ᒨᓯᓯ ᐂᑉᐸᖏᑦ 28:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓴᓇᑦᓯᐊᕈᓐᓇᕐᑐᓕᒫᓂᒃ ᕾᖁᔨᔪᒃᓴᐅᕗᑎᑦ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᓐᓄᑦ, ᑖᒃᑯᐊᓗ ᐅᖃᐅᑎᔭᒃᓴᕆᕙᑎᑦ ᐂᕉᓂᒥᒃ ᐊᓐᓄᕌᒃᓴᓕᐅᖁᓗᒋᑦ, ᑖᓐᓇ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᖁᓪᓗᒍ ᑐᓂᔭᐅᓗᓂ ᐅᕙᓐᓄᑦ.

ᒨᓯᓯ ᐂᑉᐸᖏᑦ 28:3 Iomraidhean Croise

ᐊᑕᓃᑦ ᓯᕗᓪᓖᑦ 7:14

ᐅᐃᒡᒐᕐᓂᐅᑉ ᐃᕐᓂᖓ ᓈᑉᑕᓕᐅᑉ ᑭᖑᕚᖏᓐᓂᒥᐅᖅ ᐊᑖᑕᖓ ᑍᕆᒥᐅᑕᐅᓚᐅᕐᑐᖅ, ᑖᓐᓇ ᓴᓇᔨ ᑲᓐᓄᔭᓂᒃ; ᓯᓚᑐᔫᓚᐅᕐᐳᖅ, ᑐᑭᓯᐊᑦᓯᐊᕐᓗᓂᓗ ᓴᓇᔪᓐᓇᑦᓯᐊᕐᑐᖅ, ᑲᓐᓄᔭᒥᒃ ᖃᓄᑐᐃᓐᓇᖅ. ᑖᓐᓇ ᑎᑭᓚᐅᕐᐳᖅ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ, ᓴᓇᓚᐅᕐᑐᕐᓗ ᓴᓇᔭᕆᐊᖃᕐᑕᓕᒫᒥᓂᒃ.

ᒨᓯᓯ ᐂᑉᐸᖏᑦ 35:10

“ᑕᒪᕐᒥᑦᓯᐊᖅ ᓴᓇᔪᓐᓇᑦᓯᐊᕐᑐᑦ ᐃᓕᑦᓯᓐᓃᑦᑐᑦ ᓴᓇᔪᒃᓴᐅᕗᑦ ᑐᐱᐅᑉ ᐃᓗᐊᓃᑦᑐᒃᓴᓕᒫᓂᒃ ᐊᑕᓂᐅᑉ ᓴᓇᔭᐅᖁᓯᒪᔭᖏᓐᓂᒃ:

ᒨᓯᓯ ᐂᑉᐸᖏᑦ 35:25

ᐊᕐᓁᓪᓗ ᑕᒪᕐᒥᒃ ᐱᓇᓱᐊᕈᓐᓇᑦᓯᐊᕐᑐᑦ ᖃᓪᓗᓈᕐᑕᑦᓯᐊᕙᖕᓂᒃ ᐃᕙᓗᒃᓴᔭᓂᒃ ᑐᓂᕐᕈᓯᕐᐳᑦ ᐃᕙᓗᒃᓴᓂᒡᓗ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒡᓗ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ, ᑕᒪᒃᑯᓂᖓ ᓴᓇᓯᒪᔭᒥᖕᓂᒃ.

ᒨᓯᓯ ᐂᑉᐸᖏᑦ 35:30

ᑕᕝᕙ ᒨᓯᓯ ᐅᖃᕐᐳᖅ ᐃᓴᕆᐊᓕᒥᐅᓄᑦ, “ᐊᑕᓂᖅ ᓂᕈᐊᕐᓯᒪᕗᖅ ᐱᔭᓕᐅᓪᒥᒃ, ᐅᕆᐅᑉ ᐃᕐᓂᖓᓂᒃ ᕼᐊᕆᐅᑉ ᐃᕐᖑᑕᖓᓂᒃ, ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ.

ᒨᓯᓯ ᐂᑉᐸᖏᑦ 35:31

ᒎᑎᐅᑉ ᐃᓗᒻᒥᕐᑎᓯᒪᖕᒪᒍ ᐱᔪᓐᓇᕐᓂᕐᒥᒃ ᓴᓇᒃᑲᐅᓂᕐᒥᒡᓗ, ᐱᓇᓱᐊᕈᓐᓇᕐᓂᕐᒥᒡᓗ, ᖃᐅᔨᒪᓂᕐᒥᒡᓗ ᖃᓄᑐᐃᓐᓇᖅ ᐃᓱᒪᒐᓱᒍᓐᓇᕐᓂᕐᒥᒃ ᖃᓄᐃᓕᐅᕆᐊᒃᓴᒥᒃ,

ᒨᓯᓯ ᐂᑉᐸᖏᑦ 35:35

ᑖᒃᑯᐊᓗ ᐃᓗᒻᒥᕐᑎᓯᒪᕔᑦ ᓱᓇᑐᐃᓐᓇᓕᒫᓂᒃ ᓴᓇᔪᓐᓇᕐᓂᕐᓂᒃ ᓴᓇᓐᖑᐊᕈᓐᓇᕐᓂᕐᓂᒡᓗ, ᐃᒤᓕᖓᓂᒃᓴᖏᓐᓂᒡᓗ ᐋᖅᑭᒃᓱᐃᔪᓐᓇᕐᓂᕐᓂᒃ, ᖃᓪᓗᓈᕐᑕᑦᓯᐊᓂᒡᓗ ᓄᕕᓴᕈᓐᓇᕐᓂᕐᓂᒃ; ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᓄᕕᕐᓵᒃᓴᓂᒡᓗ ᐊᐅᐸᕐᑐᓂᒃ; ᐊᓯᖏᓐᓂᒡᓗ ᖃᓪᓗᓈᕐᑕᓂᒃ. ᑖᒃᑯᐊᓗ ᓴᓇᔪᓐᓇᕐᐳᑦ ᖃᓄᐃᑦᑐᑐᐃᓐᓇᑦᓯᐊᓂᒃ ᐋᖅᑭᑦᓯᐊᕐᓯᒪᔪᐊᓗᖕᓂᒃ ᐃᒤᓕᖓᓂᒃᓴᖏᓐᓂᒃ ᐋᖅᑭᒃᓱᐃᔪᓐᓇᕐᓗᑎᒃ.”

ᒨᓯᓯ ᐂᑉᐸᖏᑦ 36:1

“ᐱᔭᓕᐅᓪ, ᐅᕼᐅᓕᐊᑉ, ᐊᓯᖏᓪᓗ ᓴᓇᓐᖑᐊᕈᓐᓇᕐᑐᑦ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᑦ ᐋᖅᑭᒃᓱᐃᔪᓐᓇᕐᓂᕐᒥᒃ ᖃᐅᔨᒪᓂᕐᒥᒡᓗ, ᖃᓄᐃᑦᑐᑐᐃᓐᓇᕐᓂᒃ ᖃᓄᕐᓗ ᓴᓇᔭᕆᐊᒃᓴᖏᓐᓂᒃ ᖃᐅᔨᒪᔪᓐᓇᕐᓂᕐᒥᒃ ᖃᓄᕐᓗ ᐋᖅᑭᒃᑕᐅᔭᕆᐊᖃᕐᓂᖏᓐᓂᒃ ᑐᐱᐅᑉ ᐃᑦᔪᕐᓁᑦᑑᑉ ᓱᓇᑐᐃᓐᓇᒃᓴᓕᒫᖏᓐᓂᒃ, ᐱᓇᓱᐊᕈᓐᓇᓚᐅᕐᐳᑦ ᐊᑕᓂᐅᑉ ᓴᓇᔭᐅᖁᓚᐅᕐᑕᓕᒫᖏᓐᓂᒃ.”

ᒨᓯᓯ ᐂᑉᐸᖏᑦ 36:2

ᒨᓯᓯᐅᑉ ᐱᔭᓕᐅᓪ ᕾᖁᕚ, ᐅᕼᐅᓕᐊᑉᓗ, ᐊᓯᖏᓪᓗ ᓴᓇᔪᓐᓇᑦᓯᐊᕐᑐᑦ ᐊᖑᑎᑦ ᑖᒃᑯᓄᖓ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᓐᓄᑦ ᐃᑲᔪᕈᒪᑦᓯᐊᕐᑐᓄᓪᓗ, ᒨᓯᓯᐅᓪᓗ ᐅᖃᐅᑎᕔᑦ ᓴᓇᒋᐊᖁᓕᕐᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6

ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ, ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.

ᐂᓮᐊᓯᐅᑉ ᐊᒡᓚᖏᑦ 11:2

ᐊᑕᓂᐅᑉ ᐊᓂᕐᓂᖓᑕ ᐃᓂᒋᔪᒫᕐᐹ ᐊᓂᕐᓂᐅᑉ ᓯᓚᑐᓂᖃᕐᑎᑦᓯᔫᑉ ᑐᑭᓯᓂᖃᕐᑎᑦᓯᔫᓪᓗ, ᐊᓂᕐᓂᐅᑉ ᑕᓯᐅᕐᓯᓂᖃᕐᑎᑦᓯᔫᑉ ᐱᔪᓐᓇᕐᓂᕐᔪᐊᖃᕐᑎᑦᓯᔫᓪᓗ ᐊᓂᕐᓂᐅᑉ ᖃᐅᔨᒪᓂᖃᕐᑎᑦᓯᔫᑉ ᐊᑕᓂᕐᒥᒡᓗ ᓯᕘᕋᓂᖃᕐᑎᑦᓯᔫᑉ.

ᐃᐱᓯᒥᐅᓄᑦ 1:17

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ.

ᒨᓯᓯ ᑕᓪᓕᒪᖏᑦ 34:9

ᔮᓱᐊᓕ ᓈᓂᐅᑉ ᐃᕐᓂᖓ ᓯᓚᑐᓂᕐᒥᒃ ᐃᓗᒻᒥᕐᑕᐅᓚᐅᕐᐳᖅ, ᒨᓯᓯᐅᑉ ᐸᑎᒻᒥᓚᐅᕐᒪᒍ, ᐃᓴᕆᐊᓕᒥᐅᓂᑦ ᔮᓱᐊ ᓈᓚᒃᑕᐅᓚᐅᕐᐳᖅ ᐊᑕᓂᐅᓪᓗ ᐊᑐᕐᑕᐅᖁᔭᖏᑦ ᒪᓕᒃᑕᐅᓚᐅᕐᐳᑦ ᒨᓯᓯᒃᑯᑦ ᑐᓂᓚᐅᕐᑕᖏᑦ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.