒪᔫᑉ ᐊᔪᕐᓃᑦ ᐱᑦᔪᑎᒋᓪᓗᒋᑦ ᑐᓂᕐᕈᑕᐅᔫᑉ ᐊᐅᖓᓄᑦ ᐊᕐᕌᒍᒥ ᐊᑕᐅᓯᐊᖃᑦᑕᕐᓗᓂ ᐊᕐᕌᒍᑕᒫᑦ ᑕᒪᓐᓇ ᑲᔪᓯᑎᑕᐅᔪᒃᓴᐅᕗᖅ ᑍᒪᓐᖓᑦ ᑭᖑᕚᕆᔪᒫᕐᑕᓯ ᑎᑭᓪᓗᒋᑦ, ᑖᓐᓇ ᑐᓂᕐᕈᓯᕐᕕᒃ ᐃᑦᔪᕐᓁᒻᒪᕆᒃᑐᒃᓴᐅᖕᒪᑦ ᐊᑕᓂᕐᒧᑦ ᑐᓂᔭᐅᓯᒪᓗᓂ.”

ᐃᓯᑭᐊᓕᐅᑉ ᐊᒡᓚᖏᑦ 43:21

ᐊᖑᓴᓪᓗᕐᓗ ᐊᔪᕐᓂᕐᒧᑦ ᑐᓂᕐᕈᑎᒃᓴᖅ, ᐃᓂᒃᓴᓕᐅᕐᑕᐅᓯᒪᔪᒥ ᑐᒃᓯᐊᕐᕕᒡᔪᐊᑉ ᐃᓗᐊᓂ ᐃᑯᐊᓚᑎᑕᒃᓴᕆᕙᑦ, ᐃᑦᔪᕐᓁᑦᑐᒃᑯᕕᐅᑉ ᓯᓚᑖᓂ.

ᒨᓯᓯ ᐱᖓᔪᖏᑦ 16:11

ᐂᕉᓂᐅᓪᓗ ᐃᒻᒧᒃᓯᐅᒐᐅᑉ ᐸᖕᓂᖓ ᕾᑎᑕᒃᓴᕆᕚ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᐃᒡᓗᒥᐅᖃᑎᓂᓗ ᐱᓪᓗᒋᑦ, ᑐᖁᑕᒃᓴᕆᕚ ᑐᓂᕐᕈᑎᒋᓗᒍ.

ᒨᓯᓯ ᐱᖓᔪᖏᑦ 16:27

ᐃᒻᒧᒃᓯᐅᒐᐅᑉ ᐸᖕᓂᖓ ᒎᑦᓯᓗ ᑐᓂᕐᕈᑎ ᐊᔪᕐᓂᖅ ᐱᓪᓗᒍ, ᐊᐅᖓ ᐊᑐᕐᑕᐅᓚᐅᕐᑐᑦ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓄᑦ ᐃᑦᔪᕐᓁᓕᑎᕈᑎᒃᓴᒧᑦ, ᑖᒃᑯᐊ ᓄᓇᓖᑦ ᓯᓚᑖᓄᑦ ᐱᑎᑕᐅᔭᕆᐊᖃᕐᐳᒃ, ᐊᒥᖏᓪᓗ ᐃᕐᕋᕕᖏᓪᓗ ᐃᑯᐊᓪᓚᑕᐅᒋᐊᖃᕐᐳᑦ.

ᒨᓯᓯ ᐱᖓᔪᖏᑦ 16:3

ᐃᒫᒃ ᑕᕝᕙ ᐂᕉᓂ ᐃᑎᖃᑦᑕᕆᐊᖃᕐᐳᖅ ᐃᑦᔪᕐᓁᑦᑐᕕᖕᒧᑦ; ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐃᓐᓇᐅᖏᑦᑐᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᒃᓴᕐᓗᓂ, ᓰᐱᐅᓪᓗ ᐊᖑᓴᓪᓗᖓᓂᒃ ᐃᑯᐊᓚᓗᓂ ᑐᓂᕐᕈᑎᒃᓴᒥᒃ.”

ᒨᓯᓯ ᐱᖓᔪᖏᑦ 4:21

ᐊᖑᓴᓪᓗᕐᓗ ᑖᓐᓇ ᓄᓇᓖᑦ ᓯᓚᑖᓄᑦ ᐊᐅᓪᓚᕈᑎᔭᒃᓴᕆᕚ ᐃᑯᐊᓚᑎᓪᓗᒍᓗ ᐊᖑᓴᓪᓗᕐᑐᑦ ᓯᕗᓪᓕᕐᑐᑦ. ᑍᒫᒃ ᑕᕝᕙ ᐱᔭᕆᐊᖃᕐᐳᑦ ᓄᓇᓖᑦ ᐊᔪᕐᑐᓕᓂᖏᑦ ᑐᓂᕐᕈᓯᕈᑕᐅᑎᓪᓗᒋᑦ.

ᒨᓯᓯ ᐱᖓᔪᖏᑦ 4:25

ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓄᑦ ᑎᑭᓂ ᒥᓱᒃᑕᒃᓴᕆᕚ ᑐᓂᕐᕈᓯᕐᕕᐅᓪᓗ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᒐᒃᓴᕆᕔᑦ ᑯᕕᓗᒍᓗ ᐊᒥᐊᒃᑯᖓ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:29

ᑖᑦᓱᒪ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᖅ ᓂᐊᖁᐊᒍᑦ ᐸᑎᒻᒥᔭᒃᓴᕆᕚ ᑐᖁᓪᓗᒍᓗ ᐃᑯᐊᓚᑎᑕᒃᓴᒥᒃ ᑐᓂᕐᕈᓯᕐᕕᖕᒥ.

ᒨᓯᓯ ᐱᖓᔪᖏᑦ 4:3

ᑐᓂᕐᕈᓯᕐᑎᑦᓯᔨ ᓂᕈᐊᕐᑕᐅᓂᕐᒥᒍᑦ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔪᖅ ᐊᔪᕐᑐᓕᒃᐸᑦ, ᑕᕝᕙ ᐃᓄᓕᒫᑦ ᐸᓯᔭᒃᓴᓐᖑᕐᑎᒻᒪᒋᑦ, ᑖᓐᓇ ᐊᑕᓂᕐᒧᑦ ᐋᑦᓯᔪᒃᓴᐅᕗᖅ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ ᖃᓄᐃᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᖕᒥᓂᖅ ᐊᔪᕐᑐᓕᓂᓂ ᐱᑦᔪᑎᒋᓪᓗᒍ.

ᒨᓯᓯ ᐱᖓᔪᖏᑦ 4:32

ᓰᐱᐅᓪᓕ ᓄᕐᕋᖓᓂᒃ ᑐᓂᕐᕈᑎᒃᓴᖃᕐᐸᑦ ᐊᔪᕐᑐᓕᓂ ᐱᓪᓗᒍ, ᑐᓂᕐᕈᑎᒃᓴᖃᕐᑐᒃᓴᐅᕗᖅ ᐊᕐᓇᓪᓗᖕᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 5:6

ᐊᔪᕐᓂᕐᒥᓄᓪᓗ ᓱᒋᐊᕐᑕᐅᓂᖓ ᐱᓪᓗᒍ, ᐊᑕᓂᕐᒧᑦ ᐋᑦᓯᔭᕆᐊᖃᕐᐳᖅ ᓰᐱᐅᓪᓘᓐᓃᑦ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐊᕐᓇᓪᓗᖕᒥᒃ, ᐊᔪᕐᑐᓕᓂᖅ ᐱᑦᔪᑎᒋᓪᓗᒍ; ᑐᓂᕐᕈᓯᕐᑎᑦᓯᔨᐅᓪᓗ ᐃᓄᒃ ᑖᓐᓇ ᑐᓂᕐᕈᓯᕈᑎᔭᒃᓴᕆᕚ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 5:8

ᑖᑦᓱᒪ ᑐᓂᕐᕈᓯᕐᑎᑦᓯᔨᒧᑦ ᐋᑕᒃᓴᕆᕚ, ᑐᓂᕐᕈᓯᕐᑎᑦᓯᔨᐅᓪᓗ ᓯᕗᓪᓕᕐᒥᒃ ᐂᑉᐸᖓ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒋᔭᒃᓴᕆᕚ. ᑖᑦᓱᒪ ᑎᖕᒥᐊᑉ ᓂᐊᖁᖓ ᕿᐱᑎᑕᒃᓴᕆᕚ ᖁᖓᓯᖓᒍᑦ ᐱᑦᓯᐊᒪᕆᖏᓪᓗᒍ.

ᒨᓯᓯ ᐱᖓᔪᖏᑦ 6:25

“ᐂᕉᓂᓗ ᐃᕐᓂᖏᓪᓗ ᐅᖃᐅᑎᒃᑭᑦ: ᐃᒫᒃ ᒪᓕᒐᖃᕐᐳᑦ ᑐᓂᕐᕈᑏᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᔪᑦ. ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᖅ ᐆᒪᔪᖅ, ᑐᖁᑕᐅᔭᕆᐊᖃᕐᐳᖅ ᐊᑕᓂᐅᑉ ᓵᖓᓂ ᐃᑯᐊᓚᑎᑕᒃᓮᑦ ᑐᓂᕐᕈᑏᑦ ᑐᖁᑕᐅᕕᖓᓐᓂ, ᑍᒤᑦᑐᑦ ᐃᑦᔪᕐᓁᓐᓂᕐᐹᖑᖕᒪᑕ.

ᒨᓯᓯ ᐱᖓᔪᖏᑦ 8:17

ᐃᒻᒧᒃᓯᐅᒐᐅᓪᓕ ᐸᖕᓂᖓ ᐊᒥᖓᓗ ᐱᖃᓯᐅᑎᓪᓗᒍ ᓂᕿᖓᓗ ᐃᕐᕋᕕᖏᑕᓗ ᐃᓗᖏᑦ, ᐃᑯᐊᓪᓚᒃᐰᑦ ᓄᓇᓖᑦ ᓯᓚᑖᓂ, ᑍᒫᒃ ᐊᑕᓂᐅᑉ ᒨᓯᓯ ᐱᖁᖕᒪᒍ.

ᒨᓯᓯ ᐱᖓᔪᖏᑦ 9:2

ᐂᕉᓂᓗ ᐅᖃᐅᑎᕚ, “ᑐᓂᕐᕈᑎᒃᓴᖃᕆᑦ ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᐊᖑᒻᒥᒃ ᐊᔪᕐᓂᑎᑦ ᐱᓪᓗᒋᑦ, ᑐᓂᕐᕈᑎᒃᓴᖃᒃᑲᓐᓂᕆᓪᓗ ᓰᐱᐅᑉ ᐊᖑᓴᓪᓗᖓᓂᒃ ᐃᑯᐊᓚᓗᒍ ᑐᓂᕐᕈᑎᒃᓴᒥᒃ, ᑕᒪᖏᒡᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᑖᒃᑯᐊᒃ ᐊᑕᓂᐅᑉ ᓵᖓᓄᑦ ᐱᑎᒃᑭᒃ.

ᒪᓚᑬᑉ ᐊᒡᓚᖏᑦ 2:3

ᑕᑯᒋᑦ, ᑭᖑᕚᒃᓴᓯ ᐃᓂᕐᑎᕈᒫᕐᐸᒃᑲ, ᑮᓇᓯᓗ ᐊᓇᕐᒥᒃ ᒥᖑᐊᕐᓗᒋᑦ, ᑐᓂᕐᕈᑎᓯ ᐊᓇᖏᓐᓂᒃ, ᐊᓂᑎᓪᓗᓯᓗ ᓇᔪᒐᓐᓂᑦ.

ᒨᓯᓯ ᓯᑕᒪᖏᑦ 19:5

ᐃᒻᒧᒃᓯᐅᒐᖅ ᐊᕐᓇᓪᓗᒃ ᐃᑭᑕᐅᓂᐊᕐᐳᖅ ᐃᓕᓯᕆᐅᑉ ᓵᖓᓂ: ᐊᒥᖓᓗ, ᓂᕿᖓᓗ, ᐊᐅᖓᓗ, ᐊᒥᐊᒃᑯᓕᒫᖏᓪᓗ ᐃᑯᐊᓪᓚᖕᒥᓗᒋᑦ.

ᒨᓯᓯ ᓯᑕᒪᖏᑦ 7:16

ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ.