ᒨᓯᓯ ᐂᑉᐸᖏᑦ 28:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑐᓂᕐᕈᓯᕐᑎᑦᓯᔨᓄᓪᓗ ᐃᑦᔪᕐᓁᑦᑐᓂᒃ ᐊᓐᓄᕌᓕᐅᕐᑐᒃᓴᐅᕗᑎᑦ ᐊᖓᔪᖕᓄᑦ ᐂᕉᓂᒧᑦ, ᓂᕐᑐᕐᓇᕐᑑᖁᓪᓗᒍ ᑕᑯᒥᓇᖁᓪᓗᒍᓗ.

ᒨᓯᓯ ᐂᑉᐸᖏᑦ 28:2 Iomraidhean Croise

ᔫᐱᐅᑉ ᐊᒡᓚᖏᑦ 40:10

ᓇᓗᓁᔭᓕᕆᑦ ᐊᔪᖏᑦᑐᕐᔪᐊᖑᓂᕐᓂᒃ ᖃᓄᐃᑦᑑᓂᕐᓂᒡᓗ; ᐅᐱᓐᓇᕐᓯᑎᓪᓗᑎᑦ ᓂᕐᑐᕐᓇᕐᓯᑎᓪᓗᑎᓪᓗ;

ᐃᓐᖏᕈᑎᑦ 132:16

ᑐᓂᕐᕈᓯᕐᑎᑦᓯᔨᖏᑦ ᐊᓐᓄᕌᕐᑎᓐᓂᐊᕐᐸᒃᑲ ᐱᐅᓕᔭᐅᓂᕐᒥᒃ, ᐃᑦᔪᕐᓁᑦᑐᖁᑎᖏᓪᓗ ᖁᕕᐊᓱᖕᓂᕐᒧᑦ ᕾᒐᓛᕐᓂᐊᕐᐳᑦ.

ᐃᓐᖏᕈᑎᑦ 132:9

ᑐᓂᕐᕈᓯᕐᑎᑦᓯᔨᖁᑎᑎᑦ ᐊᓐᓄᕌᕐᓯᒪᓚᐅᕐᓕ ᓇᓛᒎᕐᓂᕐᒥᒃ, ᐃᑦᔪᕐᓁᑦᑐᖁᑎᑎᓪᓗ ᖁᕕᐊᓱᖕᓂᕐᒧᑦ ᕾᒐᓛᓗᑎᒃ.

ᐃᓐᖏᕈᑎᑦ 149:4

ᐊᑕᓂᐅᑉ ᐃᓄᖁᑎᓂ ᖁᕕᐊᒋᖕᒪᒋᑦ; ᐱᐅᔪᕆᖏᑦᑐᑦ ᐅᐱᓐᓇᕐᑎᑉᐰᑦ ᓵᓚᖃᕐᑎᓪᓗᒋᑦ.

ᐃᓐᖏᕈᑎᑦ 96:6

ᓂᕐᑐᕐᓇᕐᓂᖅ ᐊᖓᔪᖅᑳᕐᔪᐊᖑᓂᕐᓗ ᑖᑦᓱᒪᓃᑉᐳᑦ; ᓴᓐᖏᓂᖅ ᐃᓂᖁᓇᕐᓂᕐᓗ ᑖᑦᓱᒪ ᐃᑦᔪᕐᓁᑦᑐᕕᖁᑎᖓᓃᑉᐳᑦ.

ᒨᓯᓯ ᐂᑉᐸᖏᑦ 28:40

“ᐂᕉᓂᐅᑉ ᐃᕐᓂᖏᓐᓄᑦ ᐅᕕᓂᕈᓕᐅᕐᑐᒃᓴᐅᕗᓯ, ᑕᑦᓯᕈᑎᓕᐅᕐᓗᓯᓗ ᖃᓪᓗᓈᕐᑕᓂᒃ, ᓇᓴᓕᐅᕐᓗᓯᓗ; ᐋᖅᑭᒃᓯᒪᑦᓯᐊᖁᓪᓗᒋᑦ ᑕᑯᒥᓇᖁᓪᓗᒋᓪᓗ.

ᒨᓯᓯ ᐂᑉᐸᖏᑦ 29:28

ᑕᒪᓐᓇᓗ ᑍᒪᓐᖓᑦ ᓱᖁᓯᔪᐃᑦᑐᒥᒃ ᐂᕉᓂᒃᑯᑦ ᐃᕐᓂᖏᑕᓗ ᒪᓕᒐᕆᔭᒃᓴᕆᕚᑦ ᐃᓴᕆᐊᓕᒥᐅᑦ ᐃᓄᖏᑕ ᑐᓂᕐᕈᓯᖃᑦᑕᕐᓂᒃᓴᖓᑦ, ᑕᒪᓐᓇ ᑍᒤᑦᑐᖅ ᑐᓂᕐᕈᓯᕐᓂᖅ ᑐᓂᕐᕈᓯᕐᑎᑦᓯᔨᓄᑦ ᓂᕿᒃᓴᕆᔭᐅᔪᒃᓴᐅᕗᖅ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑐᓂᔭᐅᖃᑦᑕᕆᐊᓕᒃ; ᐃᓚᒌᑦᓯᐊᓕᕐᓂᕐᒧᑦ ᑐᓂᕐᕈᓯᕐᓂᐅᖕᒪᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 31:10

ᑕᑯᒥᓇᕐᑐᓪᓗ ᓴᓇᔭᐅᑦᓯᐊᕐᓯᒪᔪᑦ ᐊᓄᕌᒃᓮᑦ, ᐃᑦᔪᕐᓁᑦᑐᑦ ᐊᓐᓄᕌᒃᓴᑦ ᐂᕉᓂᒧᑦ ᑐᓂᕐᕈᓯᕐᑎᑦᓯᔨᒧᑦ ᐃᕐᓂᖏᑕᓗ ᐊᓐᓄᕌᒃᓴᖏᑦ, ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᓇᓱᐊᕐᓗᑎᒃ ᐊᑐᒐᒃᓴᖏᑦ,

ᒨᓯᓯ ᐂᑉᐸᖏᑦ 40:13

ᑕᕝᕙ ᐂᕉᓂ ᐊᓐᓄᕌᕐᑎᑕᒃᓴᕆᕙᑦ ᐊᓐᓄᕌᓂᒃ ᐃᑦᔪᕐᓁᑦᑐᓂᒃ, ᒥᖑᐊᕐᓗᒍᓗ ᐅᕐᓱᒧᑦ, ᑕᕝᕙ ᑍᒫᒃ ᐃᑦᔪᕐᓁᑎᑕᒃᓴᕆᕙᑦ, ᐅᕙᓐᓂᒃ ᐱᔨᑦᓯᕈᓐᓇᖁᓪᓗᒍ ᑐᓂᕐᕈᓯᕐᑎᑦᓯᔨᐅᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 61:10

ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᒨᓯᓯ ᐱᖓᔪᖏᑦ 8:30

ᒨᓯᓯᐅᓪᓗ ᐅᕐᓱᖅ ᒥᖑᐊᕈᑎᒃᓴᖅ ᑎᒍᕚ ᐊᐅᒡᓗ ᑐᓂᕐᕈᓯᕐᕕᖕᒥᑦ ᐱᔪᖅ ᓯᕐᐸᕐᓴᕈᑎᒋᕔᓪᓗ ᐂᕉᓂᒧᑦ ᐊᓐᓄᕌᖏᓐᓄᓪᓗ, ᐃᕐᓂᖏᓐᓄᓪᓗ ᐊᓐᓄᕌᖏᓐᓄᓪᓗ. ᑍᒫᒃ ᐂᕉᓂᐅᑉ ᑎᓕᔭᐅᓂᖓ ᐊᓐᓄᕌᖏᑕᓗ ᓇᓗᓁᒃᑯᑕᖏᑦ ᐱᔭᐅᕗᑦ ᐃᕐᓂᖏᓪᓗ ᑖᒃᑯᐊᓗ ᐊᓐᓄᕌᖏᑦ.

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᕉᒪᒥᐅᓄᑦ 3:22

ᒎᑎᒧᑦ ᓈᒻᒪᒋᔭᐅᓕᕐᓂᖅ ᐱᔭᒃᓴᐅᕗᖅ ᐅᒃᐱᕐᑐᓕᒫᓄᑦ, ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ.

ᒐᓔᑎᐊᒥᐅᓄᑦ 3:27

ᐅᓄᕐᑑᓪᓗᓯ ᙭ᔅᑑᓯᒃᑯᑦ ᐹᑉᑎᑕᐅᓯᒪᔪᓯ ᐊᑎᑎᑕᐅᓯᒪᕗᓯ ᙭ᔅᑑᓯᒥᒃ.

ᐄᑉᕈᐃᓄᑦ 2:9

ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ.

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.

ᐲᑦᑐᕉᓯ ᐂᑉᐸᖏᑦ 1:17

ᓇᔫᑎᓚᐅᕋᑦᑕ ᐅᐱᒋᔭᐅᑎᓪᓗᒍ ᓂᕐᑐᕐᓇᕐᑎᑕᐅᑎᓪᓗᒍᓗ ᒎᑎ ᐊᑖᑕᒧᑦ ᓂᐱ ᑐᓴᓚᐅᕐᐸᕗᑦ ᐱᓐᓇᕐᓇᕐᑐᔪᐊᒥᑦ ᐱᔪᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᓪᓗᒍ ᖁᕕᐊᒋᑦᓯᐊᕐᑕᕋ,”

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:8

ᐊᓐᓄᕌᕈᓐᓇᕐᑎᑕᐅᕗᖅ ᓵᑦᑐᒥᒃ, ᑕᑯᒥᓇᕐᑐᒥᒃ ᓴᓗᒻᒪᑦᓯᐊᕐᑐᒥᒃ.” ᐊᓐᓄᕌᖅ ᑖᓐᓇ ᓵᑦᑐᖅ ᐊᓐᓄᕌᒃᓴᐅᕗᖅ ᐃᑦᔪᕐᓁᑦᑐᓄᑦ ᐃᓗᐊᕐᑐᒥᒃ ᐃᓅᓯᖃᕐᓗᑎᒃ ᐱᓇᓱᐊᓚᐅᕐᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:10

ᑐᓂᕐᕈᓯᕐᑎᑦᓯᔨᓐᖑᕐᑎᑉᐸᑎᓪᓗ ᐊᑕᓂᐅᕕᖕᒥ ᒎᑎᑦᑎᓐᓄᑦ, ᐊᐅᓚᑦᓯᔨᐅᖁᓪᓗᒋᓪᓗ ᓄᓇᕐᔪᐊᕐᒥ.”