ᒨᓯᓯ ᐂᑉᐸᖏᑦ 28:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᓂᐊᑯᕐᒧᑦ ᐃᒻᒧᑎᐅᑉ ᓇᓴᐅᔮᕐᑑᑉ ᓯᕗᕌᓃᑦᑐᒧᑦ ᐃᓕᔭᒃᓴᕆᕙᑦ ᑐᖑᔪᕐᑐᒥᒃ ᕿᓚᕈᑎᖃᕐᓗᒍ ᓂᐊᑰᑉ ᓯᕗᕌᓃᖁᓪᓗᒍ.

ᒨᓯᓯ ᐂᑉᐸᖏᑦ 28:37 Iomraidhean Croise

ᒨᓯᓯ ᐂᑉᐸᖏᑦ 28:28

ᓴᒡᕕᖕᒥᐅᑕᖅ ᓄᕐᓗᖏᑎᒍᑦ ᕿᓚᒃᓯᒪᔪᒃᓴᐅᕗᖅ ᑭᐊᑎᐅᑉ ᐃᐹᑎᐅᑉ ᓄᕐᓗᖏᓐᓄᑦ ᑐᖑᔪᕐᑐᒥᒃ ᕿᓚᕈᑎᖃᕐᓗᑎᒃ, ᑖᓐᓇ ᓴᒡᕕᖕᒥᐅᑕᖅ ᑭᐊᑎᒥᑦ ᐃᐹᑎᒥᒃ ᐊᑎᓕᖕᒥᑦ ᑲᑕᖁᓇᒍ.

ᒨᓯᓯ ᐂᑉᐸᖏᑦ 28:31

“ᐅᕕᓂᕈᖅ ᑭᐊᑎᐅᔫᑉ ᐃᐹᑎᐅᑉ ᐃᓗᐊᓃᑦᑐᖅ ᓴᓇᓯᒪᔪᒃᓴᐅᕗᖅ ᓄᕕᕐᓵᒃᓴᒥᑦ ᑐᖑᔪᕐᑍᓐᓇᕐᒥᑦ.

ᒨᓯᓯ ᐂᑉᐸᖏᑦ 28:36

“ᖃᐅᕐᒥᐅᑕᒃᓴᒥᒃ ᑕᑯᒥᓇᕐᑐᒥᒃ ᓴᓇᔪᒃᓴᐅᕗᑎᑦ ᒎᓗᒥᒃ ᐊᓯᐊᓂᒃ ᐃᓚᖃᖏᑦᑐᒥᒃ ᑕᕝᕘᓇᓗ ᑎᑎᕋᕐᕕᒋᓯᒪᓗᒍ ᓲᕐᓗ ᐊᑎᓕᐅᕈᑎᑐᑦ ᓇᕿᑦᔪᑎᑐᑦ ‘ᐊᑕᓂᕐᒧᑦ ᐃᑦᔪᕐᓁᑦᑎᑕᐅᓯᒪᔪᖅ.’

ᒨᓯᓯ ᐂᑉᐸᖏᑦ 28:38

ᐂᕉᓂᐅᑉ ᐊᑐᕆᐊᖃᕐᐹ ᖃᐅᖓᓂ ᐃᓕᓯᒪᓗᒍ, ᑍᒤᑉᐸᑦ ᑕᕝᕙ ᐅᕙᖓ ᐊᑕᓂᐅᔪᖓ, ᑐᓂᕐᕈᑎᒋᔭᓕᒫᖏᑦ ᐃᓚᓕᐅᕐᓂᐊᕐᐸᒃᑲ ᐃᓴᕆᐊᓕᒥᐅᑦ ᐃᑦᔪᕐᓁᑎᓯᒪᔭᖏᑦ ᐅᕙᓐᓄᑦ, ᐊᒡᓛᑦ ᐃᓄᐃᑦ ᑐᓂᕐᕈᓯᕐᓂᕐᒥᒍᑦ ᑕᒻᒪᕋᓗᐊᕐᐸᑕ.

ᒨᓯᓯ ᐂᑉᐸᖏᑦ 28:4

ᐃᒫᒃ ᑕᕝᕙ ᐊᓐᓄᕌᓕᐅᕐᑕᐅᔪᒃᓴᐅᕗᑦ; ᓴᒡᕕᖕᒥᐅᑕᖃᕐᓗᑎᒃ ᓯᒃᑭᑕᒥᒃ, ᑭᐊᑎᒥᒍᑦ ᐊᓐᓄᕌᖃᕐᓗᑎᒃ ᑍᔭᐅᔪᒥᒃ ᐃᐹᑦᒥᒃ, ᐊᓐᓄᕌᖃᕐᓗᑎᒡᓗ ᑕᑭᔪᓂᒃ, ᓯᓚᓪᓕᕐᓂᒡᓗ ᑕᕐᓯᕐᑐᕐᓯᒪᔪᓂᒃ ᓴᓇᓐᖑᐊᕐᓯᒪᔪᓂᒃ ᐅᕕᓂᕈᖃᕐᓗᑎᒃ, ᓂᐊᖁᖓᓗ ᐃᒻᒧᓯᕐᓯᒪᓗᓂ ᓇᓴᐅᔮᕐᑐᒥᒃ, ᖃᓪᓗᓈᕐᑕᒥᒡᓗ ᑕᑦᓯᕈᑎᖃᕐᓗᑎᒃ. ᑍᒫᒃ ᑕᕝᕙ ᐊᖓᔪᐃᑦ ᐂᕉᓂ ᐊᓐᓄᕌᓕᐅᕐᑕᐅᔪᒃᓴᐅᕗᖅ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᒃᓴᖏᓐᓂᒃ ᐃᑦᔪᕐᓁᑦᑐᓂᒃ ᑖᑦᓱᒪᓗ ᐃᕐᓂᖏᑦ, ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᕐᒧᑦ.

ᒨᓯᓯ ᐂᑉᐸᖏᑦ 29:6

ᓇᓴᕐᓗᒍᓗ ᓂᐊᖁᖓᓄᑦ ᓂᒥᐅᑎᓯᒪᔪᒥᒃ, ᑕᕝᕗᖓᓗ ᕿᓚᒡᓗᒍ ᖃᐅᕈᑎᒃᓴᖓ ᓇᓗᓁᒃᑯᑕᖅ ᐃᑦᔪᕐᓁᑎᑕᐅᓂᕐᒧᑦ ᑎᑎᕋᕐᕕᒋᓯᒪᓗᓂ ‘ᐊᑕᓂᕐᒧᑦ ᑐᓂᕐᕈᑕᐅᓯᒪᔪᖅ.’

ᒨᓯᓯ ᐱᖓᔪᖏᑦ 8:9

ᓇᓴᕐᑎᑉᐹᓗ ᓂᐊᖁᐊᓄᑦ ᐃᒻᒧᓯᐅᑎᓯᒪᔪᒥᒃ ᒎᓗᒥᒃ ᓯᕗᒥᐅᑕᖃᕐᑐᒥᒃ ᒎᑎᐅᑉ ᐊᖓᔪᖅᑳᖁᑎᖓᓂᒃ ᓇᓗᓁᒃᑯᑕᕐᒥᒃ ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᓴᑲᕅᐊᐅᑉ ᐊᒡᓚᖏᑦ 3:5

ᐂᖏᓕᐅᓪᓗ ᕿᓚᖕᒥᐅᖑᖃᑎᓂ ᑕᕝᕙᓃᑦᑐᑦ ᐱᖁᕔᑦ ᔮᓱᐊ ᓇᓴᕐᑕᐅᖁᓪᓗᒍ ᖃᓪᓗᓈᕐᑕᒥᒃ ᓴᓗᒪᔪᒥᒃ ᓂᐊᖁᕐᒧᑦ ᓂᒻᒪᐅᑎᓯᒪᔪᒥᒃ. ᑍᒫᒡᓗ ᐱᕗᑦ, ᓄᑖᓂᒡᓗ ᐊᓐᓄᕌᕐᑎᑉᐹᑦ, ᐂᖏᓕ ᑕᕝᕙᓂ ᓇᖏᕐᑎᓪᓗᒍ.

ᒨᓯᓯ ᓯᑕᒪᖏᑦ 15:38

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ: ᓂᒡᔭᓕᐅᖁᓗᒋᑦ ᐊᓐᓄᕌᖏᑕ ᑎᕆᖅᑯᐊᒍᑦ ᑭᖑᕚᕇᓄᑦ ᑍᒪᓐᖓᓕᒫᖅ ᒪᓕᒃᑕᐅᓂᐊᕐᑐᒥᒃ, ᐃᕙᓗᒥᒃ ᑐᖑᔪᕐᑐᒥᒃ ᓂᒡᔭᖃᖁᓪᓗᒋᑦ ᑎᕆᖅᑯᖏᑎᒍᑦ.