ᒨᓯᓯ ᐂᑉᐸᖏᑦ 29:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᕐᕋᕕᖏᑕ ᐃᓗᓕᒫᖏᑦ ᐲᔭᕐᑕᒃᓴᕆᕙᑎᑦ, ᑭᒃᓴᐅᑎᖓᓗ ᑎᖒᑉ ᖄᖓᓃᑦᑐᖅ, ᑕᕐᑐᖏᒃᑕᓗ ᐃᒡᓗᒃᑐᑦ ᑕᕐᑐᕈᑎᖏᑦ, ᑕᒪᕐᒥᒃ ᐃᑯᐊᓪᓚᒐᒃᓴᕆᕙᑎᑦ ᑐᓂᕐᕈᓯᕐᕕᖕᒥ ᑐᓂᕐᕈᑎᒋᓗᒋᑦ.

ᒨᓯᓯ ᐂᑉᐸᖏᑦ 29:13 Iomraidhean Croise

ᐃᓐᖏᕈᑎᑦ 22:14

ᐃᒥᕐᑐᑦ ᑯᕕᔭᐅᕗᖓ, ᓇᒡᒍᐊᒃᑲ ᑕᒪᕐᒥᒃ ᐃᓂᒥᓂᑦ ᓄᓱᒃᓯᒪᕗᑦ; ᐆᒻᒪᑎᒐ ᐸᑎᐅᔭᑐᑦ ᑍᒤᓕᕐᐳᖅ; ᐊᐅᒃᓯᒪᓪᓗᓂ ᓴᒡᕕᖕᒪ ᐃᓗᐊᓂ;

ᒨᓯᓯ ᐂᑉᐸᖏᑦ 12:9

ᒥᑭᒐᐅᑎᓪᓗᒍᓕ ᐃᒥᕐᒧᓪᓗ ᐆᔪᓕᐅᕐᓯᒪᑎᓪᓗᒍ ᓂᕆᔭᒃᓴᕆᓐᖏᓚᓯ, ᑭᓯᐊᓂᓕ ᐃᑯᒪᒧᑦ ᐆᓯᒪᑎᓪᓗᒍ ᓂᕆᔭᒃᓴᕆᕙᓯ ᐊᑕᖏᕐᓗᒍ, ᓂᐊᖁᖓᓗ ᓂᐅᖏᓪᓗ ᐃᕐᕋᕕᖏᓪᓗ ᐱᖃᓯᐅᑎᓗᒋᑦ.

ᒨᓯᓯ ᐂᑉᐸᖏᑦ 29:18

ᑕᕝᕙ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑕᒃᓴᕆᕙᑎᑦ; ᐃᑯᐊᓚᑎᑕᐅᓂᒃᑯᑦ ᑐᓂᕐᕈᑎᐅᖕᒪᑦ ᐊᑕᓂᕐᒧᑦ; ᑎᐱᖓᓗ ᒪᒪᕐᑑᓪᓗᓂ ᐊᑕᓂᕐᒧᑦ, ᐃᑯᐊᓪᓚᒃᑕᐅᓪᓗᓂ ᑐᓂᕐᕈᑕᐅᖕᒪᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 29:22

“ᓰᐱᐅᑉ ᐊᖑᓴᓪᓗᖓᑕ ᑐᓐᓄᖏᑦ ᐲᕐᑕᒃᓴᕆᕙᑎᑦ, ᐸᒥᐊᓪᓗᐊᑕᓗ ᑐᓐᓄᖏᒃ, ᐃᕐᕋᕕᖏᑕᓗ ᐃᓗᖏᑦ, ᑎᖑᖓᑕᓗ ᐱᐅᓂᖓ, ᑕᕐᑐᖏᒡᓗ ᐃᒡᓗᒃᑐᑦ ᑕᕐᑐᕈᑎᖏᑦ ᐱᖃᓯᐅᑎᓗᒋᑦ, ᒥᒥᖓᓗ ᑕᓕᕐᐱᐊ. (ᑎᓕᔭᐅᓂᕐᒧᑦ ᑖᓐᓇ ᓰᐱ ᑐᓂᕐᕈᑎᒋᔭᐅᖕᒪᑦ).

ᒨᓯᓯ ᐂᑉᐸᖏᑦ 29:25

ᑕᕝᕙ ᑭᖑᓂᖓᒍᑦ ᑖᒃᑯᓇᓐᖓᑦ ᑎᒍᓗᒋᑦ, ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᑕᒃᓴᕆᕙᑎᑦ ᑐᓂᕐᕈᓯᐅᑎᒋᓗᒋᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᐅᔪᓄᑦ ᐃᓚᓕᐅᑎᖁᓪᓗᒋᑦ, ᑕᒪᒃᑯᐊ ᑎᐱᖏᑦ ᒪᒪᕐᑑᖕᒪᑕ ᐊᑕᓂᕐᒧᑦ; ᑐᓂᕐᕈᓯᕈᑎᐅᓪᓗᑎᒡᓗ ᐃᑯᐊᓚᑦᓯᓂᒃᑯᑦ ᐊᑕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 1:11

ᓱᓇᐅᕙᑦ ᐅᓄᕐᑐᑦ ᐆᒪᔪᑦ ᑐᓂᕐᕈᑎᒋᖃᑦᑕᕐᑕᑦᓯ ᐅᕙᓐᓄᑦ? ᐊᑕᓂᖅ ᐅᖃᕐᐳᖅ; ᐊᕆᐅᑉᐸᒃᑲ ᑐᓂᕐᕈᑎᒋᖃᑦᑕᕐᑕᓯ ᓰᐲᑦ ᐊᖑᓴᓪᓗᖏᑕ ᑐᓐᓄᖏᑦ, ᐃᒻᒧᒃᓯᐅᒊᓪᓗ ᐊᖑᓴᓪᓗᖏᑕ ᐊᐅᖏᑦ ᓄᕐᕋᐅᔧᓪᓗ ᒎᑦᓰᓪᓗᑦᑕᐅᖅ ᑐᓂᕐᕈᑕᐅᓂᖏᑦ ᖁᕕᐊᒋᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 34:6

ᐊᑕᓂᐅᑉ ᓴᕕᒡᔪᐊᖓ ᐊᐅᒥᑎᕐᓯᒪᕗᖅ; ᑐᓐᓄᕈᔫᓪᓗᓂᓗ, ᓰᐱᐅᑉ ᓄᕐᕋᖏᑕ ᒎᑦᓰᓪᓗ ᐊᐅᖏᓐᓂᑦ, ᓰᐲᓪᓗ ᐊᖑᓴᓪᓗᖏᑕ ᑕᕐᑐᕈᑎᖏᑕ ᑐᓐᓄᖏᓐᓂᑦ, ᐊᑕᓂᖅ ᑐᓂᕐᕈᓯᕐᓯᒪᖕᒪᑦ ᐳᔾᕋᒥ, ᐅᓄᕐᑐᕐᔪᐊᓂᒡᓗ ᑐᖁᕅᓪᓗᓂ ᐄᑐᒥᐅᑉ ᓄᓇᖓᓂ.

ᐂᓮᐊᓯᐅᑉ ᐊᒡᓚᖏᑦ 43:24

ᓂᐅᕕᓚᐅᓐᖏᓚᓯ ᑎᐱᑦᓯᐊᕆᒃᑐᓂᒃ ᓰᕐᓇᕐᑐᓂᒃ ᐅᕙᓐᓄᑦ ᑐᓂᕐᕈᑎᒃᓴᓂᒃ, ᐆᒪᔪᓪᓗ ᑐᓂᕐᕈᑎᒋᕙᒃᑕᓯ ᑐᓐᓄᖏᓐᓂᒃ ᖁᕕᐊᒋᔭᓐᓂᒃ ᑐᓂᕐᕈᓯᕐᕕᒋᓚᐅᓐᖏᓚᑦᓯᓐᖓ, ᑭᓯᐊᓂᓕ ᐅᖁᒤᑦᑐᒦᑎᑉᐸᑦᓯᓐᖓ ᐊᔪᕐᑐᓕᓂᑦᓯᓐᓄᑦ, ᐱᔭᒃᓴᕆᓐᖏᑕᑦᓯᓐᓂᒃ ᐱᓇᓱᐊᖃᑦᑕᕐᓂᑦᓯᓐᓄᑦ ᐃᕿᐊᓐᖑᕐᑎᖔᕐᐸᑦᓯᓐᖓ.

ᒨᓯᓯ ᐱᖓᔪᖏᑦ 1:15

ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᕕᖕᒧᐊᕈᑎᔭᕆᐊᖃᕐᐹ ᓂᐊᖁᐊᓗ ᕿᐱᓪᓗᒍ ᐲᕐᓗᒍ ᑐᓂᕐᕈᓯᕐᕕᖕᒥᓗ ᐃᑭᓪᓗᒍ; ᐊᐅᖓ ᑐᓂᕐᕈᓯᕐᕕᐅᑉ ᓴᓂᕌᓄᑦ ᑯᕕᑎᓪᓗᒍ ᐱᔪᒃᓴᐅᕗᖅ.

ᒨᓯᓯ ᐱᖓᔪᖏᑦ 1:9

ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 16:25

ᐃᑯᐊᓪᓔᓗᓂᓗ ᑐᓂᕐᕈᑎᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᐅᑉ ᑐᓐᓄᖏᓐᓂᒃ.

ᒨᓯᓯ ᐱᖓᔪᖏᑦ 17:6

ᑐᓂᕐᕈᓯᕐᑎᑦᓯᔨᐅᑉ ᐆᒪᔫᑉ ᐊᐅᖓ ᓯᕐᐸᕐᓴᕈᑎᒋᔭᕆᐊᖃᕐᐹ ᑐᓂᕐᕈᓯᕐᕕᖕᒧᑦ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓃᑦᑐᒧᑦ, ᐃᑯᐊᓪᓚᒡᓗᒋᓪᓗ ᑐᓐᓄᖏᑦ ᑎᐱᖓ ᒪᒪᕐᒪᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 4:26

ᐆᒪᔫᓪᓗ ᑐᓐᓄᓕᒫᖏᑦ ᐃᑯᐊᓪᓚᒐᒃᓴᕆᕔᑦ ᑐᓂᕐᕈᓯᕐᕕᖕᒥ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᑐᑦ ᐱᔭᕆᐊᖃᕐᐳᖅ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨ ᑐᖁᑕᒃᓴᒥᒃ ᑐᓂᕐᕈᑎᖃᕐᓂᐊᕐᐳᖅ ᓯᕗᓕᕐᑎᐅᑉ ᐊᔪᕐᓂᖏᑦ ᐱᓪᓗᒋᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 4:31

ᑐᓂᕐᕈᓯᕐᓂᐊᕐᑑᓪᓗ ᐆᒪᔫᑉ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ, ᑍᒫᒃᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᖅ ᑐᓐᓄᐃᔭᕐᑕᐅᒃᐸᑦ ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓪᓚᒃᑕᒃᓴᕆᕚ ᑐᓂᕐᕈᓯᕐᕕᖕᒥ ᑎᐱᖓᓗ ᐊᑕᓂᐅᑉ ᒪᒪᕆᕚ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 4:35

ᑐᓂᕐᕈᓯᕐᓂᐊᕐᑑᑉ ᓰᐱᐅᑉ ᓄᕐᕋᖓᑕ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ; ᑍᒫᑦᓮᓐᓇᕐᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᐅᑉ ᑐᓐᓄᖏᑦ ᐲᔭᕐᑕᐅᕙᖕᒪᑕ ᑐᓂᕐᕈᓯᕐᑎᑦᓯᔨᐅᓪᓗ ᐃᑯᐊᓚᑎᑕᒃᓴᕆᕚ ᑐᓂᕐᕈᓯᕐᕕᐅᑉ ᖄᖓᓂ, ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ; ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.”

ᒨᓯᓯ ᐱᖓᔪᖏᑦ 6:12

ᐃᑯᒪ ᑐᓂᕐᕈᓯᕐᕕᖕᒦᑦᑐᖅ ᐃᑯᒤᓐᓇᕆᐊᖃᕐᐳᖅ; ᖃᒥᑦᓴᕆᐊᖃᓐᖏᓚᖅ. ᐅᓪᓛᑕᒫᑦ ᑐᓂᕐᕈᓯᕐᑎᑦᓯᔨ ᐃᓕᓯᔭᕆᐊᖃᕐᐳᖅ ᕿᔪᖕᓂᒃ ᐃᑯᐊᓚᒐᒃᓮᓪᓗ ᑐᓂᕐᕈᑏᑦ ᐋᖅᑭᒃᓱᒃᑲᓐᓂᕐᐸᒡᓗᒋᑦ, ᑐᓐᓄᕐᓂᒡᓗ ᐃᑯᐊᓪᓚᖅᑯᓯᕐᐸᒡᓗᒋᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᕕᓃᑦ ᖄᖏᓐᓃᑦᑐᑦ.

ᒨᓯᓯ ᐱᖓᔪᖏᑦ 7:3

ᑐᓐᓄᓕᒫᖏᑦ ᑐᓂᕐᕈᑕᐅᔭᕆᐊᖃᕐᐳᑦ, ᐸᒥᐊᓪᓗᖓᑕᓗ ᑐᓐᓄᖓ, ᐃᕐᕋᕕᖏᑕᓗ ᑭᒃᓴᐅᑎᖏᑦ.

ᒨᓯᓯ ᐱᖓᔪᖏᑦ 7:31

ᑐᓂᕐᕈᓯᕐᑎᑦᓯᔨᐅᑉ ᑐᓐᓄᐃᑦ ᐃᑯᐊᓚᑎᑕᒃᓴᕆᕔᑦ ᑐᓂᕐᕈᓯᕐᕕᖕᒥ, ᐆᒪᔫᓪᓕ ᓴᑭᐊᖏᑦ ᐂᕉᓂᐅᑉ ᐃᕐᓂᖏᑕᓗ ᐱᑖᕆᓂᐊᕐᐹᑦ.

ᒨᓯᓯ ᐱᖓᔪᖏᑦ 7:4

ᑕᕐᑐᖏᒡᓗ ᐃᒡᓗᒃᑐᑦ ᑕᕐᑐᕈᑎᖏᓪᓗ ᑐᓐᓄᐃᑦ ᑯᑦᓯᓂᖏᓐᓂ ᑐᓐᓄᐃᑦ ᑎᖑᖓᑕᓗ ᐃᒻᒧᑎᖓ ᑐᓐᓄᖅ, ᑕᒪᓐᓇ ᐱᖃᓯᐅᑎᔭᕆᐊᖃᕐᐳᖅ ᑕᕐᑐᖏᒃ ᐲᓕᕐᐸᑎᒃ.

ᒨᓯᓯ ᐱᖓᔪᖏᑦ 8:16

ᒨᓯᓯᐅᓪᓗ ᐆᒪᔫᑉ ᑭᒃᓴᐅᑎᖏᑦ ᐃᓗᖏᓪᓗ, ᑎᖑᖓᑕᓗ ᐃᒻᒧᑎᖏᑦ ᑐᓐᓄᐃᑦ ᐲᕐᐰᑦ, ᑕᕐᑐᖏᒡᓗ ᐃᒡᓗᒃᑐᑦ ᑕᕐᑐᕈᑎᖏᓪᓗ ᐃᑯᐊᓪᓚᒃᐰᑦ ᑐᓂᕐᕈᓯᕐᕕᖕᒥ.

ᒨᓯᓯ ᐱᖓᔪᖏᑦ 8:25

ᒨᓯᓯᐅᑉ ᑐᓐᓄᐃᑦ ᐲᔭᕐᐰᑦ, ᐸᒥᐊᓪᓗᖓᑕᓗ ᑐᓐᓄᖏᑦ, ᐃᒡᓗᒃᑐᑦ ᑕᕐᑐᕈᑎᖏᒡᓗ ᒥᒥᖓᑕᓗ ᑕᓕᕐᐱᐊ.

ᒨᓯᓯ ᐱᖓᔪᖏᑦ 9:10

ᑐᓂᕐᕈᓯᕐᕕᐅᓪᓗ ᖄᖓᓂ ᑐᓐᓄᖓ ᐃᑯᐊᓪᓚᒃᐹ, ᑕᕐᑐᖏᒡᓗ ᑎᖑᖓᑕᓗ ᑭᒃᓴᐅᑎᖓ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᑦ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᐱᖓᔪᖏᑦ 9:19

ᐃᒻᒧᒃᓯᐊᒐᐅᓪᓕ ᑐᓐᓄᖏᑦ, ᓰᐱᐅᓪᓗ ᐊᖑᓴᓪᓗᖓᑕ ᐸᒥᐊᓪᓗᖏᒃᑕ ᑐᓐᓄᖏᑦ, ᑕᕐᑐᖏᒡᓗ ᑎᖑᖏᑕᓗ ᑭᒃᓴᐅᑎᖏᑦ;

ᒨᓯᓯ ᓯᑕᒪᖏᑦ 18:17

ᐃᒻᒧᒃᓯᐅᒐᐅᑉ ᐃᕐᓂᐊᕆᖅᑳᕐᑕᖏᑦ, ᓰᐲᓪᓗ ᐃᕐᓂᐊᕆᖅᑳᕐᑕᖏᑦ ᒎᑦᓰᓪᓗ ᐃᕐᓂᐊᕆᖅᑳᕐᑕᖏᑦ ᐅᑎᕐᑎᑦᓴᕆᐊᖃᓐᖏᓚᓯ; ᐃᑦᔪᕐᓁᑦᑑᖕᒪᑕ. ᐊᐅᖏᑦ ᓯᕐᐸᕐᓴᕈᑎᔭᕆᐊᖃᕐᐸᓯ ᑐᓂᕐᕈᓯᕐᕕᖕᒧᑦ, ᑐᓐᓄᖏᓪᓗ ᐃᑯᐊᓪᓚᒃᑎᓪᓗᒋᑦ ᐃᑯᐊᓚᑎᑕᒃᓴᑎᑐᑦ ᑐᓂᕐᕈᑎᑎᑐᑦ ᐊᑕᓂᕐᒧᑦ ᑎᐱᑦᓯᐊᕆᒃᑑᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 2:16

ᐊᖑᑎᐅᓪᓕ ᑭᐅᒃᐸᒍ, “ᓈᒻᒪᒃᑐᒥᒃ ᐱᔭᕆᐊᓕᑦᑎᓐᓂᒃ ᐱᑬᓐᓇᕐᑕ ᑐᓐᓄᐊ ᐃᑯᐊᓪᓚᖅᑳᕐᓗᒍ; ᐱᔪᒪᔭᕐᓂᒃ ᑭᖑᓂᐊᒍᑦ ᐱᓂᐊᕐᐳᑎᑦ,” ᑐᓂᕐᕈᓯᕐᑎᑦᓯᔩᑦ ᐱᔨᖏᑦ ᐅᖃᕐᐸᓚᐅᕐᐳᑦ, “ᐋᒃᑲ, ᒫᓐᓇ ᕾᑦᓯᓚᐅᕆᑦ; ᕾᓐᓂᐊᖏᑐᐊᕈᕕᐅᒃ ᐊᕐᓵᕐᓂᐊᕐᐸᒋᑦ, ᐱᖁᔨᖏᒃᑲᓗᐅᕈᕕᑦ.”