ᒨᓯᓯ ᐂᑉᐸᖏᑦ 28:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᓴᒡᕕᖕᒥᐅᑕᓕᐅᕐᑐᒃᓴᐅᕗᓯ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ ᐊᑐᕐᑕᐅᖃᑦᑕᕐᓂᐊᕐᑐᒥᒃ ᖃᐅᔨᓇᓱᐊᕐᕕᖕᒥ ᒎᑎᐅᑉ ᐱᔪᒪᔭᖓᓂᒃ, ᓴᓇᓯᒪᑦᓯᐊᕐᑐᒃᓴᐅᕗᖅ; ᑭᐊᑎᒃᓴᐅᔪᑎᑐᑦ ᑐᓂᕐᕈᓯᕐᑎᑦᓯᔨᓄᑦ ᐃᐹᑦᑎᒥᒃ ᐊᑎᓕᒃᑎᑐᑦ; ᓴᓇᔭᐅᔪᒃᓴᐅᕗᖅ ᒎᓗᒥᑦ, ᑐᖑᔪᕐᑐᒥᓪᓗ ᐊᐅᐸᓪᓚᕆᒃᑐᒥᓪᓗ ᓄᕕᕐᓵᒃᓴᒥᓪᓗ ᐊᐅᐸᕐᑐᒥᑦ, ᖃᓪᓗᓈᕐᑕᑦᓯᐊᒥᒡᓗ ᓵᑦᑐᒥᑦ ᓴᓇᓯᒪᓗᓂ ᑍᒫᒃ ᓴᓇᓯᒪᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 28:15 Iomraidhean Croise

ᒨᓯᓯ ᐂᑉᐸᖏᑦ 25:7

ᐅᔭᕋᖕᓂᒡᓗ ᐊᑭᑐᔪᒃᓴᔭᓂᒃ ᐊᑎᖃᕐᑐᓂᒃ ᑳᕐᓂᓕᐊᓂᒃ, ᐊᓯᖏᓐᓂᒡᓗ ᐅᔭᕋᖕᓂᒃ ᐱᐅᓴᐅᑎᒋᔭᐅᔪᒃᓴᓂᒃ, ᑐᓂᕐᕈᓯᕐᑎᑦᓯᔩᑦ ᓴᒡᕕᖕᒥᐅᑕᖏᓐᓂ ᐃᐹᑎᓂᒃ ᐊᑎᓕᖕᓂᒃ ᓴᒡᕕᖕᒥᐅᑕᖏᓐᓂᓗ.

ᒨᓯᓯ ᐂᑉᐸᖏᑦ 26:1

“ᑐᐱᓕᐅᕐᑐᒃᓴᐅᕗᑎᑦ ᐃᓗᐊᒍᑦ ᐃᑦᔪᕐᓁᑦᑐᒃᑯᕕᖃᕐᑐᒥᒃ, ᐅᕙᓐᓄᑦ ᐃᓂᒃᓴᐅᖁᓪᓗᒍ ᑖᓐᓇ ᐃᑦᔪᕐᓁᑦᑐᒃᑯᕕᒃ, ᑐᐱᒃᓴᓂᑦ ᖁᒻᒧᑦ 10ᓂᒃ ᓴᓇᓯᒪᓗᓂ ᖃᓪᓗᓈᕐᑕᓕᐊᕆᓯᒪᔪᓂᑦ ᐱᐅᓂᕐᐹᓂᑦ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ; ᑖᒃᑯᐊᓗ ᐊᑐᓂᑦ 10 ᒥᕐᓱᕐᓯᒪᔪᓂᒃ ᑕᕐᓴᓕᐅᕐᑕᐅᓯᒪᔪᒃᓴᐅᕗᑦ ᓯᕈᐲᒻᖑᐊᓂᒃ ᓴᓇᑦᓯᐊᕈᓐᓇᕐᑐᒧᑦ ᓴᓇᔭᐅᓯᒪᔪᓂᒃ ᓴᓇᔪᒃᓴᐅᕗᑎᑦ.

ᒨᓯᓯ ᐂᑉᐸᖏᑦ 26:36

“ᑐᐱᐅᓪᓕ ᐃᑎᕐᑕᕐᕕᖓ ᑖᓗᑕᓕᐅᕐᑕᒃᓴᕆᕙᑦ ᖃᓪᓗᓈᕐᑕᑦᓯᐊᕙᖕᒥᒃ ᓵᑦᑐᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ; ᑕᕐᓯᕐᓱᕐᓯᒪᓗᓂᓗ ᒥᕐᓱᕐᓯᒪᔪᓂᒃ.

ᒨᓯᓯ ᐂᑉᐸᖏᑦ 28:14

ᒎᓗᓂᒡᓗ ᐃᓚᓯᒪᖏᑦᑐᓂᒃ ᕿᐱᓯᒪᔪᓂᒃ ᐊᒃᓱᓈᑎᑐᑦ ᐊᕐᓵᕐᑑᔭᖃᕐᑐᒃᓴᐅᕗᒃ ᒪᕐᕉᖕᓂᒃ ᑖᒃᑯᐊᒡᓗ ᐊᕐᓵᕐᑑᔮᒃ ᑕᕝᕗᖓ ᐅᔭᕋᖕᓄᑦ ᐊᑦᓱᖏᕐᓯᒪᔪᒃᓴᐅᕗᒃ.”

ᒨᓯᓯ ᐂᑉᐸᖏᑦ 28:16

ᑖᓐᓇᓗ ᓯᒃᑭᑕᓪᓗᐊᖑᔪᒃᓴᐅᕗᖅ ᑕᐱᖅᑯᐊᕇᖑᓗᓂ, ᑕᑭᓂᖃᕐᓗᓂ ᑐᑭᒧᑦ ᐊᒡᒊᑦ ᐃᓵᒡᓗᒋᑦ ᑕᑭᓂᖏᑎᑐᑦ ᓴᓂᒧᑐᓂᖃᕐᓗᓂᓗ ᑍᒫᑦᓮᓐᓇᖅ.

ᒨᓯᓯ ᐂᑉᐸᖏᑦ 28:30

ᑕᕝᕗᖓ ᓴᒡᕕᖕᒥᐅᑕᕐᒧᑦ ᐃᓕᓯᔪᒃᓴᐅᕗᓯ ᖃᐅᔨᓇᓱᐊᕈᑎᒃᓵᖕᓂᒃ ᒪᕐᕉᖕᓂᒃ ᑍᔭᐅᔫᖕᓂᒃ ᔪᕆᒻ ᐊᒻᒪᓗ ᑕᐅᒪᒻᒥᒃ, ᐂᕉᓂ ᐃᑎᓕᕈᓂ ᐃᑦᔪᕐᓁᑦᑐᕕᖕᒧᑦ ᐊᑕᓂᐅᑉ ᓵᖓᓄᑦ, ᑖᒃᑯᓂᖓ ᓇᒃᓴᖃᑦᑕᖁᓪᓗᒍ ᑕᕝᕗᖓ; ᑍᒪᓐᖓᑦ ᑖᒃᑯᐊ ᐊᑐᕐᑕᒃᓴᕆᓂᐊᕐᐰᑦ, ᐱᔭᐅᖁᔭᓐᓂᒃ ᖃᐅᔨᓇᓱᒋᐊᖃᓕᕈᓂ ᐃᓴᕆᐊᓕᒥᐅᓄᑦ ᖃᐅᔨᔪᓐᓇᖁᓪᓗᒍ ᑕᒪᒃᑯᓄᖓ ᐊᑕᓂᐅᑉ ᓵᖓᓂ.”

ᒨᓯᓯ ᐂᑉᐸᖏᑦ 28:4

ᐃᒫᒃ ᑕᕝᕙ ᐊᓐᓄᕌᓕᐅᕐᑕᐅᔪᒃᓴᐅᕗᑦ; ᓴᒡᕕᖕᒥᐅᑕᖃᕐᓗᑎᒃ ᓯᒃᑭᑕᒥᒃ, ᑭᐊᑎᒥᒍᑦ ᐊᓐᓄᕌᖃᕐᓗᑎᒃ ᑍᔭᐅᔪᒥᒃ ᐃᐹᑦᒥᒃ, ᐊᓐᓄᕌᖃᕐᓗᑎᒡᓗ ᑕᑭᔪᓂᒃ, ᓯᓚᓪᓕᕐᓂᒡᓗ ᑕᕐᓯᕐᑐᕐᓯᒪᔪᓂᒃ ᓴᓇᓐᖑᐊᕐᓯᒪᔪᓂᒃ ᐅᕕᓂᕈᖃᕐᓗᑎᒃ, ᓂᐊᖁᖓᓗ ᐃᒻᒧᓯᕐᓯᒪᓗᓂ ᓇᓴᐅᔮᕐᑐᒥᒃ, ᖃᓪᓗᓈᕐᑕᒥᒡᓗ ᑕᑦᓯᕈᑎᖃᕐᓗᑎᒃ. ᑍᒫᒃ ᑕᕝᕙ ᐊᖓᔪᐃᑦ ᐂᕉᓂ ᐊᓐᓄᕌᓕᐅᕐᑕᐅᔪᒃᓴᐅᕗᖅ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᒃᓴᖏᓐᓂᒃ ᐃᑦᔪᕐᓁᑦᑐᓂᒃ ᑖᑦᓱᒪᓗ ᐃᕐᓂᖏᑦ, ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᕐᒧᑦ.

ᒨᓯᓯ ᐂᑉᐸᖏᑦ 28:6

“ᑭᐊᑎᒥᒃ ᐊᓐᓄᕌᓕᐅᕐᑐᒃᓴᐅᕗᑦ ᑍᔭᐅᔪᒥᒃ ᐃᐹᑦᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᓄᕕᕐᓵᒃᓴᒥᒡᓗ ᐊᐅᐸᕐᑐᒥᒃ, ᒎᓗᒥᒃ ᐃᕙᓗᖃᕐᓗᑎᒃ, ᓵᑦᑐᒥᒃ ᖃᓪᓗᓈᕐᑕᒥᒃ ᐊᑐᕐᓗᑎᒃ, ᑕᕐᓯᕐᑐᕐᓯᒪᓗᑎᒡᓗ ᓴᓇᓐᖑᐊᕐᓯᒪᔪᓂᒃ.

ᒨᓯᓯ ᐂᑉᐸᖏᑦ 29:5

ᑕᕝᕙ ᐂᕉᓂ ᑐᓂᕐᕈᓯᕐᑎᑦᓯᔨᓯᐅᑎᓂᒃ ᑕᕝᕙᓂ ᐊᓐᓄᕌᕐᑎᑕᒃᓴᕆᕙᑦ; ᐱᒋᐊᕐᑎᓪᓗᒍ ᐃᓗᓪᓕᕐᒥᒃ ᐅᕕᓂᕈᕐᒥᒃ, ᑕᑭᔪᒥᒡᓗ ᐅᓕᒡᔪᐊᒥᒃ ᐊᑎᑎᓪᓗᒍ, ᑭᐊᑎᒥᒡᓗ ᐃᐹᑎᒥᒃ ᐊᑎᓕᖕᒥᒃ, ᓴᒡᕕᖕᒥᐅᑕᒥᒡᓗ, ᑕᑦᓯᕈᓯᕐᑎᓪᓗᒍᓗ ᖃᓪᓗᓈᕐᑕᒥᒃ.

ᒨᓯᓯ ᐱᖓᔪᖏᑦ 8:8

ᓴᒡᕕᖕᒥᐅᑕᒥᒡᓗ ᐊᑎᑎᒃᑭᕚ, ᒎᑎᐅᓪᓗ ᐱᔪᒪᔭᖓᓂᒃ ᓇᓚᐅᑦᓯᑦᔪᑏᒃ ᐊᑎᖃᕐᑑᒃ ᔫᕆᒻ ᐊᒻᒪᓗ ᑕᒪᒻ ᓴᒡᕕᖕᒥᐅᑕᖓᓄᑦ ᐃᓕᓪᓗᒋᒃ.