13 ᑖᒃᑯᐊᓗ ᐃᑎᕐᓴᓕᐅᕐᓯᒪᔪᑦ ᖄᓕᕐᑕᐅᔪᒃᓴᐅᕗᑦ ᒎᓗᓂᒃ,
ᐅᔭᕋᖕᓂᒃ ᓴᓇᓐᖑᐊᕈᓐᓇᕐᑐᓂᒃ ᑎᓕᓯᔪᒃᓴᐅᕗᑎᑦ ᐃᓴᕆᐊᓕᐅᑉ ᑭᖑᕚᖏᑦ ᑎᑎᕋᕐᑕᐅᖁᓪᓗᒋᑦ ᐅᔭᕋᒃᑯᑦ, ᐃᑎᕐᓴᓕᐅᕐᓯᒪᔪᓪᓗ ᐅᔭᕋᒃᑯᑦ ᖄᓕᕐᓗᒋᑦ ᒎᓗᓂᒃ.
ᒎᓗᓂᒡᓗ ᐃᓚᓯᒪᖏᑦᑐᓂᒃ ᕿᐱᓯᒪᔪᓂᒃ ᐊᒃᓱᓈᑎᑐᑦ ᐊᕐᓵᕐᑑᔭᖃᕐᑐᒃᓴᐅᕗᒃ ᒪᕐᕉᖕᓂᒃ ᑖᒃᑯᐊᒡᓗ ᐊᕐᓵᕐᑑᔮᒃ ᑕᕝᕗᖓ ᐅᔭᕋᖕᓄᑦ ᐊᑦᓱᖏᕐᓯᒪᔪᒃᓴᐅᕗᒃ.”
ᓴᒡᕕᖕᒥᐅᑕᕐᓗ ᖁᓕᖔᖓᒍᑦ ᓂᕕᖓᑦᔪᑎᓕᐅᕐᓯᒪᕗᖅ ᒎᓘᖕᓂᒃ ᓄᕐᓗᓖᖕᓂᒃ ᒪᕐᕉᖕᓂᒃ, ᐊᑐᓂᑦ ᖁᓛᓃᑦᑑᑉ ᑎᕆᖅᑯᖏᑎᒍᒃ.
ᓴᒡᕕᖕᒥᐅᑕᓕᐅᕆᕗᖅ ᓴᓇᓯᒪᑦᓯᐊᕐᑐᒥᒃ ᑭᐊᑎᒃᓴᐅᔪᑎᑐᑦ ᓴᓇᓯᒪᓪᓗᓂ ᐃᐹᑦᑎᒥᒃ ᐊᑎᓕᒃᑎᑐᑦ ᓴᓇᔭᐅᓯᒪᓪᓗᓂ ᒎᓗᒥᑦ, ᑐᖑᔪᕐᑐᒥᓪᓗ ᐊᐅᐸᓪᓚᕆᒃᑐᒥᓪᓗ ᓄᕕᕐᓵᒃᓴᒥᓪᓗ ᐊᐅᐸᕐᑐᒥᑦ, ᖃᓪᓗᓈᕐᑕᑦᓯᐊᒥᒡᓗ ᓵᑦᑐᒥᑦ ᓴᓇᓯᒪᓗᓂ ᑍᒫᒃ ᓴᓇᓯᒪᕗᖅ.
