ᒨᓯᓯ ᐂᑉᐸᖏᑦ 27:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᑐᐱᕐᒥ ᐃᓂᒃᓴᕆᓂᐊᕐᑕᓐᓂᒃ ᐃᒡᓗᐊᕈᓯᓕᐅᕐᑐᒃᓴᐅᕗᑎᑦ ᑲᓪᓗᓈᕐᑕᑦᓯᐊᕙᖕᓂᒃ ᓵᑦᑐᓂᒃ ᑖᓗᑕᖃᕐᓗᒍ. ᑐᐱᕐᒥ ᓯᕿᓂᐅᑉ ᓇᓛᓃᑦᑐᒃᑯᑦ ᐋᖅᑭᒃᓱᐃᔪᒃᓴᐅᕗᑎᑦ ᑖᓗᑕᕐᒥᒃ ᓴᓂᒧᑐᓂᖃᕐᓗᒍ 50ᓂᒃ ᐆᒃᑑᑎᓂᒃ,

ᒨᓯᓯ ᐂᑉᐸᖏᑦ 27:9 Iomraidhean Croise

ᐊᑕᓃᑦ ᓯᕗᓪᓖᑦ 6:36

ᐃᓗᒻᒪᕆᐊ ᑲᑎᒪᕕᐅᑉ ᓴᓇᓯᒪᓗᓂ ᐹᕐᐸᓯᖓᓃᓪᓗᓂ ᐅᔭᕋᖕᓂᒃ ᓴᓇᓯᒪᔪᓂᒃ, ᐊᑭᓐᓇᓕᒫᖏᑦ ᕿᔪᖕᓂᒃ ᓰᑕᕆᓂᒃ ᕿᕋᑦᑕᖅᑯᑎᖃᕐᐳᑦ ᓱᑲᖏᓐᓂᒃ.

ᐊᑕᓃᑦ ᓯᕗᓪᓖᑦ 8:64

ᑕᕝᕙᓂ ᐅᓪᓗᒥ ᑕᒪᓐᓇ ᑲᑎᒪᕕᐊᓘᑉ ᕿᑎᖓ ᐃᑦᔪᕐᓁᓕᑎᑉᐹᑦ, ᑐᒃᓯᐊᕐᕕᔪᐊᑉ ᓯᕗᕋᖓᓃᑦᑐᖅ, ᐱᔭᕇᕐᒪᓪᓗ ᑐᓂᕐᕈᓯᕐᐳᑦ ᐆᑕᒃᓴᓂᒃ ᓂᐊᖂᔭᒃᓴᓂᒃ ᐆᒪᔪᓂᒡᓗ ᖁᐃᒃᓯᑦᓯᐊᕆᓯᒪᔪᓂᒃ ᑐᓂᕐᕈᑕᐅᑎᓪᓗᒋᑦ ᑐᒃᓯᐊᕐᓂᕐᒧᑦ. ᑍᒤᓕᐅᕈᑎᒋᕚ ᑖᓐᓇ ᑐᓂᕐᕈᓯᕐᕕᒃ ᑲᓐᓄᔭᖅ ᐱᑦᔪᑎᒋᓪᓗᒍ, ᒥᑭᓗᐊᕐᓂᖓᓄᑦ ᑐᓂᕐᕈᑎᒃᓴᐅᔪᓄᑦ.

ᑯᕉᓂᑲ ᐂᑉᐸᖏᑦ 33:5

ᑐᓂᕐᕈᓯᕐᕕᓕᐅᓚᐅᕆᕗᕐᓗ ᐅᓪᓗᕆᐊᓄᑦ ᐊᑕᓂᐅᑉ ᐃᒡᓗᖓᑕ ᐃᓗᐊᓂ ᑐᕐᓲᖑᔭᖏᖕᓂ ᑕᒪᖏᖕᓂ.

ᑯᕉᓂᑲ ᐂᑉᐸᖏᑦ 4:9

ᐃᒡᓗᐊᕈᓯᓕᐅᕆᕗᖅ ᑐᓂᕐᕈᓯᕐᑎᑦᓯᔩᑦ ᐃᓂᒃᓴᖏᓐᓂᒃ, ᓯᓚᑖᒍᓪᓗ ᐃᓂᒃᓴᒋᐊᓪᓚᒥᒃ ᐊᓃᕋᔭᒡᕕᖕᒥᒃ, ᒪᑐᖏᓪᓗ ᖄᐹᕐᓗᒋᑦ ᑲᓐᓄᔭᒥᒃ.

ᐃᓐᖏᕈᑎᑦ 100:4

ᑖᑦᓱᒪ ᐃᑎᕐᑕᕐᕕᖓᒍᑦ ᐃᑎᕆᑦᓯ ᖁᔭᓕᓗᓯ, ᑐᒃᓯᐊᕐᕕᒃᔪᐊᓪᓗ ᐱᕕᑐᓂᖓᓂ ᓂᕐᑐᕐᓯᐅᒃ! ᖁᔭᒋᓗᒍ ᐊᑎᖓ ᓂᕐᑐᕐᓯᐅᒃ!

ᐃᓐᖏᕈᑎᑦ 116:19

ᐊᑕᓂᐅᑉ ᐃᒡᓗᖓᑕ ᐃᑦᔪᕐᓁᑦᑐᕕᖁᑎᖓᓂ, ᐃᓕᖕᓂ ᔨᕉᓴᓕᒻ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 84:10

ᐅᓪᓗᒥᒃ ᐊᑕᐅᓯᕐᒥᒃ ᑐᒃᓯᐊᕐᕕᒡᔪᐊᑉ ᑐᕐᓲᖓᓃᓪᓗᓂ ᐱᐅᓂᕐᓴᐅᕗᖅ ᐅᓪᓗᓂᒃ 1,000ᓂᒃ ᓇᓂᑐᐃᓐᓈᕋᔭᕐᓂᕐᒥᑦ. ᒎᑎᒪ ᐃᒡᓗᖓᑕ ᐃᑎᕐᑕᕐᕕᖓᓂ ᑲᒪᔨᐅᖔᕈᒪᒐᔭᕐᐳᖓ; ᐱᐅᖏᑦᑐᑦ ᐊᖏᕐᕋᖏᓐᓂ ᐊᑯᓂ ᐃᓂᖃᕋᔭᕐᓂᕐᒥᑦ.

ᐃᓐᖏᕈᑎᑦ 92:13

ᑲᓐᖓᕐᓲᑎᒋᔭᐅᓯᒪᖕᒪᑕ ᐊᑕᓂᐅᑉ ᐃᒡᓗᖓᓂ, ᐱᕈᓕᕐᓂᐊᕐᐳᑦ ᒎᑎᑦᑕ ᐃᒡᓗᖓᑕ ᐊᕙᑖᓃᑦᑐᒥ.

ᒨᓯᓯ ᐂᑉᐸᖏᑦ 27:10

ᓇᐸᔪᖃᕐᓗᓂ 20ᓂᒃ ᑖᒃᑯᐊᓗ ᑐᓐᖓᕕᖃᕐᓗᑎᒃ 20ᓂᒃ ᐊᑐᓂᑦ ᑲᓐᓄᔭᐅᓗᑎᒃ, ᓇᐸᔪᖏᓪᓕ ᓂᒃᓯᖃᕐᑐᒃᓴᐅᕗᑦ ᓯᐅᓪᕕᕆᓂᒃ ᓂᒃᓯᒡᕕᖏᓪᓗ ᐃᑳᖓᔪᑦ ᓯᐅᓪᕕᕆᐅᖕᒥᓗᑎᒃ.

ᒨᓯᓯ ᐂᑉᐸᖏᑦ 35:17

ᑐᐱᐅᓪᓗ ᓯᓚᓪᓕᐅᔭᖓᑕ ᐊᕙᓗᒃᓴᖏᑦ, ᓇᐸᔪᒃᓴᖏᑦ ᑐᓐᖓᕕᒃᓴᖏᓪᓗ; ᑐᐱᐅᓪᓗ ᓯᓚᓪᓕᐅᔭᖓᑕ ᐃᑎᕐᑕᕐᕕᖓᑕ ᑖᓗᑕᒃᓴᖏᑦ;

ᒨᓯᓯ ᐂᑉᐸᖏᑦ 36:17

ᓯᓈᒍᑦ 50ᓂᒃ ᐳᑐᓕᖕᓂᒃ ᓴᓇᒋᕗᑦ ᑕᕝᕘᓇ ᑭᖑᓪᓕᕐᐸᐅᔪᒃᑯᑦ, ᑍᒫᑦᓮᓐᓇᕐᑕᐅᖅ ᐂᑉᐸᖓ 50ᓂᒃ ᐳᑐᓕᐅᕐᐰᑦ ᓯᓈᒍᑦ.

ᒨᓯᓯ ᐂᑉᐸᖏᑦ 39:40

ᑐᐱᐅᓪᓗ ᓯᓚᓪᓕᐅᔭᖓᑕ ᐊᕙᓗᒃᓴᖏᑦ ᓇᐸᔪᒃᓴᖏᑦ ᑐᓐᖓᕕᒃᓴᖏᓪᓗ; ᑐᐱᐅᓪᓗ ᓯᓚᓪᓕᐅᔭᖓᑕ ᐃᑎᕐᑕᕐᕕᖓᑕ ᑖᓗᑕᒃᓴᖏᑦ ᑐᐱᐅᓪᓗ ᓄᖃᕐᑑᑎᖏᑕ ᐸᐅᒍᐊᒃᓴᖏᑦ ᓄᖃᕐᑑᑎᒃᓴᖏᓪᓗ; ᑐᐱᐅᓪᓗ ᓯᓚᓪᓕᐅᔭᖓᑕ ᓄᖃᕐᑑᑎᖏᑕ ᐸᐅᒍᐊᒃᓴᖏᑦ ᓄᖃᕐᑑᑎᒃᓴᖏᓪᓗ;

ᒨᓯᓯ ᐂᑉᐸᖏᑦ 40:33

ᑕᕝᕙ ᑐᐱᐅᑉ ᑐᓂᕐᕈᓯᕐᕕᐅᓪᓗ ᓯᓚᑖᒍᑦ ᐊᕙᓗᓕᐅᕆᕚ, ᑕᒪᑐᒪᓗ ᑐᐱᐅᑉ ᐊᕙᓗᐊᑕ ᐃᑎᕐᑕᕐᕕᖓᑕ ᑖᓗᑕᒃᓴᖓᓂ ᐋᖅᑭᒃᓯᒋᕗᖅ. ᑕᕝᕙ ᒨᓯᓯᐅᑉ ᐱᓇᓱᐊᕆᐊᓕᓕᒫᓂ ᐱᔭᕇᕐᐰᑦ.

ᒨᓯᓯ ᐂᑉᐸᖏᑦ 40:8

ᐊᕙᑖᓄᓪᓗ ᑖᓗᑕᖏᑦ ᐋᖅᑭᒃᓗᒋᑦ ᐃᑎᕐᑕᕐᕕᖓᓄᓪᓗ ᑖᓗᑕᖓ ᐋᖅᑭᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 40:14

ᐃᒡᓗᕈᓯᖅ ᓱᓪᓗᑯᑖᑉ ᐃᓱᐊᓃᑦᑐᖅ ᐊᓂᕕᖕᒧᐊᖓᔪᖅ ᐆᒃᑐᕋᕐᒪᒍ; ᓴᓂᒧᑐᓂᖃᕐᐳᖅ 34ᓂᒃ ᐃᑎᒐᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 40:17

ᑕᕝᕙ ᑖᑦᓱᒪ ᑐᕐᓲᖑᔭᕐᒧᐊᕈᑎᕚᖓ ᓯᓚᓪᓕᕐᒧᑦ; ᑕᑯᒋᓪᓗ, ᐃᒡᓗᕈᓯᕐᑕᖃᐅᕐᐳᖅ 30ᓂᒃ, ᐊᕙᓗᕐᔪᐊᑉ ᐃᓗᖔᖓᓃᑦᑐᓂᒃ; ᐃᒡᓗᕈᓰᓪᓗ ᓯᕗᕋᓕᒫᖏᑦ ᕿᑯᕐᓯᒪᔪᒥᒃ ᓇᑎᓕᐅᕐᓯᒪᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 40:20

ᑕᑯᒋᓪᓗ, ᓯᓚᓪᓕᕐᒥ ᑐᕐᓲᖑᔭᕐᒥ ᐃᑎᕐᑕᕐᕕᒃᑕᖃᕐᐳᖅ ᐅᓐᓄᐊᓪᓗᐊᒧᑦ ᓵᓐᖓᔪᒥᒃ, ᑖᑦᓱᒪᓗ ᐆᒃᑐᕋᕐᐹ ᑐᑭᒧᑦ ᓴᓂᒧᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 40:23

ᐃᑎᕐᑕᕐᕕᒃ ᐅᓐᓄᐊᓪᓗᐊᑉ ᓇᓛᓃᑦᑐᖅ, ᓯᕿᓂᐅᓪᓗ ᓄᐃᕕᐊᑕ ᓇᓛᓃᑦᑑᖅ ᐃᑎᕐᑕᕐᕕᒃ, ᑐᕐᓲᖑᔭᕐᒧᑦ ᐃᑎᕐᑕᕐᕖᒃ; ᐆᒃᑐᕋᕐᒪᒋᒃ ᐊᑯᓐᓂᖏᒃ ᐃᑎᕐᑕᕐᕕᖕᒧᑦ ᓴᓂᒧᑐᓂᖃᕐᐴᒃ ᐃᑎᒐᖕᓂᒃ 168ᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 40:28

ᑕᕝᕙ ᐅᓪᓗᓪᓗᐊᑉ ᓇᓛᓃᑦᑐᒧᑦ ᐃᑎᕐᑕᕐᕕᖕᒧᐊᕈᑎᕚᖓ, ᐃᑎᕐᑕᕐᕕᒡᓗ ᐆᒃᑐᕋᕐᒪᒍ; ᐊᖏᓂᖓ ᐊᑦᔨᒋᔭᐅᕗᖅ ᐆᒃᑐᕋᖃᑦᑕᖅᑲᐅᔭᖏᓐᓄᑦ ᐃᑎᕐᑕᕐᕕᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 40:32

ᐊᖑᑎᐅᑉ ᐃᑎᕐᑕᕐᕕᒃᒨᕐᑎᑉᐹᖓ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᐃᑎᕐᑕᕐᕕᒃ ᐆᒃᑐᕋᕐᒪᒍ; ᐊᑦᔨᒋᔭᐅᕗᖅ ᐊᓯᖏᓐᓄᑦ ᐆᒃᑐᕋᖃᑦᑕᖅᑲᐅᔭᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 40:44

ᑕᕝᕙ ᑖᑦᓱᒪ ᑐᕐᓲᖑᔭᕐᒧᑦ ᐃᓗᕙᓯᖕᓂᕐᓴᒧᐊᕈᑎᕚᖓ, ᑕᑯᒋᓪᓗ, ᑕᕝᕙᓂ ᐃᒡᓗᕈᓯᕐᑕᖃᕐᐳᖅ ᒪᕐᕉᖕᓂᒃ ᑐᕐᓲᖑᔭᕐᒧᑦ ᐊᓂᕕᖃᕐᑑᖕᓂᒃ, ᐃᑎᕐᑕᕐᕕᐅᑉ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐅᓪᓗᓪᓗᐊᑉ ᓇᓛᓄᑦ ᓵᓐᖓᕗᖅ, ᐃᒡᓗᕈᓯᐅᓪᓗ ᐱᖃᑖ ᐅᓪᓗᓪᓗᐊᑉ ᓇᓛᓃᑦᑐᖅ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 42:3

ᑕᒪᑐᒪ ᐱᕕᑐᓂᖓ 34ᓂᒃ ᐃᑎᒐᖕᓂᒃ ᓴᓂᒧᑐᓂᖃᕐᐳᖅ ᑐᒃᓯᐊᕐᕕᒡᔪᐊᑉ ᑭᒡᓕᖓᓃᑦᑐᖅ, ᑐᕐᓲᖑᔭᒧᑦ ᓯᓚᓪᓕᕐᒧᑦ ᖁᐊᕐᑎᑕᒐᓕᖕᒧᑦ ᓵᓐᖓᓪᓗᓂ, ᓇᑎᖏᓪᓗ ᑖᒃᑯᐊ ᐱᖓᓲᓕᖅᑲᖓᕗᑦ ᖁᓕᕇᖑᓪᓗᑎᒃ.

ᒨᓯᓯ ᓯᑕᒪᖏᑦ 3:26

ᑐᕐᓲᖓᑕᓗ ᐃᑎᕐᑕᕐᕕᖓᑕ ᑖᓗᑕᕐᔪᐊᖓ, ᑐᕐᓲᖕᓂᓗ ᓂᕕᖓᔪᑦ ᑐᐱᕐᔪᐊᑉ ᐊᕙᓗᐊᓂᒃ ᓈᔨᓯᒪᔪᑦ ᑐᓂᕐᕈᓯᕐᕕᐅᓪᓗ ᐊᕙᓗᐊᓂ, ᐃᐱᐅᑕᖏᓪᓗ, ᑖᒃᑯᓄᖓᓗ ᑐᕌᕐᑐᓕᒫᑦ.

ᒨᓯᓯ ᓯᑕᒪᖏᑦ 4:26

ᑐᕐᓲᖓᑕᓗ ᐃᑎᕐᑕᕐᕕᐅᑉ ᐅᒃᑯᐊᖓᓂᒃ, ᑐᕐᓲᖓᓂᓗ ᓂᕕᖓᔪᓂᒃ ᐊᕙᓗᐊᓃᑦᑐᓕᒫᓂᒃ, ᑐᓂᕐᕈᓯᕐᕕᐅᓪᓗ ᐊᕙᓗᐊᓃᑦᑐᓂᒃ, ᐃᐱᐅᑕᖏᓐᓂᒡᓗ, ᐱᐅᓴᐅᑎᖏᓐᓂᒡᓗ ᑕᒪᒃᑯᓂᖓᓕᒫᖅ ᓴᓇᓯᒪᔪᓂᒃ: ᑍᒫᒃ ᐱᔨᑦᓯᕈᑎᖃᕆᐊᖃᕐᐳᑦ.

ᒨᓯᓯ ᓯᑕᒪᖏᑦ 4:32

ᑐᕐᓲᖓᑕᓗ ᐊᕙᑖᓂ ᓇᑉᐸᒍᑎᖏᓐᓂᒃ ᐃᓕᕝᕕᖏᓐᓂᒡᓗ, ᐸᐅᒍᐊᖏᓐᓂᒡᓗ ᓄᖃᕈᑎᖏᓐᓂᒡᓗ ᐱᐅᓴᐅᑎᓕᒫᖏᓐᓂᒡᓗ ᐱᔭᕆᐊᖃᕐᑐᓕᒫᓂᒃ ᑖᒃᑯᓄᖓ; ᐊᖑᑎᓪᓗ ᐊᑐᓂᑦ ᑎᓕᔭᕆᐊᖃᕐᐸᑎᑦ ᐊᑎᖏᑦ ᒪᓕᒡᓗᒋᑦ ᓱᓇᒥᒃ ᐊᒡᔭᕐᓯᔭᕆᐊᖃᕐᒪᖔᑕ.