ᒨᓯᓯ ᐂᑉᐸᖏᑦ 28:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑖᒃᑯᐊᓗ ᐅᔭᕅᑦ 12ᖑᔪᑦ ᐊᑐᓂᑦ ᔧᑰᑉ ᐃᕐᓂᖏᑕ ᐊᑎᖏᓐᓂᒃ ᐊᑎᓕᐅᕐᕕᒋᓯᒪᔪᒃᓴᐅᕗᑦ, ᐃᓴᕆᐊᓕᒥᐅᑦ ᑭᖑᕚᕇᖏᑦ ᐱᓪᓗᒋᑦ ᑭᖑᕚᕇᖕᓂᖏᓐᓂᒃ ᐃᖅᑲᐅᒪᑦᔪᑎᒃᓴᐅᖁᓪᓗᒋᑦ.

ᒨᓯᓯ ᐂᑉᐸᖏᑦ 28:21 Iomraidhean Croise

ᐊᑕᓃᑦ ᓯᕗᓪᓖᑦ 18:31

ᐃᓔᑦᔭ ᐅᔭᕋᖕᓂᒃ 12ᓂᒃ ᑲᑎᕐᓱᐃᕗᖅ, ᔧᑰᑉ ᐃᕐᓂᖏᑕ ᑭᖑᕚᖏᑕ ᐅᓄᕐᓂᖏᑦ ᒪᓕᒡᓗᒋᑦ, ᐊᑕᓂᐅᑉ ᐅᖃᐅᓯᖏᑦ ᑖᑦᓱᒧᖓ ᑎᑭᓚᐅᕐᑐᑦ ᒪᓕᒡᓗᒋᑦ, ᐅᖃᕐᓗᓂ, “ᐃᓴᕆᐊᓕᒥᒃ ᐊᑎᖃᕐᑐᒃᓴᐅᕗᑎᑦ.”

ᔫᐱᐅᑉ ᐊᒡᓚᖏᑦ 19:24

ᐅᕝᕙᓗ ᐅᓗᕐᓯᓯᒧᑦ ᑎᑎᕋᕐᑕᐅᓗᑎᒃ ᐅᔭᕋᒃᑯᑦ, ᓄᖑᓐᓂᐊᖏᓪᓗᑎᒃ ᑎᑎᕋᕐᓯᒪᓕᕐᓂᐊᕐᒪᑕ ᐃᓱᖃᖏᑦᑐᒧᑦ!

ᒨᓯᓯ ᐂᑉᐸᖏᑦ 24:4

ᒨᓯᓯᐅᓪᓗ ᑎᑎᕋᕐᐰᑦ ᐊᑕᓂᐅᑉ ᐱᓂᐊᕐᑕᐅᖁᔭᓕᒫᖏᑦ, ᖃᐅᑎᓪᓗᒍᓗ ᐅᓪᓛᕋᕐᔪᒃᑯᑦ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ ᖃᖅᑳᓘᑉ ᐊᑖᓂ. ᓴᓇᕕᒋᓪᓗᓂᐅᒃ ᐅᔭᖅᑲᓂᒃ 12ᓂᒃ ᐅᔭᕋᒃ ᐊᑕᐅᓯᖅ ᑐᕌᖓᑎᓪᓗᓂᐅᒃ ᐃᓅᖃᑎᒌᑦ ᐃᓴᕆᐊᓕᒥᐅᑦ 12ᓕᖅᑲᖓᓂᖏᑦ ᒪᓕᒡᓗᒋᑦ.

ᒨᓯᓯ ᐂᑉᐸᖏᑦ 28:11

ᐅᔭᕋᖕᓂᒃ ᓴᓇᓐᖑᐊᕈᓐᓇᕐᑐᓂᒃ ᑎᓕᓯᔪᒃᓴᐅᕗᑎᑦ ᐃᓴᕆᐊᓕᐅᑉ ᑭᖑᕚᖏᑦ ᑎᑎᕋᕐᑕᐅᖁᓪᓗᒋᑦ ᐅᔭᕋᒃᑯᑦ, ᐃᑎᕐᓴᓕᐅᕐᓯᒪᔪᓪᓗ ᐅᔭᕋᒃᑯᑦ ᖄᓕᕐᓗᒋᑦ ᒎᓗᓂᒃ.

ᒨᓯᓯ ᐂᑉᐸᖏᑦ 28:20

ᓯᑕᒪᖓᓐᓂ ᑐᑭᓕᕇᓂ ᐃᓕᓯᒪᔪᖃᕐᑐᒃᓴᐅᕗᖅ ᐃᒤᑦᑐᓂᒃ ᐱᕅᐅᓪᒥᒃ, ᑳᕐᓃᓕᐊᓐᒥᒃ, ᔮᔅᐱᕆᒥᒡᓗ. ᑕᒪᒃᑯᐊᓗ ᐃᓕᓯᒪᔪᒃᓴᐅᕗᑦ ᒎᓗᓂᒃ ᑐᓐᖓᕕᖃᕐᓗᑎᒃ.

ᒨᓯᓯ ᐂᑉᐸᖏᑦ 28:22

ᑖᓐᓇᓗ ᓴᒡᕕᖕᒥᐅᑕᖅ ᒎᓗᓂᒃ ᐃᓚᓯᒪᖏᑦᑐᓂᒃ ᐊᕐᓵᕐᑑᔭᖃᕐᑐᒃᓴᐅᕗᖅ, ᐊᒃᓱᓈᑎᑐᑦ ᕿᐱᓯᒪᔪᓂᒃ.

ᓴᑲᕅᐊᐅᑉ ᐊᒡᓚᖏᑦ 9:16

ᐊᑕᓂᐅᑉ ᒎᑎᖓᑦᑕ ᓴᐳᑎᔪᒫᕐᐰᑦ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ, ᑍᒫᑦᓮᓐᓇᖅ ᓰᐱᓕᕆᔨᐅᑉ ᓰᐱᖁᑎᓂ ᓴᐳᑎᓲᕆᖕᒪᒋᑦ ᐃᕐᓯᓇᕐᑐᓂᑦ: ᐅᔭᕋᒃᑎᑐᑦ ᑕᑯᒥᓇᕐᑐᑎᑐᑦ ᑍᒤᑦᓱᒫᕐᐳᑦ ᓂᐊᖂᑎᖓᓂ, ᑕᑯᒃᓴᐅᑦᓯᐊᕐᓗᑎᒡᓗ ᓄᓇᖁᑎᖓᓂ.

ᓘᑲᓯᐅᑉ ᐊᒡᓚᖏᑦ 22:30

ᓂᕆᖃᑎᒋᔪᒫᕋᑦᓯ ᐃᒥᖃᑎᒋᓗᓯᓗ ᐊᑕᓂᐅᕕᖕᒪ ᓂᕆᕕᐊᓂ, ᐃᒃᓯᕙᔪᒫᕐᐳᓯᓗ ᐃᒃᓯᕙᐅᑕᕐᔪᐊᓂ ᐊᖓᔪᖅᑳᖑᓗᓯ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ 12ᓄᑦ.”

ᔧᒥᓯᐅᑉ ᐊᒡᓚᖏᑦ 1:1

ᔧᒥᓯ, ᒎᑎᐅᑉ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᔨᖓ, ᑭᖑᕚᕇᓄᑦ 12ᓄᑦ ᓯᓚᕐᔪᐊᕐᒥ ᓇᓂᑐᐃᓐᓈᕐᑐᓄᑦ; ᑐᓐᖓᓱᒋᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:12

ᐳᕐᑐᔪᒥᒃ ᐊᖏᔪᕐᔪᐊᒥᒡᓗ ᐊᕙᓗᕐᔪᐊᖃᕐᐳᖅ, 12ᓂᒃ ᐃᑎᕐᑕᕐᕕᖃᕐᓗᑎᒃ, ᐃᑎᕐᑕᕐᕕᖏᓪᓗ ᐂᖏᓕᑕᖃᕐᐳᑦ 12ᓂᒃ, ᐃᑎᕐᑕᕐᕖᓪᓗ ᐃᓴᕆᐊᓕᒥᐅᑦ ᑭᖑᕚᖏᑕ ᐊᑎᖏᓐᓂᒃ 12ᓂᒃ ᑎᑎᕋᕐᕕᒋᓯᒪᕗᑦ.